大茶飯 (將軍澳中心)

营业中

休息中

我哋6點3到咗餐廳，見到唔多人就即刻拎飛，第二張枱就到我哋，餐廳提供ikea 小童高椅，枱與枱之間用膠板分隔，我哋嗌左兩個餐，一個係炸雞滷肉飯，一個係牛丸牛肉菠菜米線。炸雞滷肉飯，啲炸雞好脆，好juice ，滷肉飯都好入味，不過就想個份量再多啲。牛丸鮮牛肉菠菜米線，因為係俾仔仔食所以叫得清淡啲，啲牛肉好林，牛丸又好好味，菠菜就一般，豬骨湯底清淡。叫多咗杯台灣奶茶，係黑糖嚟嘅，幾好飲👍🏻餐廳仲好貼心提供左兒童餐具，整體唔錯！

將軍澳區一向都冇咩好食，因為大部分都係商場同連鎖餐廳早排見到將軍澳中心裝完修之後有一個角落頭係開左好多餐廳小店，於是去試新野！一黎就比呢間台灣野吸引左，入到去每人點左個lunch set同兩個小食～我食嘅係大大塊豬扒配肉燥飯。豬扒真係大大塊，而且表面酥脆內裡鬆軟肉燥飯都大大碗，面頭鋪滿瘦肉整成嘅肉燥，唔會太油膩大大塊豬扒配肉燥飯小食黎講，個蒜辣雞翼尖非常入味，睇落白色以為唔辣，食落都幾辣而且出面d雞翼尖通常係用油浸住上，但佢呢個唔係，所以感覺冇咁油膩個人幾中意呢個小食蒜辣雞翼尖另一個小食秘製辣魷魚都好味～質地好爽口，而且都係好入味，咸淡適中而且有少少辣都幾惹味秘製辣魷魚

星期日晚上，商場沒有因疫情影響，到處食肆依然人頭湧湧，看看依間竟然有位子，便一支箭衝入去😆。眼闊肚窄既我叫了好幾樣食物🤣🤣。首先來了「麻辣三寶」，分別有鴨血、蘿蔔同魚蛋。鴨血味道不錯，冇臭味，麻辣味亦夠，魚蛋亦好彈牙，唔似平時雪藏魚蛋，而蘿蔔就普普通通，同埋只有鴨血有麻辣味，而蘿蔔同魚蛋感覺就好似分開煮感，最後先放埋一齊感，令到麻辣味唔出。之後黎左個「金磚豆腐」，我見隔離枱個個好靚所以忍唔住叫黎到好靚，搭得好高，但食落個口感好奇怪，唔似豆腐，似魚肉但冇味既魚肉感而旁邊既碎碎我以為係芝士咸蛋 ，但味道極淡，得好少咸蛋最後食左少少就放棄左。之後黎左個「咸蛋苦瓜」，點知一黎到都嚇一跳，點解感濕既，同我想像好有出入，好彩佢蒜蓉味突出同苦瓜都新鮮，味道不錯，不過就冇咸蛋味，因為佢只係得咸蛋白，冇咸蛋黃個餸應該改名叫「蒜蓉苦瓜」會較合適最後叫左個「醉雞卷」，又係廚師推介。食落去係暖的同埋完全唔入味，一點酒香都沒有，真係好失望，諗住廚師推介，應該唔會有伏之前食過依間食物都唔錯，但今次真係好失望。食物樣靚，但味道真係好一般！而且菜名好有誤導成分

疫情期間不能出國，唯有在香港找餐廳回味台灣之味道！第一次試呢間，食物質素有驚喜！我是經得起風浪的香港人，下次要再黎食大茶飯！#大茶飯 #台灣菜 #椒鹽豆腐 ：有驚喜！皮脆豆腐煙韌有口感！#大大碗飯 #鹽酥雞 ：好脆！多粒！好味！#豬扒肉燥飯 ：正常好味！有粟米俾你撈落飯度更好味！#糖醋魚塊 ：皮夠脆！汁夠酸！好醒胃！#韭菜餅 ：點那醬汁吃，不錯呢！#芝士磨菇雞翼 ：啲汁爆出嚟同雞翼一齊食真係無敵！#珍珠奶茶 珍珠彈牙好味！但冰溶了味道便淡了。#豆漿 正常夠甜。#經得起風浪先食得起大茶飯

