大鍋口海鮮火鍋店

营业中

休息中

大鍋口真係由細食到大👍🏻中學時期必食🤣🤣次次成班同學聚會都一定揀佢！因為價錢先二百幾蚊一位，任食兩個鐘，又有雞煲又有邊爐，最尾仲有雪糕👏🏻👏🏻啱晒貪心嘅我😋隔咗咁多年再返去食，場地無變都係咁大咁闊落咁乾淨👍🏻餐牌嘅款式就多咗好多，手打丸勁多款式，蔬菜類別都好多種😆一開始先食咗雞煲，份量唔算好多，但係夠辣夠惹味，幾開胃～臨近秋冬，仲可以加錢轉羊腩煲🤣不過朋友唔食就冇揀啦🙈食完雞煲就可以轉湯底打邊爐，依家有成10款湯底😃椰子雞/皮蛋芫荽/豬筒骨/蕃茄薯仔都係我嘅至愛❤️如果想鴛鴦湯底要加$48🙌🏻今日我就揀咗豬骨湯底，同以前一樣都係有兩件大大件嘅骨喺入面😋我真係會食㗎!肥牛花紋好靚，海蝦大大隻又新鮮唔係嗰啲雪藏👍🏻食咗八隻😍手打丸水準高，彈牙有鮮味👌🏻粟米真係超甜，啲菜又幾新鮮洗得幾乾淨👌🏻飲品方面除咗汽水仲有自己煲嘅竹蔗茅根👏🏻我同朋友飲咗成jar😋最後仲食咗雪糕🍦勁好食呀，係mvp😆😆真係牛奶雪糕，一定要加佢嘅脆脆同埋焦糖醬，食完呢餐重咗成kg🤭🤭雖然咁多年冇食，質素都冇差，服務態度都好好🙏🏻都仲係一個同朋友相聚嘅好地方🥂

首先可以揀咗食雞煲或者羊腩煲先，麻辣雞煲辣得好惹味，份量唔算多，開開胃再食打邊爐😌今次揀咗鯊魚骨猴頭菇湯底，好清甜，健康養生，要健康嘅樣打邊爐就係食咗啲菜同埋響鈴先，之後再落啲澱粉同啲肉👍極品肥牛，本身係要加錢買嘅，不過一坐低就送咗一碟上嚟，大滿足😙肉質鮮嫩，一落去夾上嚟就食得😋仲有好幾樣都好推介！白鱔片雖然切得好薄，有少少骨要小心，但係食得出新鮮，好清甜，帶出魚嘅肉香味呢度唔少嘅滑都好正，蝦滑，墨魚滑，雞軟骨滑，食得出手打，非常之彈牙，有咬口😋

今晚收工約埋三五知己一齊聚舊，天氣都幾凍就決定打個邊爐。嚟咗佐敦一間全食邊爐，平食！食物款色好多，海鮮、豬牛雞羊又有，丸類、菜類等等。餐廳放題係先雞煲/後打邊爐，但怕太飽直程skip咗雞煲，揀完醬料就直接嚟邊爐。我哋揀咗最平個餐$228，湯底叫咗椰子滑雞湯底，湯底呈奶白色，陣陣椰香味但食落就無味，湯底有少許雞件。先整算靚牛開胃先安格斯極品肥牛$268份量多，仲雪得好硬好散，無肉味，同價錢唔成正比。。普通手切肥牛都係正常，有肥膏有肉。相反醉雞件唔錯，無酒味但勝在唔肥都有肉地手打丸子有驚喜，連嗌兩Round,蝦丸墨魚丸都真材實料並唔係得舊粉。海蝦串夠彈牙，算新鮮。鱔魚都淋無骨好好食。麻辣鴨血無乜腥味，但唔入味，味道無乜可以唔洗叫..飲品方面 烏龍茶、可樂汽水，自製竹蓆茅根水，清熱解毒 唔錯🫶🏻 食得太飽雪糕郁食唔落🤢個人私心推薦 手打雞軟骨丸，手打墨丸蝦丸，白鱔片，鮮蝦串，仲有蔬菜🥬

天氣開始轉涼 最適合嘅係同朋友打邊爐啦🍲朋友話佐敦有間性價比極高嘅任食火鍋，餐廳有得先雞煲後打邊爐，而湯底都幾多選擇😳，我同朋友就因我上星期先雞煲完，所以我地直接就揀左椰子滑雞湯黎打邊爐😎餐廳食物種類都幾多款😍仲要任食真係幾抵！尼個餐廳勁好！有竹蓆茅根馬蹄水任飲😋岩哂我，入口清甜解渴椰子雞湯底有豐富的椰子香味和雞肉的鮮美口感，椰子汁為湯品帶來了濃郁的椰子香味，並賦予湯底一種濃厚白雪的質地極品安格斯肥牛，牛味香濃突出，色澤紅潤有霜降花紋其肉質鮮嫩多汁😋手打四寶丸分別係蝦丸、墨魚丸、鯪魚丸同肉丸，新鮮彈牙蝦滑 墨魚滑 同樣出色滑牛 新鮮淋滑 牛味重羊肉大片 食落少少羶味但可接受花雕醉雞件 鮮甜好味 驅寒又補身生猛海蝦 厚肉彈牙 鮮甜無比炸魚皮 脆卜卜好好食整體食物質素同價錢成正比👍🏻值得大家一試！另外餐廳仲有雪糕機供應，食完打邊爐可以食一杯，因為病左無食雪糕唔記得左影😂

