天天燒鵝皇

营业中

休息中

好耐無黎新北江搵食了，發現開咗好多新餐廳，仲有一直欠缺嘅燒味舖，今日就捧下場啦。餐廳面積較細，大約十個位，主打燒鵝及乳豬，所有燒味都自家燒製，一碟飯都唔駛五十蚊，以食燒鵝黎計算非常抵食。既然呢度主打燒鵝，當然要試下啦，今日揀咗拼叉燒，份量都幾大碟，燒味數量亦多，叉燒雖然偏瘦，但唔會太乾太硬，食落唔會鞋身，燒鵝夠肥美，皮燒得脆身，燒鵝肉多肉汁，好好味。例湯十蚊碗，今日係蕃茄薯仔豬骨湯，例湯火喉十足，感覺無落味精，飲完唔會好口渴，食完飯飲返碗都唔錯。一路食一路見有客人斬料返屋企，下次有機會真係要試下乳豬。

今日去天水圍新北江商場搵野食，入到商場已經聞到一陣好香既燒味味，行入小小就見到有間新開既燒味舖，即刻比佢既香味吸引左入去！一坐低已經比啲叉燒燒鵝吸引住，即刻叫個叉鵝飯+例湯試下，叉燒半肥瘦燒鵝多汁仲有碗足料例湯食完真係暖入心呀老闆親力親為，不斷出黎問下食客既意見，非常體貼完全感受到一份温暖！咁有心既舖頭真係越黎越少，一完會再黎幫襯！佢地仲有滷味食下次要試埋佢P.S. 啲野食一到就掛住食唔記得影相🤦🏻‍♂️

今日經過天水圍新北江商場，見到間新開的燒味店，就試下，一試有驚喜，叉燒半肥瘦，超多汁，蜜汁叉燒超好味，叉燒忘記左影相燒鵝皮脆肉嫩，超正仲有滷味值得推介，有紅腸，豬耳，墨魚，鵝掌，好味好味

呢間新舖位於天水圍新北江商場,吾洗行到埋去都會搵到。可能佢地自己有燒爐在廚房。燒烤味只要行近小小都會聞到。燒鵝睇落去已經想食，因為我見到其他鋪頭的燒鵝多數係抄晒皮，佢哋啲燒鵝脹卜卜。要排隊原因係老闆堅持燒鵝燒完之後，要等30分鐘先至賣比顧客。佢話呢個係最好時間去斬燒鵝，太早買回去之後都唔會好食，淨係呢份堅持我都覺得佢好有要求。燒鵝真係好正一定會再幫襯。

當日同老婆一齊去新北江商場吃飯，見到呢間燒味店新開張咪入去試下囉。 坐低後叫咗我至愛既乳豬切雞飯加個例湯，老婆就叫咗個燒骨飯，食落真係好好食，原汁原味，碗例湯仲係足料例湯大大碗添。後來發現原來老闆係廚房裏面即燒即賣燒味種類齊全仲有鹵水鵝掌添，老闆非常體貼， 出嚟廳面打個招呼後就趕返入廚房趕住出燒鵝比街坊，係天水圍有一間咁正既燒味店真係好少見到 見佢咁好賣，臨走前都忍唔住幫襯佢嘅招牌燒鵝，新鮮出爐，熱辣辣，今晚班frienited:新張期內仲有試食價添