天仁茗茶 (旺角大樓)

营业中

休息中

行行下街有啲口渴，又見到天仁茗茶唔算太多人排隊，就買左杯新出嘅黑糖珍珠奶茶。一向都覺得珍珠奶茶太甜所以叫左七分糖，甜度岩岩好，仲可以突出到茶味。可惜黑糖味唔太覺，反而奶味落得太重，覺得上唔太balance,有些少失望，下次都係似返普通珍珠奶茶算數。

中午要去一去油麻地開會，本身已經由旺角行過去，所以出咗一身汗，差不多到油麻地就見到天仁茗茶，簡直係救星因為中午太陽特別晒，完全係唔想企喺街！所以我就入咗去買嘢飲，我其實之前都有飲過呢間天仁茗茶，不過就比較耐小小，今日就再揀招牌珍珠奶茶幫襯！呢間嘅等候位置都幾闊，而且有枱櫈可以休息下佢有好多茶葉放咗喺櫥櫃，應該係可以買！拎咗珍珠奶茶之後，即刻飲咗一啖解下暑！超級爽，佢好夠凍！但係奶茶味就淡左少少！珍珠最好食，超級彈牙，而且夠甜味，可能就中和一下奶茶嘅淡味

我平時已經係天仁茗茶既FANS, 今日見到HSBC卡有買一送一優惠!所以諗都冇諗就沖左過黎買飲開既係熱913茶王無糖, 因為茶本身有陣陣清清既甘甜味, 所以其實唔落糖反而試到佢本身既茶味! 一人一杯 不過因為呢個優惠, 真係好多好多人買..雖然我飲呢款最簡單, 不過因為排NUMBER既關係, 所以都等左差唔多半個鐘..其實天仁茗茶都幾多人叫齋茶, 會唔會考慮有一位staff係主力沖哂呢類比較簡單既茶飲, 咁可以加快效率同埋冇咁多客人積哂係間鋪呢?

天仁茗茶咁出名都唔使咁多介紹。而且越嚟越受歡迎分店越來越多但係一直覺得天仁茗茶係好注重品質標準監控。來自台灣嘅茶飲多數都會係有一種良好責任心態喺度，嚴以律己好嚴謹。所以見質素一直有保證而且茶味真係唔錯。所以一直都有幫襯用心製作好茶的珍珠奶茶店！平時都係飲珍珠奶茶同奶綠多，好少少其他嘢飲。但係上次有人推介呢個香芋奶綠，雖然價錢就比珍珠奶茶貴啲，但係到試下，咁鍾意食珍珠嘅我當然要加珍珠啦！真係用香芋新鮮芋頭整出嚟打嘅所以要等少少時間。但係都值得！唔係同好似其他茶飲，好多都係用香芋粉整出嚟，一睇就知龍與鳳。真係有好多香芋粒粒，雖然我個人比較鍾意打好咗融合左喺茶底嘅新鮮香芋多過呢仲一粒粒嘅，係有口感同其實都新鮮。加埋清新嘅綠茶🍵感覺好舒服好清新好新鮮。加咗天仁獨有嘅茉莉蜂蜜味嘅珍珠一直都好鍾意呢種珍珠，係天仁獨有。比其他店舖普通珍珠煮出嚟更加吸引，有一種好清新怡人淡雅嘅風味。變咗更加豐富，本身芋頭已經有啲飽肚，加埋珍珠之後成杯嘢飲令你覺得好有份量好足夠。真係一般滿足晒所有願望！好滿足！買嘢飲就係想要呢種滿足感！天仁絕對做到。依家開咗好多新嘅珍珠奶茶店，進駐香港，閑閑哋一杯普通嘢飲都＄30＄40

嘩～～～天仁茗茶新推出「黑糖珍珠奶茶」E先生收到風嗱嗱聲去，買杯俾貴為黑糖愛好者既我嘆下飲開913奶茶都知係又滑又香。今次拎上手唔同既係加左黑糖，底部係暖立立既，未攪勻先飲一小啖，黑糖好好味唔會死甜，有黑糖香味，有驚喜。可惜攪勻之後成杯依然係淡淡杏色，應該係黑糖分量過少，冰溶左就冇晒黑糖味當然珍珠依然好QQ，好味既天仁岩岩出黑糖，仲有大把進步空間希望可以追到尖沙咀，日日排晒隊出晒名飲黑糖「X角X」始終天仁分店多，購買方便

不得了，天仁茗茶由1/4至7/4有買一送一🎉三款口味：綠茶/阿薩姆紅茶/鐵觀音原本$23一枝已經唔貴而家係仲抵！$38/2枝真係冇唔食嘅理由！😋❤️5/4又放假，放假又可以再食🍦Ps:最中意油麻地呢間，唧得又大枝又靚💚俾個like你👍🏻

天仁好飲人人都知，但係琴日同朋友仔打完邊爐諗住買返杯天仁一路行一路飲啦，點知......失望囉🙄我叫左杯熱奶綠，熱到我完全飲唔到，我哩杯係正常甜度，我本人食得好甜，但係都覺得佢偏甜，奶太多蓋左茶香朋友仔叫左913鮮奶茶嘩～～佢果杯甜到冇朋友😥😥我試左一啖都覺得太甜啦～最後我同朋友仔都一致認為，係哩間致仁失準，平時我地飲開既天仁唔係咁既味嫁💔💔

...鐵觀音冰淇淋 hkd 23..我個人就好衰格既，通常開始涼涼地先會想食雪糕，仲要成日周圍試新野（小朋友唔好學）呢度既雪糕就岩我呢啲大胃人士既心水。好大杯絕對夠晒份量，加埋個脆筒，滿足晒食雪糕既願望。質地接近沙冰，食落口絕對似鐵觀音味👍👍😂好清新。我鐘意呢個質地既雪糕多啲😋唯一缺點係比較快溶，食得有啲輪盡狼狽，記得帶紙巾。..

