影片
叫咗一份烧鹅叉烧饭，烧鹅叉烧份量适中。烧鹅尚算可以，皮脆，肉唔算多。叉烧完全入唔到口，干柴到不得了，起渣。睇介绍本来以为至少系正路嘅烧味店。非常失望，下次必定会拣其他附近餐厅。
继续阅读
普通货色,比人讲到天下无敌🤭桥唔怕旧,一样有人落搭.....一碟叉鹅饭70蚊,一碗例汤18蚊,如果唔信且,咪比一百几拾去试下啰,收钱𠮶个人无任欢迎🙏🙏卖晒就可以早D收工,睬你都傻
继续阅读
见网上好多人推介此饭店也被po出的美食相片吸引着，我又住系附近，今晚放工便特登走来食晚饭，试下闻名的烧鹅和油鸡。满心欢喜叫了烧鹅油鸡饭和冻奶茶，碟饭1上枱我脸色1沉。。点解和我在网上见到的差咁远？斩埋d系头头尾尾冇乜肉，油鸡只斩只鸡翼！唉。。心谂做饭的咪又系斩d头头尾尾。。同其他烧味舖冇乜分别，只系好食d就卖贵d啰。。点知坐我对面的男人叫了烧鹅饭，1上枱，哗。。仲乜咁啖啖肉嘅？肉类份量不单止多过我，仲要系全烧鹅+平过我碟饭！ 有冇搞错呀？真系极度怀疑呢间店系咪性别歧视？男人就份量多d正d, 女人就只斩d头尾冇肉嘅！坐多1阵，见到1家3口叫了都系鹅鸡饭，叉鹅饭，卖相都系吸引过我碟饭好多，都系啖啖肉大大碟，同样系鹅鸡饭呀！有冇搞错呀？！见佢3个好熟手咁，1定系熟客喇！熟客碟饭就靓d? 大家同样畀咁嘅价钱，但碟饭就差咁远，我呢个新客第1次来真系食到好失望啰！😢＃虽然我外型瘦削但唔驶咁对我吧！😭＃油鸡只斩1只翼当1𩠌，烧鹅起码1半系下栏嘢皮包⻣冇肉食仲要烧㶶皮，另1半就算有肉都又干又瘦＃$63 （下栏）烧鹅油鸡饭＃$9 跟餐（冇味）冻奶茶
继续阅读
第一次比负评，无论店舖有几难食，最多都系下次唔再帮衬啫，但今次真心嬲咗啰！4月29日系呢间店买咗1盒烧鹅饭同1盒义鹅饭走背，点知系等候其间就听到女店员对烧味师父讲走背㖞，烧味师父就话呢D系腩嚟，无背㖞；女店员就再话你一阵就比人投诉喇。当时都不以为然嘅！点知返到屋企打开盒饭𠮶阵见到全部烧鹅同我所认知嘅背无分别啰！（即系连女店员都分唔到，而烧味师父所讲嘅烧鹅腩啰！）$120买2盒皮包骨烧鹅腩饭，真系嬲到爆啰！真系要多谢烧味师父咁用心将全只烧鹅腩都放晒系我𠮶2盒饭度啰，同时亦自动帮我将呢间店加入我黑名单啰！
继续阅读
次次经过都见到呢间天天烧鹅皇全场满座，好耐冇食过颓颓嘅烧味饭，梗系要来食返次啦！估唔到呢到嘅烧味饭一啲都唔颓～叉烧油鸡饭💰HK$50朋友呢碟要求咗要瘦叉烧同埋豉油鸡鸡胸肉，叉烧真系旧旧都好瘦，但口感又唔会柴！鸡胸肉亦好嫩，控制紧饮食嘅人都啱食～叉烧烧鹅饭💰HK$65呢碟嘅叉烧就系半肥瘦，识食一定系食半肥瘦，外层仲有少少焦香！而呢个嘅皇牌烧鹅更加系高水准，烧鹅皮旧旧都系好脆，烧鹅肉味道亦唔会太咸，略嫌份量较少～
继续阅读