天氣凍凍地又係打邊爐嘅好時侯, 今晚2個人去左佐敦莊士倫敦廣場大鍋口海鮮火鍋店打邊爐 ,貪佢有雞煲同打邊爐2食. 重要任飲任食2個人又係食唔得多野, 我地就唔食雞煲, 直接就打邊爐湯底: 四川麻辣湯底, 豬筒骨湯底四川麻辣湯底, 夠麻夠辣夠香. 豬筒骨湯底, 鮮甜豬骨味濃.火鍋配料: 和牛肉質鮮嫩, 入口即溶, 牛味濃, 油脂分布均勻.麻辣鴨血: 夠彈牙, 麻味香濃.鵝腸: 爽口彈牙, 滾一滾就食得白鱔片: 新鮮味道鮮甜, 魚肉夠爽口.韮菜餃, 黑松露水餃, 份量十足, 大大隻, 材料豐富.

天氣開始涼涼地，打邊爐就最適合不過🥶朋友仔話想搵一間又平又多野食質素又有返咁上下嘅，我即刻諗到佐敦「大鍋口海鮮火鍋店」，人均只係200零蚊，已經可以食到雞煲、海鮮同超過80款嘅火鍋配料🉐而家冬天仲推出咗羊腩煲，只要四位以上仲可以揀羊腩煲添😋麻辣雞煲我同朋友仔兩個人，店員會先上雞煲，份量亦唔少，大概有半隻雞嘅份量，都係雞髀同雞胸位置，食落啖啖肉，裏面嘅洋蔥已經煮到淋晒吸晒啲醬汁，辣辣地好惹味😋店家仲贈送咗一碟極品肥牛，半肥瘦食落都有牛味，肉質亦唔會靭鮮蕃茄薯仔豬軟骨湯底食完雞煲就可以喺十款湯底入邊揀一款，湯底亦唔會馬虎，入面有大量蕃茄、薯仔、豬軟骨，酸酸地夠濃味，啲豬軟骨全部都比我食晒😆由於肚皮位置有限，都試唔晒所有火鍋配料😅個人推介必點嘅鮮蝦滑、雞軟骨滑：口感彈牙，食到粒粒嘅雞軟骨，白鱔片：平時出面食一碟都要近百蚊，呢度居然可以任食，仲要一啲都冇腥味，亦唔會漏單，嗌幾多出幾多，海蝦：有驚喜🤩新鮮爽口大大隻，我都encore咗2次，滑牛肉：肉質腍身又夠滑，好食最後食返杯軟雪糕，有雲呢拿味同朱古力味，仲可以自行添加配料，有麻糬、棉花糖、爆爆豬、脆片，飽到上心口😆📍大鍋口海鮮火鍋店 (佐敦)

天氣漸涼，同事們提議去大鍋口海鮮火鍋店打邊爐，任飲任食火鍋2小時，食物質素都唔錯，最緊要係價錢親民，抵過自己買料屋企食。餐廳地方夠大，整潔乾淨，侍應招呼週到。入座先來個雞煲（而家還有羊腩煲選擇），雞煲加左好多配料和香料煮成，雞件嫩滑入味，醬汁濃稠，十分惹味！10款精選免費湯底選擇，揀咗沙爹湯底，沙爹香氣四溢，濃稠惹味。每檯都會送極品肥牛肉一碟，肉味豐富，肉質軟嫩中帶有彈性。火鍋配料款多又新鮮：推介幾款必食：黑豚肉片即叫即切，大理石脂肪的紋路分怖均勻， 每一塊肉片都富有彈性、柔嫩多汁。新鮮魚雲，味道滑溜又鮮甜，絕冇腥味。白鱔片，口感爽彈，味道鮮甜不腥。記得不要煮太久，否則肉質會林。生猛海蝦，蝦肉緊致，口感鮮甜。潮州白魚蛋，鮮甜彈牙有魚味。千島龍蝦丸，千島醬加蟹子嘅爆漿，味道出奇地夾。麻辣鴨血，麻辣湯頭內的鴨血香滑嫩入味，少許Q彈。其他火鍋應有的配料大部份都有，一次過真係食唔曬。除咗柜內飲品，還有一部軟雪糕機，旁邊仲有配料，可隨自己喜好加上雪糕一齊食。

