大門橫丁日本烏龍麵串燒店 (大壩街)

营业中

休息中

意周圍去食日式串燒、燒鳥，今日見到呢間大門橫丁，睇吓有冇日本嘅大門橫丁咁正先！叫咗個：豬骨濃湯吉列豬扒烏冬🐷個湯真係有啲實色，但飲落湯頭幾清爽。吉列豬扒即炸，炸皮唔厚啱啱好，鬆化唔硬，唔會食到個口損晒😊朋友食冷烏冬，烏冬過足冷河，冇痴埋一舊舊，個汁調得幾好，好開胃，另外揀咗鯖魚串燒同雞軟骨，鯖魚燒得好好味，皮脆但咬落好多汁；雞軟骨鹽味，簡簡單單燒，口感非常鍾意。個餐有嘢飲，加錢轉特飲，個巨峰提乳酸好好味，大大杯，夠晒飲，埋單兩舊有找，都ok抵食😋

這間店都不是第一次幫襯，再到是因為《大門橫丁》的串燒跟烏冬，真的在同級食店勝價比高，滿滿日式小店的風味，特別烏冬跟串燒丼真的美味超值，中午套餐選擇很多，份量足夠，又可以追加小食，就算自己一個或者同朋友食都適合，又有清酒出售，串燒和清酒真的絕配！一間店能如此多年屹立不倒，都一定有佢嘅價值，我喜歡這間日式小店。荃灣店：荃灣大壩街77號電話：（852） 2394 0123營業時間星期一至日12:00-16:00午市時段18:00-21:00 晚市時段21:00-00:00宵夜時段*午市時段不設加一

大門橫丁烏冬麵串燒店😄食物款式超多👍🏻仲有燒酒🍶岩哂一大班朋友聚會去👫👭👉🏻蒜蓉燒北海道帶子超級大粒 非常可口😋👉🏻一口豆腐外脆內軟🤤👉🏻芝士明太子玉子燒🧀芝士可以拉到勁長🤩👉🏻汁燒年糕🫕好煙韌😁👉🏻和風炒牛肉溫泉蛋撈手打烏冬🍲十分惹味 手打烏冬超彈牙整體不錯，值得介紹！

約朋友出嚟食lunch，行行下就入咗呢間新新地嘅試吓，都係啲中午自選套餐，麵、飯＋串燒小食咁～上菜份量OK，食埋個追加小食夠晒飽！蟹子冷烏冬水準唔錯，個沙嗲湯有驚喜，第一啖食落去有兒時嘅回憶，湯頭好濃，感覺都好足料煲！配個烏冬勁襯～兩個人食完好滿足😌

難得自己一個人放假，可以試吓新嘢，呢間中午"串丼"$70蚊有找，4串自選串燒仲有半隻蛋，加埋嘢飲，自己再加個小食咁，串燒有4串，真係即叫即燒，幾新鮮，吉列好脆，唔係翻炸，好味！ 嚟開呢頭可以試吓～

非常欣賞小店參與就業展才能聘用殘疾人士，使他們最終能融入社會，自力更生。同事亦非常大愛，好包容，用各種大話掩蓋小夥計不足之處。話說小夥計，幫隔籬枱落左份冷麵，轉個身就出咗份冷麵比隔籬枱。後繼，我向督導的同事（應該是），反映我早前落單的冷麵仲未到。同事答我廚房有單，冷麵要煮耐啲。再等咗一陣，小夥計又出餐，再將一份冷麵拎到去隔籬枱。（黑人問號？又話廚房有我單？最後又出去隔離枱？原來是同事當左我地係佢啲小夥計，思想不是太清晰，隨便講個大話敷衍了事）最後我溫馨提示小夥計，你前邊嗰份冷麵出錯枱了，你手上這一份是我哋的。唔知仲會唔會再去呢👍🏻👍🏻👍🏻

服務員態度差，食物水平一般，食過冇下次。職員講野態度差到冇人有，似想趕客咁，點左餐都要等好耐先到，所以基本上差到不得了，簡直垃圾，試過一次就夠，唔會再有下一次。

呢度烏冬同串燒都有齊，串燒仲有上百款選擇，重點係價錢超抵食🤯就算夜晚都係每人$100內有找😎簡直係糧尾恩物！特色招牌芝士湯同蕃茄湯手打烏冬，湯底濃郁稠密😍手打嘅烏冬彈牙、煙韌得嚟又有咬口👍🏻掛晒啲湯超級正!仲每碗都會有半隻完美溏心蛋🥚串燒呢度無論係雞、牛、豬、海鮮類都應有盡有🥳尤其是雞腳筋、雞胸軟骨、10吋長雞皮串、雞皮包蝦等等呢啲都係比較有特色，出面唔係咁常食到😉嚟到記得試埋啦!

