天一閣素食精品料理 (已結業)

今年7月買左會員卡，8月openrice訂座晚飯，臨時通知話整冷氣到8月16號，到而家都冇開番，電話冇人聽，永遠飛去留言信箱。。開齋舖竟然咁樣，準備去消費者委員會…查看更多

食物係可以的，但樓面的服務談不上正常餐廳有的服務。1)一入到去，櫃台那位(估計係經理?) 黑口黑面 。2) 點心遲遲未來，隔離位後期入座，同款點心都到了，同侍應追，佢話check 一下，都見你果台點左好耐。之後見那位”經理”指指點點。3) 埋單一定要睇清楚，張單加埋同總額不同，出聲後，櫃台退回差額，但道歉都無一聲😡。。。。。早前聽親戚說在母親節前兩星期來，這裏的經理說要他點了餐牌的正餐後才給他點心紙，我初期不信，那有這樣態度的人，如預早訂位說明則可理解，現在深深感受，那種消費也要受氣的感覺。整體來說，餐廳除了食物質素重要，服務更是客人的第一印象！服務差，侍應無基本服務水準，食物再好也浪費了，冷氣不夠，放幾台風機也沒有明顯改善。如果有人想來試一下食物，要有心理準備接受他的「優質服務」。…查看更多

好耐之前朋友推薦過天一閣 精品點心 今日探親，難得路過，半山選擇又不多，抱住對齋菜無乜期待所以膽粗粗就去試，可能未到食飯時間，唔洗點等位好快就可以入坐，環境可以，聽經理講，仲可以包房自訂菜式齋菜，下次初一十五可以一家大細預訂，同埋搭的士可以報銷點咗一堆點心幾個小菜， 都有驚喜，值得推薦必食「雜菌紅油抄手」「春風得意腸」「羅漢齋炒麵」同埋 「黑松露炒飯」 仲有個超水準嘅「原隻椰皇燉雪燕」，仲有幾個唔記得叫咩名不過不失嘅點心，一定會反食…查看更多

间唔中都会约朋友一齐食素，呢间餐厅环境清幽，坐得几舒服，首先是开胃小菜：酱油萝卜，脆脆哋又唔会咸👍🏻素片皮鸭都好惊喜，上面一层皮好脆，「鸭肉」的材料系用菇，食落口系有食肉的劲道，又有卖相，味道亦唔错，真心推荐！小朋友就最锺意炸杏鲍菇，味道同食薯条一样！沙爹串烧觉得一般，干煸榄菜四季豆都ok，上菜速度都好快，可能我哋去的早，慢慢的客越来越多，好快就坐满嗮！楼下就有停车场，开车过来食嘢都方便！服务员话7月食午餐，晚市新菜有半价优惠，还有包房可以聚餐！整体唔错，下次还会再过来食🥰…查看更多

第三次同公司同事到此食午飯，同事講這裡點心一流，所以點菜基本以點心為主，黑松露雜菌餃買相唔錯，可惜本人唔食黑松露，其它點心香菇燒賣，四寶滑鷄扎等等都在水准之上，總體服務不過不失，另叫了乾炒叉燒河，賣相一般但味道又唔錯哦閑曰光顧人不算多樣樣都不用等，總體感覺唔錯，會繼續帶朋友上來試試晚飯，樓面經理話7月份開始夜晚會有點心供應同埋會有其它优惠及新菜推出，好次話慶祝周年紀念，還叫我下次上來試試東瓜盅，是次5人用餐埋單總數685元，半山區來講算唔錯。…查看更多

