天仁茗茶 (已結業)

今日新嘗試，所謂茶王一定要是王中之王，今日買了熱913茶王，見到Menu打晒星星必屬佳品吧！天仁係台灣好出名，係香港當然都唔少野啦，買左之後都要等10分鐘先有得攞，條隊長到呢！一杯熱913茶王，$16，如果比誠品咭仲有9折，都幾抵飲。講下個色水先，啡啡的顏色，一睇係覺得有d似涼茶，打開蓋已經聞到濃濃的茶香，再試試個味道，第一啖有d淡，只係好似比水好少少的茶，但之後飲，有d回甘味，個味係口中徘徊，是不錯的。本來以為杯茶入面會有茶包，因為味道愈飲愈濃，但原來是沒有的，我敢講，913茶王沒有溝水的！$16有如此質素，抵飲！

係，實不相瞞，小弟叫阿仁，當天仁遇上阿仁，抵擋唔住了！尖咀天仁係誠品入面，其實都幾好，買完杯飲品，再去睇書睇精品！今天試了凍的珍珠鮮奶綠，天仁好，支持環保，用自己杯可以平$1，我有誠品卡還有9折呢！甜度還可以自己選擇的，我揀了少冰。珍珠大粒又煙un，份量適中，飲飲下的時候有野咬下，幾正！綠茶好滑，但是味道比較淡，可以綠茶粉落得不多，還是台灣的綠菜粉係咁？奶味也不重，想像不到如果走甜的最後出來味道會點

天仁名茶經常見到好多人排隊，成日心諗係咪咁好味。今日經過決心排隊要試一試餐牌飲品選擇多，知道特別出名是綠茶系列，所以今次就選擇左珍珠鮮奶綠。綠茶味不算濃郁，但清香奶滑，珍珠彈牙有口感的確好飲。

鐵觀音雪糕，哇，第一眼見到，覺得好特別，仲意飲茶既我，一定要試下啦。好香既茶味，第一次食茶味既雪糕，又不錯喎，滑滑的，滿口都是鐵觀音味，好似飲緊茶咁，幾特別，都幾大杯，連個筒都好脆，呢個價錢還可以接受吧。

今日出去誠品閒逛，經過見到有特別既鐵觀音雪糕，所以就買左一杯黎食。鐵觀音味濃又軟滑，而且雪糕好挺身，本身鍾情於茶類飲品既我，真心覺得依杯雪糕好食。咁熱既天氣再食杯透心涼既雪糕，真係一種享受。

夜晚食飽飽行海傍消化下，可能晚餐有點重口味，食完一直都好口渴!所以走左入去誠品諗著去買杯珍珠奶茶飲下~見到天仁show出黎既poster 推介洛神冰茶，就換換新口味!第一次飲洛神冰茶，order左30%既糖份，入口酸酸微微，味道有D似祡貝天葵同山楂既味，正好解渴又開胃!

愛吃雪糕的女朋友，見到雪糕就要食。甘經過就買杯俾佢啦。鐵觀音甜筒：奶味較重，鐵觀音的味不是特別濃，少了鐵觀音應有的甘醇，但算有茶味，不會太甜。食完唔會口渴。唔知天氣熱定點，雪糕溶得幾快。

行行下街有點口渴，平常都是飲珍珠奶綠，今日不想飲一些飽肚的飲品，就要了洛神冰茶，照舊都是走甜走冰。公眾假期的關係，實在有很多人排隊，等了都有十五分鐘。第一次飲這裡的洛神冰茶，而且走了甜，所以很酸，有點似山楂一樣的味；雖然走了冰，但店員都有加冰和茶加入搞拌機打碎，所以仍然很冰凍。酸酸地的味正好在熱辣辣的天氣下解解渴。

記得上一次在銅鑼灣誠品內飲過天仁的綠茶飲品後，覺得驚為天人。知道尖沙咀星光行同樣開了誠品和天仁茗茶，懷著期待重遇的心情再試一杯。這次點的是綠茶LATTE，七分甜就連綠茶的茶香也變七分嗎?基本是沒有什麼抹茶味，飲下去像喝著淡淡抹茶味的奶水一樣。有點失望。

