大鍋口海鮮火鍋店

营业中

休息中

「 大鍋口海鮮火鍋」並不在大窩口，而是在佐敦 莊士倫敦廣場12樓，平日晚上2小時任食連加一，每人都只是$251，非常超值。餐廳會供應麻辣雞煲，喜歡吃雞煲的朋友千萬別錯過，當然，不吃雞煲只打邊爐絕對可以。《川芎天麻魚頭湯底》奶白色的湯底加大大的魚頭，正。每枱先送一碟極品靚肥牛，入口即溶，最適合打邊爐。其他食物總類非常多，肥牛片、豚肉片、羊肉片、鮮蝦、魚片，還有各式手打丸，牛柏葉、菇類、蔬菜和豆類，都是任食的。入紙落單後，食物很快就送來，各樣食物新鮮並有質量。飲品有自家製的竹蔗茅根，清熱解渴。還有一部雪糕機，可以自製雪糕和加配料，又好玩又好食，夠曬滿足。

尖沙咀超抵食雞煲海鮮火鍋放題，近百款火鍋配料選擇😍🔻雞煲海鮮火鍋放題 💰198🌟好耐冇食過雞煲火鍋放題，最近同朋友去左尖沙咀食，位置都幾方便，地鐵站隔離，仲有好多圓檯，啱曬一大班朋友😍食完雞煲後，餐廳會再俾唔同湯底我地選擇，特色湯底有胡椒豬肚湯、皮蛋芫荽湯、花雕醉雞湯、川芎天麻魚頭湯、椰子滑雞湯等☺️有近100款配料，例如手切肥牛、滑牛肉、金錢牛𦟌、手打蝦丸、手打墨魚丸、九肚魚、海蝦、脆鯇片、白鱔片、吊桶仔、自家制白松露水餃、韭菜餃等近百款選擇，食材幾新鮮，特別係啲牛肉好靚，鵝腸都唔會有苦澀味，海蝦好生猛，肉質緊實，唔會霉👍🏻最緊要係呢度order完上菜超快，幾分鐘就黎到，完全唔驚檯面冇野食🙈最後仲可以自己擠雪糕🍦我加左超多爆爆珠，正😝

最近發現喺佐敦呢一間抵食火鍋店，二百幾蚊就可以任食雞煲同埋邊爐仲有甜品飲品，而且質素仲好高，超級抵食！雞煲有少少辣，不過我覺得就算唔係好識食得辣嘅朋友都可以試吓，雞肉鮮嫩入味，食唔夠仲可以任添！邊爐嘅湯底有好多選擇，我哋揀咗四川麻辣同埋醉雞湯底。麻辣湯底唔算好辣，麻中帶香，醉雞湯底有好香濃嘅花雕酒味，湯底入邊已經預先有一啲滑雞。肥牛唔算好肥，肥瘦適中，口感嫩滑，一定係必叫！除咗肥牛，仲有好多其他唔同嘅肉類選擇，雞肉、豬肉、海鮮、各式各樣嘅丸類、同埋菜，你諗到嘅呢度都有得食，而且整體嘅食物質素都唔差，絕對係好抵食！飲品仲要係任飲嘅，有汽水、檸檬茶、烏龍茶等等。食飽之後當然唔食得甜品啦，呢度提供朱古力同埋雲呢拿雪糕，都係任食嘅！

今晚想又食雞煲又打邊爐，就黎到好耐冇去位於佐敦的大鍋口海鮮火鍋店，貪佢位置方便，又可以任飲任食，冇訂枱之下18:45 walk in 都入到枱，太好了因為呢度平時係好多人等位的🙈🙈先叫左個雞煲，一上枱香噴噴，味道食落好惹味，又唔會太辣，雞件都幾多下，店員仲話唔夠可以refill😆😆食完雞煲之後就打邊爐，叫左椰子滑雞湯底，好香椰子味😍😍佢啲打邊爐配料好多選擇，啲牛肉又真係幾新鮮幾好食，最緊要冇雪味。個人私心推介鮮蝦滑，墨魚滑，好彈牙爽口😋😋😋😋估唔到呢到連秋葵都有，真係好好👍👍飲品都好多選擇，主要係韓國飲品多，最好係有唔甜的罐裝茶🙊🙊呢到仲有雪糕任食，個朱古力雪糕好食呀，比我想像中個質地結實好多呀，仲有幾種配料可以加上個雪糕到，小朋友一定會好中意🥰🥰另外要大讚餐廳啲職員好有禮貌，同好細心🥰🥰

