天天海南雞飯 (新城市廣場三期)

营业中

休息中

好耐冇寫食評喇，不過見今日同男朋友屋企人買咗天天海南雞飯嘅外賣，覺得幾正，所以分享吓。餐廳提供抗疫12道滋味套餐，即係日常小菜，價錢由$78至$108，額外仲有八折，主餐牌都有。其實好鬼抵食，因為仲包小食同飲品，價錢分分鐘仲平過茶餐廳。外賣packing好好，拎到返屋企完整無缺，環保袋好挺身。我哋嗌咗好多嘢食，但等候時間都好快，揸車返去即食，啲食物仲係熱辣辣。正宗海南雞 $188/中份就係之前食過呢度嘅海南雞覺得好正，今日先至有買外賣嘅衝動。佢果然冇令我哋失望，男屋企人第一次食，有讚冇彈。雞肉嫩滑，雞皮爽口，再配埋三色醬汁食，令人上癮。即使價錢貴啲，但都值得。黃金大蝦 $128呢道菜式好出色，因為炸皮酥脆，鹹蛋黃味道濃郁，帶着流沙嘅口感，又唔會過重口味。蝦肉唔係好大隻，但勝在爽彈，另外仲有炸蔬菜，綠色嘅唔知係牛油果定翠玉瓜，但好淋、好味道。臘味炒飯 $98炒飯炒得好香口，粒粒乾身分明，口感極佳，又夠入味。臘味粒幾多，係潤腸偏硬少少，老人家覺得難咬。炒飯份量有起碼兩碗白飯，如果一個人當晚飯食應該食唔晒。安格斯牛肉炒果條 $78佢即係乾炒牛河🤣？雖然河粉同粿條好似係有啲唔同，但後者就相對易

6 點唔俾堂食之後真係好頭痕，成日都要買外賣，見到呢間天天海南雞平時都$100+ 一樣菜既餐廳做特價，晚飯變相好抵食。晚餐套餐價錢由 $78 到 $108, 包主菜，一款小食，湯/飲品，外賣仲有8折！餐單有成12 款，真係好多選擇，有菜有肉有炒牛河，仲有田園粉絲煲，岩晒唔使同人爭貴菜 我地一家4 口 叫左4個套餐，安格斯牛肉炒果條（即干炒牛河），馬拉盞通菜炒牛肉，宫保蝦球，田園粉絲煲，再加一份招牌海南雞，非常豐富。 宮保蝦球有最少5隻蝦都幾足粒，而且唔太辣岩岩好，正。安格斯果條：炒得好靚，D牛肉係用靚材料既，雖然係外賣，都睇得出厨師用心之作小食試晒 4 款：涼拌青瓜，然汁油菜，子薑皮蛋，蒜蓉四季豆，樣樣都好味道飲品除左有最普通既咖啡/奶茶/檸茶之外，可選例湯，或者薏米水/恐龍美祿。我地叫左美祿，估唔到係一大樽上，係普通紙杯既 2倍份量，味道好濃好好味，大推

今日去咗呢一間天天海南雞飯度食嘢，呢一間餐廳真係非常多嘅特色，而且仲要可以食到蛇羹！於是就走咗過去試吓，呢一個花膠泰斯蛇羹真係好足料，一打開嘅時候就已經聞到好香嘅陳皮味道，而且呢度嘅蛇肉切成幼條，非常爽滑彈牙！飲完之後都覺得非常補身！

