大門橫丁串燒手打烏龍麵店 (已結業)

約咗成個月先約齊人, 搞到原本食生日飯, 而家仲加多一個目的, 就係食埋聖誕果餐............臨出發前, 响OR睇下d食評同地圖, 開頭睇個地圖, 仲以為响外圍, 但原來响公廁轉入果d街仔, 真係難搵...........搵到佢, 又開唔到明, 明明寫住係拉, 但其實度門係趟的, 都唔緊要, 因為一眼就睇得出, 只係睇唔出度門咁難趟啫~ 又冇人幫手, 入到去我都唔夠力趟返埋, 所以由得佢, 入到嚟又冇人招呼, 好彩我朋友到咗~由於肚餓關係, 都係叫d飽肚嘢食先, 但點知真係飽得濟, 冇位叫佢d串燒呀小食呀果d嚟試~   牛肉炒烏冬呢個真係抵食, 通常都係烏冬多過牛肉, 但佢竟然牛肉仲多過烏冬, 莫非佢d烏冬仲貴過牛肉? 不過佢d烏冬又真係幾彈牙幾好食, 應該係手打烏冬, 整體嚟講, 都炒得唔錯, 係屬於濕炒, 好多汁, 而且好多椰菜、芽菜、彩椒等一齊炒~  鰻魚炒飯夠哂甜, 可能加咗鰻魚汁去炒, 但又唔會好濕, 粒粒飯都有汁, 不過鰻魚就少咗d, 多數都係食到d彩椒粒~  雜錦壽司拼盤(極上)有13舊壽司, 其中3舊係卷, 其餘有帶子、吞拿魚、三文魚籽、海膽、北寄背、海膽墨魚、蝦、三文魚、同埋唔知咩魚, 飯同刺身的size比例OK, 而且都幾新鮮, 但就貴咗D~  花枝軟殼蟹卷成條卷切開6舊, 入面卷有花枝同軟殼蟹, 圍邊滿哂蟹籽, 底仲有沙律醬, 整體配搭都幾好, 好彩舊花枝唔係好un咋~雖然係星期五晚, 又係日本嘢, 但佢都唔算爆場, 但一路都keep住有客, 而又唔會限時, 都幾好, 但d人好少主動斟水, 好彩我地坐近放水的地方, 唔駛等佢招呼, 自斟自飲~…查看更多

同屋企人一同4人BOOK 左位去食, 之前無去過, 都係諗住O係元朗區揾間日本野食下試下, 點解原來佢近排轉O左做放題, 我對放題有D 抗拒, 因為覺得200蚊可以任食, D 野食都應該唔會好得去邊.... 咁但係又行到門口又下雨又唔想周圍去又已經BOOK O左, 咁就試下LA~D野食款式唔算多, 甜品就淨係得雪糕同雪米糍. 同埋食開放題都一定係 --- 有某D野食 叫4-5次先會來一次, 但D 野食又比我預期中OK 的, 起碼唔會有一樣野你放O左落口會想"LUE" 返出O黎, 但D 吞拿魚D色好鬼紅, 食落去又無味的... 究竟佢係咪真係吞拿呢..? 同埋蟹籽沙律D 青瓜好乾, 好似食緊草咁 :( 但其他野都真係OK, UDON, 麻醫沙律同刺身都可以的~員工們都服務都OK 的, ORDER 會即刻跟, 無水叫佢REFILL 都好快手~…查看更多

團購-- 用作同媽媽慶生, 由於是週六, 可以食早一點, 我們就食5:30-7:30呢節我地7大1B, 店方安排我地坐最後排的位置, BB車就只可以交由店方安排了.刺身 -- 絶對係厚切, 仲非常新鮮沙爹肥牛鍋 -- 喺日式放題確係少見. 唔辣的, 都OK燒雞翼 - 食得出真係用"燒", 而唔係"炸", 好味, 有誠意一口雞 -- 老實講, 十分喜歡炸物既我, 都覺得麻麻地. 里面唔似係雞肉, 加上厚厚的粉漿炸. 感覺不好.炸芝士年糕 -- 細細舊, 開左邊, 一啖食到, 好味道之餘又唔覺"溜"栗子忌廉紫薯餅 -- 估佢唔到咁好食, 里面有原粒栗子, 絶對係驚喜之作吉列炸物 -- 交貨既, 間間都差唔多, 粉漿厚過餡, 冇特別意見燒蠔 -- 燒完差D見唔到粒蠔去左邊壽司 -- 玉子好食, 帶子好厚唔係燈影考刀功切法, 我只食左呢兩件, 但值得推介天婦羅 -- 水準好參差, 第一輪都還可以, 粉漿略嫌太厚. 但第二輪上枱係油淋淋的, 估計係炸既時間唔夠總括都OK, 會再黎食, 但只限於特價時段, 正價未必會食.…查看更多

