天天海南雞飯 (新城市廣場三期)

营业中

休息中

喺沙田店買咗個天天海南雞-大份 外賣一打開 份量少得驚人😱以為佢俾錯咗細份走返去問店員 話無俾錯😤份量就係相中咁 佔半個盒都無仲細過一隻手掌 又切到碎濕濕咁 啲雞皮又甩甩地食落啲肉質又勁鞋勁乾 一啲都唔好味咁嘅質素要$200幾蚊真係搶錢 超級超級唔值!!去快餐店仲好食過佢個米芝連真係唔知點得返嚟另外買咗個泡菜蠔餅 完全無泡菜味 泡菜都唔見有一粒之後有朋友試過堂食都話唔好食真無奉勸大家千祈唔好去!!!真係諗起都嬲呀!!

幾左朋友食晚飯又諗唔到食咩好，決定試埋天天嘅其他菜式枱面唔算太大，但我地只係兩個人，所以都ok,傾起計黎細細聲都聽到對方講野😁有個二人套餐，但最後都係決定散叫😎朋友第一次食天天，好難唔叫招牌菜。依個份量只係中份，但兩人食已經好夠。雞好滑嫩，冇雪味。我鐘意肉同芫荽一齊食落口，別有一番風味。朋友就鍾意點中間橙色嘅辣椒醬，佢覺得好好食。叉燒係真正嘅肥瘦相間，入味得黎但又唔會太鹹，而且肥肉嘅部份入口即化，唔會有肥膩嘅感覺，朋友大讚小籠包叫咗一籠原味，一籠黑松露味道。要讚嘅係佢嘅設計，點醋時佢唔會好似其他店舖咁樣，只係個皮沾到少少醋，依個設計可以將啲醋直接加咗入d肉餡度，解解肉嘅油膩。而且醋嘅份量啱啱好，食落會太酸。另外我哋一致認同佢嘅黑松露味都好食過原味好多，大家黎到一定要試吓！豬軟骨好軟爛，老人家食都完全冇問題！味道唔會太鹹，就算唔送飯食都冇咩問題甜品係美綠（？）豆腐花，上面嘅美綠份量幾多，大家食嗰陣可以撥開少少，咁樣會更好味。豆腐花嘅質感同平時街市買嘅豆腐花有好大嘅分別，比較嫩滑，質地有啲似牛奶布甸x豆腐花--驚喜飲杯嘢飲望落好似但其實有分別一杯係西柚一杯係桃上半部份有少少沙冰質地，溝埋一

新加玻米芝蓮推介嘅天天海南雞飯，做法正宗而且講究！其他食物嘅出品頗為出色，款式又夠多，怪難有大量捧場客！天天海南雞（中份）$158浸熟再放涼嘅雞肉，淋滿暖熱嘅秘制雞汁，無論雞脾定係雞胸，入口都一樣咁滑嫩！秘制辣醬係鮮製嘅，可以清楚嘗到鮮辣椒獨有嘅香，辣度亦更刺激！雞油飯（1-2人份） $38嗌海南雞又點少得油飯？飯底用明火煮到啱啱好，粒粒分明，仲索滿雞油嘅精華，滋味無窮！涼拌秋茄 $38茄子軟腍兼索滿醬汁，涼涼地又辣辣地，勁開胃！黑金叉燒 $88勁爆入味，仲有少少燶邊，格外香口！小炒之王 $98夠鑊氣好惹味，內含大量魚乾、蝦乾、同埋魷魚乾，鮮味爆錶，送飯一流！桃之柚柚 $38水蜜桃西柚香橙蜂蜜水果茶，做了沙冰，微甜清新！西柚雪梨 $38西柚雪梨水果茶，同樣做了沙冰，清涼消暑！

⭐️天天海南雞飯⭐️📍:沙田新城市廣場三期 3樓329及363號舖(銅鑼灣、尖沙咀、沙田都有分店)⏰:11:30am-3:30pm,5:30pm-10:00pm難得今日早收工 同👦🏻去左呢間近我公司附近既天天海南雞飯 呢到主打食新加坡菜 都幾岩我胃口🤣 成間鋪頭既風格好漫畫風 餐牌都好精緻 座位好闊落 坐得好舒服🙈🐔天天海南雞拼燒雞+雞油飯海南雞係去骨 食落去啖啖肉 呢到既特色系雞皮薄 雞肉再點埋個醬汁 味道更上一層樓🤣雞上面配左芫荽 芫荽控表示好香😂除左常見既黑醬油、辣醬同薑蓉之外，雞肉上面仲加左啲好特別既醬汁🙈個人非常推薦個黑醬油🤤超濃味 好出色🔥如果唔食得辣 建議唔好點個辣醬 因為都真系幾辣下🥲 🐥黃金軟骨超推薦 用左鹹蛋黃做調味 滿佈雞軟骨既面層 食落充滿鹹香 雞軟骨好爽脆 熱辣辣好好食！🍆涼拌秋茄冰凍而微辣既口感 食落好開胃 再加埋鹹鹹地嘅醬汁同香蒜 夏天食一流！🦪泡菜蠔烙煎得好香口 會有啲脆邊 泡菜同蠔餅異常地夾 配埋既酸辣醬好惹味！呢個必叫！🥖原味小籠包打卡一流 一上枱會有個小針管 裏面系香醋 插落小籠包裏面 等放入口個時可以吱落小籠包 咁就唔怕流晒出泥🙈皮薄餡多 肉汁充滿