這間小店位於荃灣大壩街，門面不算太顯眼，lunch和同事經過看到午市餐牌很吸引，便入去試一試。店舖不算很大間，裏面的裝修很有日式的感覺，座位舒服乾淨。午市餐牌的選擇有很多，自家製濃湯自選系列可以選一鍋鍋的手打烏冬或拉麵，配各種不同的配料和湯底，食客可因應自己的喜好自由選擇不同的配搭。另外還可以選擇各款串燒配飯，而且可以免費無限添飯。午市套餐還附送汽水，十分抵食。🌟秘製雞柳日本手打烏冬+鮮蕃茄濃湯（$60）🌟極上牛肉日本手打烏冬+辛辣蕃茄茄濃湯（$66）🌟日式叉燒日本手打烏冬+九州豬骨濃湯 （$72）手打烏冬送上來的時候用鐵鍋盛着，熱騰騰的，而且烏冬的質感很彈牙，各款湯底都十分香濃，配料一點也不馬虎，牛肉、叉燒和雞肉的份量也不少。🌟迷你蟹籽沙律 （$18）午市還可以追加各款小食，我們就選擇了迷你蟹籽沙律，味道不錯，但份量就比較少。這間店的環境、食物質素和份量也不錯，值得一試！

見天氣凍諗住搵啲暖嘢食吓，見到呢間唔多人等位就諗住入去。店員同我哋示意要稍等，但當時並沒有俾飛仔我哋。過咗一陣，見到另一對情侶入去拎咗飛仔出嚟，我哋即刻入去查詢。店員事後先補返張飛俾我哋，但係要我哋等嗰對情侶入座先安排座位俾我哋，聽到即時冇晒胃口調頭走。

服務員沒有檢查清楚單據，將我個餐送錯餐到隔離檯，又話煮多左，然後比左隔離檯食。之後發現送錯餐後，才嬉皮笑臉咁話送錯左我個餐比隔離檯，係最後一碗番茄湯，要我揀其他湯底，

餐廳於上年十月底正式開業，主打手打烏冬及串燒。泊車方面，餐廳對面有商場停車場，後面享和街咪錶長期泊滿。日式叉燒自家製濃湯自選系列₆₂（手打烏冬+黑蒜油湯）兩款麵選擇，湯底有九款份量細少，麵碗比一個正常男子手掌還細。湯底濃郁重口黑蒜味，叉燒入味偏乾。賣相 ︎▪︎▪︎▫︎▫︎▫︎味道 ▪︎▪︎▫︎▫︎▫︎飽肚 ▪︎▫︎▫︎▫︎▫︎環境 ▪︎▪︎▪︎▫︎▫︎服務 ▪︎▪︎▪︎▫︎▫︎性價 ▪︎▪︎▫︎▫︎▫︎泊車 ▪︎▪︎▫︎▫︎▫︎

去了荃灣廣場，好久沒食過正品的蕃茄湯麵，點知去到原來已經執了😭我就去返街頭，見到這間餐廳有蕃茄湯烏冬鍋，那晚天氣突然轉冷，有蕃茄又是鍋物，暖笠笠正好！.我點了「秘制豬軟骨拉麵」，烏冬可以轉做拉麵，還可以走我最討厭的青豆，真好！.湯底算濃厚，欣賞這個蕃茄湯不只是有味道而已，還有幾顆林林的蕃茄，美中不足的是有顆是頗生的，可能是剛加進熬湯的。豬軟骨好林好入味，連軟骨也非常林，而且有好多顆豬軟骨！溏心蛋則帶有酒味，味道偏重。整體是中上的🙌🏻.額外點了一道芝士焗野菜，不過也太細份了😂只有手掌心（不計手指）的大小.環境不錯，當日晚市不算人多，希望香港的食肆可恢復起來當日晚餐有加一，$156吃得很飽，不過價錢對我的預算是小貴的..整體評價主食好味，也可以根據食客個人口味調整，很好的體驗，略嫌野菜少許貴，碟的大小只有手掌心（不計手指）的大小，與預期的份量有落差，如果下次再食，不會再叫野菜了~

最近品嚐了一款令人驚喜的串丼，價格僅需$69，真是物超所值！這個套餐包括四串高質的串燒，加上半隻味付流心蛋，還有一杯飲品，讓人感到相當滿意。*即叫即燒*這個串丼是即叫即燒的方式，雖然需要等一會兒，但絕對值得。每一串都現烤而成，外焦內嫩，肉質鮮美。可以選擇不同醬汁的串燒，包括護心肉和牛舌，味道各具特色，讓人每一口都充滿驚喜。*總結*整體來說，這個串丼的CP值非常高，無論是食材的質量還是份量都讓人感到值回票價。雖然需要等一小陣，但新鮮烤製的美味絕對值得等待！如果你在尋找一個經濟實惠又美味的選擇，這個串丼絕對值得一試！

大門橫丁-之前都食過好多次，分店都係喺九龍嗰邊，住新界唔近，所以唔會成日去到，知道荃灣開新分店，近好多了！一定要食佢嗰個《串丼》，$69已經有4串串燒，大大串，堅食得飽，其他推介吉烈嘅食品，所有都係即燒即炸，好食好多～佢哋仲有好多烏冬，沙律，小食都好味，一大班人叫到一枱都係，食到勁飽圍起都係百零二百蚊一個人，好過食啲日式放題（好多都唔係即整）都要2-300蚊。