天天海南雞飯 (新城市廣場三期)

营业中

休息中

天天海南雞飯係新加坡🇸🇬過江龍米芝蓮餐廳，係香港插旗主打精緻料理，無論係餐廳環境氛圍都相當舒適。最驚喜嘅係晚市都有早鳥優惠，7點前仲可以享有午餐套餐優惠包埋餐飲，真係超級高性價比👍🏻👍🏻我們就嗌咗兩個套餐加單點小菜同燉湯已經夠晒飽😆😆新加坡無骨天天海南雞飯嚟天天就一定要食海南雞飯🤭仲可以加$16轉雞髀🍗無骨海南雞肉質鮮嫩多汁，搭配濃郁香氣十足的雞油飯，完全係絕佳配搭。雞油飯吸收了雞湯的精華，每一口都充滿濃郁的香味。旁邊的經典三色甜醬油、薑油同辣椒醬更是為菜品增添了層次感，讓每一口都令人驚喜。海鮮濃蝦湯麵蝦湯湯頭濃郁，蝦味十足，鮮甜又唔會油膩。麵底麵有多款選擇，我地揀咗油麵，麵條彈牙，掛湯力一流，搭配新鮮足料嘅海鮮，有魷魚🦑、鮮蝦🦐、魚蛋、蜆、豆卜等等，入量十足，好滿足😌鮮茄汁羅氐蝦腸粉最驚喜嘅一道菜式😎茄汁大蝦用上新鮮嘅大頭蝦🦐大頭蝦超級超級鮮甜，蝦肉彈牙爽口，蝦頭嘅蝦膏超級鮮甜，搭配酸酸甜甜的鮮茄醬十分惹味，送飯一洗。腸粉微微煎香沾滿鮮茄醬🥫，仲會keep 住座熱，所以食到最尾都仲係熱辣辣嘅。真心今日MVP🏆大讚👍🏻杏汁木瓜花膠燉雞湯杏汁湯頭清甜，木瓜的天然嘅甜味同香氣與花膠的鮮味交

天天海南雞主打馬拉菜，新加坡總店榮獲多年米芝蓮，藍色的店面，半開放式設計，環境寬敞，感覺朝氣時尚。坐在舒適卡位，品味南洋風情，細嚐道地海南雞，十分滋味。新加坡無骨天天海南雞 99海南雞雞皮滑溜，肉質嫩滑可口，肥美而無骨，沾了稠密的甜醬油，油潤甜美，配上香氣四溢的雞油飯，令人胃口大開。龍眼冰清爽的龍眼冰，帶來天然的甜味，杯中滿滿龍眼肉，帶桂圓香氣，讓人瞬間清潤解渴。海鮮喇沙湯麵 139喇沙湯底，加入濃郁的椰漿湯底，米線掛上喇沙湯頭，淡淡香料的辛辣。配料豐富: 大蝦、豆腐卜、蜆肉、雞蛋及魚片頭等，魚片頭吸收椰奶香氣。海鮮的鮮味融入每一口，麵條滑順，夾雜爽脆芽菜，讓人欲罷不能。芒果沙冰 加$19沙冰甜美涼快，吃完香辣的喇沙，再呷一口，沁出芒果甜香，消渴解膩。咖央多士配生熟蛋 49多士烘得香脆的，夾滿厚切牛油、濃郁的咖央醬，入口香甜順滑。搭配溏心蛋，椰香及蛋香味道平衡，口感豐富，是必點的推介。小籠包 59小籠包很誘人，盛著鮮美的肉餡，湯汁在口中洶湧而出，搭配醋和薑絲，鮮香美味。斑斕汁椰香鱈魚 89鱈魚外脆內嫩，搭配香濃的椰汁斑斕醬，清新的香氣與微甜，香甜惹味。新加坡原味豆腐花 22滑嫩的豆腐花

