天仁茗茶 (荃灣廣場)

营业中

休息中

一向都有食呢間的軟雪糕，不論紅茶奶茶口味或是鐵觀音口味都十分好，但今日經過見有抹茶口味，立即買來食，滿慢歡喜加期待，卻換來失望，為何退步很多。抹茶軟雪糕 $23，外表十分美觀，唧雪糕技術也很好，難得完美的外表。但看相也能感受到其質感有所不同，以往的厚滑不再，現在冰感重，質感粗糙有碎冰的感覺，有如沙冰般，即使在有冷氣的商場內進食，也很快開始溶化，但抹茶味濃郁有茶甘，其實味道是可以，但雪糕質感就有進步空間。鐵觀音軟雪糕 $23，明明是同一人唧雪糕，但卻技術不穩定，時好時壞，但重不在外表。同樣也是冰感重，不夠滑水噹噹的。 鐵觀音的茶味其實足夠，也是沒有變的，只是質感真的不同了。原本價錢吸引，份量又大杯，又好味的軟雪糕。但當質量下降就變得不再抵食。

We had the green tea soft serve ice cream and the iron buddha oolong tea ice cream, both were served in a waffle cone. the oolong tea ice cream was one of the best ice creams I have ever had!! great value for the price, highly recommended. I wish there was a location in New York.

同老公行行下街想飲杯野，見到有天仁就當然要試下，我叫左杯蜂蜜菊普茶，老公叫左芋香奶綠。蜂蜜菊普：好香嘅蜂蜜味，普洱好濃味但有少少苦，不過加埋蜂蜜就剛好，不過就少左菊花味。芋香奶綠：有一粒粒嘅芋頭係入面，好香芋頭味，又唔會太甜，不錯。依家天仁都好多人飲，我去到時已經晚上9點，但都有好多人買，呢間分店仲有檯比人坐，比起好多台式飲品店較為少有。員工亦大分細心係落單時會問清楚需唔需要少冰少甜，同埋佢地廚房十分開放式，可以睇清楚佢地沖茶，可以睇清楚佢地嘅衛生情況。

今日與男友在一田中食日式餐廳，先在魚河岸點餐，唔想飲汽水，咁近天仁就買杯黎飲‧因為唔太舒服，所以叫熱飲‧叫杯913奶茶，我之前未飲過，咩係913呢? 左望右望，原來係一種茶葉，913茶王，餐牌有個皇冠架，真要試一試。因為人多，叫完就返餐廳用餐，咁我食野先‧一直留意住都未有，食完飯去問都未有‧足足25分鐘至有，等得有點耐‧好彩我食住等。913奶茶，茶味香濃，好似係烏龍茶，有淡淡奶香，跟港式奶茶不一樣，水水的，不是幼滑型，不過天仁的奶茶就是這樣，已適應‧甜度適中，入口舒服，不會很膩，好飲!

行得好攰，好口渴，我決定買杯野飲就係呢間啦，好多選擇。呢一度係喺一田超級市場嘅入面，佢嘅位置會係處於熟食檔同顧客服務中心果度。對於較少黎荃灣嘅我，感覺會比較難搵到佢嘅位置熱茉莉綠茶 $13至於呢一杯熱飲，我覺得佢嘅糖度落重左，令到成杯茶都變得太甜。雖然未去到飲糖水嘅感覺，但係已經令到成杯冇左茶嘅味道。下次如果再黎我一定會叫少甜，同埋自帶杯，因為又可以平多一蚊。

特登行去試依間，價錢算平，只係$22，冇加珍珠。買了Green tea latte 但味道很淡，色都好淡...唔會再試😣😣重諗住買抹茶粉自己沖。可能普通奶茶會好啲

今日嚟到荃灣試玉子燒(見另文)，天氣持續熱辣辣，又餓又焗企喺街邊，先感受到全球暖化對人類嘅影響消暑解渴，飲杯凍嘢咪得囉，但難得食好西，點會求其飲杯凍嘢就算呀？所以寧願行20分鐘，都要買杯珍珠奶茶。舖面位於一田超級市場，舖細但客人不絶，提供冰飲同熱飲嘅茶類以及茶葉茶包等產品。要試一間台式飲品店，珍珠奶茶一定係指標項目。店方好溫馨咁出告示，提醒客人可選少甜少冰。冰珍珠奶茶$19茶底濃郁，茶味真同有天然澀味，所以飲完有回甘；奶味香醇，質感幼滑，甜度適中，珍珠唔會一咬就散，亦唔會腍坺坺，Q彈有咬口。最緊要係，飲完唔會頂胃，呢啲先係真正珍珠奶茶嘅味道，正！冰蜂蜜檸檬紅茶$22茶底夠醇，配咩都好飲。天然蜜糖甜味溫和地融合檸檬嘅微酸，似茶記檸茶但唔會死甜，多飲都無咳，舒服晒。珍珠奶茶可謂最成功打入香港嘅台式食品，自從上世紀九十年代，由MK潮物到而家梗有一間喺左近。但供應多需求大，價格競爭下會有人濫竽充數，混水摸魚，甚至為求降低成本，將傳統食品變成化學品雞尾酒，一飲就怕怕。難得天仁堅持用天然材料，而且保持台式傳統風味，但如果可以比客人選擇加埋胚芽就真係錦上添花喇。

