影片
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
今晚喺康城 The LOHAS 嘅天下茶屋食晚餐，点咗一客「吉列猪扒咖哩饭」，价钱为 $72。我特别要求少饭多汁，餐厅亦都细心跟足，令人满意。猪扒炸得香脆，厚度适中，外皮松脆之余，内里保持肉质嫩滑，冇鞋口感。咖哩汁属于日式风味，微甜之中带有淡淡香料味，唔会过咸，酱汁份量亦都足够，每啖饭都沾到汁，非常惹味。整体餐点无配菜，但胜在主食质素稳定，食得出系用心制作。餐厅堂食区干净企理，虽然客人唔多，但店员依然保持礼貌招呼，感觉舒适。虽然只系简单一碟咖哩饭，但作为平日放工后嘅一餐，已经足够令人满足。下次会再试其他款式，睇下有冇新惊喜。
继续阅读
住康城嘅朋友都知，楼下商场食肆选择唔多，想揾间好食嘅餐厅真系要花啲心思。最近见到有间新餐厅开张，装修简约清新，一直都想试吓。今日午餐时间见入面人唔多，就决定入去一试。我叫咗个最抵食嘅午餐套餐：唐扬炸鸡乌冬，跟餐仲有杯无糖绿茶。一上枱就俾佢嘅炸鸡吓亲——劲大粒，外皮炸得金黄酥脆，完全唔油腻，真系好少见！乌冬份量十足，口感弹牙，我拣咗传统嘅鲣鱼昆布汤底。仲有其他汤底可以拣，下次可以试吓唔同口味。整体嚟讲，食物质素对得住价钱，环境又干净舒服，服务都几贴心。今次体验几满意，绝对会再帮衬，仲会推介俾住附近嘅朋友！如果你都住康城，不妨去试吓，可能会有惊喜！
继续阅读
直接到餐厅叫外卖，只是叫了一个豚肉丼⋯其实餐厅唔太多食客，等左25分钟都算，但想讲号码后过我都有得拎，就连外卖app下单时间比我迟，都已经出左，当我直接问职员跟进一下，竟然话就快有，即系漏左单吧⋯⋯但唔旺场都可以甩单，只能说餐厅管理有点差😮💨
继续阅读
今晚OT到八点几,返到康城都九点,饿到痴咗线,九秒九揾间嘢冲入去食咗先,见到呢间仲未关门,开咗两个几月都未试过,可能都差唔多做埋最尾呢转,我一个人都可以坐卡位,即刻拿拿林点嘢食,点咗个帆立贝樱花虾明太子奶油炖饭同一杯巨峰梳打,估唔到个饭有啲惊喜,个樱花虾明太子奶油汁,浓度啱啱好,帆立贝就唔使讲,基本上实好食,杯巨峰梳打就正正常常,唔太甜,都ok,最后埋单发觉唔使加一,以呢个餐厅环境嚟讲,真系要俾个赞。
继续阅读
1️⃣温泉蛋烤汁牛肉丼🥩🍚 ($70)推介⭐️其实成个餐嘅份量都非常多，满满嘅牛肉铺满珍珠米，最钟意系佢个烤汁，偏向甜甜地，烤汁煮落啲牛肉度非常入味，配埋温泉蛋蛋汁一齐食，无敌✨2️⃣盐烧鲭鱼定食🐟 ($78)定食包括豆乳面豉汤、沙律同埋白饭，盐烧鲭鱼味道正常，鲭鱼都算大条同厚身，盐烧带出鲭鱼嘅鱼味，套餐仲跟一个汁系俾你点鲭鱼食，味道清甜解腻✨3️⃣南蛮炸鸡配他他酱（4入）🍗 ($36)推介⭐️鸡肉用南蛮渍法腌渍然后挂浆拎去炸，直落外脆香口，配埋他他酱食非常钟意！因为他他像配呢个炸鸡非常非常开胃✨4️⃣巨蜂寒天梳打🍇🍹 ($28)梳打非常解腻，满满巨峰提子味，而且寒天份量都唔孤寒，非常有咬口✨
继续阅读