一開頭坐低幾滿意，餐具幾靚、茶壺都有特色。然後叫咗幾款食物share食。兩個人叫咗海南雞、雞飯、蝦多、黃金雞軟骨，無樣嘢係上枱時係熱嘅。成枱只有熱茶係真係熱，而且味道幾好，真係幾滿意。海南雞唔去骨，肉薄，青瓜厚切，切到一碌碌，放係海南雞下面，沾滿海南雞啲不知名醬汁，唔係好啱食。黃金雞軟骨，鹹蛋味道ok，可以再重味啲，雞軟骨本身都幾好食，但係唔夠熱，同有少少濕，唔夠乾。總體味道係好食，都滿意。蝦多好香，食落好脆又唔會太乾太硬，非常好食。不過都係唔夠熱。雞飯就普通，唔明點解用個咁有質素嘅器皿裝，最後都係唔熱，整色整水。最後個茶真係幾好飲，個杯都幾輕又隔熱，冇手柄都唔會熱親手。

疫情冇得去旅行的情況下 總會好想試返d過江龍美食 沙田的天天海南雞飯第一次幫襯 位置都叫就腳 火車站出由一期行過三期左右大約十分鐘 都唔駛再上落電梯 餐廳有插畫做佈置 現代得黎又有點古式味道天天海南雞飯 （半份）加配油飯🍚 （1-2 人份）海南雞毫無懸念 入口滑嫩 點埋醬汁更加開胃 令人食指大動💕 油飯份量十足 基本上配埋其他餸菜食都冇問題👍🏻黑金叉燒 上菜的鐵板仲熱辣辣 要小心❗️不過都反映出佢的火喉 豬肉半肥瘦 比例都做得唔錯 唔會太瘦身冇左口感 成晚最吸睛的打卡菜式 - 騰雲駕霧 ✨✨✨我都好佩服諗e道菜式名的人 又真係將乾冰營造出相應的效果 將一道酸甜的咕嚕肉提升左去另一個層次🤣另外點左一個開胃小食 酸酸小辣幾惹味食完主菜都已經好飽 最後點左個豆腐花 - 花好月圓 （美碌粉）作總結個combination 都幾特別 不過食個陣要細細品味 唔好俾美碌粉濁親😚未有得去旅行之前 解一解相思夢 🫧

今次去咗試呢間新加坡米芝蓮推介餐廳環境非常乾淨企理特登影低咗本餐牌設計得都幾靚都係整成一本雜誌咁而且入面啲相都影得好靚搞到都唔知揀咩食好見到佢個小籠包咁得意插住支針筒 就叫佢嚟食啦又唔錯喎皮薄🫶🏻但個醋可以再酸啲仲叫咗呢個涼拌茄子🍆賣相好掂睇落好有食慾呢個前菜都真係幾開胃呢個芥末花螺好特別一嚟到噴哂煙咁好啱打卡味道又fresh 最正係青瓜，好爽主角嚟啦天天海南雞果然係招牌菜個人最鐘意中間個辣汁比大家睇吓舊雞好靚仲叫咗個龍蝦🦞脆米個湯好濃郁店員會幫你將啲脆米同海鮮倒落個湯海鮮入面唔單止有龍蝦仲有少少蝦同埋帶子撈勻左一齊就會變成咁，好似一個粥咁埋單嚕好搞笑，呢張相係佢門口影到你食雞啦

今日第一次在沙田新城市廣場食天天海南雞飯，以前在新加坡做野會在hawker centre 食天天，但果間係大排檔，今日呢間同樣名，但係靚裝餐廳😆今晚平日晚市，都唔駛點等位，就好快入得，在門口佢寫係新加坡米芝蓮推介餐廳我地商量左一陣正話諗住叫正宗海南雞，但店員同我地講話無哂😂😂 明明都係7點半姐，就已經無哂咁，好似超熱門好好食咁，我諗正宗海南雞係有雞翼、雞批，所以價錢都較貴一d。呢個就係天天海南雞，而唔係正宗海南雞：一樣都係標配既三種醬料：分別係黑醬油、薑蓉油、海南雞辣椒醬。隨即就去咗上呢個雞油飯，雞油飯粒粒分明，而顏色就是金黃色，飯好香👍🏻 飯量絕對夠兩個人食。另外跟住上既就係一個雜菜粉絲煲，叫海南印象，料好足，有陳腎片吊味👍🏻👍🏻黃金軟骨就係鹹蛋黃炸雞軟骨，上嗰陣時熱辣辣、好脆口、好惹味，值得一食。我哋仲叫咗跟筋腩相逢，其實就係牛筋牛腩，牛腩好林、牛根好軟腍，充滿骨膠原，正👍🏻👍🏻。呢餐食得好飽好滿足，埋單$508。