天氣一涼就日日都想打邊爐。最近去了佐敦的大鍋口海鮮火鍋店，以前已經光顧過這間屹立了超過十年的火鍋店，再臨依舊平宜抵吃！我們點了$228任吃火鍋，另外加$48叫了鴛鴦湯底。當中包了任吃麻辣雞煲，雞煲份量適中，超香口，加上少少麻辣好惹味。湯底選了四川麻辣和鯊魚骨猴頭菇，兩個都很足料，麻辣辣度剛剛好，麻香刺激。猴頭菇十分鮮甜。一開始會贈送一份和牛盤，擺盤精美，肉質較鮮嫩，牛香味出。任食點餐紙選擇非常多，肉類每樣都點左d，質素都不錯。仲有各類丸同餃，韮菜餃好味，要encore！第一次邊爐有鵪鶉蛋，試了都不錯幾得意。各款菜類都好新鮮。最後仲要有最愛稻庭烏冬，彈牙的口感，放麻辣湯底勁正。整體而言，呢個價錢呢個質量非常滿意，埋單每人不用$300，平價火鍋之選！

又進入左轉季既邊爐日子，要食一定係食任食先最開心，大鍋口海鮮火鍋店平日都多人等位二人任食套餐 食物選擇好多，仲可以簡先雞煲後火鍋，兩款口味都滿足曬飲品任飲，罐裝同自家飲品都有調味料會放係枱比我地自己調配麻辣雞煲湯底辣椒味突出，帶有麻辣香氣。雞肉鮮嫩多汁，吃落有咬勁。每一口都可以感受到辣椒的辣勁同雞肉的鮮美，微辣又開胃皮蛋芫荽湯底湯底清淡帶有芫荽嘅香氣，蛋的鹹香味道與芫荽的清香相融合。每一口都可以感受到湯底的清爽口感同皮蛋芫荽的香味手切肥牛牛肉質鮮嫩，油花分佈均勻。每一片牛肉都經過精心切割，保持肉質的鮮美生猛海蝦蝦新鮮彈牙，肉質鮮美。每一隻海蝦都保持著鮮活。每一口都可以感受到海蝦的鮮甜口感脆鯇魚片魚片薄而鮮嫩，口感爽脆。每一片魚片都帶有魚肉的鮮美風味，只有主骨，無其他細骨自家竹庶茅根味道清爽、清淡和微甜，竹筍的爽脆與茅根的清香相互衬托，使整個味道更加豐富和平衡，岩曬火鍋消滯下火雲呢拿雪糕雪糕口感濃郁滑順，帶有香甜的味道，可以自己加配料，仲有焦糖漿，增添風味

今日同朋友嚟到佐敦食火鍋放題，任飲任食兩小時！湯底選擇有好多：四川麻辣湯底、新鮮豬筒骨湯底、花雕醉雞湯底、鯊魚骨猴頭菇湯底、沙爹湯底、胡椒豬肚湯底、椰子滑雞湯底、鮮蕃茄薯仔豬軟骨湯底、皮蛋芫荽湯底、川芎天麻魚頭湯湯底，樣樣都好吸引，最後決定椰子滑雞湯底。湯底煮滾咗之後，襯未淥嘢食，即刻飲左一碗，湯底味道鮮甜，有椰香味，好飲！用點菜紙叫火鍋配料，多種配料可以任食，張紙交俾職員之後好快就會上菜。叫左手切肥牛、鵝腸、自家製韭菜餃、脆鯇魚片、牛柏葉、爆汁牛筋丸、皇帝菜等等，叫左成枱食物🤤！推薦：手切肥牛、鵝腸、自家製韭菜餃、爆汁牛筋丸！飲品方面都有好多選擇，有汽水、茶、自家製竹蔗茅根。甜品亦有雪糕機，有朱古力、雲呢拿味道，而且仲可以自己加配料，自製雪糕杯！整體而言人均二百幾，可以食到咁多野，性價比都高！

天氣突然轉冷食飯緊係約打邊爐呢間大鍋口真係食過吾知幾多次佢張點菜紙真係甘多年都無變過食物方面都係無變過不過而家可以揀ge湯底就多過以前揀個湯底之後點菜我地揀左個四川麻辣湯佢一上個湯無耐就連埋1碟牛上台食到最後個湯越滾越辣愈出味我同個fd都好鍾意叫海鮮呢度最吸引我地係因為可以不斷甘點新鮮魚雲、白鱔片同埋生猛海蝦出面一般任食火鍋比較少前可以叫到以上3樣野另外，我地都叫左好多脆鯇魚腩當然都吾少得丸同水餃仲有吾同ge蔬菜另外仲有1d比較少見ge食物雞子、鵝腸野飲就要自己出去拎有汽水、茶、同埋自家制一樽樽ge涼茶（睇落去似係竹蔗茅根）最後仲有一個要講ge地方係佢有一部軟雪糕機有牛奶、同朱古力味大家可以自己唧雪糕同埋加配料

