天丼

营业中

休息中

呢間過江龍天婦羅丼🍤開咗幾年但都仲經常有人排隊😛 果然幾出色而且每款都好豐富😉🍗🍤華味鳥盛合 ($109)：雞肉、雞肉丸、黑虎蝦、南瓜、紫菜、蓮藕、四季豆🍠🎃野菜盛合 ($88)：番薯、南瓜、蓮藕、茄子、本菇、四季豆、蘿蔔盛合配飯/冷麵/湯麵，麵嘅部份有烏冬/蕎麥麵/素面，湯麵湯底就可以揀醬油湯/豚骨湯🍤🦑巨星天丼($89)：黑虎蝦、青森帆立貝、魷魚、蟹柳、紫菜、本菇、四季豆天婦羅嘅炸衣好薄同脆，而且食到本身食材嘅鮮味，蝦好爽口😋 不過番薯就有啲唔夠冧身，可能炸耐啲會更加好🙉主食方面有驚喜😛冷面配埋有wasabi 嘅冷麵汁、醬油湯麵加左啲柚子粒，兩樣食落都好fresh同天婦羅一齊食會減輕油膩感唔錯☺️📍Tenya 天丼 🍽️7.6/10#janfoodiary_日本菜

Wifey loves tempura, so when we caught up with fam - we went here for a very yummy dinner! 🤩.These two were:~ Conger Eel Platter with a soba (穴子盛合陪蕎麥麵)~ Scallop Platter with udon (帆立貝盛合陪烏冬）.The tempura itself is pretty good - lightly battered and comes out nice and crispy but not overly done. ✅ Both Wifey & I opted for cold noodles (the soba and udon) , so they were served with a refreshing dipping sauce that was made up of a light sweet soy and wasabi 👌🏻.We went a little later in the evening to

已有好一段日子沒有幫襯這間天婦羅連鎖店了! 今天天氣又熱又潮濕，老公話想食light啲，故揀左去天丼食佢地嘅冷蕎麥麵! 每次去天丼都要排隊，今晚我們大概晚上8時半到，所以不用排隊。 看到餐牌後，見到餐牌更新了，價錢也比之前提高了，我們兩人各點了一個set， 老公點了一個「天婦羅華味鳥盛合配凍蕎麥麵」全份，而我就點了一個「天婦羅穴子盛合配湯素麵」全份! 這裡的出菜效率都算快，手機落單後，大概等5至10分鐘左右就有食物到，食物溫度恰好，賣相也非常整齊!*「天婦羅華味鳥盛合配凍蕎麥麵」全份： 個天婦羅雞和天婦羅雞丸都好鬆化，而且好有雞味；至於天婦羅蝦跟其他天婦羅雜菜依然很有水準! 但老公話加價後，蕎麥麵嘅份量比以前少左啲!*「天婦羅穴子盛合配湯素麵」：素麵很爽滑，醬油湯底很鮮味。 天婦羅蝦、天婦羅蟹柳跟其他天婦羅素菜當然是無得輸啦 ! 第一次食佢地嘅穴子(鰻魚)是有些期望的，餐來到後，見到條天婦羅鰻魚好長，即刻覺得好抵，但咬完第一口後就覺得一般，如果怕食魚腥味的，就不要點這個了!總括而言，天丼的天婦羅都算能保持水準，但隨著物品價格上升，這裡的天婦羅價錢也隨之調升! 但加價之餘，希望能

純粹random走入去，竟然食到高質天婦羅。我哋叫咗期間限定：濃蝦汁蟹肉撈烏冬同埋華味烏盛合。每一樣天婦羅嘅嘢都好好食，雞件完全出乎意料之外，冇諗過天婦羅都可以整到咁軟熟，而且份量都算多。不過如果我嘅湯烏冬再腍啲煙靭啲更加正👍🏻👍🏻值得一提嘅係，湯烏冬佢會加幾條柚子皮，食食吓會有浸柚子味，都幾清新。另外期間限定包埋麻糬一份，呢個麻糬都好好食，有香滑奶味，好香好滑。冇特別叫嘢飲，鍾意日本餐廳有得加茶♥️食完臨走嗰時先見到有45分鐘限時，不過啲嘢食都上得好快，我哋45分鐘都冇就食完了。

天丼是一家以天婦羅聞名的餐廳，經過的時候，通常都會大排長龍。今日平日經過冇人排隊，就去了食午餐。他們的招牌菜之一是巨星天丼！它包含了黑虎蝦、青森帆立貝、魷魚、蟹柳、紫菜、本菇和四季豆等多種海鮮和蔬菜。黑虎蝦：黑虎蝦是這道天丼的亮點之一。蝦子炸得剛剛好，外酥內嫩，保持了蝦肉的鮮甜。每一口都能品嚐到蝦的鮮美。帆立貝：帆立貝正常水平，大小適中。魷魚：魷魚炸得酥脆，但內裏的魷魚肉好柔軟。蟹柳：蟹柳並不是平時街邊看到的便宜蟹柳。紫菜、本菇和四季豆：紫菜提供了清爽的口感，本菇增添了香氣，而四季豆則帶來了脆嫩的口感。增加了營養價值。小總結❤️❤️❤️❤️❤️📌好適合海鮮愛好者📌每款天婦羅都整得好好📌特製的天婦羅汁增添香氣

