天下糧倉牛肉火鍋專門店

营业中

休息中

旺角百寶利比🐻既回憶係買即影即有相紙同密室逃脫，原來仲有餐廳，仲要係任食火鍋店。餐廳地方唔算大，7點半左右已經坐滿。自助區有火鍋配料、醬料、飲品、雪糕。肉肉同寫紙落單。⭐️究極和牛放題(21:30前入座) $246用餐時間2小時，坐得揀湯底先，🐻揀左清清地既豬骨粟米湯底，然後會有一盤唔同部位既牛送到，可以試完邊款岩食再追加。✿一級肥牛✿封門柳✿澳洲M7和牛✿澳洲和牛金錢展✿牛板腱✿安格斯牛肩胛✿牛脷片✿鮮牛肉🐻私心推介: 整體肉質幾腍，除左肥牛多脂肪外，其餘部位都唔肥唔會膩。牛板腱肉質幾腍同有牛味；牛脷片爽滑；封門柳肉質富彈性，牛味幾濃。配料: 牛丸、墨魚丸、香菇貢丸、龍蝦丸、五花腩、青口、蟹柳、午餐肉、芝士腸、雞翼、牛柏葉、魷魚、鵝腸、鴨血、菜類、菇類、即食麵⋯⋯飲品: 汽水、檸檬茶、烏龍茶、綠茶、冬瓜茶、鴻福堂飲品、清熱飲品、有汽涼茶、金橘檸檬⋯⋯款式都幾特別。

乜都唔使講，2百幾蚊有澳洲M7和牛任食，去邊度搵🥘湯底我地揀左秘製沙爹×重慶翡翠綠麻辣鍋。沙爹鍋味道香濃帶少少甜味。翡翠綠麻辣鍋第一次食，睇落雖然唔係紅卜卜，但一樣食到麻辣火鍋既麻辣感覺，2款湯底都冇令人失望🥩肉類主打嘅M7和牛絕對係唔可以錯過嘅亮點。呢度嘅牛肉質素非常好，呢個價錢仲可以食到封門柳同金錢展等等價位比較高既部位，而且搬盤賣相仲一流。除咗和牛之外，呢度仲有羊肉、豬肉等多種選擇，水準同樣唔錯。🧁自助區除咗飲品同雪糕之外，仲有各式火鍋配料，例如丸類、蔬菜、餃子等，應有盡有，滿足唔同口味嘅需求。仲唔同既雪糕同各式飲品，應有盡有。

21:30嚟食$217加一，其實都幾抵食，食完一盒又一盒，岩晒一班人聚會嚟食👍🏻個一級肥牛真係好正🤤🤤 叫咗個沙嗲湯，好夠味👍🏻 豬骨都唔錯😌 雪糕都有好多款，不過可能太夜好多已經冇晒

天下糧倉位於旺角，環境寬敞明亮，裝潢簡約現代，燈光柔和，營造出舒適的用餐氛圍。自助區食材豐富，有水魷、鵝腸、牛柏葉、蟹柳午餐肉、芝士腸、各款丸類、蔬菜 ……等等，擺放整齊，取食方便，整體衛生狀況良好，適合與朋友聚餐或家庭聚會。火鍋底都有多重選擇，可也可以鴛鴦鍋。澳洲M7和牛肉質細嫩，油脂分布均勻，入口即化，帶有濃郁的牛油香氣，涮煮後口感柔軟，令人回味。Prime牛板腱肉質緊實，帶有適中的嚼勁，肉香濃郁，搭配 重慶翡翠綠麻辣鍋更能突顯其鮮美。安格斯牛肩胛肉質厚實，油脂豐富，入口多汁，肉味濃厚，適合喜歡重口味的食客。一級肥牛肉片薄而均勻，涮煮後口感滑嫩，油脂與肉香完美融合，令人滿足。封門柳肉質細緻，帶有淡淡的甜味，涮煮後口感柔軟，肉汁豐富，令人驚喜。澳洲和牛金錢展油脂豐富，肉質細膩，入口即化，帶有濃郁的牛油香氣，令人難以抗拒。牛脷片切得薄而均勻，涮煮後口感彈牙，帶有獨特的香氣，適合喜歡嘗試不同部位的食客。鮮牛肉肉質新鮮，口感紮實，肉味濃郁，涮煮後依然保持多汁，令人滿意。當中還有豬梅片、涮羊肉……等，令人回味。最後當然是口感滑嫩，甜度適中的甜品，為這頓火鍋盛宴畫上完美句號。

