大飯桶 (已結業)

一入到去坐低聽到個女人同個食客講：就係唔夠人手先QR code落單！ 無錯 係要用感歎號黎形容嗰句說話然後落單 一野飛個menu埋黎俾我睇 然後再大力飛張qr code單俾我話要qr code落單然後好急咁收咗我枱張menu pad去我隔黎無人嗰張枱度 我total叫咗2份丼飯：豚肉丼 同 牛片丼一份15分鐘度就到咗 令一份等到我個frd食完 佢都仲未黎以為佢拉緊隻牛入去劏之際 我望入廚房出菜個窿見到個男人首先揸住塊祝君安好嘅白布 塊布包住咗一堆好多汁嘅啡色肉 然後黎手用隻夾一路boot一路倒d肉落個碗度 之後碗野係直接遞咗去個窿度 然後就放咗喺個客張枱度 同時間佢好有手尾咁 用塊布係咁抹台…我呆x咗😳跟住我再繼續望入廚房 見到個男人用塊布抹番乾淨隻夾 然後繼續抹枱…隔咗幾秒 就見到佢拎住隻夾 一兜出哂煙嘅菜芯然後睇完咁精彩嘅表演 我個牛片丼都仲未到(可能俾隻牛走甩咗…)個女人都發現 所以笑住咁同我講：heehee 我叫佢即刻整睇完表演我即刻無哂胃口 即刻cancel 跟住埋單佢仲要好好咁喺我面前用計數機減64蚊俾我睇 一句唔好意思都無 真係好有性格呀(我坐咗喺度等咗半個鐘！！！！！

大飯桶裝修簡潔 白色牆加上淺色木條 配合木桌椅 環境唔迫又非常乾淨 用餐十分舒適😊餐廳主要以煲仔飯同燉湯 亦有其他菜式及小食今次同屋企人去 見其他客人都係一家/三兩朋友 客人質素高 就係繁忙時間都不會覺得嘈吵 好可以安靜同家人朋友傾計我哋食黃鱔同鴛鴦腸煲仔飯 好味又有飯焦 份量足夠 燉湯清甜滋潤 釀茄子更加超好味食咗3客 好味到上枱即食冇影相😅 肉鬆豆腐好滑 不過泰式豬頸肉對我就辣咗啲 但因為好味 都飲住菊花茶食😅唯一係少蔬果類菜式 如果有就完美喇🤩

今次經過依間「大飯桶」，之前未食過，吸引我入去食既其中一樣係個裝修，好特別，望落似日式台式既設計，地方寬敞舒適，應該是「老闆娘」既招呼我地，好熱情同 nice, 揀左坐旁邊位置既四人座。睇menu, 有嚕肉飯同煲仔飯，但係就揀左食個定食晚餐，非常有驚喜，居然有合桃，甜品🍮有泰式既紫芒果飯，好好味😋，到主食我係選豬頸肉飯，份量都幾多，仲有埋沙律🥗配菜，一份定食黎講，款色配菜多樣化，唯一就係飯可以多啲汁，甘就更加完美。 整體上，都算好滿意既一餐。

幫襯這間煲仔飯已經一兩年，開頭很好吃，用料新鮮味道也好，雖然座位不舒適，但都不介意光顧。可惜最近質素越來越差，最近一次是買外賣，實在不得不分享一下：醬油：煲仔飯的醬油非常重要，過往大飯桶的暢遊味道濃郁可口，配上肉餅非常美味，但現在稀左好多，味道好淡，點解連醬油都慳，這樣失掉生意值得嗎？飯：煲仔飯最緊要係食飯焦，但外賣兩個飯都居然完全冇飯焦，咁我不如叫碗白飯加餸？餸：帶子好唔新鮮，以前貪佢鮮味經常都會叫，而家又乾又冇味又細隻，同以前唔同晒，好難食。總之，質素惡劣咗好多，以後不回頭，食飯又少個選擇了😟

秋風起，可以食最愛嘅煲仔飯。 行過天后， 見到有間似家庭式嘅餐廳， 主打燉湯， 煲仔飯等等。 見好耐無食過煲仔飯， 咁就入去試下啦。是日晚餐爺爺梅菜肉餅窩蛋煲仔飯比利時橄欖黑豚肉丼特級西冷扒丼爺爺梅菜肉餅窩蛋煲仔飯， 煲仔飯最緊要嘅飯焦， 匙油， 完全做得到， 飯好香， 匙油夠甜， 梅菜肉餅軟滑， 梅菜味好味。比利時橄欖黑豚肉丼， 好林好軟嘅黑豚肉， 香滑， 肥瘦適中。特級西冷扒丼， 西冷扒好香牛味， 牛味濃， 入口嫩滑。下次一定要試埋主打嘅燉湯。

今日本來食另一間，因為肚餓&趕時間去上堂轉咗嚟呢間。見到花舖右手邊（我望住花舖，我的右手）有幾間食肆無人排隊，就想去睇下。行到過去，呢間有人係門口招客，我見menu 又Ok，就入咗去，去食我今日想食嘅豬軟骨。肉躁好jeng。豬軟骨夠淋，略肥。個汁幾jeng。仲有半隻溏心蛋添，但比D肉躁遮住咗，略扣分。另外椰菜絲有D苦澀味，最好用鹽水拖一拖，烚幾秒。碗飯都幾大碗，明明好餓嘅我，食到一半已經覺得有D比飽，點解仲有咁多？女仔應該食唔哂，男仔就會夠飽。間舖有D文創Feel, 有好多明信片。我坐低係一入去右手邊，嗰邊全部都係大理。另一邊，無過去睇。門口有幾張紅櫈仔，仲有電車馬賽克，我仲以為係拼圖嚟。

