天機棧 (已搬遷) 新店位置

睇d人寫到高人咁勁,我專登去食夠minimum charge 150蚊,去問佢野的..booking的時候講明問命理係問5-10分鐘的.fine..講明0左ma真正問野問0左好少時間..有3分鐘掛..其他時間都係講下點樣specific的問一個問題,高人又marketing下自己批一次命要點收錢etc..野食就好一般啦..個菠蘿桂花特飲,我只係飲0左兩啖..佢個味係..我唔識形容呀...好怪..個焗蠔唔新鮮..無咩係好食的..唔怪得知無咩人食啦..夜晚7點幾可以得3個客..

阿J最近係雜誌搵到呢間餐廳,廣告上寫消費滿$150就會有免費睇8字,一見到呢篇廣告,已經立即通知神婆花花,於是阿J相約阿A及花花齊齊去八卦一下,先講環境,其實都不錯,感覺上都好乾淨,唔會有好迫既感覺,或者係時間早既關係,客人都唔係太多。餐牌上的大部份食物都同天機有關,我地3人點了天機雞扒,天機豬扒&天機炒飯,據店員所講,菜色味道會次次都唔同,視乎當日廚師想整乜野味道,我覺得呢樣幾好,可以keep住有新鮮感比客人,食物味道方面,真係幾好味,好似豬扒,係吉列豬扒,中間有塊煙三文魚,食落又幾得意喎,雞扒醬汁甜甜地,好好味,炒飯有菠蘿,腸仔,豬肉等等,有好徇既甜味,好味呀!不過我就覺得個白飯麻麻地,一舊舊咁,就食物味道方面,非常不錯!飲品點了招牌咖啡,拖肥咖啡,梅味的花茶,咖啡味道ok,都幾滑,花茶好大壺,花花話好抵飲,甜品有朱古力mousse cake,味道一般,可能我不太好朱古力。吃飽飽後,有位師父幫花花睇8字,個日師父心情不太靚,花花就話大概都幾準,不過佢只會睇5-10分鐘,所以問野唔可以太深入喎,佢地係每消費$150就會幫一位睇,所以今次既quota讓左比神婆花花。個度其實有好多命理書

今日收工後約了朋友食飯，仲未稔掂去邊度食，剩係約咗喺旺角等。由於收工早咗，所以早到咗地鐵站，於是係七仔睇吓雜誌，無意中發現有一本叫命理王嘅雜誌，覺得幾得意，見到話一間叫\"天機棧\" 嘅樓上咖啡室(廣告)，因為主持人對命理有研究，所以間中有舉辨免費命理講助，而有些時段更有免費為客人命理諮詢。無乜打算要「隨緣免費命理諮詢」(結果都冇)，但心想起碼同朋友可以多一個話題，於是去試吓。其實以價錢來說是不便宜，但亦唔太貴，一個牛扒套餐\一百蚊左古，水準中等冇乜驚喜，但起碼個湯(金必多忌廉湯)都係有水準，用足料唔係豆粉水，還算可以接受。最好係今日生意唔多，得兩台客，所以可以慢坐，又有雜誌提供(新地、命理王等)，算唔錯嘞！但我朋友叫咗個叫做\"香草Rosemary燒雞\"，上菜發現是雞扒唔係成隻嗰 d，有d 失望。唯一要彈的是佢\個廁所細到肥佬一定入唔到，真離譜，但總算幾清潔。

大約一星期前, 我閱讀一本命理雜誌, 入面介紹此餐廳, 相當吸引我, 原因係一句說話-- 「隨緣免費命理諮詢」! 我立刻相約喜歡玄學的友人, 到此餐館走一走吧!「天機棧」係一間樓上餐廳, 嚮朗豪坊附近, 唔算大, 大約可容納二十至三十個客人, 入面環境企理, 當日我和友人於下午時光顧, 因為我地仲好飽, 只隨意點了一份公司三文治以及一些凍飲.而或者真係有點緣份吧, 我地真的遇上這裡的老闆-- Vincent, 而他亦願意研究一下我們的八字, 他的說話頗準確, 例如佢話我朋友嚮2001年和他已到談婚論嫁的女友分手, 而分手的原因是因為女方有第三者, 真的很準! 更令我們驚訝的是, 係年份(2001年)亦正確! 至於Vincent說我朋友的其他事情, 大多也很準確, 當然亦有少少地方說錯了.講返食物吧! 公司三文治餐要$30, 質素同一般茶餐廳差不多.後記: 早兩晚我再到「天機棧」食晚飯, 點左個雞扒意粉餐, 大約$80, 質素唔錯! 其實我覺得如果你成日出旺角的話, 可以考慮到「天機棧」食飯, 食物質素ok, 唔算貴, 有緣的Vincent仲可能贈你兩句. ^_^