天下糧倉早就聽朋友說過性價比不錯，這次帶了食肉獸朋友來一起試試 217元起 2小時任吃和牛火鍋。一來我們就點了芫茜皮蛋湯底，芫茜佈滿整個湯，夠下火。自助吧還有多款汽水、蔬菜、豆類製品，海鮮，丸類等。更難得是有多款餃子、鵝腸、涼茶、龜苓膏、雪糕等。真的是應有盡有。補給庫有多款醬料及配料，還有多款面食、響鈴、生根等任君選擇。牛肉款式也夠多，可任點澳洲M7和牛、Prime牛板腱、安格斯牛肩胛、牛脷片、一級肥牛、封門柳、澳洲和牛金錢展牛片、鮮牛肉、豬梅片、 涮羊肉等。一上菜超級大盤的牛肉拼盤，份量有夠驚人，我們看到都非常驚訝。❤️澳洲M7和牛油脂均勻，入口即溶。❤️牛脷片肉質鮮嫩，吃起了嫩中帶脆。❤️鮮牛肉肉質嫩滑，鮮味彈牙。我的朋友已經出名大胃王，但也吃不完一盤牛肉，但旁邊兩個男生吃了一盤還追加。餐廳1930後開始滿座，而且多以男性為主，這裏簡直是食肉獸福蔭。天下糧倉牛肉火鍋專門店西洋菜南街1A-1K號百寶利商業中心5樓501-506號舖#天下糧倉 #旺角 #旺角放題 #旺角美食 #香港旅行 #香港美食 #香港美食指南 #性價比 #火鍋放題 #任食火鍋 #和牛放題 #任食和牛

[✨旺角天下糧倉牛肉火鍋專門店 ]#旺角 #天下糧倉牛肉火鍋專門店🐮和牛火鍋放題 $246( 21:30前入座 ) / $217 ( 21:30後入座 )🔸湯底呢度有成十幾款湯底選擇，點都有款岩你地，我地就試左沙嗲湯底，味道十分之香濃，口感濃稠岩哂打邊爐！🔸肉類主打 M7和牛，質素唔錯，肉質好鮮嫩，牛味濃郁超好食！最估唔到係呢個價錢連封門柳，金錢展呢啲部位都有提供，真係好有驚喜！其他肉類好似羊肉，豬肉等都有供應，水準都唔錯。🔸自助區除左飲品雪糕外，亦提供唔少日常火鍋配料，丸類、蔬菜、餃子 等等一應俱全，好豐富！————————♡♡♡♡♡♡————————✨總結天氣開始轉涼，又係打邊爐嘅時候。250左右就提供到咁嘅質素嘅和牛火鍋放題，係香港應該真係無咩地方搵到，CP值好高，值得一試！📍天下糧倉牛肉火鍋專門店🏠 旺角西洋菜南街1A-1K號百寶利商業中心5樓501-506號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #h