這店的茶味雪糕很難得!!!全是茶味口味的!!!和出面聲稱是茶味雪糕的店完全不同!!!!他真的是有濃濃的茶味,你吃著它你會覺得是在吃一杯凍凍滑滑的茶,口感與味道也十分好!!窮小姐昨天吃的是紅茶味,價錢也很貼地!!

夏天熱死辣辣，出街必要買飲品，經過天仁茗茶，裏面大排長龍，幾乎企到出門口，本來想食鐵觀音雪糕，原來轉左新款，見佢新出左個阿薩姆雪糕，所以一試。有人已經急不及待食左一大啖，雪糕茶味濃郁而且不會太甜，甜中帶點回甘味，非常好味，不過要成$23，都幾貴。

黎明話食唔好空肚食早餐，我當然都唔可以空肚食晚飯所以嚟左一杯雪糕先，一心諗住嚟食鐵觀音味點知得綠茶味🙈 影雪糕通常都要同佢鬥快😂第一時間要影而且要三張內好影到，如果唔係就會溶，不過我今次食快過影，食咗一啖先記得影相😂 講返今次杯軟雪糕雪糕雪糕先，一拎好墮手，份量都好足！食到底都仲有雪糕，唔會到底係空心嘅😂你明啦🤗綠茶味淡淡地唔會太甜，味道唔錯 ，身為鍾意飲茶嘅香港人都係比較鍾意食鐵觀音🍵茶味夠濃😂😂

依家咁熱嘅天氣行行吓街都會想買返杯野飲，但係又唔鍾意其他手搖杯嗰啲糖分過高，所以都會係選擇天仁茗茶，鍾意佢可以揀無糖，同埋啱晒我呢一個茶精。估唔到平日去都要排隊，但係都已經比假日嘅速度快，由落單到我拎到嘢飲大概5分鐘左右，揀咗913茶王，飲落去第一啖好有烏龍茶嘅味道，茶味濃，飲完好解渴，口入邊重會有淡淡嘅茶香，帶有茶澀嘅味道，但係飲落有啲凍，下次可以叫佢少冰。俾錢嗰陣見到個牌上面寫住，原來自備水杯都可以減一蚊，下次環保一啲都可以咁做。

通常出街如果去飲手搖杯，我通常都會揀天仁茗茶，因為之前去台灣飲過一次之後覺得唔錯，所以返到嚟香港都會揀似佢。佢哋同台灣一樣都係可以揀冰同埋糖嘅份量，我通常都會去冰無糖，而913都係我唯一嘅選擇，＄16一杯，價錢唔貴，同台灣嘅價錢差不多，係大杯咖啡嘅份量，帶少許茶既苦澀味，飲出淡淡的茶味，有回甘嘅感覺，尤其而家夏天嘅時候飲一杯茶，真係可以消暑解渴。可惜旺角嘅分店唔多，除咗火車站之外，油麻地呢間分店長期喺假日都好多人，好彩等10分鐘都已經到手。

返工已經坐左成日，放工想行下舒展下筋骨。行到熱熱地經過依間新開的天仁茗茶，即時心心眼衝入去！自從大約7,8年前左右，有幾間大型既台式飲品店搶攻香港市場，當時飲既多數係無數化學品，食用色素再加大量冰既合成飲料。我試過有次飲芋香奶茶飲左一半之後放過夜，第二朝杯野淡色左好多，再拎高望下個底，原來有一層紫紫紅紅既色素沉左底所以自此我明白飲品要天然既重要性，有得揀係人都想食入口既野天然d，健康d啦！好啦，入返正題講返天仁茗茶，標榜用真茶葉泡出來既茶，配上小量冰塊再加上珍珠，真係由喉嚨透心涼而且一杯綠茶配上珍珠都只係17元，雖然同其他飲品店應該差不多，但天仁的是天然真正的茶葉沖泡。作為精明既消費者無理由唔識揀

放學後的小確辛油麻地新分店真係太方便喇開係地鐵站隔離，放學坐地鐵前就會忍吾住走入去排隊買雪糕睇下今日乜口味先天仁茗茶 —— 鐵觀音霜淇淋 $23今次輪到鐵觀音口味喇我覺得$23大大枝真係好抵食有位仲可以坐底慢慢嘆～感覺天仁茗茶改善左 雪糕無以前甘易溶 變杰身左但依舊茶味比奶味濃鐵觀音味無紅茶甘甜 更啱我口味但次次都撞吾中抹茶口味差佢未試ah~!!平時放學時間真係好多學生排隊等！不過佢地效率好快，都吾洗等好耐因為。。。我係買雪糕的