星期日食團購套餐,這間日本菜之前食過覺得幾好味,今次又發現有團購,係二人套餐十道菜,好似好抵又吸引,所以就再來過,星期日都可以用,真的少有,但餐廳好似還未知道他們有團購,還問我們是甚麼團購,訂左八點,去到門口已好多人等位,仕應說等一陣就有....但係我想他是忘記了我們,提醒了他之後就好快安排了一張枱俾我地.我們等左一會兒都未有任何嘢食,問仕應佢話整緊,之後就俾住一碗面豉湯我們,但係我們係二人及四人餐,應該有六碗湯,他只見我們有五人就俾五碗,我諗佢地真係唔太清楚團購內容呀.之後又等等有一份忌廉蟹肉薯餅先上,每人一件,好香口,入面有些忌廉,都幾好味呀,不過夠漏. 之後就係牛脷,嘩碟牛脷好大碟,上面有六塊牛脷係大塊的,下面有一些洋蔥及豆之類的配菜,我麻麻地牛脷的,不過佢都好淋身,幾易咬,OK呀,家姐話好好味,再嚟一碗大大碗的飯,飯入面有些唔知咩嚟,應該係用嚟伴飯的碎粒粒,牛肉鍋都好大鍋,有一隻生蛋,多片牛肉,金菇,豆腐,冬菇,紹菜好多,不過佢三個鍋入面係唔同既,有一個好多豆腐,其它的係冇既,我再次相信厨房已俾我們的團購攪到有點忙亂. 這個鍋的豆腐好好味,好滑好滑,一夾就散開,冬菇都好淋好好味呀,好滑,個湯係甜甜地的,GOOD,牛肉都幾薄身,好味呀,唔會太硬旳. 刺身後上,有三文魚,吞拿魚,同埋唔知咩魚,三文魚都幾厚身肥美的,其它兩款都OK的, 用一大碗冰凍住,一定唔會變. 應該有個溫泉蛋沙律,但仕應話冇點問題,問我地UPGRADE去魚生沙律有沒冇問題,當然冇啦. 仕應放低一碟六件的壽司,我們的餐應該係冇的,叫他們去CHECK,但他們說有,咁就有啦.壽司有三文魚,生蝦及海老蝦各兩件,好新鮮的呀,隻蝦好味.之後就係燒三文魚頭,嘩嘩嘩,好大碟,係半個但係好大件的半個呀,都好好味喎,燒得好香口,同埋都好多肉,好鮮呀,雖然平時我唔多食魚頭的,不過我都有食左一小件. 美味呀.遲來的魚生沙律,又係好大的一碗,有三文魚,吞拿魚等魚生,加埋一些雜沙律菜,加埋麻醬一齊食,好香的麻醬味道. 魚生份量也不少呀.還有一個炸三文魚片....我們先食住雪米磁先,係任食的,迷你的,我們每人食了一粒,係雪妮拿味道的, 之後再等左一陣,三文魚片終於來了,都好香呀,但係感覺有點不一樣,人地果D好似好薄的一片,但呢個好厚,同埋附送一些魚肉,唔夠乾身,好咸呀....呢個失敗了呀.星期日太忙太多人餐廳唔應該再接團購餐,我們攪到佢地手忙腳亂,真的有點唔好意思,建議團購餐應在星期一至五才做呀.最後還有一張九折VIP咭,我們有兩個餐,應該有兩張,但係餐廳已派晒,只有一張啊...…查看更多

本身對烏冬有興趣 中午點了個蕃茄雞柳烏冬送中華沙律 雞份量較多 烏冬韌軟 湯味道偏濃但可接受 比較值得一讚是其餐用類似石鍋盛載食到最後，湯溫度都保持很高溫度在冬天食用，別有一番溫暖…查看更多