在沙田想品嚐正宗又高質的新加坡菜？最近發掘到一間令人驚喜的新加坡菜專門店，絕對值得大力推介！由踏進餐廳一刻，明亮整潔的環境已留下良好印象，座位舒適，感覺乾淨企理，是舒適用餐的好地方。說到食物，絕對是此店最大亮點！首推意想不到的美味 - 「菠菜番茄炒蛋」。這道看似家常的菜式，師傅竟能炒出十足「鑊氣」！雞蛋炒得蓬鬆香滑，菠菜保持翠綠爽嫩，新鮮番茄的微酸恰到好處地提鮮，三者融合得天衣無縫，鑊氣逼人，香氣撲鼻，簡單食材卻帶來驚艷滋味，真心「估唔到咁好食」！😌 絕對是白飯殺手。招牌的「海南雞」亦不遑多讓。雞肉選用上乘貨色，皮爽肉嫩，肉質極致「滑溜」，幾乎達到入口即化的境界。精髓所在的醬汁更是靈魂所在，搭配得宜的濃香黑醬油、薑蓉及酸辣醬，「醬汁好香」 且層次豐富，蘸上雞肉，將鮮味完美提升，每一口都是地道星洲風味，令人回味無窮。👍🏻另一道必試佳餚是「肉末豆腐水晶粉」。鹹香惹味的肉末碎，鋪在滑溜的豆腐與晶瑩剔透的水晶粉（類似粉絲）之上。醬汁調味恰到好處，鹹鮮中帶點微甜，肉末的香氣滲入豆腐和水晶粉中，口感豐富，味道濃郁卻不膩口，超級 「好送飯」！😙 一勺接一勺，輕易就能清光一碗白飯。不得不讚的是，這裡的

早排喺新城市廣場行街個朋友係海南雞控行完街就直接黎新加坡過江龍既米芝蓮餐廳食下啦坐低第一時間點咗鎮店之寶天天海南雞雞件擺得整整齊齊，皮色金黃透亮夾起嚟果陣雞皮同雞肉之間仲有層啫喱狀嘅雞油，好吸引蘸上新加坡正宗黑醬油同薑蓉一啖咬落去，雞皮薄得嚟爽滑雞肉好嫩，連最怕嘅雞胸位都出奇地滑溜九製陳皮火焰黑金叉燒個熱碟keep住溫度叉燒由頭到尾都係熱辣辣啲邊位脆脆地，蜜糖甜味同陳皮甘香完美融合仲帶住淡淡酒香，肉質軟嫩得嚟有咬口另外我地仲叫左兩個雞油飯飯粒粒分明，雞油香得嚟唔會太油膩新加坡檸檬鳳爪賣相好靚，器皿下面有乾冰伴隨住上菜果下好吸引眼球鳳爪酸辣度恰到好處，鳳爪爽脆入味食完成個人都醒神晒甜品我食佢哋嘅創意之作椰奶炸龜苓膏外脆內凍嘅口感幾特別個椰奶甜度岩岩好食每啖龜苓膏都會點個椰奶食太好食啦

專程到訪沙田這間海南雞專門店，雖以海南雞命名，但當晚最令人驚喜的，反而是其豬肉骨茶小火鍋，絕對是必點推介！相反，新加坡福建蝦麵則強烈不建議，令人失望。先說亮點 - 豬肉骨茶小火鍋。一上桌，濃郁的胡椒香氣撲鼻而來，令人食指大動。湯底醇厚夠味，胡椒的辛香恰到好處，暖胃而不嗆喉。用料更是十足十：軟嫩的豬肉骨、吸滿湯汁的冬菇與豆卜、爽脆的芽菜、滑溜的粉絲，還有彈牙的豬皮，豐富多樣，每一口都充滿滋味。隨鍋原來附有粉絲，若店家能在餐牌上註明，客人（像我們）就不用專程額外點飯了。唯一小缺點是火鍋持續滾煮，湯汁會逐漸收乾變濃變鹹，建議後段可請店員加點湯或稍為調小火候。叉燒同樣出色！選用半肥瘦部位，肉質軟嫩不柴，邊位帶有微微焦香的「燶邊」，加上恰好的調味，鹹甜適中，非常惹味。服務方面值得一讚。店員細心主動，察覺到我們點的菜式較多，桌面空間不足，不待我們開口便主動提出並幫忙添加一張小枱，貼心之舉令人感覺良好。椰青亦屬高水準，冰涼透心，清甜解膩，是搭配濃味菜餚的絕配。然而，新加坡福建蝦麵則大失所望。湯底幾乎只有單調的豉油鹹味，缺乏蝦湯應有的鮮甜與層次，死鹹之餘非常膩口，吃了幾口便難以繼續，是當晚唯一不推薦的