同前輩放工出去旺角食火鍋，之前去百寶利商業中心拎代購嘅時候，發掘咗一間正嘢！天下糧倉牛肉火鍋 性價比極高，前輩同我一樣好鍾意食牛肉，一於食暢飲。這次究極和牛放題，優質肥牛用餐體驗讓我難忘。餐廳的環境十分舒適，明亮的燈光與簡約的裝潢設計，讓人感到放鬆。服務人員熱情友好，用餐體驗愉快。究極和牛放題 / $217起好抵嘅價錢已經可以兩小時、任飲任食，任食以下肉類：澳洲M7和牛Prime牛板腱安格斯牛肩胛一級肥牛封門柳澳洲和牛金錢展牛脷片鮮牛肉豬梅片涮羊肉優質肥牛，豬梅片肉質鮮嫩，涮羊肉口感滑順，我們都喜愛。鴛鴦鍋底芫茜皮蛋鍋 +秘製沙嗲鍋，配搭牛肉一流。我有幸品嚐到了來自澳洲的M7和牛，優質澳洲牛肉新鮮，牛肉都經過嚴格挑選，色澤紅潤，脂肪分布均勻，讓我驚艷不已。這裡的牛肉選擇多樣，包括Prime牛板腱、安格斯牛肩胛、一級肥牛、封門柳、澳洲和牛金錢展以及牛脷片，讓我迫不及待，逐一放入口。其他也值得回味，Prime牛板腱，肉質細膩，油花分布均勻。放入火鍋中滾幾秒，肉質鮮嫩，口感滑順，讓人回味無窮。安格斯牛肩胛，肉質結實，嚼勁十足。搭配店內獨特的醬料，讓肉的鮮香味道更為突出，簡直是肉食愛好者的夢想

天下糧倉專心一意做牛肉火鍋，究極和牛放題由二百多元起，已經可以任食澳洲M7和牛、澳洲和牛金錢展、安格斯牛肩胛、牛板腱、封門柳、鮮牛肉、肥牛及牛舌片等，如果對牛肉有要求的，此專門店應該可以滿足。叫完湯底後，精選牛肉寶盒已經即上，每款牛肉放得很工整，賣相不俗。各款牛肉中，比較喜歡安格斯牛肩胛，肩胛肉油脂分布均勻細緻，肉質厚實軟嫩，能品嘗到牛肉本身的美味。除牛肉外，其他火鍋配料可以自取，蔬菜類如粟米、冬菇、唐生菜均清甜爽脆，水魷厚身爽甜，食味甚佳。飲品中試了兩款有氣涼茶竹蔗茅根及洛神花，味道甚有驚喜，有氣少甜，與火鍋很匹配。雪糕有da dino及大阪牛乳，咖啡雪糕味道非常香濃軟滑，不失為一個好選擇。

同朋友大胃去食放題，去之前我話估佢食唔到好多，佢叫我唔好睇小佢，閒閒地十幾20碟完全唔會有問題。如果唔係俾十蚊我，一坐低，佢就即刻主動俾咗五蚊我，佢話投降輸一半。睇吓一碟個份量，你就知咩事！ 🍖放題做到宴客咁嘅擺盤，大堆頭得嚟又美觀，只有糧倉可以做到。八種牛肉，八種味道。1澳洲M7和牛，肉質細膩，而且薄薄甘切，簡單淥幾下，即刻食出鮮嫩質感，溶化於口。2澳洲和牛金錢展，同樣薄薄咁樣切開，除咗嫩滑，仲帶有一份調皮嘅脆彈性。3牛脷片，除咗爽彈口感，又帶有多一分嚼勁，但係因為切得夠曬薄，唔需要太用力，已經輕易咬開。4封門柳同5牛肩胛就係肉味突出之選，封門柳肥肉部份較少，牛香都較少，但係入口之後，牛味反而突出，牛肩胛就以大塊取勝，整整一大塊入口，完全充滿口腔，想唔感受肉味都幾難。6牛板鍵就係介乎於前三者同埋4,5之間，系追求平衡嘅人嘅選擇。7,8然後就係嫩牛同埋一級肥牛，呢兩樣野似近還遠，明明系港式打邊爐必點嘅菜式，但係放上去又唔係平時見到嘅樣，增添咗一份高貴同優雅，但嫩牛的確系保持到超鬆軟嘅港式口感，而外形最大不同嘅肥牛，仍然系沙嗲湯底，同埋即食麵嘅最佳朋友。 🍖講翻即食麵，有辛辣麵，出前一丁

