天丼

每天經過天丼都見到勁多人排隊，難得見到排隊嘅人唔算好多就去排下試下新嘢。排咗大約十分鐘左右就有位，唔算話等得太耐，可以接受嘅程度。我地點咗《豚骨白湯蕎麥麵》同《天婦羅蕎麥麵》兩個set，佢個set嘅天婦羅有兩隻虎蝦，仲有蟹柳、茄子、蓮藕同四季豆。佢個天婦羅嘅粉漿唔算好厚，亦炸得好鬆脆，唔會好油淋淋，呢方面佢處理得好好。我點個餐係《豚骨白湯蕎麥麵》，佢個湯底嘅味道同出前一丁個豬骨濃湯味幾乎一樣，係一種熟悉嘅味道。豚骨白湯同蕎麥麵加埋一齊亦冇違和感，雖然習慣咗食蕎麥麵係凍食，原來熱食都一樣咁好食。而《天婦羅蕎麥麵》則係正常水平，蕎麥麵正常都唔會有太大嘅反差。我哋另外點咗個茶碗蒸，個蛋蒸得好滑，材料亦算豐富，但比較另一間知名壽司店嘅茶碗蒸，都有一段距離差距。今次蠢咗嘅係我哋點嘅嘢係幾乎一樣，應該要點一個飯就理想啲，下試要試下佢其地嘅丼飯，始終我覺得佢嘅飯出名過麵。…查看更多

夏日炎炎，揀左呢間食天婦羅冷蕎麥麵/丼飯既「天丼」，天婦羅配冷蕎麥麵呢個組合簡直超級滿足。可以享受蕎麥麵既清爽口感，搭配酥脆既天婦羅，簡直係完美既搭配！⭐️巨星天丼 ($89)呢款天丼有多種美味既天婦羅，有黑虎蝦、青森帆立貝、魷魚、蟹柳、紫菜、本菇同四季豆。每一啖都感受到唔同既滋味，非常豐富！⭐️華味鳥盛合·冷蕎麥麵 (全份 $109)呢款盛盒包括天婦羅雞肉、雞寶、黑虎蝦、南瓜、紫菜、蓮藕同四季豆。清爽既蕎麥麵加上多款天婦羅，口感非常正，最岩夏天食😋！…查看更多

呢間天丼喺日本都見過 係日本過江龍嚟天婦羅新鮮炸出來 即叫即做所以如果趕時間嘅話要考慮吓因為大概都要等15-20分鐘但天婦羅質素有保證炸皮唔會過厚 唔會油膩肥淋淋特別推薦蝦天婦羅…查看更多

早兩日行到東港城諗住食下野，見好耐冇食過天婦羅就入去食，下午茶上天丼飯$63+滿記招牌仙草芋圓$29 加埋1就$101Like 佢ig/fb 會隨機送多兩件天婦羅 唔錯！整體飯味道唔錯既 但係汁可以我自己落就比較好 送到黎既時候 天婦羅已經淋晒 反而送既天婦羅冇落汁重比較好 因為脆！甜品白色珠比較脆口 唔知咩黎 比較有趣 但都比想像中甜 可以一試麵豉湯味道都唔錯總括黎講 隔好耐可以食一次😂…查看更多

菜式選擇唔多，天婦羅炸得都ok但食到後半part就覺得好油膩好滯唔想食，成舊水個飯冇配菜又冇飲品，有d唔係好值，最大問題係冬天佢都可以熱到焗爐咁，食完出汗拿拿聲埋單走人…查看更多

此店已是第二次幫襯, 新開業時食過覺得唔錯, 今次翻兜再去試下, 可惜失望而回 食物 : 鰻魚丼飯 $98 ~以這個價錢, 鰻魚質數好普通, 飯量很少, 食完都唔係好飽 巨星天丼 $89 ~ 有虎蝦/帆立貝/魷魚/蟹柳/紫菜/本菇/四季豆, 種類有很多, 價錢唔算好貴, 但天婦羅不是新鮮炸出來, 應是返炸過, 外皮有D淋, 不夠香酥, 比較失望 環境 : 日式木系裝修, 舒服乾淨 服務 : 職員有禮貌 費用 : $205 (含10%服務費)…查看更多

我叫咗個好似係$45蚊嘅套餐，埋單連服務費$49蚊🤔 套餐入面有：* **櫻花蝦濃湯拉麵🍜:** 嘩！個湯底真係好濃郁呀！飲落去好暖胃🥰，櫻花蝦嘅鮮味好突出🦐！麵條都煮得啱啱好，彈牙爽口，唔會腍，唔會硬！👍…但係！份量真係少到一個點呀！😱 我講笑都唔敢咁講！😂 真係正常人一口就食晒嗰種細碗！ 食完拉麵仲係好肚餓！🤰 呢個係唯一嘅缺點！😭 以呢個份量計，$49蚊個套餐，性價比真係唔算高！🙅🏻‍♀️* **七味雞翅🍗:** 外皮脆卜卜，雞肉嫩滑juicy，七味粉嘅辣味同香味恰到好處🌶️，食落去好惹味😋！* **章魚燒🐙:** 熱辣辣🔥，個皮脆脆地，入面嘅章魚粒都幾大舊，口感好好！總括嚟講，呢個套餐除咗拉麵份量少到離譜之外，其他嘢都幾好食！但係拉麵係套餐嘅重點嚟架嘛！😭 如果拉麵份量正常啲，性價比就會高好多！👍 環境都幾乾淨企理！📍 天丼てんや Tempura Tendon Tenya📍將軍澳坑口重華路8號東港城2樓216號舖________________…查看更多