位於沙田的這家海南雞專門店，顧名思義以海南雞飯為招牌，但此行卻被其意想不到的兩款菜式所吸引——小籠包與海鮮龍蝦湯麵，整體食物質素令人滿意。首先，必須大力「推介小籠包」。雖非主打，但其表現令人驚艷。外皮厚薄適中，透出內裏豐盈的湯汁與餡料。輕輕咬開，鮮美熱燙的湯汁瞬間湧出，肉餡調味恰到好處，口感紮實不鬆散，水準絕對不遜於專門的點心店，是意料之外的亮點。另一主角「海鮮龍蝦湯麵」同樣出色。湯底是靈魂所在，呈誘人的橙紅色，入口濃郁鮮甜，龍蝦的鮮味突出，質感濃稠適中，能掛在麵條上，每一口都充滿海洋的滋味。海鮮配料如蝦、蜆等亦算新鮮彈牙，份量合理。麵條吸飽湯汁，更添風味。這碗湯麵誠意十足，值得一試。店內環境光潔整齊，座位舒適，燈光明亮，營造出輕鬆的用餐氛圍。服務人員態度殷勤有禮，落單、上菜、加水等環節都算迅速到位，整體服務質素不錯，為用餐體驗加分。然而，店內有一個頗為明顯的缺失環節：顧客落單後，沒有提供任何形式的點餐收據或記錄供顧客參考。這點在結帳時才顯現問題。當顧客完成用餐，前往結帳，才第一次看到完整的點餐項目與金額。過程中缺乏即時的確認機制，容易引起疑慮：核對困難： 顧客憑記憶核對餐點，尤其當點

📍 招牌海南雞飯｜穩陣之選！雞肉嫩滑油飯香這家的海南雞飯絕對是王牌！雞肉去骨切件，入口皮爽肉嫩，完美做到皮肉之間凝結啫喱，雞味醇厚不腥。靈魂所在是那碗金黃油飯，粒粒分明透出雞油香，搭配薑蓉、黑醬油及酸辣醬三味蘸料，層次感十足。附贈的冬瓜雞湯清甜暖胃，整體份量十足，套餐價屬沙田區中上水平，值得專程來試！⚠️ 驚嚇鳳爪｜雪藏味重！口感軟爛勿點相反，鳳爪大失所望！一入口濃烈雪藏味揮之不去，口感軟爛欠彈性，醬汁亦掩蓋不住異味。一小碟性價比低，強烈建議避開此雷品。🍫 創意飲品｜美祿豆腐花｜建議：美祿粉加倍更完美飲品試了招牌 「美祿恐龍豆腐花」（$38），創意滿分——冰凍豆花鋪滿美祿粉，攪拌後豆香與麥芽可可融合。可惜美祿味偏淡，若店家能慷慨多撒一層美祿粉，讓可可濃香更突出，絕對能成為夏日解膩神器！🌟 總結：專攻招牌雞飯！午市外賣更抵• ✅ 海南雞飯｜水準穩定，雞肉嫩、油飯香｜必試！• ❌ 鳳爪｜雪藏味濃｜真心不推！• 🧋 美祿豆腐花｜創意搭配合適｜建議加強美祿濃度！

沙田新城市廣場的天天海南雞，環境寬敞舒適，好多卡位，坐得舒服，啱晒一家大細或者三五朋友聚餐。餐廳菜式選擇超級多。一坐低，各自揀咗杯菊花冰同龍眼冰，清爽解渴，仲帶點天然花香甜味，飲落去透心涼，好啱香港咁悶熱嘅天氣。天天嘅燒雞外皮金黃微脆，切開啖啖肉，嫩滑又juicy，每啖都食得出雞味濃郁，雞皮都有滲出啲鹹香，好好味。配返碗雞油飯，飯粒油潤分明，啲雞油滲曬入每粒米，香噴噴又唔會膩，食唔停口。原條酸菜魚一上枱就聞到好香嘅酸辣味，魚肉好嫩滑又冇腥味，啖啖肉，湯底飲落好開胃，酸菜唔會好咸，配埋魚肉超好味。魚腐炆絲瓜都估唔到咁好味。魚腐好彈牙又滑，加埋鮮甜嘅絲瓜，清新好味。

