大茶飯 (將軍澳中心)

营业中

休息中

車仔麵有最低消費$42, 湯底，麵，餸味道比一般街邊車仔麵更比下去。雞排肉躁飯 : 雞排做法非台式雞排，薄炸，魯肉乾欠汁，肉質硬。蠔仔煎餅味道還好但份量小。糖水十分離譜 : 稀巴巴，只是紅豆跟水＋幾粒芋圓

將軍澳中心近排新裝修左，多咗好多間餐廳，今晚大學同學喺將軍澳中心住，所以我哋就簡單落咗去將軍澳中心食過晚飯大家聚一聚傾吓計，見到有間台灣餐廳，設計都幾文清下，感覺得乾乾淨淨簡簡單單就入咗去大茶飯試吓。都叫咗幾款唔同嘅小炒，其中我最推介嘅係絲瓜蛤利湯，絲瓜煲得啱啱好軟軟地又脆脆地，完全係健康之選，可能因為配左蛤利湯， 所以絲瓜絕對唔係淡而無味嗰種，反而個口感同埋味道我都幾鍾意。另外嗰啲蜆都鮮甜冇咩沙。大概有20隻左右，呢個湯都真係幾唔錯下下次可以再試多次。小菜方面其實都唔差不過我本身個人食得比較清淡所以對我來講鹹咗少少。當中叫咗個柯仔， 佢係即叫即炸嘅，炸粉唔會太厚，可惜真係喊咗小小可能下次叫小鹹好啲。另外都叫咗個滷水拼盤，滷水拼盤入邊嘅蘿蔔唔錯，可惜個豬腸好似洗得唔太乾淨有浸味道。

今日同親戚去將軍澳食飯，親戚住喺將軍澳區，幾年冇嚟到將軍澳中心，估唔到而家變咗幾多，入邊好多餐廳都換咗，1樓嗰度有好多間新餐廳。今日就嚟咗書店隔離嗰間大茶飯食，呢間餐廳主要行台灣風，叫咗個黑糖芋圓甜品同埋檸檬愛玉。芋圓唔錯，口感彈牙，配埋啲仙草落去，感覺非常之甜密密，入邊仲有啲紅頭配料，食落口感豐富。一個甜品我都覺得佢不錯，檸檬愛玉，入邊有啲蜂蜜同埋蘆薈，感覺非常之潤喉，檸檬唔會過酸。食完咁多炸嘢之後食返個檸檬愛玉成個人清爽返。

星期日中午同屋企人食飯...將軍澳中心間間都多人得呢間有位...想叫車仔麵食但落單時樣樣餸都話冇...仲要冇餸都竟然要叫最少$42...男侍應態度係我地可以叫其他餸...其實唔明白點解乜都冇但要客人求其點...而且餐牌冇列明$42嘅要求亦都冇講清楚有咩冇晒...重點係啲野真係好難食...肉燥飯完全唔係台式肉燥飯... 啲飯口感好爛...車仔麵同菜好鹹..覺得係重味精...食完頭痛同好口渴...只有炸花枝丸向豆漿係正常...我未試過咁差嘅台灣野...非常失望

將軍澳中心近排開左好多新鋪 返工食午餐又多左好多選擇 今日去試左呢間既下午茶 雞扒迷你肉燥飯 佢寫迷你肉燥飯 但黎到係勁大碗 好多肉燥雞扒就普普通通 肉燥就有少少油下午茶包埋野飲都係$39 真係好抵食

weekend去食完，無影相，因為無諗過寫食評，但食完，因為個主打十七歲，忍唔住要寫食評同大家分享下!不過，先講屋企人叫了的車仔麵，餸叫了雞翼，蘿蔔，鴨舌，豬軟骨等，佢地話ok，但佢車仔麵限每碗最低消費$40定$4x,原本只叫兩餸的，但因爭兩三蚊未夠數,夾硬要加餸!🤨以呢個價$，又不是好好味，所以不會再黎!見個十七歲係廣告主打就諗住試下，但一上枱已忍不住眉頭一皺，因為見到D麵"白晒晒",心已諗"有無味架?"，果然一食落，只有辣味(我叫小辣)，無其他味，淡茂茂😖餸叫了花枝丸及鴨血,正常味。配埋的果碗湯，好怪，因為味道超甜，甜到過份，原本唔想浪費，但真係甜到飲唔落😖總之，試過一次，夠了!