同朋友行完東岸公園想搵間餐廳醫下肚，㨂左呢間試一試..環境方面，呢間睇落係新開無幾耐，裝修好簡單，牆身貼左好多相做裝飾！另外呢度應該未有電腦入單，待應都係用手寫落單同埋手寫俾錢既單，哈哈，已經好少見呢類手寫單既餐廳了（茶餐廳除外）..今次我點左鰻魚飯（$72），呢度係原條鰻魚分開上，配一碗白飯，有個配菜（蛋、中華沙律同埋合桃），配菜既搭配好新奇，我未見過咁既搭配，不過都唔會好奇怪既，合桃仲幾好食，另外仲有一個甜品（紫米露），細細份，都係幾有趣！..飲品方面，呢度要加5蚊可配熱飲，凍飲好似係7蚊，如想飲湯或特飲就加15蚊。朋友加左個湯，係老黃瓜赤小豆湯，大大碗，朋友覺得無咩味精，都似家常湯水既水準..總結係不過不失既一間食店，一至兩人來食既話都幾好既，人多既話，選擇就略嫌比較少

外賣腩排雞仔煲飯，一百蚊個飯，d飯5香，d雞無雞味，d腩一般，不會再光顧🥲🥲🥲🥲成舊水食左1/3就放棄，好肉赤，我俾我bf食，佢都話麻麻地。。。。。。。。。。。。。

今日同老婆帶貓貓去睇Dr. Hugh，喺診所隔離見到呢間新開無耐嘅餐廳。贊同另一個食評作者，這是一間用心經營嘅小店，裝修簡約，地方清潔，座位之間有足夠，感覺唔會逼夾。午餐價錢不貴，滷肉飯味道不錯，老婆話霸王花老火湯好飲😋服務員亦都好細心，先擺低一杯熱水俾我哋浸餐具，同埋推介一下餐牌上嘅食物。我哋揀咗兩個滷肉飯，一個安格斯牛肉滷肉飯，一個雞排滷肉飯，兩個都唔錯。滷肉少許甜，同普通滷肉味道有啲唔同。下次會再幫襯👍🏼

禮拜日夜晚去天后按完摩，諗住搵間餐廳食晚飯。見到呢間裝潢幾台式，而且唔係太多人，就入咗去。我叫咗個「蒜香豉汁鮮腩排煲仔飯」，排骨味道ok，啲飯亦有粒粒分明，但啲俾人撈飯嘅豉汁顏色就好黑，而且有啲鹹，同平時撈飯食開嘅味道唔太一樣，所以唔係太習慣。個飯亦無咩味未能將排骨嘅香味滲透入去個飯賣88蚊，個人覺得唐_或者包點__嘅排骨飯會好食啲。雖然味道正常，但感覺性價比不是太高。呢個價錢我覺得食物質素尚有進步空間。

之前試過豉汁排骨煲仔飯，排骨醃得入味，今次試南乳柚子炸雞丼及吉列蝦南瓜餅咖喱飯，炸雞熱㷫㷫，多配菜，份量啱啱好，咖喱汁內添加蕃茄，微辣不偏甜好送飯，吉列南瓜餅有驚喜。

天后一帶揾到好味嘅煲仔飯疫情時無得嚟一直掛住一返返公司就去呢度食我最喜愛嘅鮑魚沙薑雞煲仔飯。飽魚好淋,沙薑汁撈飯好香,又有飯焦。我之前係喺度食開糯米飯,但試過呢個沙薑雞之後就返唔到轉頭🤣對女仔嚟講個飯有D大,但太吸引,所以都一定會order呢個飯。朋友食其他煲仔飯都好話好味👍煲仔飯要等十五分鐘,趕時間就真係唔好嚟喇。香港人普遍心急嘛。但呢度D位都舒服,有時間咪當忘中偷閒😅佢嘅例湯又大碗又好味,一碗可以二至三人享用！但我唔推介佢D丼飯,賣相堅一般。

外賣食過幾次，欣賞你哋肉餅同丼飯，但黃鱔做得實在差。另外外賣體驗係非常差，三色麵麵湯有分開，但外賣盒太細，根本無法倒埋一齊食。匙羹係長+軟+唔受力，食起身非常唔方便。其實呢啲你哋自己食一次就明，希望有改進

行過天后...見到呢檔野又耐無食煲仔飯.所以Order左2個一個係坑腩煲仔飯($108).另一個係肉餅窩蛋飯($86)因為晚市要外賣自取關係.都預左唔夠堂食咁好食門市接單個阿姐又串串貢,唔係好想食煲仔飯都廢事買點知原來係失望既開始但完全無諗過咁唔好食....D飯硬到你話有d生既我都信坑腩Un到咬唔開.煲仔飯無飯焦肉餅直頭衰過X記點心d 廿蚊水準..唯一好食既係加左15蚊要條潤腸2百幾蚊買左D咁差既水準..食左4分1已經丟Q晒唔好晒錢幫襯,搞到我要另外再買野食咁既價格定位..無可能有回頭囉

元旦日去天后搵食，周圍都多人排隊，甘岩行到呢條街見到呢間新餐廳，外面裝修唔錯，入面又有位唔使等位。此餐廳主打煲仔飯同米線，有人話米線伏，所以選擇了佢既魯肉飯同煲仔飯，魯肉飯六十五蚊得三款揀，煲仔飯由八十幾蚊到百幾蚊不等，價錢並不包飲品，熱飲加五蚊，凍飲加八蚊，是日例湯加十五蚊。職員態度麻麻，人地未揀好就係甘問人食咩，重複問幾次，好不耐煩。店內推介既古早味馬蹄糕，味道普通，唔值廿八蚊。魯肉飯質素普通，煲仔飯兩老話肉類唔太熟。唔抵食又唔好食，無下次。