今日凍凍地黎左旺角打邊爐，見到呢度只係二百幾蚊就可以任食和牛，即刻過嚟試吓😎湯底我哋揀咗鴛鴦鍋，牛骨鍋配芫荽皮蛋鍋，芫荽皮蛋鍋好香，係爆多芫荽，芫荽愛好者記住叫，而牛骨鍋都好香牛肉味😎店員先俾你一碟好大碟嘅牛，有齊晒唔同部位，全部都可以再任食，回本之選😎牛肉全部都好新鮮，最好味嘅係澳洲M7和牛，牛味好重，而且入口即溶😻自助區有好多飲品可以任拎，同埋有其他蔬菜丸類，公仔麵嗰啲都係任食嘅，最後仲有香港生產嘅雪糕，以二百幾蚊呢個價錢真係性價比超高😻好過自己屋企打邊爐😎

天氣轉涼又係時候約埋朋友打邊爐🍲今次朋友帶路去左呢間喺旺角百寶利商業中心5樓嘅「天下糧倉」打邊爐 我哋簡左究極和牛放題2小時 $217 一個人🤩我地就叫左嘅鴛鴦鍋 我哋叫左個秘制沙嗲同皮蛋芫荽湯底 芫荽湯底比較好味 清清地放啲牛肉落去打邊爐就可以食到牛嘅鮮甜味 仲有好重芫荽味 仲可以清熱氣添🤪店員好快就上左一盤牛比我地 入面有超級多種類嘅牛 包括有澳洲M7和牛 Prime牛板腱 安格斯牛肩胛 一級肥牛 封門柳 澳洲和牛金錢展 牛脷片同鮮牛肉 真係好多選擇🤤咁多種牛入面 我就最中意澳洲M7和牛同埋鮮牛肉 牛肉嘅肉質極為嫩滑 咀嚼嘅時候非常順口同埋感受到肉的彈性和細膩口感 好滿足😚另外 餐廳仲設有自助區可以比你攞火鍋配料 麵食 醬料同埋甜品 基本嘅火鍋配料大致上都有嘅 唔同嘅丸類 蔬菜 餃子類同埋少量鮮海鮮等等 果度嘅餃子係手工製作的餃子 一盒六件 我哋就試左韭菜豬肉餃 煮完很多汁 韭菜又香 不過皮就厚左啲甜品方面 伯爵茶雪糕最好味😋見到飲品櫃有龜苓膏 都幾特別 當甜品吃也不錯🤣吃完火鍋清熱氣！

旺角🚇呢間天下糧倉牛肉火鍋專門店主打💰$217究極和牛放題，有多款唔同款式嘅🥩牛肉任你食，性價比十分之好👏，所以開業多年都依然人氣鼎盛。火鍋湯底🍲佢哋都有多款可以選擇，亦有多款可以加錢升級嘅特別湯底🥣，我哋今次就揀咗秘製沙嗲鍋，🌶️湯底味道十分之香濃。呢度一開波佢哋就會俾🤩一大盤牛肉拼盤你，入邊有澳洲🇦🇺M7和牛、Prime牛板腱、🥩安格斯牛肩胛、一級肥牛、🐂封門柳、澳洲和牛金錢展、牛脷片👅同埋鮮牛肉，每一款口感同埋味道都各有不同👍。另外仲有豬梅片🐖同埋涮羊肉🐐，全部都係可以任食，😍絕對係食肉獸嘅天堂！自助區💪仲有唔同款式嘅🍲火鍋配料，我就比較鍾意🥟水餃、青口同埋🪿鵝腸。呢度嘅🧃飲品款式亦都幾多元化🥰，特別嘅係仲有龜苓膏🍮，啱曬食完火鍋之後🔥清熱解毒。佢哋嘅🍨雪糕櫃仲有勁多款唔同口味嘅🥄雪糕，真係幾豐富😋。