今日冬至，同屋企人兩個去沙田食海南雞，7點鐘去到餐廳巳經好多人等緊位，入座後睇下Meau先，又轉左新菜式，佢同後面四季芬芳餐廳聯手推出暖笠笠二人套餐，我地一於点黎補補身，另外哩度小籠包都幾好味，所以點左兩籠，套餐包埋兩支養生飲品選擇。1️⃣桃膠菊花桂花雪梨茶：唔係好甜，質感滑溜溜2️⃣石榴紫背天葵山楂蜜：紫紅色飲落微酸，低糖開胃。 花膠太史蛇羹：一盅仔份量，裡面超足料，唔係水汪汪，打開蓋巳聞到陣陣陳皮香氣，蛇肉切成幼條食到爽身彈牙質感，配埋木耳絲、豬肉、胡椒、薑絲、陳皮，食落美味，廣東人每逢秋冬便會食蛇身，蛇屬性溫熱，具補氣血、通經絡及祛風濕功效，尤其適合體質虛弱、風濕痹痛、四肢麻木、筋骨痛的人食用。蛇王芬生炒糯米飯：上枱既時候，我同屋企人都心諗份量甘少望落細細碗，但原來食食下都幾飽，二人份量配合係剛剛好，糯米飯面有炒香既花生、蔥花，認真望下裡面仲有點蛇肉及臘腸，飯身粘糯美味，認真交足功課，好正。 蟹粉豆苗：採用長而幼身的豆苗，配上蟹肉及蟹膏調和既醬，感覺不平凡。 正宗海南雞：半隻雞既份量，皮彈肉滑，三種醬任點，包括新加坡黑豉油、薑蓉，酸辣醬，三款點落各有特色，帶出雞肉更美味。 招牌小籠包：包

成份外賣完全係貼錢買難受 生炒糯米飯份量極細，餐牌上面寫 1-2 人份量糯米飯，但實際上只係得半碗飯！細圓碗裝左半碗左右蛇羹成碗野稀到好似溝左水一樣 ，完全無味海南雞 不負眾望，個雞完全唔好食，都係好淡，仲好嚡，仲有所謂半隻雞，成份雞無翼無髀，大約成年人一隻手掌咁多，似大家樂一份例牌既Size成餐飯我以為食緊白烚健康減肥餐，唔好話係二人餐，不如改返名做一人餐算啦 ！ 個收銀先痴線、漏左單仲要鬧返你轉頭、咁鍾意專心做外賣App單、唔好做in house 單啦！ 執左佢做食物工場會好啲！！！

平民價食米芝蓮推薦餐廳🥰嗌得開心，又食得開心🤍開咗一段時間終於嚟試天天，雖然係晚市外賣，但質素依然好，服務同嘢食都一樣高質！講食之前，講咗服務先啦🤤🤤「今時今日咁嘅服務態度，真係好好！🥺」。係人都知間餐廳主打海南雞，但原來佢哋有分兩款唔同嘅雞，問落先知有大不同，聽完就覺得佢哋啲員工好專業，之後仲介紹我哋可以試邊款，又因應我哋有幾多人再介紹其他菜式🥰（receptionist 姐姐係我哋等嘅時候仲好主動問我哋⋯你哋幾多號 幫你留意吓🥺我很開心正題！今晚前菜 小食 主食 甜品 飲品齊晒，兩個人份量都係五百幾蚊🥰：芥末花螺&手拍青瓜🤤開胃一流，一個酸一個辣，份量接近成碗湯咁多。份花螺攞上手重到嚇左一嚇。no.7黃金軟骨🤤鹹蛋黃lover岀動！差唔多每一粒雞軟骨都有沾上鹹蛋黃，美中不足就係返到屋企就已經凍哂，想下次堂食試多次👉🏻👈🏻但係仲做到脆皮！！馬來風光🤤參巴辣椒炒通菜，配上蝦乾，正常發揮嘅小菜，不過就冇我想像中咁辣正宗海南雞🤤大佬推薦喎！雞味重嘅文昌雞，肉質嫩滑， 中份都好夠食，加上秘製雞汁就真係冇得彈，溫馨提示淋落去應該會好過自己點汁（一個唔小心就搶走晒啲雞味）星馬咖喱牛筋腩配白飯🤤外