早前yahoo團購$40換$80coupon, 兩個人可以用兩張, 不用book位, 我們晚上7點去, 完全沒人, 但後來開始多人和滿座了男朋友沒有理會我有多少錢coupon, 總之想食的就點, 他就不會慳在吃方面, 特別是我和吃牛肉露筍卷, 牛肉肉質乾鞋, 露筍有渣, 差男友說寧願吃金菇肥牛卷還比較好吃, 我也有同感蟹烏冬蕃茄湯底 , 之前在尖沙咀店吃過大門橫丁的蕃茄湯烏冬湯底不錯的, 可惜今晚吃到的蕃茄湯底有點假, 蟹只有少少肉, 沒什麼鮮味, 配料有假翅、粟米、四季豆、流心蛋, 烏冬都尚算滑青瓜蟹柳蟹籽沙律, 青瓜都幾多, 味道都OK本來想要大蜆鍋, 但沒大蜆, 改點蠔鍋, 蠔都有幾多隻, 但overcook左, 質感變得靭, 有一隻大冬菇, 豆腐, 唐生菜, 娃娃菜等, 其中金菇是一整舊沒有分開的, 吃得很不方便, 廚師有這麼懶嗎?而湯底頗咸的, 這一鍋頗失望吉列蠔, 唯一這個比較好味, 外皮薄脆, 蠔熟度剛好, 幾juicy串燒牛舌都爽口, 好吃這一餐coupon$160, 另外付$170, 算是中價的日本餐廳, 但質素卻偏低, 本人覺得不合格, 失望, 還好只買了兩張coupon, 應該不會再吃了…查看更多

2月12日生日,家姐話係團購買左半價的COUPON可以去食,所以同媽媽一齊食日本嘢,我地搵左一陣,因為佢個名大門橫丁好細隻,所以要打電話去先知原來係果間.入到去都得2張枱有人,可能係天氣太凍,同埋又落雨,又早卦. 我們俾左三張COUPON給仕應,然後就ORDER嘢食.可以叫240元既嘢呀,好開心,個MENU好豐富的圖案,好吸引.首先叫左一些冷食先. 三文魚刺身,三文魚壽司,蟹棒壽司,鰻魚壽司, 三文魚刺身係有四件厚身的,用冰凍住咁上,好新鮮肥美呀,好好味. 三文魚壽司都好肥美,好食呀,我唔食鰻魚冇試,蟹棒都好好味,有些沙律醬一齊食.正呀.迷你魚生飯,都有好多唔同的魚生喎,有蝦,帶子,三文魚,魷魚,好好食呀,全部都好新鮮,唔會腥,有少少飯. 食完生嘢先ORDER熟食,因為怕凍晒.炸蝦反卷,有四小件,入面的蝦炸到好脆好香口,出面的蟹子係卜卜聲架,好好味呀,我平時唔太食蟹子的,但呢個真的好味.炸蝦天婦羅,家姐話聽到隔離張枱話好新鮮,所以本來想叫蕃薯都改左叫炸蝦,有四隻,加埋D蘿蔔汁一齊食,冇咁熱氣,炸蝦的粉醬一D都唔厚,又唔油,入面的蝦好啖啖肉呀,好好味,又熱辣辣.YUMMY!!串燒叫左一串雞軟骨及甜蕃薯,兩樣都好好味,雞軟骨唔咸,好有咬口,甜蕃薯成粒可以食,好甜好香好味,我們還叫左一串好出名,好多人推介的豬頸肉年糕串燒,個名好特別,用豬頸肉包住年糕去燒,食的時候出面好香豬頸肉的味道,入面的年糕燒到好煙勒,好得意喎,同埋真的好味.仲有叫左一碟青瓜蟹柳蟹子沙律,青瓜唔係切到一絲絲的,係一片片的,咁樣食原來仲好味,仲有咬口,青瓜好清甜,又多蟹柳又多蟹子.一路坐一路有人嚟食,原來全部都係團購架,團購真的可以助商機呀. 下次有機會會再嚟.…查看更多