夏天熱辣辣，就會想食凍野架啦！於是就去食左個天丼的冷烏冬了~✨天婦羅烏冬(冷麵) $88呢到嘅天婦羅即叫即炸，所以落單後都要等15至20分鐘先有得上枱。天婦羅有黑虎蝦2隻，蟹柳，茄子，蓮藕，四季豆。而烏冬夠凍，食落爽口彈牙，再配上Wasabi+葱混合嘅醬汁，食落更清新🤩✨總結人均消費💸：$96(連加1)/1人味道：🌕🌕🌕🌗🌑份量：🌕🌕🌕🌗🌑服務：🌕🌕🌕🌕🌑 質素：🌕🌕🌕🌕🌑🍴 天丼 (青衣)📍青衣青敬路31-33號青衣城1地下G02號舖::::::::୨୧::::::::୨୧::::::::୨୧:::::::::୨୧:::::::::

星期日下晝2點幾都幾多人，去到已經排咗條長隊，好彩等咗15分鐘左右就有位🤩▫️天婦羅冷烏冬定食天婦羅全部都係新鮮即刻炸，天婦羅嘅脆漿炸得好香脆好薄，一啲油溢味都冇! 跟餐嘅天婦羅有兩隻虎蝦，蟹柳，蓮藕，四季豆同茄子，啲海鮮食落都好新鮮又鮮甜，蝦同蟹柳都好大條啖啖肉，啲蔬菜都好爽口😎冷烏冬嘅口感煙煙韌韌，麵質又爽爽地咁好好咬口，入口幾滑~ 配麵嘅汁再加埋wasabi好開胃，又唔會過鹹，食落好清新🥰係高質嘅天婦羅!

🔹天婦羅蕎麥麵定食🍤 $88 ［黑虎蝦🦐、蟹柳🦀、茄子🍆、蓮藕、四季豆x2］.天婦羅炸得幾香脆🍤粉醬好薄👍🏻食落唔會好大負擔，而家咁熱嘅天氣配埋冷蕎麥麵&冷麵汁可以中和左天婦羅熱氣&油膩嘅感覺🔥個人鍾意蓮藕天婦羅多啲👐🏻 爽脆口感👍🏻.以前會提供2條黑虎蝦天婦羅，但而家淨係得返一條，感覺上性價比低左🤏🏻🤏🏻個人覺得天婦羅質素唔差，如果經過可以一試👌🏻建議男士可以叫丼飯會比較飽肚啲🧑🏻🙌🏻蕎麥麵、烏冬嘅份量比較適合女士👩🏻------------------------------ᰔᩚ 好味指數：7.5/10‼️🈶️加一服務費

成日有種偏見關於係商場連鎖經營嘅餐廳都唔會特別好食而且會特別貴但每次食飯時段行過呢間都有人等緊位試過兩次發現的確有佢嘅過人之處🤎每份雜錦天婦羅都有五款配料包括兩隻虎蝦各一蟹柳四季豆茄子蓮藕即炸溫度夠熱麵粉包得唔厚最緊要係食落冇油溢味唔覺得係用翻炸油唔算炸到一滴水份都冇又唔會炸耐咗偏啡雖然舖頭叫天丼主要係食飯但我對飯冇特別需求比較鍾意食麵所以分開冷麵同熱湯麵仲有烏冬好啱我心意之餘亦相當貼心麵量唔會過少麵質唔會過硬而且跟天婦羅同跟麵嘅醬油唔會過鹹食完唔會好口渴整體嚟講幾好以呢個價錢嚟講我都會再去食👍🏻

仲味夾到假去日本🇯🇵但又掛住天婦羅點算好緊係幫襯下日本過江龍啦一人一個Set唔洗爭希望可以止住癮先天婦羅脆漿好薄身 炸得好通透 唔會咬落一口油嘅感覺 更加唔會有丁點油溢味唯獨係可能食材來源有少少唔同所以未能做到同日本一模一樣嘅效果但以香港黎講 都算係高質天婦羅特別一讚蕎麥面好香蕎麥味 配鰹魚冷麵汁一齊食好清新 好日本🇯🇵過冷河功夫做得好充足食到尾啲麵都係條條分明烏冬屬於幼身個種 入口幾滑煙煙韌韌 唔會煮到淋哂不錯 比起烏冬更喜歡蕎麥麵