呢排大家都要乖乖喺屋企食晚飯，懶得煮就出去新城市買外賣返屋企～見到呢間天天做緊八折外賣，就打算試吓佢🤣大約等咗15分鐘就有外賣，速度都算唔錯，店員亦都好有禮貌😆當然要叫佢個招牌，天天海南雞拼燒雞 ($288)🐔double雞🤣佢分開咗兩個盒裝，亦都好企理咁裝好所有醬汁，total有4盒仔😌燒雞都幾香，調味適中，我覺得唔洗點汁都ok~相比起，我更鍾意食天天海南雞，佢肉質好滑，個皮都好有彈性😆佢本身配隻雞汁都令佢更有鮮味😌當然要叫埋油飯 ($58)一齊食🍚呢個係大份嘅油飯，都夠三至四人食～呢個飯好好食，唔會過油，但係又好香🤤我都忍唔住再添咗飯🤣另外我哋亦叫咗兩個辣嘅小食😚麻辣皮蛋 ($38)啲汁係偏向杰，加埋個皮蛋黃，感覺係好濃味，都唔算太辣，幾好食😙另一個係麻辣魚皮 ($48)😌呢個個汁我覺得比皮蛋辣，個口感都好得意呀😌有幾塊好爽，冇咗爽嘅膠質都好重，唔錯😋我哋亦叫咗一個幾受歡迎嘅酸菜石斑 ($138)🐟我覺得呢個酸味都幾強～入面有好多酸菜、仲有芋絲同菇🤣魚都幾大舊，幾入味嘅，配合埋個湯嚟飲我覺得都非常之夾😋食物水準不錯，外賣仲有折，都幾抵食～仲想讚吓佢地將食物pack得好穩陣，好似酸菜

疫情之下，突然間想食海南雞，經過沙田，見到外賣自取八折，二話不說之下就買咗返屋企孝敬阿媽唔使洗碗天天海南雞（中份）黎到食海南雞既專門店，梗係要叫佢嘅招牌菜。果真雞皮唔肥但好滑，肉質亦唔鞋。雖然睇落去個樣會較雪白，但係點上獨有嘅砂礓汁、甜豉油，送飯一流。而且雞肉嘅水準令我下次好想試埋燒雞嘅味道！！筋腩雙逢無肉不歡之下就必食呢道菜，亦都係天天海南雞必要餐單第四位，醬汁好深色水，但食落口卻不覺咸，筋位有彈性，牛腩煮得一絲絲。骨香鯧魚一道功夫菜，拎到返屋企雖然凍左，但依舊食得出魚皮炸得香脆，連魚骨都脆卜卜，魚肉上灑上少少咋蔥花同蒜頭粒，食起上嚟特別香口，而且絕對唔油膩，另外配上獨特嘅甜甜酸酸既微辣汁，更加滋香。安格斯牛肉炒粿條色澤夠深，唔會好咸之餘仲帶少少甜香，安格斯牛肉片好夠淋，份量都有6-7片！呢個係晚市套餐裏面，亦都包埋一碟小菜同飲品。粉絲什菜懶得洗菜，就索性做咗個雜茶煲套餐，包埋白飯、小食、飲品，裏面有娃娃菜、雜菇、木耳，清清地可以飲埋碗湯！飲品方面除咗可以揀奶茶、例湯之外居然仲有美祿恐龍同埋薏米水可以選擇，裝落一個小樽仔度，唔使擔心拎外賣嘅時候會倒瀉！而且味道亦都唔會太甜！！👍🏻外賣

行完山之後翻沙田睇吓有咩好食😋見係聖誕節期間就食好啲食天天海南雞飯慰勞吓自己先畢竟做嘢咁辛苦！！！🔮椰子八寶🥥 $88呢個湯真係世一亦都係打卡之選好吸睛我諗佢係擺啲料係個椰子內面再用椰子水然後燉左好耐佢話係四粒鐘個湯係好好味好補好清好滋潤岩晒我尼啲經常講野既人☺️🔮松露蝦多 $68呢個真係超超超超超超超超超好味極度邪惡多士炸到好脆大蝦放係多士上面內外都係豐富既黑松露醬咬落去啖啖都係黑松露醬好jeng!!!!!👍🏻👍🏻👍🏻👍🏻👍🏻🔮支竹羊腩 $188冬天食羊腩煲就一定冇錯啦夠晒滋補羊味濃郁羊腩燜得夠腍支竹索晒啲汁 真係好惹味🔮雞油飯 $38油飯做得好好平時既我唔係點食飯尼度既飯我食晒成兜都仲想食🔮馬來風光 $88臨尾叫多左個菜食都唔錯