朋友之前大讚呢間的點心高質，一直都好想試吓，本來仲帶點期待去試吓呢間素食，仲特登搭幾廿蚊的士去半山諗住食好西，點知⋯得到個災難級體驗 平時睇OpenRice 就多 但今次真係嬲到要寫食評 呼籲下大家千祈唔好幫襯呢間嘢呀！一上到去，見到壞冷氣，但有整d臨時風扇，咁都算啦，咁遠上到嚟都係要試吓之後已經發覺唔係太對路，d侍應完全係十問九唔應，加水又要等，叫菜又要等，一路餓住個肚同隔離左右對望，見到附近好多枱啲人都等唔切，差一兩碟餸叫極都來唔到，等得太耐埋單走人，到呢一刻已經有中伏嘅準備～我地7點鐘到，19:09寫菜，一直等到半個鐘後先上到第一碟，咕嚕猴頭菇，質感怪怪地，但味道正常味道正常，但猴頭菇質感有點怪之後無耐就上埋酸辣湯，點知個湯係完全無味，唔酸又唔辣，好似搵一大堆木耳同豆腐絲浸湯咁不知所謂的酸辣湯，完全冇味咁都算了，諗住草草食飽個肚就走，然後⋯就沒有然後，前後等咗個幾鐘，都係未上到第三碟，餓到胃都穿，見到廚房出2碟干煸四季豆，以為有得食啦，點知仲要俾人打尖！！(佢俾咗果個黎咗無耐嘅！疑似熟客！)最終我地忍唔住質問個經理，點知佢地淨係識得講對唔住，乜嘢都做唔到，細問之下原來廚房只得一個人做嘢！既然無廚師返工，點解仲要開舖？？既然招呼唔到咁多客人，點解仲要俾人入座？唔一早講明？？要人地白等？？？最終只係嚟咗猴頭菇，同埋酸辣湯，食到一肚氣今次呢間嘢嘅體驗實在太伏，太離譜，太恐怖，我地真係太嬲，佢地收的價錢一啲都唔平，食兩碟連茶錢加一都要$403！完全好似無食過嘢咁，一肚氣離開！大家真係唔好再幫襯呢間！從來未見過有咁差的素食店！…查看更多

昨晚佛誕想食齋，同家人去了天一，結果落完單等了40分鐘，仲要不停問可否先上三色齋，先可以吃到第一碟餸。之後，再等了8-10分鐘，仍末有其他餸菜上。本來叫了個杏汁湯（$98/1 位），侍應問我們會否要三份，我們說不用，只一位飲。之後，侍應再行埋來說今天冇哂😤 ！見勢色不對，於是同侍應講如其它餸未煮，就取消及埋單。之後，侍應向我們說不好意思，今天只得一個廚師🙄，我問她為何不告訴食客上菜時間會久些，那我們便不會入座及在這裡呆等啦！結果我們三位只吃了一碟三色齋，埋單$119，三色齋好像是$48，茶位每個$20, 另加一😤 真係好掃興，想佛誕食下齋，結果阿仔等得太耐趕時間要先走，我和家人又要另覓齋館醫肚。 我們去了灣仔食素。我們也再叫了三色齋，即叫即上。其他餸10分鐘左右就有得吃，職員服務態度又好，不是天一那些侍應行行企企唔知係咪幫你跟緊單。今時今日咁差嘅服務水準，一定不會再去光顧！…查看更多

今個星期又係和朋友過來女青年會，既然上次吃了樓上那一間茶樓，很自然，今次也是一試這間素食。12點到來到，已經坐滿一大半，似乎比想像中受歡迎！姐姐很友善的安排我們坐下了。嗌咗幾款招牌點心，腸粉，酥炸美點，叉燒炒河。食素點心，其實真的 don’t know what to expect,因為是沒有標準，可以比較。例如素蝦餃，素燒賣看上去是看不出來的！唯有食落口，才食得出。餡料食得出，都是蘑菇類，紅蘿蔔，馬蹄等等。值得推介的，是蘿蔔絲酥餅，剛剛炸起非常熱，外皮很脆，內的蘿蔔絲一條條分明。服務很快手，姐姐很友善。另外看到有晚市套餐，也幾吸引，價錢也很經濟，可以考慮。特別一提，餐牌的字體是很大的，老人家 friendly 👍🏿…查看更多

下午時間接近落場，出餐極快。環境寬敞，非常寧靜。食物有質素，即使是素食，每款點心都用唔同的新鮮食材配搭，絕不單調，有如非素食點心的味道。雖然落場時間已過未能加單，但職員非常有禮送上糖水，服務非常好。氣球高飛指數食物味道 ⭐⭐⭐⭐⭐餐廳環境 ⭐⭐⭐⭐⭐員工服務 ⭐⭐⭐⭐⭐出餐速度 ⭐⭐⭐⭐⭐…查看更多

位於半山的素食餐廳,窗邊位置可飽覽半山景色,感覺舒適! 非常適合和家人,長者用膳!其實店內提供多款素食點心菜式都精緻好味,其中非常欣賞蘿蔔絲酥餅,外層炸得酥香,不油不膩,蘿蔔絲內餡鮮甜水嫩,令人想食多件!唯雪山叉燒包顯得略為失色!另外值得一讚,餐後附送的番薯糖水,香甜軟糯適中,為一餐畫上完美句號!…查看更多