喺荃灣廣場一田入面開咗間天仁茗茶，岩哂行行下街想飲下野滋潤下既小妹。選擇都算多，排隊既人仲多。甜度都可選擇。冰珍珠奶茶我超愛雖然飲到少少奶粉味但烏龍茶好香，飲落好舒服唔會有糖槳舔住既感覺。珍珠有口感，好qq19蚊，抵呀冰桂花金萱小妹唔太鐘意飲太甜既飲品，但落單時忘記叫小甜。但結果味道岩岩好，清香既桂花味，解渴一流冰葡萄柚子綠茶對小妹嚟講就甜咗少少，應該半甜岩我多啲。

每次在天仁附近都會在想喝和不想肥之間掙扎一番，以往只有銅纙灣的總店，現在可是總有一間係附近，令人常常內心躊躇。直至有一次在天仁附近逛街時被友人察覺到我一臉的惆悵，得悉原因後，友人告知原來無糖同樣美味，我頓時茅塞頓開，自此以後我每次經過天仁都會喝一杯熱913無糖茶王。適逢今天到荃灣一田逛街，我當然不會錯過，即使要等上十五分鐘亦在所不惜。913比普通茶葉更有茶味，更為温醇綿柔，給人一種舒適寧神的感覺，加上熱力令茶味更突出，實是回味無窮。913茶加上奶精後仍是會有微微的甜味，但甜味不過火，不會帶來邪惡的肥肥肥肥感。

是咁的，話說我一直唔鐘意飲台式飮品，一來覺得勁甜，二來覺得太多化學物，所以一直好少會買黎飲。之但係咁啱早一日食完過鐵觀音軟雪糕，覺得唔錯，又咁啱等野食又有d口渴，於是就買黎試下la~ 點知...我地買左2杯飲品：熱珍珠奶茶(30%甜)同熱鮮奶綠(30%甜)。首先，兩杯熱飲係室溫，唔熱ge! 珍珠奶茶有非常少既茶味，唔好飲！不過更差既係鮮奶綠，完全唔知係咩黎！其實睇過樣已知中伏，只有非常非常淺既青色，飲落去，無奶味、無茶味、無甜味！完全唔知飲緊乜！Black list for their drinks! That's all !

難得一個週末，當然要放輕鬆一下，所以去了荃灣蹓躂。正在考慮喝咖啡還是其他野飲時，剛巧記得這兒有天仁茗茶，當然要喝一杯啦。//之前都是愛喝913茶王，感覺比較清新，但今次想喝些甜甜的，於是便點了凍奶綠。其實我不太愛喝台灣的奶茶，但由於這家的茶特好，所以不妨一試。//整個過程等了約十分鐘，終於有得飲，首先想講這店現在的杯有了些設計，增添了一點玩味。//味道方面，有點花香的苿前茶，配上鮮奶味，十分順口，但又沒有那種成口奶精的口感，令我煩悶的心情變好了一點，加上用料較其他珍珠奶茶店天然，所以是不錯唷！

This place usually got a long line up. It's beverages are not bad, it's best selling point is its very reasonable price at around $18 a drink. Worth a try but not the wait. They don't serve caffeine free drinks in the summer!  I ordered the 普洱奶茶, it's not bad. Strong aroma of the tea with just the right amount of milk. We get to choose the sweetness of the beverages too.

要消暑……今次不喝鮮奶綠，反而點了一杯從未點過的蜂蜜菊花普洱茶。收到立刻大啜一口，味道是超濃的茶味，打開杯蓋見到大量綿密泡沫在面，杯邊還有些「掛杯」痕跡，感覺茶質是厚身的。再啜多口，嚐到蜜糖味，附帶菊普茶香，從中滲出普洱茶的苦澀，整體味道我用「奇特」二字來形容，太啃吧！

珍珠奶茶:  茶味濃而不澀，很順很滑。奶味偏淡，要把主角的位置留給茶吧。珍珠煙韌帶微甜，忍不住一粒粒的咬著，很好味。蜂蜜綠茶: 輕柔的蜂蜜，配合清香的綠茶，解喝消暑，透心解膩的感覺，讚。

名大過實等10 分鍾 仲要20蚊一杯俾人講到天上有地下無結果一試頂叫咗"珍珠鮮奶綠" 滿懷希望嘅我一吸完全冇茶味冇甜味冇奶味仲衰過飲水只得珍珠係stardard 水準好嬲 兔兔貓想大叫。。。。回水！我絕對相信 係屋企用水溝奶就係呢杯嘢嘅味sigh