今晚約咗朋友食飯 我想打邊爐跟住我哋就上咗嚟呢間位於佐敦嘅大窩口雞煲火鍋自助 冇錯，佢就係打完雞煲再打邊爐 認真正啊👍🏻 我哋首先嗌咗個麻辣雞煲 到咁上下，跟住佢就會同你換過新嘅煲湯底再上過打邊爐 我哋今晚揀咗蕃茄豬骨湯底 味道唔錯 而且個湯底都好足料 佢首先會上盤牛肉 然後就可以自己喺紙上面度揀食啲咩啦 我哋叫咗好多嘢食 不過我哋唔太好肉 叫咗蝦滑 墨魚滑 豆腐 娃娃菜 金菇 蘿蔔炸魚皮 蟹柳生根 響鈴 生蝦等等 選擇真係好多 性價比超高 推介 推介 最後仲可以食埋佢個雪糕 有原味同朱古力味 仲可以加Top 最啱一班朋友聚會

好耐冇食過大鍋口 琴日夜晚去咗佐敦食😘夜晚都幾多人㗎 香港人都真係幾鍾意打邊爐🍲🍲🍲首先，一嚟就食咗個雞煲先 雞煲好香 雞件嫩滑 食完雞煲之後就轉左打邊爐，我哋揀咗椰子雞湯底🐔餐廳俾咗盤手切肥牛我哋 呢個係冇得任食嘅👅但係我想講嘅係可以任食嘅肥牛賣相都唔差 幾新鮮 一定唔係最cheap嗰種🙊 任食嘅配料就好多款選擇 我哋叫咗醉雞件、海蝦、芝士腸、響鈴、鵪鶉蛋等等 亦都冇漏單嘅情況🫶🏻我自己個人最鍾意嘅係韓國年糕😆😆😆好煙靭好好味👅👅其實而家物價咁貴 自己買料都唔止 買磅靚少少嘅肥牛，可能都要百幾二百蚊 依家講緊每人二百幾蚊就可以任食兩小時，我覺得係非常之抵❤️

今日去食火鍋任食😋好耐無食過咁抵食又高質既火鍋啦！價錢好抵！$228 已經包括左雞煲，食完之後再打邊爐😙。我哋先點咗一個超好味嘅「川弓大麻魚頭湯底」湯頭濃郁,超濃藥材味,超級開胃!配合佢哋嘅手切肥牛、豬頸肉柳同埋白鱔片,真係入口即化,好鮮滑!另外生猛海蝦都十分彈牙鮮甜,超級滿足!。而手打嘅墨魚丸同雞軟骨丸,個丸身都好彈牙,仲好入味。火鍋配料，好似：牛柏葉、鵝腸、芝士腸同埋午餐肉都好吸引🤩。。呢度飲品選擇超多！大路野唔講太多、主要欣賞佢個「自家製竹蓆茅根飲品」唔會太甜又夠清熱！

🐽 麻辣雞煲一坐底先叫個麻辣雞煲試試，雞件大大件，份量唔會太多，1/4隻雞左右，麻辣香料恰到好處,不會過於刺激又開胃🐽 特級肥牛另外店家亦會送上一碟特級肥牛，肉質鮮嫩，油花好豐富，一口下去滿口香氣，生啫一流🐽 番茄豬軟骨湯湯底鮮甜可口，湯頭蕃茄味濃郁，不會過於膩口，豬軟骨好林又入味 🐽 蝦滑、墨魚滑同滑雞肉食材好新鮮，海鮮滑質感滑順彈牙，雞件好嫩滑，肯定能夠討好饕客嘅味蕾🐽 牛丸、炸魚角、芝士腸同埋牛餐肉各款丸類款式好豐富，樣樣都好出色,不論質素定口感都叫人回味無窮🐽 粟米、金菇、響鈴同娃娃菜蔬菜十分嫩滑爽脆，放落湯底到特別甜，為整個火鍋大作增添色彩

