天天見麵 (已結業)

以我食過咁多間既麵黎講呢間都算No.1雖然間鋪就細D坐位就少左D但係呢度既野食真係得我最鐘意係度食雲吞滑牛麵架喇因為呢度最得既就係D雲吞勁足料~裡面真係有勁多隻蝦而且非常鮮味再黎就係鮮牛我真係好少係出面食麵既地方係會有滑牛既而且唔係吹水~D牛肉真係好滑至於麵呢~我今次叫左個粗麵佢煮既時間岩岩好唔會太"林"或者太"un"Good!!以前食雙拼$19尋日再食已經加到$21不過以呢個價錢黎講都仲係抵食丫推推推!!…查看更多

今日返晏就就去試下e間天天見麵哈哈~個夠又幾特別bo!!!簡單單食完就走得*其實就咁睇環境都算乾淨，係燈光暗左少少我同朋友分別叫左牛丸麵同雲吞麵。雲吞麵無咩鹼水味,不過好鬼死重味精!!!平時落好多醋既我~今日都一樣!!!但係真係太多味精，好唔健康-.-d雲吞係足料，唔知係未佢自己包既呢???但衰在鹹左少少!!!價錢都係算係咁!!!朋友的牛丸麵來貨野!!佢話無咩特別!!!都食得落好醫飽個肚wo!!~價錢都算平....不過就飲左好多水應該唔會再去~…查看更多

每次去金魚街都經過這店, 以前也喜歡吃鮮牛肉撈麵, 不過詬病它的蠔油下得少:(, 湯底又欠佳:(, 提不起興趣, 今天經過發覺往日的爆棚現象已不再, 下午三時多, 只有小貓兩三隻.懷念這裡的大雲吞, 於是大步入內, 來一碗雲吞麵可也. 師傅爛得閒, 兩分鐘有得吃, 雲吞雖然算大, 有三隻, 郤比印象中小:(, 咬開時味道還沒甚麼不妥, 味精是這裡的主角, 當然不少. 蝦沒有鮮味:(, 很爽, 和豬肉的比例約莫一比一, 麵很爽, 沒有梘水味, 湯還是味精水, 不行:(.這碗麵說明了生意愈做愈縮的原因. 今天晚上狂飲水還口渴到爆炸, 難道味精不要錢???…查看更多

即係咁, 小妹都係愛粉麵之人一黎貪平, 二黎有咩好得過清清地食碗粉麵加碟油菜呢?所以我平均每去一區都最少幫趁一間未去過既麵店印象中我都見過天天見麵, 聽講都幾出名咁咪入左去囉, 點知就中晒計勒!佢係就係好平, $12 一碗單拼粉麵香港來講都難做但平又點丫?! 我食過好幾間$12-14 水位既都好呢間一百倍我同男友分別叫魚旦河同魚旦麵, 麵無咩問題, 係靭左D, 但魚旦真係... 有無理由會一D魚味都無?!我男友果碗更慘, 河粉又散又唔好食能夠將一兩味最基本既粉麵整到咁都可以話係「極致」了WELL, 最後結論係, 我地蠢左, 因為人地招牌都寫明係雲吞根本無話過其他野會好食WO! 食完好似咩都無落過肚, 以為自己咀刁但連男友無咩要求都話垃圾, 如果你信笑臉數目想去一試既話請你唔好試魚旦, 如果唔係你都會一樣咁鬧-完-…查看更多

初時諗住唔寫,但又search到,仲要咁多個笑!!!?????忍唔住要反一反!去雲吞麵店,預左坐得逼逼夾夾。我和姊姊坐的那張枱,就是「通道枱」。很多搭枱的人,一見另有吉位,便o拿o拿聲調位,店員阿姐,見狀不耐煩,話左幾句,跟住那食客又爆粗。環境令人好想即時離場:(。我見牆上「餐牌」有「潮式魚蛋」,咪叫個「潮式魚蛋」米粉(有很多乾蒜那種)。來到,我見是一碗清湯魚蛋粉,我話我要「潮式魚蛋」米粉喎,阿姐話:「我地得一個式架咋,無其他式。」我:「……。」咁就唔好咁寫啦!姊姊食鯪魚球雲吞米。鯪魚球和雲吞都好好食,尤其雲吞,好大隻蝦。但係個基本湯底,淡而求其,米粉又硬。加上服務,與側邊不停聽到不滿的吵聲,真叫人怕怕。…查看更多