餐廳唔算起眼，唔打唔撞街街下街見到有開食天丼價錢又唔算貴，就入去試下。除咗有個大陸口音女侍應答問題問非所答之外😂環境、食物都唔錯👍🏻叫咗2個set巨星天丼黑虎蝦，帆立貝、魷魚，蟹柳 紫菜，本菇，四季豆華味雞天丼華味鳥雞肉2塊，華味鳥雞寶，蓮藕，四季豆，溫泉日本蛋除咗雞肉同雞寶有d失望之外，其他都幾好食👍🏻炸粉好薄好乾身唔會滴晒油，材料都幾新鮮，本來仲想加埋甜品，但份量都幾足夠，好飽😂下次會再嚟食…查看更多

由一鋪已經食，最近啲餸越來越細件，今日件蓮藕正頭薄過紙。我情願佢加吓價好過。唔好菜類都縮皮丫。炸蝦比開頭都係細隻左，明白唧。其他白飯，冷面嗰啲就正常，無話好左差左。…查看更多

我一向都幾鍾意食天婦羅:)嗰日朝頭早上網撳撳下睇下有咩嘢食就發現新都城有間專係食日本天婦羅嘅店舖好似呢間嘢都幾出名所以我就去睇下係咪真係咁好食喺佢一開門口我就企咗喺出面排隊啦好彩都排隊排得早因為我入咗去之後好快就full咗之後就一路好多人喺度排隊入到去之後見到貌似有好多唔同款式揀但其實佢哋啲樣同內容都好似所以我就揀咗最簡單嗰隻但其實都已經好好食佢啲天婦羅都幾大隻嘅唔會話炸到好乾外面脆得嚟裏面都可以保持到適當嘅水分跟住點返佢嗰隻醬料都幾夾雖然佢都有外賣但我個人覺得一定係堂食趁熱食等佢啱啱整好吹卜卜嘅時候先係食天婦羅最好嘅時候有機會都可以再去食不過可能要睇時間如果唔係就好多人排隊啦…查看更多

喺將軍澳返咗2年工都冇諗過食呢間野，今日見佢唔使等位，懵查查衝咗入去，咁就賴嘢，豬軟骨拉麵，麵底好似即食麵，中式豬軟骨，跟條豆角，以為喺茶記食緊辛辣麵仲要限時45分鐘，人頭最低消費$80, 那裡來的勇氣！…查看更多

將軍澳呢間天丼天婦羅飯都開咗一段時間，終於有機會同幾個朋友嚟晚餐店員服務都幾好介紹我哋點樣落單我叫咗個巨星天丼（黑虎蝦、青森帆立貝、魷魚、蟹柳、紫葉、本菇、四季豆都真係配搭款式好多）天婦羅炸得恰到好處皮脆唔會太厚粉漿，亦都唔會食到太油膩朋友叫咗個拉麵晚餐，佢話湯底濃郁味道都OK有一定水準👍🏻👍🏻…查看更多

其實將軍澳專食天婦羅店嘅舖頭真係唔多。得知這間天丼開咗喺東港城，第一次來嘗試午餐。因為見佢平時夜晚經常要排隊，所以都冇選擇食，難得今日食午餐冇咩人？唔使排隊就可以入去。叫了一個天婦羅凍烏冬定食，價錢大約$90左右。先講烏冬，烏冬入口非常彈牙，而且少少涼涼地，很開胃。另外天婦羅方便，份量都算多，大約都有七至八舊，天婦羅一定是即叫即炸，上枱時非常新鮮熱辣辣。天婦羅非常香脆，吃得出入面的食材非常新鮮，食材包括蟹，蝦，枝豆，魚，南瓜，蓮藕等等。總結而言，唔怪得知呢間咁多人排隊，因為真係有質素嘅天婦羅餐廳👍🏼👍🏼👍🏼…查看更多

最近去坑口食天丼，試咗佢哋嘅巨星天丼，真係cp值高。首先，天婦羅飯嘅主角：黑虎蝦、帆立貝、魷魚同蟹柳。呢啲海鮮材料炸得香脆，外脆內嫩。黑虎蝦肉質鮮嫩有彈性，帆立貝甜味十足，魷魚有啲嚼勁，而蟹柳鮮美多汁。每一口食落去，都能夠品嚐到呢啲海鮮嘅鮮甜風味。除咗海鮮，紫菜、本菇同四季豆嘅加入令天婦羅飯更加豐富口感同層次。紫菜帶嚟脆脆嘅口感，本菇散發出香氣，而四季豆則帶嚟清爽嘅蔬菜口感。呢啲配菜同海鮮嘅結合，令呢道菜更加豐富多元。…查看更多

住將軍澳嘅我一有一野開張都會試，雖然你今天丼已經開咗一段日子，就係驚個仔又排隊，所以遲啲先試🤣🤣今日星期日你食個午飯排咗一陣隊就有得入座我哋一行四人叫咗四款唔同嘅丼飯，但你多一啲驚喜都冇😝仲感覺好多粉漿，所以我只係淨係影咗自己一碗，諗住味道應該唔會太差啦但真係一啲驚喜都冇肉質唔好汁冇汁，粉漿比較厚，同埋唔夠脆，所以我哋快快脆食完都走人😫😫個天婦羅飯中間唔知點解有一劈白色嘅醬汁，一啲都唔好味，可能我唔識欣賞，原本我真係好鍾意食炸天婦羅，希望下次嚟嘅時候佢可以有所改善…查看更多