5月28日中午12時50分，兩位，點咗兩個麵餐。第一個淮山麵，花膠，金錢肚，芥蘭，牛肉湯，沙嗲汁，飲薏米水。第二個粗麵，鴨血，蘿蔔，牛腩，牛肉湯，沙嗲汁，飲薏米水。先嚟咗個粗麵，大致ok，但啲蘿蔔煮到爛晒，感覺係用剩不斷翻煮。後嚟個淮山麵嚟到，朋友話啲淮山麵好特別。但食到一半，朋友食到一條雞翼骨。朋友厚道，只係同侍應講，明明無點到雞翼呢個餸，但點解會有雞翼骨？侍應第一個反應唔係道歉，而係check我朋友張單...仲即時拎走碗麵入廚房，出返嚟先講唔好意思幫你重新煮過，如果唔鍾意都可以取消...朋友無晒胃口，當然係取消啦。我自己都唔敢再食個粗麵。之後個侍應仲要此地無銀咁話，係夾餸嘅食物夾黐到條雞翼骨，因為啲雞翼煮得好淋所以咁乾淨。我同朋友都無晒胃口，唔食走人。但朋友實在太老實，仲幫我俾咗一個餐嘅錢。極度不滿餐廳之食物質素，以及員工處理事情之手法，請正視！

今日我哋去咗將軍澳中心嘅大茶飯食晚餐，呢一間之前睇宣傳話係明星開嘅餐廳，所以我哋慕名去試吓一見到門口有火鍋，即刻心心眼左，夏天都有火鍋真係的確好少有，原本睇中左個花膠雞不過可能我哋太晏去，已經賣晒，所以我轉食台式牛肉綜合鍋$108呢一個鍋底裏面有肥牛片、牛柏葉、香菇貢丸餅、手打牛丸、花枝丸、蜂巢豆腐、炸支竹、清甜蘿蔔、金針菇、冬菇、唐生菜同埋稻庭烏冬佢呢個秘製湯底真係好食到不得之了，肥牛片非常高質，佢個湯底真係一試難忘，最初以為紅色湯底會係辣，點知食落去一啲都冇辣味，虛驚一場另外我哋仲叫咗一個滷水牛展台式刀削湯麵$68 ，佢嘅牛展非常彈牙爽口，而且唔會太肥，而佢個刀削麵亦都非常出色最後我哋叫咗一個小食花雕醉雞卷，呢個醉雞卷好重花雕酒味，作為開胃菜真係非常之唔錯最後點少得要叫一杯波濤洶湧奶茶呢，打邊爐配珍珠奶茶真係絕配，雖然好少人會咁樣組合但係呢一個組合一直都係我嘅至愛

一入到餐廳嘅感覺好清新，睇得出設計上別有一番心思。呢度嘅嘢食好多元化，有一人火鍋又有小菜，最得意係佢將港式車仔麵融入左係台式嘅麵到。⭐️車仔麵叫咗招牌拌麵底-17歲的麵，個名好有趣，用咗秘製醬汁再加上麻辣嘅刺激，台灣拌麵真係冇得輸，麵條彈牙。配料方面叫咗秘制豬頸肉、菜心、紫菜、金錢肚、貢丸。幾欣賞菜心同埋紫菜會另外有一個湯相，咁樣就唔會影響咗碗麵嘅味道。豬頸肉亦爽口彈牙。⭐️麻辣火鍋配料都好多，麻辣鍋底亦都好夠味，食到出晒汗😂略嫌牛肉可以多少少。⭐️醉雞卷夠晒入味，花雕酒味都好出，雞肉好滑，最重要係冇骨，唔使煩，勁方便！________________________食物：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️抵食：⭐️⭐️⭐️⭐️________________________大茶飯 (將軍澳)將軍澳唐德街9號將軍澳中心1樓137B號舖