在昨日之前,我和幾個朋友都經常去這間麪店吃午餐價錢相當合理 , 而且做事很快手 , 二話不說便將食品送到面前其實一向都知道店主和店員的態度不太好一些朋友吃得快的...也被他們叫了出去等待未吃完的人有次 其中一個朋友沒有點菜 , 就被店主埋怨了句這次 我並不肚餓 但又想與朋友一起 , 就隨便叫了碟油菜店主第一時間說:「以後唔好比位佢。」我愕然了會...心想:「也算吧。」　　(我不過是第一次只叫菜...而且我們時常來吃的呢)其後還在我背後對店員細聲說:「琴日食左九大簋。」以為我們不明白嗎??只是不與你們爭論居然這樣說顧客的壞話......大家不想連食飯都要受氣的話 , 最好不要去那兒吃飯b]…查看更多

旺角, 天天見麵, 幚襯了很多次. 每次都做到一樣水準.今次吃了~雲吞牛肉麵. 牛肉 ok. 最出色是他的湯底. 好香甜! …查看更多

我出街甚少會食魚蛋粉，因為普通麵店通常都唔會用上等貨，結果就會食到好難食嘅魚蛋。但由於我上次黎食麵時見到隔離個師奶食魚蛋粉，d魚蛋望落幾似樣，於是今次我就試吓！要了碗魚蛋河。一碗有四粒魚蛋，每粒都圓氹氹，雪白。無呃人喎！d魚蛋真係幾彈牙，又有魚味，無骨，讚！加埋辣椒油食，好得！好食過墨丸，下次黎會再食魚蛋。…查看更多

一個人食晏，揀咗食碗麵，咁就無咁飽，仲可以去飲珍珠奶茶。大概十二半去到，都幾多人。要了碗牛丸墨丸河 ($16)，雙拼都只係$16，相當抵食。份量ok gar, 雖然平，但都唔會太少，女生一定夠飽。有3粒牛丸同2粒墨丸。牛丸雖不算十分彈牙，但就好有牛味。而墨魚丸就比較淋，有少少墨魚味，不過做無咩墨魚粒，粉多得滯。河粉唔會太淋，幼滑；湯底有味精。見好多人食魚蛋，等我下次都試吓先！…查看更多

旺角 [天天見麵] . 每次經過都會入去吃他的雲吞麵.最好的是他的雲吞麵湯底.很香甜. 有別於一般雲吞麵館.而今: 雲吞麵 $15 雙拚 $19雲吞可口, 東菇野味. 不過有D 意見想講~我從來不喜歡雲吞, 水蛟 包得大大隻. 好難控制生熟,無食物文化兼破壞口感. 食時撐到個口權頭咁大. 口細, 咬開又散晒系湯度. ..食到一塔胡塗!而家個個包到咁大. 真唔明. 有 mug 好.:(…查看更多