座位都好闊落，坐得好舒服而且係彌敦道隔道交通好方便 有好多款湯底，全部望落都好吸引今次同朋友都想試花雕醉雞湯底醬油會由職員幫手加另外有蔥、生蒜、炸蒜、麻醬、辣椒粒同辣醬可以自己調最想食嘅醬 打邊爐之前仲可以先食麻辣雞煲份量係半隻左右，而且仲可以無限添加!一開爐就聞到勁香嘅味急不及待就食佢先雞件好滑，加埋特制麻辣醬料超級惹味!!!!!!一下子就清晒 雖然好好食，但因為又想打邊爐所以就無加到而且唔係平時雞煲火鍋嘅形式平時會係同一個煲度加湯再煮滾但依度係另外比一個新嘅煲 個煲一嚟到就勁香嘅酒味勁吸引 每枱仲會送一碟肥牛淨係睇樣已經覺得好靚當然第一時間先放入鍋度 味道同聞落去都一樣超濃郁嘅味就算唔加醬油都已經好好食好夠味 食物種類都有好多海鮮、肉類、蔬菜都有嗌每一份唔會太多，可妣試多幾種又唔會食唔晒好中意咁樣~啲蝦好鮮好好食! 嘢飲都係任飲有罐裝可樂同埋支裝嘅涼茶有我最愛嘅忌廉鮮奶已經好足夠 入座起計兩小時都好夠食飽肚又可以吹下水同埋湯底真係好出色!之後再想約朋友打邊爐吹下水都會想嚟返依間

任食火鍋兩小時成人$228/位，除了任食亦有任飲多個雪櫃，擺放了多樣化的飲品。入座後先上雞煲，夠辣又惹味，雞肉保持嫩滑又入味。揀左椰子滑雞湯奶，白色的湯頭內有紅棗、椰子、雞件味道也清香。手切肥牛質素不俗，最鍾意食白鱔片同脆肉鯇，好爽口，仲有生猛海蝦，墨魚滑味道鮮質感頗彈牙，黑松露水餃同自家製韮菜餃，菜多肉少皮亦夠薄。自助雪糕機供應雲尼拿同朱古力兩款口味，仲可以加好多配料。而個價錢有雞煲又打邊爐唔使自己買材料同洗，性價比高，推介

大鍋口係打邊爐放題店嘅始祖，耐不耐都會黎打個邊邊，因為佢正價時段都係$228一位，已經係任飲任食兩個鐘，價錢超貼地😆是晚又黎左大鍋口，平日晚唔使等位，店員好快帶位入座，店內都唔少食客，除左中間大枱，其他細枱幾乎坐滿。食完雞煲先打邊爐，雞煲無得揀辣度，不過我覺得幾好，少少辣啱我口味😋未開始打邊爐前梗係要整返碗混醬啦😆湯底揀左川弓天麻魚頭湯，淡淡地有葯材味，都幾好，鍾意佢夠清唔係一大窩湯料。做緊優惠送的極品肥牛，我見枱枱一坐低就送，色水係唔錯👍其他任食火鍋料～種類多，無漏單，二人份量幾合理。任食嘅肥牛都唔比極品肥牛差太多，羊肉片、豚肉片、白鱔片等都正。飲品有汽水、茶等，仲有自家製竹蔗茅根😋最後就係甜品啦，雖然得軟雪糕機，但有牛奶同朱古力口味，仲有topping任落，ok呀😋點解其他人可以擠得咁靚嘅，擠軟雪糕都係一門學問黎。是晚唔爆場，超時少少都無趕🤣爽～

