天喜素食 (已結業)

食齋既三妹要黎深水埗買野，所以陪佢出黎走轉...行左一輪，總算買到佢既心頭好，我同佢都有d肚餓，咁岩呢度又有間齋舖，岩哂食齋既佢，雖然就真係唔係咁岩我，但無法啦...我地就入左黎醫一醫肚喇粟米粥﹕普普通通，無乜特別驚喜!! 但都總好過係唔好食既驚訝既齋卥味﹕酸齋都幾好味，咖哩既就...得d顏色似係咖哩，味道就唔係幾得啦 齋燒鵝粒就韌得滯...好難咬得入清炒菜芯﹕d菜有少少苦苦地...食材既問題...唔知入唔入佢地數好...芋頭魚﹕香口野，我鍾意 條魚都炸得唔錯既 剛剛炸起既東西係最好食架!!總而言之，普通的一餐，普通的味道，普通的份量...可能食齋就係咁既喇卦?!?!