已幫襯大門橫丁數之, 不論在新界或九龍區都吃過, 真的不錯. 最近有團購我當然不會錯過.由於買了兩張$80現金券, 所以就想吃什麼就什麼加上當和相公做節所以不理價錢吧!!約六時多到達只坐了三成人客, 入去時沒有人招呼, 只有自己選好坐下, 這時才有待應出來. 等了一陣, 先送上三文魚刺身, 每人兩塊, 味道還可以但質地麻麻有點淋.對上一次來大約是兩個月前左右, 當時還有壽司的但現在沒有了, 只有手卷所以點了一件, 比較細卷而家八爪魚只有數粒, 現在的食肆真是令人慨嘆~~上次來都有點這個一口牛, 真是不錯, 熱辣辣送上加上底部有三色椒和洋蔥, 只是鹹了少許. 牛肉方面很香牛味又很鬆化.又等了一段時間終於有其他食物送上, 這裏上菜仍然是那麼的..........慢~~~~~~~~~~炒飯份量還可以每人吃了兩碗還吃剩了一少半可以外帶~飯的配料都算多只是炒得有點濕了~送上時待應只是放在枱邊, 但這煲和飯碟都是很熱的, 煲太近枱邊真是很危險因近路口很多人行來行去, 待應放下便走了, 我立刻說幫我幫放好一點都不可, 但這句我只是跟相公說, 待應聽到後便幫我們放好, 但態度就麻麻, 當時又不是真的很多人很忙為何不可服務好一點呢??最重要是煲是熱辣辣的萬一有什麼事傷到任何人都是不好. 到時責任應誰人來負呢??再講個煲, 有四隻超級大蜆真是很大很大不過有點沙, 但少不免的. 湯味清酒不多如果可以濃一點就更好了. 配料方便有豆腐, 金菇, 小棠菜和娃娃菜, 其實這煲還可以的如果清酒味足夠真是滿分.待應送上時我的眼晴大了數倍, 還想說不是我們的, 但相公的表情跟我說我們被偏了~~~本以為燒三文魚腩是一塊塊而不是一串串的, 加上餐牌上沒有列明是一串, 這串盛惠$28, 當然可以說是我們天真想$28吃三文魚腩, 但真的沒有列明是串燒, 難道燒三文魚頭都是一串串的嗎???真是想跟待應理論, 但當時太多人已坐滿九成客人, 所以都是算了吧!!!肉質方面當然是肥肉多過魚肉, 雖說是腩但真的有需要那麼肥嗎?我會不會再來呢, 應該都會但經過今次已扣了不少分數, 除非我真的很想再來吃烏冬, 否則我應該不會再來了~…查看更多

泊車 : 附近有3個停車場 , 價錢差不多 , 其實泊有半個鐘果d好似低d , 但小弟泊摜左爛地 , 6 點到通常唔洗點等 , 行番過去約3-5分鐘.食過元朗同深水埗 , 元朗光顧次數較多 , 上年在元朗食第二次時 , 同經理吹左幾句 , 啱咀形佢就醒左張 VIP咭比我 , 以後有九折 , 佢話要食時令野就間間不一樣, 因會自行入貨 , 今次再到元朗店, 知道做埋刺身壽司 , 反而覺得有點可惜, 好像主題同定位都變得模糊了 , 如要食刺身同壽司選擇何其多呢 !1) 蟹粥 - 之前食開蟹烏冬HK$98 , 現在變了蟹粥HK$6x , 即管試試 , 呢個價錢在冇期望之下反而覺得ok , 海鮮始終係隱陣野 , 一般水蟹即街市買一百蚊三隻果d, 三個人食份量ok 夠.2) 時令燒倉魚 - menu 同水牌都冇list , 伙記口述推介 HK$8x- , 不過不失 , 冇咩特別.3) 燒新鮮波羅 - 次次都食 , 厚切就一串三件 , 薄就一串四件 , 睇來貨. 厚會好食d , 暖暖地個心鎖住多d汁 , 好 warm呀...4) 雞皮蝦 - 也是次次必食 , 但反而唔係次次有得食 , 可能雞皮冇貨 , 雞皮燒完唔會肥 , 香口薄脆, 就係呢個簡單菜式令我肯定了她的串燒地位.5) 燒大蝦 - 一次試晒三款食法 , 又係隱陣冇得輸.6) 牛油蓉帶子 - 牛油多左d , 水汪汪 , 如乾身d買相會好d.7) 燒蠔 (芝士) - 剛好唔 un.8) 羊片(上次食) - 次次都食羊架 , 今次試羊片冇羊架咁肥…查看更多