無晚市堂食的第四晚今日又無時間煮飯，最好就係買外賣黎到沙田，幾乎大部份餐廳都有外賣優惠外賣自取有八折就算外賣都要食天天海南雞拼燒雞 雞南雞一貫水準，滑嫩又好食，有雞味燒雞就因為凍左，無堂食咁香一樣會配埋海南雞三色醬，最愛呢間個辣醬安格斯牛肉炒果條 最估唔到炒果條炒得好有鑊氣而且又唔油，炒到條條分明，牛肉都稍多筋腩相蓮 牛筋腩煮得好軟淋，都幾入味唔錯用黎撈飯真係一流黑金叉燒 份量有點少，味道偏甜，叉燒肥瘦適中

📍天天海南雞飯📮沙田沙田正街18號新城市廣場三期 3樓329及363號舖.平時週末經過天天通常實大排長龍, 難得呢日平日放工去完一田入貨, 唔洗排隊就有得食, 又可以一解新加坡海南雞飯既相思之苦🇸🇬.脆爽海蜇 HKD78海蜇頭配芥蘭淮山, 配搭清新🤩海蜇頭夠脆口, 芥蘭淮山亦好清甜, 略嫌唔夠調味, 比較清淡正宗海南雞 中份 HKD188 配油飯（1-2人份）HKD38黎到天天無理由唔試招牌菜, 我地兩個都喜歡食海南雞, 所以叫一份中size都綽綽有餘😆🐤先講份雞, 水準之作, 雞肉嫩滑有雞味, 加上預先起晒骨, 食落啖啖肉, 雞皮簿簿地無咩肥膏, 食完都無咁大罪惡感, 點埋附帶既幾種醬汁, 邊有得輸😋食海南雞必跟油飯, 1-2份量已經勁大煲, 女仕既話分分鐘4個都夠食🤭油飯香而不膩, 粒粒分明, 而且用蓋冚住唔怕食食下凍晒黑金叉燒 HKD88叉燒肥瘦均勻, 唔會過瘦過柴, 醬汁味道豐厚亦唔會過咸, 寶係有衝動得閒想過嚟斬料返屋企加餸😏原味小籠包 HKD28賣相精緻, 打卡一流📸先將醋直接吱入小籠包, 溝埋本身既湯汁, 令成件事層次更昇華😌小籠包外皮再簿啲既話會更優秀.餐廳菜式選擇極多

之前睇滴美食博主整龍蝦麻婆豆腐，講到好好食甘，就日日想搜索睇下邊度有得食。後尾同朋友們聚餐，有人話呢間鋪有，本身都覺得奇怪，點解海南雞店會有麻婆豆腐🤣🤣原來呢間係新加坡菜，款式都好多，五止得海南雞😆😆😆坐低見到滴餐具好靚，距個菜單都好特別，好有趣味👍👍叫左個龍王豆腐，小炒王同雞油飯，有麻婆豆腐就梗係要配飯啦😏😏呢度提供茶飲，百爵茶好香，非常有飲茶feel。上菜都好快，先來個小炒王，再有飯。小炒王係乾海味炒韭菜花，滴蝦干好大條，咬落有蝦味，算比較足料架啦。不得不提一下個雞油飯，食落真係香，味道剛剛好，58一煲唔夠我同朋友食，因為太好味，我地爭住食。重頭戲就係我心心念念的龍王豆腐了，上來真係有只龍蝦，仲去埋殼的，只剩頭同尾擺盤，兩邊都係麻婆豆腐。豆腐好鮮嫩，個人感覺不夠麻辣，不過真係鮮嫩好食，龍蝦食落又新鮮。但係可能同我預期的做法不太一樣，雖然如此，龍蝦加埋麻婆豆腐一齊食都別有一番風味。正！