喺尖咀做下偽文青，先喺誠品度咪下書，肚仔餓呢度又有得俾你食下野，最多人拎住嘅除左係書就係雪糕，連一般好小食雪糕嘅男人都話要買返杯試下，究竟有咩咁特別？兜咗個圈終於揾到，佢呢度古怪在，右邊有條長隊排緊原來係排攞野飲，而左邊無咩人果度就係收銀，大大塊牌寫住有两款雪糕，先試下阿薩姆霜淇淋先，中文唔知係咩，英文估係紅茶果類嘅雪糕登登~大大杯，承惠20元呢款雪糕紅茶味濃，唔太甜，嗒落仲有啲甘香，奶味唔算太重，着重茶味，又唔會有甜到咳嘅感覺，食完一啖想追住食下啖，真係幾好食食下雪糕見人地一個二個又係一杯二杯，心絲絲又想試下奶茶試下佢地個913奶茶，有個皇冠仔，就試下啦，跟手就排果條長龍，等左5-8分鐘，有得飲，咦～咁淡嘅？其實係食完雪糕再飲就淡晒，因為小妹叫左小甜，食完雪糕清一清再飲就好好多嘞，呢個茶味香有小小回甘，奶嘅比例唔重，如果夏天飲應該好解渴，但小妹會記得唔好食完雪糕再飲囉

其實知道「天仁喫茶趣」除了台式飲品外亦有軟雪糕都有一段日子，不過到了這日逛尖沙嘴星光行「誠品」時才終於一吃。軟雪糕有2款口味：抹茶，與較少有機會遇上的鐵觀音。我本身的喜歡飲鐵觀音茶，實在有興趣一吃鐵觀音口味的雪糕呢！一於不用多考慮，就點一杯鐵觀音軟雪糕（＄20）吧。可選雪糕筒上或紙杯，我選了前者。另外再點一杯飲料，大致可分原茶、奶茶、鮮奶茶和果茶幾類。當中熱飲的選擇不少，雖然冷飲較多選擇。我選了杯冰的913鮮奶茶。付款後只需等叫號碼，等候時間比飲品快得多，前後只需等約幾分鐘。淺咖啡色的軟雪糕，入口鐵觀音的茶香相當濃香，帶輕輕的甘香，而雪糕筒亦新鮮鬆脆，好吃！913是天仁高山鐵觀音的一種，是其中一款我那些年還是學生時代已經喜歡飲的茶。「天仁喫茶趣」有3款飲法，不加奶的913原茶（＄16）、913奶茶（＄20）和我選的913鮮奶茶（＄22）。加了鮮奶後，茶香不及清飲原茶的太突出，不過飲起來多份香滑和奶香，相當不錯。

鐵觀音軟雪糕 ($20) :價錢算抵食, 20蚊大大杯, 拎上手有d重手既感覺架. 而且食到尾係覺得飽肚.茶味好重, 好易食得出有茶味. 軟滑就一定架啦, 但佢唔易溶, 又厚身. 所以好滿意.甜度都接受到, 比抹茶口味甜d. 仲有呢款清新d, 爽d甘. 唔係抹茶個種濃郁味, 係中國茶既重味.

星期六，偽文青當然要去書店行下，吸收下文藝氣息。銅鑼灣誠品就行得多，尖沙咀分店還是第一次黎。與其説書店，尖沙咀店其實更似生活百貨店，有很多精品及食物(例如：有機菜、麵包、小食...)以供購買。閒逛到天仁茗茶角落，大大個display話新推出茶味軟雪糕，仲要唔止有綠茶味，仲有鐵觀音味，於是便一試。$20大大一杯鐵觀音軟雪糕，份量十足，相片所見，已經係俾人咬左一大啖既情況，而且雪糕係fill滿個筒！所以食到最尾一啖，依然食到雪糕，唔會乾淨淨。雪糕質地雖未如日本軟雪糕般幼滑，但都ok，不似台灣飲品般甜，而且茶味香濃，食後甚至有些少回甘感覺，至於雪糕筒亦夠脆，就算食到最尾都無淋曬，但又不會過乾。我bf 話鐵觀音軟雪糕已經榮升佢至愛雪糕第一位(前第一位為喺日本街頭買既一杯豆腐軟雪糕)。