1-6-2013(六)是日來了元朗市中心影街道相，本想一個人前往，但姐姐嚷想和我一起去，那就一起去吧，我只怕我周街影相的行為會悶到她呢！我們坐巴士 264M 號來到又新街，然後我就開始 "周圍攝" 的活動，來到千色廣場附近已是下午一時半，好！要趕快吃個午飯醫醫肚，我們隨意選在 大門橫丁 用膳。從沒聽過此店舖的名字，也不知它是否有分店，那就賭賭運氣，看它的水準如何！我叫了一碗餃子九州湯拉麵($36)。一碗拉麵美味與否，其實湯底佔的分數比重較高。正宗的九州拉麵是將湯底煮到濃郁卻又不會油膩，但這碗九州拉麵顯然是不對辦，湯底太淡，一點豬骨味也沒有，近乎接近滾水的無味程度！吃下一口拉麵，完全沒彈牙和清香，掛湯能力更談不上！感覺在家煮出前一丁來得更優質。餃子應煎得已久，在空氣中擺放太久，完全淋身，沒有咬口！頗差！姐姐叫了一碗黑蒜油豬軟骨手打烏冬($42)。姐說湯底可接受，但烏冬卻不像手打，較像現貨交來，因欠煙韌口感，入口沒彈牙感；豬軟骨只得三小件，質地較硬身！份量不多，吃罷不覺飽肚！埋單共 $82。看單據，不太清楚服務費為何是收取 $4，而不是 $8，噢！也不多問了！姐吃完後有點怨氣，我倒沒所謂！因為知道吃較好的日本拉麵/烏冬，這個價錢一定在香港那裡都找不到的！我還取笑她 ：「妳只付四十多元，難道就想有店舖 天空龍吟 的質素呀？」哈哈哈～不過，大門橫丁，還是一次便夠了！…查看更多

是日跟朋友入錦田郊遊，玩完冇理由直接打道回府架，梗係出元朗揾食啦！元朗平吃和食出晒名，於是我地一行6大人加3小孩到了大門橫丁開餐。一如其他大件夾抵食既日本餐廳，基本上我地唔係好睇價錢就喪嗌一餐，講多無謂，睇相最實際，由於這裡只可放8張相，故我揀左最好味既7張同好難食既1張俾大家睇，詳細食評如下：1. 青瓜沙律- 這個主要點給小孩吃的，我沒吃，不過我諗味道一般吧！2. 2客壽司拼盤- 用料新鮮，我不吃魚，只吃了帶子及北寄貝，帶子好難唔腥，這裡用既就是鮮甜的！3. 鐵板一口牛柳- 好有牛味，口感又好，正！4. 蟹子三文魚炒飯- 賣相不錯，炒得好乾身，其實唔加蟹子都OK的！5. 黃金蟹粥(難吃)- 這個一來到已證明與圖不相副again!!看上去似煮俾小朋友既飯仔，冇味... 唔OK囉！6. 烤豬頸肉年糕串- 好好味，豬頸肉既鹹香被QQ既年糕中和了，又燒過既年糕外脆內軟兼香口，又係好得！7. 燒鯖魚- 這個大人小孩都吃呀！8. 燒蕃薯串- 本人係蕃薯及薯仔控，所以一定點的... 好味！9. 燒雞泡魚乾- 我平時不吃魚，但會吃燒雞泡魚乾，配沙律醬吃... (其實我也是沙律醬控)10. 蕃薯天婦羅- 吃了一口... 主要讓小孩吃這個嘛！11. 軟殼蟹反卷- 難得沒多餘配菜，好像只有生菜及軟殼蟹，成件啪入口完全冇問題，好味！12. 鐵板牛舌- 這個我沒吃，不過同枱朋友說一般！13. 海老天婦羅- 這個也很一般！14. 燒魷魚串- 這個燒魷魚串反而不錯，不過帶辣，小孩不能吃呀！(除非佢係小辣妹啊！) …查看更多

My son and I had a great lunch at this Japanese restaurant! We order some salmon sushi and a bowl of Udon with Chicken Fillet in Tomato soup. The salmon sushi tasted vert fresh and the size of the salmon was thick. Super Yummy!The Udon was great too! the Udon was the good quality kind. and the tomato soup base was thick and rich in tomato flavor which I really like. Plus, the chicken fillet was soft and juicy. nice!!! What a surprise in this restaurant! will go back for sure!…查看更多