.呢間過江龍米芝蓮餐廳開左好耐，但一直冇機會試，見啲食評普遍都係幾好，咁行開沙田就過黎食個lunch啦！天天文昌雞飯套餐 ($88)正宗係海南島出名好食既雞係文昌雞，文昌雞既特徵係雞皮偏白色，如果係走地雞，雞肉嫩滑得黎又結實，同埋煮完都唔覺肥膩，帶清甜雞香味，唔似香港啲雞咁軟身冇咬感的。天天既文昌雞都嫩滑冇肥膏，雞肉未去到好結實但都唔錯既，略嫌少左雞香味。食新加坡既海南雞飯一定配備三色醬料(薑蓉、黑醬油、辣椒醬)，我食雞最愛點薑蓉😋油飯都粒粒分明，油膩感唔重還好，雞油香略為欠奉，但overall都ok既。迷你海南雞飯拼肉骨茶套餐 ($118)雖然係迷你海南雞，但雞既份量都唔少架，我食落感覺海南雞比文昌雞既肉質更淋身、軟身少少，雞皮都一樣好滑，但我偏好文昌雞多啲。肉骨茶既味道偏重胡椒味，但比例冇過量，一字骨熬得啲肉好淋、夠入味。湯入面仲有豬肚、枝竹、豆卜，豬肚好滑又新鮮，好食的。整體黎講我覺得啲食物質素都中上既，雖然冇好驚艷既感覺，但都真係可一試既。餐廳環境又舒服，地方寬敞，冇限時，食物又上得快👍🏼有機會既話我都想去新加坡食正宗地道既海南雞飯🤤.味道 ★ ★ ★ ☆ ☆環境 ★ ★ ★

一直想食呢間米芝蓮推介嘅天天海南雞飯好耐架喇，今日難得見唔洗等位，當然要試試佢喇😝餐廳座位尚算闊落，坐得都好舒服，而且裝修都幾有格調㗎～松露蝦多 蝦多士炸得非常香口鬆脆，上層係滿滿爽口彈牙嘅蝦膠，中間仲有層厚厚嘅墨魚膠，用料十足，食落脆卜卜，口感十分滿足，蝦膠肉入口亦非常爽彈牙，配上表面的松露蛋黃醬，十分美味可口😋原味小籠包 小籠包賣相都十分吸引，小籠包上面插咗支小黑醋，食嘅時候唧入去，方便又過癮🤣小龍包食落皮薄餡靚，咬落去啲肉汁咇哂出嚟，餡料新鮮，正呀🤤黑金叉燒叉燒用鐵板上，可以保持叉燒的熱度，叉燒舊舊上肥下瘦，肉質軟嫩，油脂分布均勻，食落好香口，感覺到豐富嘅肉汁，配上秘製醬汁超好食！原隻波士頓龍蝦炒3.6牛乳龍蝦肉已經拆咗殼，唔使剝殼，直接就可以食到啖啖肉，真係非常方便呀🤤滿滿嘅龍蝦肉配搭北海道3.6牛乳，食落非常嫩滑，突出到龍蝦肉質嘅爽彈同鮮甜！

想食地道海南雞，唔知香港有邊間好味，咁岩朋友介紹天天海南雞，價錢都幾抵，於是即刻入去試一試。黎到梗係要試下佢地number 1 招牌菜啦！正宗海南雞拼燒雞（$298),睇圖已經好吸引啦，可以一次過試正宗嘅海南雞，亦都可以試吓呢香口惹味嘅燒雞。份量嚟講呢都算非常夠啊雞肉整體來講呢係非常嫩滑嘅，而且一啲都唔會有冰鮮味，真係值得大家一試啊！見到圖片呢個黑金叉燒（$88)非常之吸引，於是呢我哋都叫咗一個嚟試吓。一上到嚟啊已經聞到一浸好香嘅叉燒肉味叉燒入口呢係有半肥瘦嘅口感，而且配埋醬汁啊甜鹹甜鹹啊簡直係非常之好味。鍾意食叉燒嘅朋友一定要點呢個嚟食呀。最令我驚喜嘅就係呢個松露蝦多，入邊真係好多蝦，而且松露嘅香味呢令到蝦味更加突出，鬆脆嘅多士配埋蝦真係冇得彈啊。勁多水果