今晚同朋友去左呢間莊士倫敦廣場12樓度食雞煲打邊爐，超正呀，價錢又合理，又多海鮮，仲要係任食，地理又方便，一出港鐵就到，好正啊。呢間叫大鍋口海鮮火鍋店，到步好彩吾洗等，好快就入得去，揀好雞煲，店員好快手上碟，想讚店員上碟速度真係快，岩晒個時勁肚餓，真心好服務。雞嘅肉質好嫩滑，味道香辣惹味，辣度可揀的，好正啊，而且份量都好多，食完都半飽啊其實，正。之後店員好好，見我地食到咁上下，就主動來問要乜湯底打邊爐，我地揀左椰子雞湯底，清甜雞味濃。放題menu都好多野食，好多海鮮都可以揀，而且都好新鮮，推介蝦，好鮮甜，仲有吊桶仔，鯇魚片，白鱔片，雞子都有，好正啊。其他肥牛，雞件，羊肉都好，好好食，全部都新鮮，飲品都好多選擇，整體感覺都好好，服務上碟又快，好抵食，原來開到3點，見佢仲有間房，可以book，一大班朋友來都正。

大鍋口海鮮火鍋店🌟火鍋放題任食最近天氣開始凍返，有少少想去打邊爐又想食雞煲，揀咗間喺佐敦嘅火鍋店。入得去先知原來可以揀羊腩煲or 雞煲，但係因為想食辣嘢，所以都係揀咗雞煲。雞煲好惹味，可以無限添加，我都叫咗兩三round，每一台客仲會送一碟超靚嘅手切牛肉。湯底方面叫咗四川麻辣鍋，但係食落唔算話真係太辣，啲手打丸都唔錯，呢度仲有淮山同脆骨腩食，選擇好多，價錢又唔貴，一個人二百幾蚊埋單，應該會再encore。

最近天氣涼又係時候約朋友打邊爐喇！係佐敦莊士倫敦廣場既大鍋口海鮮火鍋店主打雞煲火鍋任食，我地揀左基本套餐，都係300位，已經食到好飽！由於朋友太餓，我地直接打邊爐無食到雞煲。湯底就當然揀鴛鴦鍋，鮮蕃茄薯仔豬軟骨、椰子雞湯，有齊濃淡兩款口味。椰子雞湯相當足料，有大件雞塊煲，好夠味！套餐已經包左大量海鮮、肉類、海鮮、丸類、蔬菜，如果升級海鮮肥牛啤酒任食好似係加多一百蚊。因為第一次食，我地就揀左另外單點一份極品肥牛$148，肥瘦適中，入口軟腍，幾抵食！另外黑豚肉片都唔錯，肉味濃又唔會鞋口特別推介出面少見既手打墨魚丸、雞軟骨丸，爽滑彈牙！爆汁牛筋丸都好食，咬落的確多汁又有咬口，唔係石頭丸😹海鮮方面就淨係叫左海蝦，因為食肉都填飽左個肚了，蝦都新鮮既，不過就無咩味。飲品方面有基本汽水茶類，最吸引我地既係自家製竹蓆茅根水，非常足料，見到每樽都有蘿蔔粟米，入口好清甜又解渴，啱晒打邊爐飲！最後仲有雪糕做甜品添，可以加配料食，又有得自己裝，小朋友啱哂！

香港人向來愛打邊爐一年四季都可以打到世界盡頭😗我為左儲更多脂肪過冬 今晚約齊朋友們一邊恰下恰下一邊傾下啲八婆是非🙂工作壓力😠誓要 #化悲憤為食量 ！！麻辣雞煲 或 羊腩煲 二揀一由於我唔食羊🥰朋友們都遷就我選擇前者雞肉嫩滑無比！！即使雞胸位都唔會柴！麻辣好到位 夠晒入味！！我食唔到太辣都會想一舊接一舊😚😌然後打鐵趁熱再黎個打邊爐超過十款湯底 最後揀左 椰子滑雞湯底食物飲品選擇眾多！！任點任食任拎！我地四個人order到成枱野食😆超豐富先試試湯頭 微微椰香 令食材帶點鮮甜其中最得我歡心既係手切肥牛 南瓜黑豚肉 自家製韭菜餃 凍豆腐 炙燒芝心丸炸魚皮 響鈴 蝦滑等呢兩個鐘飲飽食醉 捧住個肚腩走😏二百幾數任食雞煲、打邊爐真係好抵囉⋯⋯🤭