我哋係食究極和牛放題（$217）咁第一件事就梗係要講咗佢哋嗰個湯底先啦我哋揀咗要鴛鴦湯底（+$16）兩個湯底分別就揀咗要秘製沙嗲鍋/喇沙湯喇沙湯底食落去都好入味💖💖配埋響鈴一齊食就Perfect Match沙嗲鍋食落去都好濃郁咁之後就講吓佢哋嘅牛肉啦🐮🐮第一輪會俾曬8款唔同嘅牛肉👍👍（其實食完呢度差唔多已經飽咗根本唔係好需要再加單😂😂）我自己就幾鍾意食封門柳同埋澳洲M7和牛👍👍封門柳食落去就會比較煙靭而我差M7和牛食落去就有少少入口即化嘅感覺而我朋友就幾鍾意食佢哋嘅牛脷片🥰🥰食落去幾有咬口嗰個澳洲和牛金錢展係比較細粒嘅不過佢食落去幾爽口之後就講吓其他嘅打邊爐配料啦佢嘅豚肉片食落去都幾滑嫩😋😋跟住出面亦都有好多唔同嘅丸類同埋海鮮可以任拎嘅我自己就比較鍾意食青口😉😉因為食落去幾爽口、彈牙除此之外佢嘅雪糕都算有幾多唔同口味可以揀👍👍我自己都幾鍾意荔枝同埋朱古力味

終於感覺到冬天嘅來臨🤭天氣開始涼涼地，火鍋小隊又要開始出動覓食😆今日同朋友喺旺角睇完戲就嚟咗呢間位於旺角百寶利商業中心嘅「天下糧倉牛肉火鍋專門店」，餐廳內嘅設計頗有古代風，混醬區叫做「補給站」好有特色😎打邊爐用嘅鍋好似龍鼎，好似回到古代時代🤣「天下糧倉」提供兩款任飲任食套餐，分別在於有冇雞煲同可否自選火鍋湯底，鑒於我哋兩位女士食量都唔算大，我哋就直接揀咗究極和牛放題，咁就可以盡情咁食和牛盛宴🤭湯底方面都有超過10款，我哋嘅鴛鴦湯底就揀咗芫荽皮蛋拼沙嗲。想清淡下火建議揀芫荽皮蛋湯底，芫荽份量超級多，最後煮到連湯都變成綠色，唔想食辣但係又想濃味啲可以揀沙嗲，沙嗲同牛肉真係絕配💯💯湯底ready 之後，店員隨即拎咗一大盤排得好整齊嘅牛肉豬肉拼盤😲份量超級驚人但打卡一流📸📸最有驚喜係鮮牛肉，真係超級軟稔🤩牛板腱同金錢展牛味濃濃，重點係食完仲可以加點😚⭐️澳洲M7和牛⭐️Prime 牛板腱⭐️安格斯牛肩胛⭐️一級肥牛⭐️封門柳⭐️澳洲和牛金錢展⭐️牛脷片⭐️鮮牛肉⭐️豬梅片除咗肉類🥩之外，自助區都有好多蔬菜🥬丸類、雞肉腸、脆皮腸、連辛辣麵同銀針粉都有，仲有好多款手包水餃🥟同小籠包😋😋甜品方面就有香港製造嘅雪糕杯，

首先聲稱只有佢一個人服務員姐姐，態度惡劣，去洗手間唔緊要，入到門口乜人都冇，仲要串串共話「我去咗廁所梗係冇人啦！」佢完全唔覺得自己有問題，如果唔係落咗$200訂金，我同我朋友會即刻轉身走人，唯有焗住照食，由落單到成個過程嘅態度係特別差，叫佢喺個火鍋度加湯，佢竟然幫我加熱水，我同個朋友都呆咗，食物質素好一般，所謂嘅黃牛完全唔係嗰樣嘢，如果比呢個錢我寧願食間再好啲，唔會再去!!永遠black list!!反正旺角仲好多選擇，