疫情之下晚市未恢復買外賣同屋企人喺屋企食🤪上網見到好多人推介呢間餐廳🤔試咗佢嘅外賣自取總共叫咗六個餐😝所有嘢都好高質好欣賞佢啲盒分開放粟米斑塊同炸蝦球唔會林晒外賣自取套餐好抵而家仲有八折優惠有小菜有前菜有飲品全部都分類好好個人最欣賞炒河粉同埋炒飯炒飯非常足料而且好香有好多臘腸👍🏻👍🏻炒牛肉河粉係食過咁多間餐廳最足料嘅有超多牛肉 而且好林好入味不過相對上有少少油建議可以叫小油飲品推介檸檬茶👍🏻檸檬茶加入檸檬汁唔係平時嘅檸檬片整成個感覺好清新解渴 好好飲另外薏米水都好唔會太甜激烈推介外賣自取

曾經食過天天海南雞飯覺得一試難忘，今日嚟到沙田又決定幫襯吓。今次決定試新嘢，首先就揀咗龍蝦炸米。海鮮好豐富，除咗有龍蝦肉，仲有帶子同蝦仁。餐牌上都有解說教你點食，店員仲樂意幫手處理。首先將炸米放入龍蝦湯內。然後就放入海鮮撈勻。超好味嘅海鮮龍蝦湯飯就誕生喇！炸米吸收咗龍蝦湯，仍能保持微微嘅香脆，再配合各款爽滑彈牙嘅海鮮，口感非常豐富，味道亦佳。當然都要食吓主角海南雞。之前食過天天海南雞都好出色，所以今次就揀咗另一款嘅正宗海南雞拼燒雞。正宗海南雞嘅雞皮較天天海南雞嘅厚身，口感十分爽脆，有點似海蜇，而雞肉肉質彈牙，加埋原有嘅雞汁，個人認為唔需要點黑豉油都已經夠好味。天天燒雞就皮脆肉滑，就算雞胸都一啲都唔嚡口，鍾意香口嘅朋友就一定會鍾意呢個燒雞。食海南雞就一定要配返個雞油飯，細size 1-2人份量都已經非常足夠，雞油飯香而不帶油膩感，呢個價錢相當抵食。小食就揀咗松露蝦多，份量足足有兩片方包咁大份。蝦多士上有原隻大蝦，仲有接近舖滿嘅黑松露醬。而蝦多士入面就釀滿咗墨魚膠，口感特別爽口彈牙，呢個價錢真心抵食。

因為好近朋友返工個度，就去咗食🤣其實都唔係第一次食㗎啦🫢佢啲野食質素唔錯㗎！！今晚我哋兩個唔算好肚餓，就打算叫2個餸食下就算☺️本身諗住食2人餐好抵食500內有蛇，又有糯米飯同蟹粉豆苗食，都係比較高級嘅食材！不過我個朋友就唔食蛇羮，所以就算啦！佢一見到meun有波士頓龍蝦伊麵，就話要叫！！龍蝦伊麵 $398好大碟！！原來仲有其他海鮮一齊，有蜆，尤魚，鮮蝦，豆角！質素唔錯，都尚算新鮮！！不過，主角龍蝦肉就唔算多！！佢仲有啲咖喱汁撈伊麵同我地平時食嘅芝士相比就無啲油膩嘅感覺！絕對3人份量！！！打卡都啱唒！！再叫咗個大根軟骨 $108有成4舊豬軟骨❤️好入味好淋，好食！！而且佢仲好貼心煲下面放咗個爐熱住個餸，令佢無咁易凍！加分！！！女士之選！！overall黎講間野服務態度非常好👍🏼食物高質✨

疫情嘅影響，開始習慣外賣返屋企慢慢食，之前有食過的天天海南雞外賣有8折，抵食之餘，外賣質素有保證🤤。最緊要外賣食完包好掉左，不用我洗碗😆。Order粟米斑塊配白飯，魚塊還有點脆口👍🏻，仲有黑金叉燒，很juice，不過這個叉燒岩男人食，唔岩女人食，因為有點肥膩😅，再來黃金軟骨，這個很邪惡，但真係好好食😋，再來是天天燒雞，我最鍾意佢個雞皮脆卜卜，雞肉又夠滑，還有一定要配上油飯，一個字‘正’，還有佢個爆爽檸檬茶，很適合外賣飲，佢製造方法應該係榨檸檬汁再放入雪櫃，不錯👍🏻，不得不提這間店的外賣盒很實淨，洗乾淨可以重用幾次，環保👏🏻。希望疫情快過，再出去同朋友聚餐。