-山長水遠特登入嚟食之《大茶飯》😼位於將軍澳中心👻我諗有5年冇黎過😑一入到黎環境都幾四正、仲有我鍾意既雲石枱🤫應該幾好影野掛😙🍤鳳梨蝦球 （$88）招牌菜一定要叫啦🤫蝦夠晒大隻！又彈牙、配埋沙律醬根本就冇得輸😒中間有d淋上沙律醬既配菜同菠蘿粒🍍酸酸甜甜好開胃！岩晒送飯😎🌶麻辣雞中翼 （$38）餐牌上寫着係必點😳好啦！試下你啦！呢個辣度我接受到（利申平時唔係好食到辣野😆）佢反易麻香味重d!辣度正常！$38非常抵玩！推薦呢個小食！🍛會跳舞的櫻花蝦炒飯 （$73）食材比例剛剛好！好勁蛋香！而且唔知點解食到浸鹹蛋黃味😳不過略嫌淡左少少、覺得可以再咸d!🧆滷水拼盤 （$58）有滷水雞翼、滷水金錢肚、滷水白蘿蔔、滷水大腸、滷水蛋、呢碟野滷得好入味😍甜甜地！最鍾意係個滷水金錢肚！好有咬口！其次係個滷水大腸！肥嫰軟滑！☺️食品種類好多㗎、連花膠火鍋都有😌又有甜品、芋圓等等😜包唔會食到悶！

今日放假朋友約我去將軍澳中心食下午茶，呢層有好多間食肆朋友選了大茶飯呢間。我地每人各自點了自選車仔麵仲加爆醬糖心蛋，鹽酥豆腐另外在加台式香腸和芝士蘑菇雞翼。自選車仔麵有豬大腸，勁爆芝士丸，養顏花膠扒和新竹米粉配上鮮熬豬肉湯，滷水豬大腸好入味養顏花膠扒又厚肉，醬爆芝士又好陣牙芝士又香濃，配埋湯底又鮮甜米粉又好好味又索埋湯底的精華。自選車仔麵黃金蝦餅，香菇貢丸餅，麻辣鴨血和稻庭烏冬配上蕃茄魚湯，麻辣鴨血好陣又入味，蝦餅又好好味湯底又好正。芝士蘑菇雞翼煎到金黃色，將蘑菇和芝士釀入雞翼里面，雞肉嫩滑，濃濃的芝士又有拉絲好香口。糖心蛋好正。鹽酥豆腐炸到好香口，豆腐口感好似魚腐超正。

琴日同幾位朋友去將軍澳飲下午茶， 之前一直都知道大茶飯係一位著名嘅藝人開設，所以就一心去試下，支持下。食物嘅質素，見仁見智，呢度就唔多評論。但係喺服務， 客戶體驗上， 係非常之令人惋惜。當日係平日嘅下午茶時段， 餐廳顧客稀疏，但係都出現漏單，食物出錯。 當我地同餐廳主管(相信係，因為佢件制服嘅款式係獨特嘅)反映嘅時候， 佢嘅處理手法同語氣態度， 基本上係冇打算先去了解，再解決問題，而且有“鬥氣”嘅意識形態。佢有一句說話令我非常之慨嘆。 我叫咗一杯台式紅豆冰，杯紅豆冰嚟嘅時候冇咗珍珠。經過一輪辯論之後， 首先餐廳主管並沒有歉意，更自辯反駁，“咪補番畀你囉！”( 呢一句說話將劉德華先生嘅“今時今日咁嘅服務態度，係唔夠㗎！”， 完完全全摧毀！)我哋喺反映食物問題嘅時候比較混亂，但係做飲食服務業，其實最大嘅大忌係同顧客鬥氣。 一鬥氣，其實就冇贏家。希望餐廳嘅管理層，可以檢視一下服務水準， 作出及時及到位嘅改善。

難得限聚令放寬左，今日就同媽咪出街食飯，順道行下。見到附近食肆都多番d人，應該都對出外吃飯多返信心。我們去左將軍澳中心大茶飯食晚飯，餐廳環境好優雅，用了淺藍和白色做主調，更顯得十分乾淨，衛生的確做得唔錯！餐廳有台式料理和一些中式小菜，價錢合理，不用$100就吃到有獲氣的菜式！鳳梨蝦球$88蝦球都幾大隻，而且份量都唔少，以這個價錢來說都有10多件，抵食！蝦球十分彈牙，蝦肉夠爽，配上鳳梨酸酸甜甜的，再加上沙律汁，十分惹味。蝦球個份夠薄，炸得香口，有蝦的鮮香，菠蘿的香甜亦都滲入蝦球之中，味道很不錯！蜜椒牛柳粒$88 牛味濃郁，有口感，煎得香口，再配上黑椒讓牛味更出。配菜更有香炸過的薯仔，薯味香濃，再配上紅椒，黑椒，洋蔥，惹味香口。遍地黃金哈哈蝦$98黃金鮮蝦球，鹹蛋黃味香濃，有金沙口感，再配上爽彈的鮮蝦，很入味，上面加上香蔥，清新，食得多亦不會覺得膩！這間餐廳的小菜很不錯，價錢合理，地方乾淨，兩個人食咗三道小菜都只是$300，值得再來！