元朗一直都有好多日本餐廳,上次中午試過呢間嘢,都OK,今次特意黎再食晚餐.順便換VIP CARD今次兩個人一去到,唔駛等位,正!!坐低落ORDER,服務員細心,出嘢夠快~又不時幫加熱茶,收碟紋路分明的厚厚三文魚,甜蝦,海膽好肥美,好鮮甜@@十分滿足^^下面有碎冰保住溫度,軟殼蟹夠脆身,勁多蟹籽,顏色豐富帶子壽司十分新鮮,鵝肝雖細件,但加入PEPPER, 味道令人回味無窮,外表一點也不油膩@@個湯底比想像中濃,好香!^^叉燒好淋好入味!配上半隻溏心蛋,蛋味很濃,十分軟滑可口,…查看更多

元朗日式店鋪實在太多, 質素參差不齊.....我唯有上OPENRICE 重新再SEARCH 有無好野食....點知發現佢!!大門橫丁, 旺角成日見到,但無去過, 好似幾貴, 但見食評不錯,於是來元朗找找間鋪在那, 原來都幾隱閉!!在大棠公廁隔離, 響西菁街網球場及千色廣場附近..一入去, 無咩人, 得3枱客, 但已經是7:30...坐得很舒適!!因為無咩人關係, 服務好好,不停加茶, 又收碟!!煙肉芝士年糕, $18一串都幾貴,但真是不得不試, 好好食, 因為有煙肉汁, 包住芝士年糕, 入口一齊咬, 溶化在口中, 夾住一陣陣煙肉香.....好食到震,但只能食一舊至兩舊, 好流的!!這串八爪魚鬚,要左辣味, 又是無得頂, 辣味不太大,但因為八爪魚鬚多數淡口, 因為有辣味,加上即燒即食, 好新鮮又香口, 咬落口是爽的,不是硬實實!!芝麻雞亦,這個味道剛好,不太咸, 大隻多芝麻, 又是熱熱的, 很想重叫!!青瓜蟹虸沙律,不算大碗, 但因為青瓜新鮮,又切片,好多的, 連埋蟹柳絲+青瓜絲, 又多蟹虸....加上沙律, 我老公讚口不絕!!這個不得了, 魚生冷面, 好大碗呀!!!!!好多菜及三文魚,不是講大話, 冷面亦好多在底, 無汁的,要自行加胡麻醬, 好好味的醬, 加上三文魚, 停不到口,但真的會濟...一個人是不能獨自吃,除非不吃其他食物, 這只是$48, 抵!!食烏冬加$8的...有一隻少糖心蛋及兩隻餃子, 我覺得間餐廳好細心, 來這裡的人多是兩個人, 多數叫東西SHARE 食, 蛋及餃子剛好兩份可以SHARE!!兩樣OK, 無咩特別!!!但蛋有得沾豉油, 有味道!!這個極上豬軟骨牛肉辣蕃茄烏冬, $69, 不算大碗, 烏冬好彈牙但比較少, 豬軟骨很淋, 兩三舊, 牛肉數薄片, 來的時候紅紅的, 真好,不會過熟....內裡還有大量粟米及兩片日式魚蛋!!好豐富呀...辣味唔重, 蕃茄湯很濃,好好味, 最後要飲埋D 湯, 正!!埋單$240, 價錢OK, 好飽...9點前有串燒優惠,但不算平好多,而且不合口味..而9點後亦特價, 但每款平2-3蚊....所以來這裡不用特別等時間, 因為本人覺得好食的食物, 貴多2-3蚊,都抵的!!!…查看更多

朋友仔說這是新開的串燒店結果我地兩個人成晚只係叫左串燒當居酒屋咁enjoy 就好了9 點前仲有特價優惠tim~ 太少有了超肥美的，啖啖肉，亦都好鮮甜一d 都唔脆，隻蠔仲好細隻，一d 都食唔出好creamy 既芝士，但味道並唔濃但元貝就幾大粒，唔錯好juicy 亦都好甜，煙un帶有少少焦焦的幾香脆既煙肉，啖啖既芝士外脆內嫩既豆腐，金黃蠻脆口加左檸檬汁，一流記得之前係某間酒店buffet 時食過串燒菠蘿好正依家menu見到即刻要叫!!上檯既時候急不及待要試，真的誇啦啦夠晒甜，又有d 脆，又juicy~~串燒泡菜牛肉卷好辣既泡菜，而且加埋個牛肉卷並不好食仲好鹹tim串燒芥末和牛呢個絕對唔match, 不過和牛就幾好味串燒好味道，好多款好滿足咧…查看更多