大門橫丁串燒手打烏龍麵店 (已結業)

约咗成个月先约齐人, 搞到原本食生日饭, 而家仲加多一个目的, 就系食埋圣诞果餐............临出发前, 响OR睇下d食评同地图, 开头睇个地图, 仲以为响外围, 但原来响公厕转入果d街仔, 真系难揾...........揾到佢, 又开唔到明, 明明写住系拉, 但其实度门系趟的, 都唔紧要, 因为一眼就睇得出, 只系睇唔出度门咁难趟啫~ 又冇人帮手, 入到去我都唔够力趟返埋, 所以由得佢, 入到嚟又冇人招呼, 好彩我朋友到咗~由于肚饿关系, 都系叫d饱肚嘢食先, 但点知真系饱得济, 冇位叫佢d串烧呀小食呀果d嚟试~   牛肉炒乌冬呢个真系抵食, 通常都系乌冬多过牛肉, 但佢竟然牛肉仲多过乌冬, 莫非佢d乌冬仲贵过牛肉? 不过佢d乌冬又真系几弹牙几好食, 应该系手打乌冬, 整体嚟讲, 都炒得唔错, 系属于湿炒, 好多汁, 而且好多椰菜、芽菜、彩椒等一齐炒~  鳗鱼炒饭够哂甜, 可能加咗鳗鱼汁去炒, 但又唔会好湿, 粒粒饭都有汁, 不过鳗鱼就少咗d, 多数都系食到d彩椒粒~  杂锦寿司拼盘(极上)有13旧寿司, 其中3旧系卷, 其余有带子、吞拿鱼、三文鱼籽、海胆、北寄背、海胆墨鱼、虾、三文鱼、同埋唔知咩鱼, 饭同刺身的size比例OK, 而且都几新鲜, 但就贵咗D~  花枝软壳蟹卷成条卷切开6旧, 入面卷有花枝同软壳蟹, 围边满哂蟹籽, 底仲有沙律酱, 整体配搭都几好, 好彩旧花枝唔系好un咋~虽然系星期五晚, 又系日本嘢, 但佢都唔算爆场, 但一路都keep住有客, 而又唔会限时, 都几好, 但d人好少主动斟水, 好彩我地坐近放水的地方, 唔驶等佢招呼, 自斟自饮~…查看更多

同屋企人一同4人BOOK 左位去食, 之前无去过, 都系谂住O系元朗区揾间日本野食下试下, 点解原来佢近排转O左做放题, 我对放题有D 抗拒, 因为觉得200蚊可以任食, D 野食都应该唔会好得去边.... 咁但系又行到门口又下雨又唔想周围去又已经BOOK O左, 咁就试下LA~D野食款式唔算多, 甜品就净系得雪糕同雪米糍. 同埋食开放题都一定系 --- 有某D野食 叫4-5次先会来一次, 但D 野食又比我预期中OK 的, 起码唔会有一样野你放O左落口会想"LUE" 返出O黎, 但D 吞拿鱼D色好鬼红, 食落去又无味的... 究竟佢系咪真系吞拿呢..? 同埋蟹籽沙律D 青瓜好干, 好似食紧草咁 :( 但其他野都真系OK, UDON, 麻医沙律同刺身都可以的~员工们都服务都OK 的, ORDER 会即刻跟, 无水叫佢REFILL 都好快手~…查看更多

团购-- 用作同妈妈庆生, 由于是周六, 可以食早一点, 我们就食5:30-7:30呢节我地7大1B, 店方安排我地坐最后排的位置, BB车就只可以交由店方安排了.刺身 -- 绝对系厚切, 仲非常新鲜沙爹肥牛锅 -- 喺日式放题确系少见. 唔辣的, 都OK烧鸡翼 - 食得出真系用"烧", 而唔系"炸", 好味, 有诚意一口鸡 -- 老实讲, 十分喜欢炸物既我, 都觉得麻麻地. 里面唔似系鸡肉, 加上厚厚的粉浆炸. 感觉不好.炸芝士年糕 -- 细细旧, 开左边, 一啖食到, 好味道之余又唔觉"溜"栗子忌廉紫薯饼 -- 估佢唔到咁好食, 里面有原粒栗子, 绝对系惊喜之作吉列炸物 -- 交货既, 间间都差唔多, 粉浆厚过馅, 冇特别意见烧蚝 -- 烧完差D见唔到粒蚝去左边寿司 -- 玉子好食, 带子好厚唔系灯影考刀功切法, 我只食左呢两件, 但值得推介天妇罗 -- 水准好参差, 第一轮都还可以, 粉浆略嫌太厚. 但第二轮上枱系油淋淋的, 估计系炸既时间唔够总括都OK, 会再黎食, 但只限于特价时段, 正价未必会食.…查看更多