在日本已吃過好幾次天丼, 每次都非常滿意, 除了價格便宜, 而且天婦羅都脆炸香口。天丼一直過江龍來香港都未曾試過, 今天心癮想吃天婦羅就終於決定嘗一嘗。想不到隔了這麽一段時間還有不少人排隊, 令我更加期待! 所謂期望越大失望越大, 雖然整體味道不算很差, 但有對比更有傷害。巨星天丼 $87天婦羅有黑虎蝦, 帆立貝, 魷魚, 蟹柳, 紫菜, 本菇和四季豆, 靈魂醬汁雖然甜美但只加了少許。飯是用日本米煮出來, 所以飯是煙韌有口感的, 可惜主角天婦羅並不是處於十分脆炸的狀態, 當中紫菜和本菇是稍為出色的。茶碗蒸 $19蛋十分嫩滑, 味道夠, 唯一不足𥚃面只有兩粒豌豆, 一條蟹柳和少許蟹籽, 感覺好像比坊間的餐廳還要少配料。其實並不是很差, 只是跟日本的水準有太大出入, 就算不與日本比較, “金”都比這𥚃好吃, 希望它會再有進步吧。

見成日有人排隊就試吓排下啦叫左個豬骨湯蕎麥麵天婦羅套餐湯夠濃豬骨味 但好似配蕎麥麵就失色左蕎麥麵熱食口感唔夠 稍為軟身左 天婦羅就有驚喜 好脆身又唔會太乾有juicy 的天婦羅！值得一試！友人點左既醬油湯素麵再加碗冷蕎麥麵素麵同冷蕎麥麵就出色素面同熱湯好夾！麵好幼滑，蕎麥麵麵質幾爽口！下次一定要叫冷蕎麥麵！

呢間嘅天婦羅長期有人龍係有原因嘅😋隔咗一排無嚟，今日又嚟幫襯佢天婦羅丼有六款+一款饅魚丼另外定食有飯、蕎麥麵、烏冬、素麵麵類有冷有湯，而天婦羅嘅組合都係一樣🍤黑虎蝦2隻、🦀蟹柳 、🍆茄子、蓮藕、四季豆餐廳仲有提供小食同特色天婦羅今期仲有青森祭特盛，有厚厚帆立具本身諗住叫呢個，可惜已經sold out🥲因為我哋比較鐘意食麵同烏冬所以叫咗一個冷烏冬同一個蕎麥冷麵定食冷麵汁放喺另一個杯仔上面有隻碟仔放咗wasabi同蔥花麵浸落去掛滿冷麵汁同蔥花😌天婦羅即叫即炸，每一件都金黃色明顯唔會用咗啲萬年油嚟炸，而且炸嘅時間都拿捏得啱啱好，炸粉夠薄👍🏻🍤天婦羅蝦用咗虎蝦，夠晒大隻，肉質彈牙🦀天婦羅蟹柳都好大條，蟹柳一絲絲好分明總結💭💭嚟食咗幾次，天婦羅嘅水準都保持到每次嚟到都叫咗烏冬/蕎麥麵，因為驚飯會太飽所以仲未試過佢嘅飯，下次肚餓啲再過嚟食過

甚少踏足青衣城，難得嚟到就睇下有咩好食。原來青衣城有一/二期，食肆選擇都唔少。見到呢間日本天婦羅過江龍，價錢尚算親民就試一試。丼飯有唔同材料配搭，虎蝦、魷魚、茄子、四季豆、蓮藕、炸魚、炸雞、炸蠔，任君選擇。上天丼 $67今次試左最基本嘅上天丼，有黑虎蝦2隻，蟹柳，蓮藕，茄子，四季豆，抵食之選，配有麵豉湯，唔包飲品，不過有熱茶。天婦羅炸得唔錯，冇乜油膩感，食晒飽肚感十足。天婦羅蕎麥麵（豚骨白湯) $88定食有飯/素麵/烏冬/蕎麥麵，有冷熱。揀左蕎麥麵，湯底揀左豚骨白湯(可選醬油湯)，天婦羅同上，正常發揮，蕎麥麵煮得較淋，口感一般。天婦羅雞寳(2粒）$19麻麻地，雞寶係淋散口感，個人唔太喜歡。早知叫炸蠔會開心啲🤣係大商場入邊價錢算抵食，好飽肚，選擇亦多，天丼比較吸引。

公司午餐，行過黎青衣城食，難得今日既然唔使排隊，所以我地二話不說就走左入去。定食差不多清一色88蚊一份，唔包嘢飲，不過餐廳有免費的熱綠茶提供，味道都唔錯ga。講返我就點左個骨湯烏冬天婦羅定食。佢主要係吾冬或者蕎麥麵，有涼拌或者跟湯兩種口味。個餐好快送上，烏冬的湯底好香，飲完都唔會成個下午口渴，係唔錯的。至於個烏冬應該都係洞庭d fd，口感幾煙韌，不錯的。d天婦羅係佢的主打，真心應該認第二無人認第一。唔油，脆口，最鍾意係個茄子，外脆內軟，口感一流，咁便宜的食材煮到呢個味道，一流的廚藝。