秋風起，又到了食蛇羹的季節。之前已經試過這裏的海南雞飯，十分高質，偶然見到他們新的套餐，見到有蛇羹食，於是這天晚上放工後和男朋友再來這裏吃晚飯。一入到去，我們二話不說就點了二人套餐，套餐包括蛇羹，海南雞，豆苗，糯米飯和飲品。人人話食蛇羹會暖身，我真的感受得到。這個花膠太史蛇羹，十份足料，有花膠、蛇肉、雞絲、木耳絲等，每一口都有很豐富的口感和材料，食完之後身體真的感到有點熱呢。來到天天一家要食海南雞啦！海南雞肉質超級滑，而且皮脆肉嫩，連雞皮一齊食都不會肥膩，我也忍不住食了好幾塊雞皮。本來我倆就很喜歡吃豆苗，秋天起到街市都會買豆苗來煮，只是不是間間街市都有的賣，可說是遇到的話真幸運呢。平時食瑤柱豆苗比較多，但這個蟹粉豆苗也真的很好吃，蟹肉和蟹膏做了茨汁，比起瑤柱我覺得蟹粉比較清新和沒那麼咸，但一樣都好好味。我個人認為去食蛇羹一定要叫生炒糯米飯，這個套餐包括了糯米飯就很岩我心意了。糯米飯很煙韌，又不會黏牙，每一粒糯米飯都沾了醬油，而且有很多花生，好吃到吃不停口，真是很邪惡呢。套餐包的四季養生飲品，我們點了核膠菊花桂花雪梨茶，和黑糖三棗桂圓薑母茶。原以為會好甜，但一點不覺得太甜，幾乎每一口雪梨

天天海南雞飯 (新城市廣場) (沙田)沙田沙田正街18號新城市廣場三期 3樓329及363號舖酸菜石斑 $138餐廳好有誠意用上石斑魚～而唔係比較平價嘅鯰魚柳！魚柳分量超多～魚皮爽口～魚肉嫩滑彈牙！唔會有細骨仔～啖啖肉正！ 湯底夠帶點酸辣～夠晒開胃～另外有芋絲同秀珍菇素左湯底好惹味！海南印象 $98口味比較清淡嘅雜菜煲～至少有三款綠色蔬菜～仲有秀珍菇～雲耳！湯底幾鮮甜～粉絲索咗湯頭好好食！燕窩燉鴿 $108原隻椰子奉上～個湯頭真係十分鮮甜！應該用上幾個鐘燉製而成！材料十足～有豬肉，乳鴿肉，螺片，桂圓，杞子～當然唔少得另上既燕窩！冬天滋補之選！脆爽海蜇 $78海蜇頭爽身夠哂咬口～份量都幾多！芥蘭頭爽脆～馬蹄片好清甜！桃膠菊花桂花雪梨茶 $22清甜滋潤～最啱秋冬天氣飲用！

天天海南雞飯，餐廳裝修都唔錯，而且用嘅器皿睇落去都幾高級幾靚，每台都有一壺熱茶，唔會收茶錢。今次叫咗一個中份嘅天天海南雞，份量唔算好多，有啲青瓜喺底，已經去晒骨，食起上嚟好方便，醬汁味道都唔錯，雞肉同招牌上面講嘅一樣，冇肥膏，啱晒注重健康嘅人。另外仲叫咗個羊腩煲，有馬蹄枝竹同埋筍做配料，羊肉非常軟熟冧滑，似係用慢煮形式烹調，羊腩位置嘅選擇都唔錯，有皮有肉，有骨有腩。仲叫咗個筋腩相逢，入邊有牛腩同埋牛筋，牛腩牛筋都炆得好冧。另外最鍾意就係佢嘅雞油飯，唔使任何餸，就咁食已經可以食一大碗，好香雞油味。