星期日食团购套餐,这间日本菜之前食过觉得几好味,今次又发现有团购,系二人套餐十道菜,好似好抵又吸引,所以就再来过,星期日都可以用,真的少有,但餐厅好似还未知道他们有团购,还问我们是甚么团购,订左八点,去到门口已好多人等位,仕应说等一阵就有....但系我想他是忘记了我们,提醒了他之后就好快安排了一张枱俾我地.我们等左一会儿都未有任何嘢食,问仕应佢话整紧,之后就俾住一碗面豉汤我们,但系我们系二人及四人餐,应该有六碗汤,他只见我们有五人就俾五碗,我谂佢地真系唔太清楚团购内容呀.之后又等等有一份忌廉蟹肉薯饼先上,每人一件,好香口,入面有些忌廉,都几好味呀,不过够漏. 之后就系牛脷,哗碟牛脷好大碟,上面有六块牛脷系大块的,下面有一些洋葱及豆之类的配菜,我麻麻地牛脷的,不过佢都好淋身,几易咬,OK呀,家姐话好好味,再嚟一碗大大碗的饭,饭入面有些唔知咩嚟,应该系用嚟伴饭的碎粒粒,牛肉锅都好大锅,有一只生蛋,多片牛肉,金菇,豆腐,冬菇,绍菜好多,不过佢三个锅入面系唔同既,有一个好多豆腐,其它的系冇既,我再次相信厨房已俾我们的团购搅到有点忙乱. 这个锅的豆腐好好味,好滑好滑,一夹就散开,冬菇都好淋好好味呀,好滑,个汤系甜甜地的,GOOD,牛肉都几薄身,好味呀,唔会太硬旳. 刺身后上,有三文鱼,吞拿鱼,同埋唔知咩鱼,三文鱼都几厚身肥美的,其它两款都OK的, 用一大碗冰冻住,一定唔会变. 应该有个温泉蛋沙律,但仕应话冇点问题,问我地UPGRADE去鱼生沙律有没冇问题,当然冇啦. 仕应放低一碟六件的寿司,我们的餐应该系冇的,叫他们去CHECK,但他们说有,咁就有啦.寿司有三文鱼,生虾及海老虾各两件,好新鲜的呀,只虾好味.之后就系烧三文鱼头,哗哗哗,好大碟,系半个但系好大件的半个呀,都好好味㖞,烧得好香口,同埋都好多肉,好鲜呀,虽然平时我唔多食鱼头的,不过我都有食左一小件. 美味呀.迟来的鱼生沙律,又系好大的一碗,有三文鱼,吞拿鱼等鱼生,加埋一些杂沙律菜,加埋麻酱一齐食,好香的麻酱味道. 鱼生份量也不少呀.还有一个炸三文鱼片....我们先食住雪米磁先,系任食的,迷你的,我们每人食了一粒,系雪妮拿味道的, 之后再等左一阵,三文鱼片终于来了,都好香呀,但系感觉有点不一样,人地果D好似好薄的一片,但呢个好厚,同埋附送一些鱼肉,唔够干身,好咸呀....呢个失败了呀.星期日太忙太多人餐厅唔应该再接团购餐,我们搅到佢地手忙脚乱,真的有点唔好意思,建议团购餐应在星期一至五才做呀.最后还有一张九折VIP咭,我们有两个餐,应该有两张,但系餐厅已派晒,只有一张啊...…查看更多

本身对乌冬有兴趣 中午点了个蕃茄鸡柳乌冬送中华沙律 鸡份量较多 乌冬韧软 汤味道偏浓但可接受 比较值得一赞是其餐用类似石锅盛载食到最后，汤温度都保持很高温度在冬天食用，别有一番温暖…查看更多