半山一間齋點心，點心精緻，服務不俗。黑松露餃 黑松露加雜菇味道濃厚，皮薄蒿筍餃 味道正常竹笙素翅灌湯餃 湯底冇味精，足料蘿蔔絲酥 蘿蔔絲餡料不算多但甜涼拌木耳紅腰豆 味道有點麻辣，夠味酸辣湯 雜菇加木耳，料足夠但唔酸唔辣如意四寶札 餡係雪耳，菇，粟米bb 味道ok甜品 綠豆糕 餡料加咗紅豆，味道剛好唔係好甜餐廳送雪耳雪梨糖水，剛好唔算好甜…查看更多

天一閣嘅點心同小菜嘅款式都好似尖沙咀嘅緻素坊。我哋搭lift時見到天一閣嘅海報寫住：兩位以上於金鐘乘的士光顧憑收據可退回車資。天一閣蝦餃 ($45)蘿蔔絲酥 ($42)蘿蔔絲酥嘅外皮薄而酥脆，入面包有蘿蔔絲同少少芹菜粒。金邊帝苗餃 ($39)皮薄，唔似普通齋舖嘅蒸餃咁厚皮，餡料有類似雪菜嘅口感，但唔鹹，同埋有木耳絲。秘製蜜汁叉燒包 ($39)如意四寶扎 ($42)四寶扎有猴頭菇、雪耳、冬菇同粟米仔。香煎蘿蔔糕 ($39)香菇叉燒腸 ($42)叉燒係用麵筋整成，口感偏淋，腸粉仲包有冬菇同芫荽。三絲素菜炸春卷 ($39)送: 雪耳腐竹湯水…查看更多

新開的素食餐廳，因為午餐有點心，所以同最愛s一齊去試吓。點心做得非常出色、精美、好味，環境亦非常好！素食的朋友一定要試吓。之後會去食晚飯，餐牌內的食物賣相都好似不錯!…查看更多

我哋一家人到天一閣食爸爸生日晚飯，訂咗壽包，餐廳安排左間房俾我哋，我哋叫左好多野食，如圖。食物味道非常好、賣相亦不錯、服務員態度非常良好、環境清幽！極力推薦大家！…查看更多

半山科達中心3樓好似係預左做素食咁，先係心齋，然後係尚齋，到依家既天一閣。心齋係香港精緻中式素食餐廳既先驅者，打破中式就係要食肥淋淋齋滷味既刻板印象，而佢地最令人難以忘懷既一定係冬天專享既打邊爐，無論湯底定食材都一樣咁正。尚齋既點心令人讚不絕口，雪山叉燒包係必食既，唔落奶但又能做出奶香，仲要非常酥脆，可惜佢地只經營左好短時間。丟空左一陣子既科達中心3樓終於又有新素食餐廳進駐。天一閣既菜式同尖沙咀緻素坊好似，後來得知原來天一閣既班底就係來自緻素坊，咁唔知質素係咪都一樣呢？送到上枱，果然真係同緻素坊一樣喎！蘿蔔糕外脆內軟，啲千島醬中和左啲油膩感，食多幾舊都冇問題。片皮鴨用炸到脆卜卜既腐皮黎做塊皮，猴頭菇就係鴨肉，而用哈密瓜做配菜更加係神來之筆，非常清甜，成個組合都好夾。水煮魚用料足，除左用黎扮魚肉既薄切杏鮑菇，仲有馬蹄、炸腐竹等，亦當然唔少得薯粉打底，一次過品嚐多個口感，湯都非常惹味，但又唔會太辣。胡椒豬肚煲喺緻素坊食過一次，真係食到嘩嘩聲，直情懷疑佢真係掉左個豬肚落去！天一閣做到相同水準，同樣美味。平日晚市客人唔多，餐廳好妳啃請左我地食芒果布甸，估唔到冇蛋冇奶既布甸可以做得咁出色，非常滑溜，唔講都唔知佢係vegan。見到有人post天一閣既午市點心，睇落同緻素坊唔係幾同，好想快啲去試下，亦希望佢地可以研發多啲新既晚市菜式，擺脫緻素坊既影子。…查看更多