因為近期新冠病毒疾病爆發，好耐無行商場啦，今日帶上裝備😷😷，與朋友走一趟久別的將軍澳中心商場，睇到一間布置不太誇張，但簡約淺色清雅的台式料理食店，甘岩我地都有點肚餓，睇見門口餐牌店長推薦的當花雕遇上🐔是我的最愛啊٩😛ི۶於是我們便進入用膳。可能系呢排個個都唔趕出門口！望落無咪人。店員招呼我們坐低， 遞上菜單  我地仔細睇下，有飯，麵，甜品，飲品，最後我地選擇一個，麵，兩個餸，還有兩個甜品首先當然是「當花雕遇上雞 」雞肉 鮮嫩幼滑 ，浸透著花雕酒味，非常不錯👍2）滷水牛腱麻香拌麵  拌麵加了麻香醬很滑好香3）蒜香雜菜 炒得不油膩4）黑糖芋圓仙草－紫米 5）黑糖芋圓仙草－燕麥      甜品 原來系用碗上的，唔系杯，很足料，芋圓煙韌彈牙，仙草幼滑，甜度適中   。最後我地兩個食到捧住個肚走呀🤣

早幾日屋企無煮飯，一齊嚟到大茶飯食，呢到都可以好似茶餐廳咁叫小菜，不過係台式小菜。會跳舞的櫻花蝦蛋飯，飯炒得好好，唔會太濕又唔會太乾，食得出師傅有d功架!長江後浪煎豪餅，媽咪話呢個好食，香口鬆軟。滷水牛展麻香拌麵，個牛展好好味，好淋！遍地黃金哈哈蝦，咸蛋黄炒蝦，好邪惡但好好味，蝦球大大粒，好抵食！台式黃金磚，豆腐好大件，內軟外脆。台灣香腸，最令我喜出望外，睇落平平無奇的腸仔其實最好味台式三色冰台式紅豆冰兩杯野飲都好飲。呢度好飲好食，疫情過後希望仲可以撐得住💪🏻

第一次食, 知道係artist開的, 諗住有信心保證… 環境同擺盤都好靚, 雲石台面亦好吸睛, 方便大家打卡。不過食物質素有待改善…花雕嫩雞麻香拌麵 $62嫩雞沒有花雕味, 雞多骨而且好紅仲有好多血。拌麵有多麻醬好杰, 但完全沒咸味, 好奇怪, 好似漏左落鹽/ 落豉油。好似在食無味的花生醬.....自選車仔麵餸的份量較少, 味道都係偏淡。**拌麵同車仔麵都有送碗湯, 但碗湯有一陣怪味, 問左職員, 佢地話係豬骨湯… 味道好奇怪.. 我人生都未飲過呢陣味… 恕我唔識欣賞…乘風破浪鹽酥雞  $45最好味是鹽酥雞! 炸得好好 唔會好似出面好厚炸粉咁, 值得一讚!建議加番調味 同改善一下湯品的味道.... 否則好難再來第2次............. 

今日經過將軍澳中心，看到這間零瀉多客人的大茶飯，便入內一試這間的晚飯。會跳舞的櫻花蝦蛋炒飯想不到這個平平無奇的炒飯出奇地好味，所有食材的比例配合剛剛好，但是賣相已令人食指大動。遍地黃金哈哈蝦炸粉跟蝦的比例配合得剛剛好，炸粉剛剛好包裏住蝦的身體，不會出現炸粉蓋過蝦的味道。長江後浪煎蠔餅這個豪餅很有鑊氣，離遠便聞到蠔的味道，色香味俱全！台灣香腸（小食）完全是兒時的味道，小時候常常吃這些台灣香腸，現在香港已經很少見。台式黃金轉這味炸豆腐也不俗，外脆內軟，比很多店舖出色不少。台灣紅豆冰和三色冰，這兩杯我也有飲，兩杯也不比坊間的台式飲品差，不是死甜的那種，而且也很足料。