影片
更多
2011-03-06
72 浏览
財爺派六千，有人急不及待即買國泰平機票遊東瀛，有人就對教主科技潮物虎視眈眈，亦有龍友趁機換裝，而我卻希望可以食魚生食個痛快。不過錢一日未到手，一日都唔想發白日夢住，所以只可以繼續到銅鑼灣充大頭鬼，食平價午市優質壽司套餐。位於銅鑼灣渣甸中心嘅天膳，其實去年睇過雜誌介紹後，一直都好想黎試，但我成日都被澳門逸園果邊嘅食肆牽引，搞到遲遲未能成行，今日再次心血來潮，非要到天膳去不可...天膳午市套餐款式好多，其中最受歡迎一定係自選壽司定食($150)，由柯打紙剔選十款不同嘅壽司，定食跟前菜，麵豉湯，茶碗蒸及甜品，價錢非常抵食。可惜今次見到紙上已知牡丹蝦沽清，但又唔想要普通甘海老，所以今次係我破例在壽司定食上無蝦出現。侍應先送上熱辣辣嘅茶碗蒸，麵豉湯及前菜。茶碗蒸如常有銀杏，雞肉，冬菇等，入口清甜滑溜，蛋香十足。前菜沙甸魚感覺好似罐頭茄汁沙甸一樣，檔次唔高但令人回味無窮，好味。麵豉湯味道較濃郁，鹹淡度適中，湯入面豆卜、海帶及豆腐粒都幾多，令人相當滿足。我自選十款壽司包括大吞拿魚腩，中吞拿魚腩，油甘魚，赤貝，帶子，勘八，海膽，三文魚籽，池魚同埋碎花蔥吞拿魚腩卷。可惜規定唔可以要相同款式，否則一定多點
位於銅鑼灣渣甸中心嘅天膳，其實去年睇過雜誌介紹後，一直都好想黎試，但我成日都被澳門逸園果邊嘅食肆牽引，搞到遲遲未能成行，今日再次心血來潮，非要到天膳去不可...天膳午市套餐款式好多，其中最受歡迎一定係自選壽司定食($150)，由柯打紙剔選十款不同嘅壽司，定食跟前菜，麵豉湯，茶碗蒸及甜品，價錢非常抵食。可惜今次見到紙上已知牡丹蝦沽清，但又唔想要普通甘海老，所以今次係我破例在壽司定食上無蝦出現。
侍應先送上熱辣辣嘅茶碗蒸，麵豉湯及前菜。茶碗蒸如常有銀杏，雞肉，冬菇等，入口清甜滑溜，蛋香十足。前菜沙甸魚感覺好似罐頭茄汁沙甸一樣，檔次唔高但令人回味無窮，好味。麵豉湯味道較濃郁，鹹淡度適中，湯入面豆卜、海帶及豆腐粒都幾多，令人相當滿足。
我自選十款壽司包括大吞拿魚腩，中吞拿魚腩，油甘魚，赤貝，帶子，勘八，海膽，三文魚籽，池魚同埋碎花蔥吞拿魚腩卷。可惜規定唔可以要相同款式，否則一定多點幾件大吞拿魚腩同海膽，當然世事梗係無咁完美啦，但百幾蚊可以選取到十件呢個級數嘅壽司，絕對超值！
點選大吞拿魚腩絕對係每位食客到來指定動作，試諗下去連鎖迴轉壽司食大吞拿，起碼都要三十幾四十個大洋，依家百幾蚊就可以十位佳麗中選其一親香澤，實在無唔點嘅理由。大吞拿魚腩油脂豐富，入口甘香無比，雖然咬落有筋，但無阻魚脂在口內體溫下慢慢溶解釋放，非常好味！中吞拿魚腩脂肪雖不及大吞拿魚腩豐沃，但肉味以濃厚取勝，兩者雖在於腹部前後部分，卻係不一樣嘅口感，有趣！
三文魚籽狀態相當良好，顏色係最誘人嘅螢光橙色，經調味後嘅魚籽咬落卜一聲爆開，鹹鮮味一湧而上，好味！可惜依家唔係食筋子嘅季節，否則應該會忍唔住另叫一客。海膽同樣係大家指定點選動作，入口鮮甜味美，如期精彩，不過唔算有特別驚喜。至於其他壽司水準屬於合理水平，始終午市都係提供隔夜貨色，所以味道都唔會太鮮味濃郁，但總算係超額完成。
最後以生果及芝麻雪糕作結，非常滿意。服務方面，網上對某年長女侍應似乎有不少負面評價，但今次所見真人並非果種白鴿眼，只係唔會經常將笑容掛面上果種，服務態度仍然係友善細心，特此為佢平反一下。天膳在午餐已帶俾我如此感動嘅味覺體驗，心想晚間供應更新鮮嘅食材，定必更精彩，有機會真係要再黎試一下，或者要等財爺先出手救濟吧～！
张贴