久聞此店大名，廿幾個笑面，以十五元一碗雲吞麵店來說稱得上經典。是日做完工事，只得廿分鐘時間叉電後再趕下場，急就章的來吃碗雲吞麵，一時許人「超多」，真的是爆場小店。甫入店聞到疑似大地魚湯味道，但坐定定後似乎又不是，見身後有部打鯪魚膠的機，就要了雲吞、鯪魚球雙拼麵。老闆與三位伙計在招呼，轉個頭有得吃了，雲吞、鯪魚球工整的放在麵上，湯底熱得接近燙嘴。湯夠熱是好事，起碼雲吞吃落口唔會出現「即時性」腥味，幾粒啤水啤到無味得個爽的大蝦包成，唔好吃但好夠飽，比起沾仔記的好一點，起碼唔會即時有腥味感覺；包心鯪魚球，質感「實的的」非彈牙亦非鬆軟，不討好，中心位竟然是「包心陳皮蓉」，是平生首次吃到如此風味，湯底夠熱有少少甜味，下了唔少白胡椒，喝完滿頭是汗！麵餅無特別，勝在爽口又無好重鹼水味。速速吃完速速埋單，十八元一碗港式雙拼麵，作為午餐也真的夠飽有餘，走出店後舌頭回覆知覺腥味從四方八面湧來，幾難頂。…查看更多

上次試過雲吞，今次試牛丸同墨丸。不過今次要咗生嘅，用黎晚上煮面食。$23/半斤，唔貴，大概有十幾粒。兩者聞落都樂香。不過墨丸一食落口，就覺得唔太掂。好粉，有墨魚味不過無墨魚粒。一點都唔彈牙，好粉。肯定落咗好多粉。墨丸就唔會再幫襯了！牛丸反而好食d，彈牙，唔會黐牙，亦有牛味。牛丸會再幫襯，…查看更多

一向鐘情炸醬撈麵,通常會再叫多一碗淨雲吞伴食, 行過這裡門口,大大隻字貼住「招牌雲吞」同「馳名炸醬」 , 即時撩起食慾! 招牌剩雲吞----一碗四粒,每粒SIZE係大,不過未夠以前在長沙灣的自由麵食的雲吞巨型. 餡料的蝦和豬肉的比例是9:1,調味下得太重手,(一般的雲吞內裡是有加入磨成粉狀的炒香白芝麻)下得太多的話,條脷會覺得好"寡 " !蝦肉唔知有無用化學品調理過,質感仲爽過鮮蝦! 馳名炸醬撈麵----未入口已感覺不對辦!炸醬顏色呈半透明,麵條全無光擇!果然炸醬入口不酸不辣只有幾條肉絲,份量並不足夠撈勻一碟麵只吃了有汁的部份.反而麵條出奇地爽口彈牙!吃過最好味的炸醬是在澳門,雖然不喜歡吃蛋麵但也全碟食晒!價錢平、品質一般就等於好食?這種邏輯自己不會去認同,因為每個人飲食經驗不同,很難作比較,看見這裡出現最多的字眼是「好大粒」「份量多」跟著就是一個笑臉!…查看更多

又係成三點至食晏，求其揀咗呢間黎試。就試佢地最出名嘅招牌雲吞河。落單後三分鐘送到。用筷子一挑，河粉份量都幾多喎！河粉幼身細滑，不會削。有三大粒雲吞。真係幾大粒，皮薄。一咬落去，淨係食到蝦。真係成粒都係蝦，甚本上食唔到有豬肉。蝦已經被嗱到好爽，artificially 爽。仲好勁味精，食完個口都覺嗱嗱地。個河無咩味，似係味精水。奇怪就係雲吞食落好有味精，但事後又無勁渴喎！抵就係抵食，但質素就麻麻，雲吞口感太假太爽！…查看更多

以前看過這食店的食評幾好、昨日下午經過、就決定來試試真假。看見價錢真的很平、心想都唔會點樣用靚料、但試試也無妨，最後選擇了雲吞鯪魚球麵。雲吞 - 雲吞和鯪魚球都有大大的二粒、蝦雖然用了雪蝦、但都幾爽口；但餡料主要只有蝦就唔多喜歡了，和真正的雲吞餡料實在不能比。而且明顯雪了很久，雪吞皮也雪到硬了，很失敗！鯪魚球 - 鯪魚肉幾香魚味，明顯比雲吞出色。麵 - 幾彈牙爽口、但水味太濃，令感覺打了折扣。說真的，19元有這個質素還想怎樣！…查看更多