星期日途經被展示的下午茶餐牌吸引到，原價要百幾蚊先試到嘅海南雞飯，茶餐時段只要79蚊就有交易，確實係一個賣點。獲安排入座，見到放喺檯面嘅杯 有明顯污漬，同時見到侍應攞餐具時係將手指插入杯入面，衛生觀感大打折扣；期間亦見到抹枱毛巾跌咗落地下就咁執返嚟用 其中一個侍應全程將啲餐具、櫃桶大大力砰砰嘭嘭極度滋擾。短短大半小時，我仲以為睇緊啲由店家特別安排嘅反面教材。海南雞飯 - 雞唔滑而乾柴、冇啫哩。三款醬汁調味只屬普通貨色，未能用汁醬挽救雞肉缺失。油飯質感、味道屬正常水平。滷蛋只得顏色，完全食唔到調味。檸檬薏米水 - 無羹無飲管，要求情況下才攞到一支飯羹嚟處理塊檸檬。薏米水偏淡近無味。最後埋單時發現，點餐內容與單據不符，價錢正確。

去新城市行街就想食"天天海南雞"又健康又唔怕肥真係好選擇😬海南雞一直是新加坡的代表餐廳品牌始創於1986年至今獲得首個新加坡海南雞的米芝蓮👍「天天煲煲甄選二人餐」前菜👉🏻黃金雞脆骨 鹹蛋黃包住雞軟骨炸得酥香爽脆主菜👉🏻招牌天天海南雞（中份）😋真係招牌菜👍🏻雞皮爽滑如啫喱透亮而有光澤肉質嫩滑蘸上黑醬油與酸辣醬仲有薑蓉湯👉🏻豬骨肉骨茶小火銅藥膳湯排骨燉至軟腍湯底好香濃入面仲有肉丸+豆卜+冬菇+豬肚另外散叫有牛肉骨茶選擇蔬菜👉🏻豆漿海南雜菜煲 豆乳湯底清甜蔬菜吸收了精華飯👉🏻套餐配雞油飯 油香粒粒分明香米👍🏻另外叫咗杯👉🏻50年代豆花咖啡呢杯飲落幾得意好味第一次飲咖啡有豆腐👍同埋👉🏻椰青😋好巨大真係係餐廳飲未試過咁大個入面椰肉薄而嫩滑又清甜真心超好飲好新鮮同好夠凍另外打咭有甜品送😬

點了「天天煲煲甄選套餐」，包括黃金雞脆骨、天天海南雞中份、豬肉肉骨茶、豆漿海南雜菜煲和雞油飯，這個套餐非常豐富。海南雞，雞肉肉質鮮嫩，雞皮薄滑，配上雞油飯，味道回味無窮。黃金雞脆骨同豆漿海南雜菜煲意外好食。豬肉肉骨茶就唔太合我口味，藥材味唔太濃，但唔係飲開既味道，配料有豬肚唔太慣。可惜係開放式餐廳，就算係室內商場都有點熱。叫埋單，員工叫等陣，但佢忙住執外賣到唔記得咗（無人等外賣中），服務有待改善。Google map like and post 相有豆腐花送。

噚日同朋友去咗「天天海南雞飯」，試咗佢哋嘅「天天煲煲甄選套餐」，真係好滿足！套餐入面包括咗佢哋嘅招牌天天海南雞、香噴噴嘅油飯，同埋一煲暖笠笠嘅豆漿海南雜菜煲。我哋仲額外叫咗黃金雞脆骨同豬肉肉骨茶，諗住試多幾款嘢。首先講吓個天天海南雞，雞皮色澤金黃，望落已經好吸引。雞肉真係好滑，而且保留到雞嘅鮮味，一啲都唔鞋口。油飯亦都煮得好好，粒粒分明，唔會太油膩，而且充滿咗雞油嘅香味，令人忍唔住一啖接一啖。豆漿海南雜菜煲嘅湯底好清甜，飲落好舒服，入面嘅雜菜種類都幾多，例如有椰菜、西蘭花、紅蘿蔔等等，感覺好健康。跟住就到小食喇！黃金雞脆骨炸得金黃香脆，調味恰到好處，唔會太鹹，送啤酒一流！豬肉肉骨茶就胡椒味香濃，豬肉炆得夠腍，入口即溶，湯底亦都好夠味，飲完暖笠笠，好舒服。整體嚟講，呢餐真係好滿意！食物質素高，份量亦都足夠，我哋兩個人都食得好飽。餐廳嘅環境都幾舒適，服務態度都唔錯。價錢方面都算合理，下次會再嚟試吓其他菜式。