打邊爐真係香港人至愛😛一年四季都好鍾意打邊爐～今次同朋友去左間性價比好高嘅火鍋店仲平過自己買嘢反屋企打邊爐tim~就係位於佐敦既大鍋口海鮮火鍋店～成人就係$228 任食，飲品都係任飲～坐低staff會比左小小地嘅雞煲俾我哋食雞煲都幾香辣～雞肉又滑食完雞煲就打邊爐啦仲有好多款湯底簡，我哋簡左沙嗲湯底😆沙嗲味好香好香濃，然後再簡自己想食既野食～野食種類十分之多，海鮮，菜類，菇類，肉類，鮮鵝腸，蝦滑，墨魚滑等等真係好多選擇，岩哂樣樣試小小嘅人份量唔會比好多，計人頭比野食😍👍🏻啱晒樣樣嘢都想試嘅人😌

好耐無黎莊士敦廣場食野lu～以前打邊爐都會黎呢邊，係火鍋放題熱點任飲任食🌟先上雞煲🌟再食火鍋🌟今次叫個▪️皮蛋芫荽湯底先上一碟極品肥牛，唔夠皮可以自費再點。肥牛脂肪均勻，牛脂味重，夠哂脂香🥩任食都有包本地肥牛，脂肪比例無咁多，肉質結實啲💪🐂其中間💥海蝦有驚喜💥，好新鮮，顏色橙紅之餘，肉質好扎實，又彈牙🦐叫埋個蝦滑，一樣咁彈牙呀😃推介既仲有脆鯇魚腩同台灣❗最後都要叫番個公仔麵，食埋啲精華佢🤭

佐敦呢一間雞煲火鍋店 性價比都幾高 嘢食嘅選擇好多🤣而且位置闊落 非常適合 大家可以同屋企人或者朋友一齊嚟.先講吓個雞煲 小編覺得雞肉幾嫩 同埋份量都非常之對得住個價錢🙂‍↕️一嚟到就聞到超級香🤣小編好鍾意食芫荽見到咁多芫荽真係好開心😂 個醬汁好入味 啖啖雞肉都食到🤣之後就係火鍋嘅部份🍲 首先我哋就揀咗新鮮豬筒骨湯底 小編覺得真係有驚喜嘅 因為冇諗過入面會有咁大條豬骨喺到😆 真係用咗真材實料㗎😆然後可以喺點餐紙上面任揀任叫 點餐紙上面有四隻顏色 下面三隻顏色嘅都係無限任叫🤣 上面最頂嗰格都可以叫 不過有啲就要額外再加錢🤣個火鍋仲配咗一碟 本身係要加錢嘅極品肥牛🐮 牛肉嘅質素唔錯 食落去唔會韌 牛味都尚算香濃👍🏻其他配料方面 啱啱都有講過就係好多選擇 小編好鍾意食丸… 呢度真係滿足到小編🤪 仲有好多魷魚、魚肉等等 鍾意食海鮮嘅人都可以食到🤣 豬頸肉、五花肉都有👍🏻 而且質素都唔錯 最搞笑係連牛筋都有🤣 唔係好多火鍋店會提供👍🏻最後仲可以去唧雪糕 🍦 有幾款配料可以配搭 收尾食個雪糕真係啱啱好🤣總括而言 小編都幾滿意 🤣 個價錢都幾公道🥰 而且咁多嘢食真係咩都抵返晒👍🏻.大鍋口海鮮火鍋專門

今日再訪呢一間港式火鍋店覺得別有一番風味，好耐之前都食過，依家都仲有雞煲加打邊爐嘅組合，好食抵食又好有回憶🤣今晚平日晚上收費係每位$228～ 首先食雞煲，濃郁嘅雞煲醬炒起咗雞件再用鑊上枱。叫咗麻辣小辣好惹味香口，二人份量啱啱好，雞件肉質都幾嫩👍🏻火鍋有十款湯底可以揀，有惹味又有養生嘅選擇。我哋揀咗椰子滑雞湯，湯底有陣陣椰子清香，幾特別！套餐跟一份極品肥牛，油花唔會太過肥，肉味濃郁幾好食😋 火鍋料方面選擇都幾多，海鮮點咗海蝦、白鱔片同帆立貝，質素唔錯～ 另外仲有一啲比較地道打邊爐嘅材料，我哋就叫咗蝦膠、貢丸、蟹柳、豚肉片同烏冬😚 兩個人都食到好飽好滿足～