天天海南雞飯👻新城市廣場行得多經過咗幾次都無食到今次終於特登過黎食下新加坡融合菜又幾多款式又幾抵食😌.🔅天天海南雞(中份) HKD 169去哂骨既海南雞啖啖肉新加坡既海南雞雞味重啲好鍾意佢個幾隻汁特別係個酸辣醬配埋少少薑蓉啱哂🔅鮮茄汁羅氏蝦腸粉煲 HKD 149另外叫咗佢個茄汁大頭蝦茄汁味幾鮮又有啲甜甜地餸飯都一流啲大頭蝦多膏又多肉簡單切開咗再入味啲底下鋪咗腸粉多啲口感😆🔅椰子八寶燉雞 HKD 79見到佢招牌菜推介試下佢個椰子燉雞湯一打開個椰子已經好香入面都幾足料清甜又夠潤😛🔅椰奶炸龜苓膏 HKD 49無估到龜苓膏可以炸見到無理由唔試下佢口感好似食緊糕點配椰奶又幾夾又炸又清熱好搞笑🤭🔅新加坡原味豆腐花加美祿 HKD 29另外食咗佢個豆腐花面頭加咗一層美祿好好食有豆香又滑再加埋美祿既甜好唔錯.整體來講：款式夠多 好有特色😚.🎈 天天海南雞飯 (沙田)沙田沙田正街2-8號新城市廣場三期3樓A363號舖

🚩天天海南雞飯人氣星加坡過江龍｜星加坡米芝蓮餐廳咁有睇頭嘅餐廳喺沙田新城市就可以食到同招牌一樣藍色為主題｜座位都好闊落舒適仲推出咗抵食二人餐｜深受大眾喜愛🧡〰️〰️〰️〰️〰️〰️〰️〰️〰️〰️〰️〰️〰️🌈天天煲煲甄選套餐 $399♡黃金雞脆骨 外層酥脆 內裡爽口彈牙｜咬落仲有少少雞油香混合鹹蛋黃 鹹香適中｜唔會過油膩♡ 天天海南雞（中份） 海南雞嫩滑多汁｜雞皮晶瑩剔透配埋特製嘅醬料｜薑蓉 蒜蓉醬 黑醬油更添風味果然係米芝蓮質素‼️♡ 豬肉肉骨茶 肉骨茶湯底濃郁｜帶有蒜頭香氣 唔會過重豬肉煮得軟爛但保持住肉質嘅彈性 ｜湯底入味仲有好多唔同配料｜飲返碗湯夠曬暖胃♡ 豆漿海南雜菜煲 湯底用豆漿製成 帶有淡淡嘅豆香味｜細膩而滑順入面除左茶之外仲有粉絲｜蝦米濕濕地好岩夏天食⊂(˃̶͈̀ε ˂̶⊂) ♡ 雞油飯 雞油飯絕對係海南雞飯靈魂所在🧡飯粒煲得粒粒分明｜吸滿咗雞油嘅香氣油潤但唔會過膩｜即使淨係食飯已經好滿足

喺沙田新城市廣場三期行街嘅時候，見到呢間嘢喺正中間，而且招牌寫明係米芝蓮推介就好想試吓！ 我哋叫咗一個天天海南雞中份,本身係冇飯的！留意返要自己另外加飯。海南雞雞肉嫩滑，肉質細膩，汁水好足，淡淡米香嘅雞油飯粒粒分明，再配埋酸辣開胃的醬，好夾！😋😋跟住叫咗一個喇沙海鮮小火鍋，湯底好香濃，就咁飲個湯都唔會覺得好膩，海鮮好新鮮，特別係隻蝦超多蝦膏！豆卜好索汁，食完之後仲可以諗埋啲粉絲，唔驚食唔飽！最後就係恐龍美祿，朱古力味超香濃，真係超驚喜！美祿豆腐花豆味好夠，豆腐花夠滑，之前未試過配埋美祿粉，但食落去比想像中夾好多～人均250左右食得飽！