今日晏就黎到將中買野，順便睇下有咩食😋見到尾尾有food park開心左一陣，點知得三四間餐廳🙈🙈行到最後見到有間大茶飯，醒起係明星開既，同友人決定一試，一點令鐘座位只滿半成，叫左兩個午餐set c雞翼肉燥飯及set d大茶飯雞扒肉燥飯首先講講肉燥🙈🙈係我食過咁多間肉燥飯，最乾最乾既一間！！九成係瘦肉，又無咩汁喎，所以搞到成碗飯愈食愈dry😑咁樣可能係會健康少少既，但就變做唔好食，友人形容為好難食🙈🙈佢會加啲咸咸辣辣既菜脯，惹味少少咁囉，我就覺得咸左啲😅而雞扒食落係有少少台式feel，外皮都少少脆，但塊雞扒好薄😅而且啲肉唔juicy得黎仲帶啲韌🤦🏻‍♀️已經咁薄身仲可以肉韌🤦🏻‍♀️🤦🏻‍♀️有啲失望！！滷水雞翼最正常🤣因為雞扒同肉燥都麻麻，搞到雞翼係成餐最好食既，稔身但唔會爛晒，少少入味又唔會太咸😌😌寫過咁多食評，第一次比負評，味道實在係非常非常一般😅😅可以進步既空間實在太大😌老細睇到大家既意見，希望好好改善，如果客人黎食只係貪新鮮或明星效應，咁係唔會持久架🙈🙈🙈

見係明星開嘅，諗住趁下午茶人少少去試下，點知中伏1. 個肉燥飯啲肉燥係本人食過最難食嘅，我自己煮都應該好食過佢2. 舊炸雞扒係食到有大舊粉漿，仲要唔太脆，同一般台式雞排係兩回事3. 叫咗兩個小食，居然係我食完個飯要追單先至嚟。冇乜客嘅時段都搞成咁，多客真係唔敢想像4. 個爆漿溏心蛋係應該係響冰格拎出嚟而且係冇滷過，不如叫冰鎮白烚蛋啦總括嚟講，個人應為呢間餐廳過一排冇哂新鮮感之後，如果唔換咗個廚師，以間舖嘅 location 加食物質素應該好快執笠。

有很多人等位，我們的号碼是12号3位，我們前面有3張4位及1張3位等緊，有一張十人長枱走剩2位，其實可以坐2張4位或1張3位，但個侍應就给了13号7位!上前問他為什麼這樣安排，他說有些3、4人枱很快会走!我們前面還有4張3、4人枱等緊呀，而當時只見到2張4人枱有机会会走!食物方面就要了肉躁飯、新竹米粉蕃茄湯底加沙爹汁、台湾麵加牛肉湯底，肉躁很咸，蕃茄湯跟牛肉湯味道很相似，台湾麵很「林」。豆卜就很實。總括來說是一般过一般，不用再來。

我係中午時分去嘅，嗌左碗車仔麵，黎到質素還可以，但實在唔抵食。講下服務，落單既後生女侍應幾好禮貌，但見到位年長嘅呀姐帶到個客人唔知想點甘。總結係用餐體驗係一般嘅。

因將軍澳好少有車仔麵食所以中午去試下，真係好貴又少，17歲的麵還可以，但啲餸太少了魷魚太淋，阿婆冇牙都食得！魚餅咁既價錢簡直係唔低食！職員服務真太差，我剛食完杯野飲放在托管上飲，職員就好快取走！見有客入來坐下來睇緊餐牌，個職員就問你幾多位，個係一位，叫佢坐第二度，個客都話唔想轉位，比你地職員嚇走啦！

假期午市等10分鐘將軍澳區算可接受了。試食最主打的17歲的麵配麻辣鴨血&峰巢豆腐我算食得辣架，都覺得太辣，變成enjoy唔到其他食材的味道。其實麵質是好好的，鴨血及豆腐則一般。雞扒配白飯，其實是有肉燥在飯上面的。雞扒太薄，朋友話薄過iPhone 。冇咩特別啦。環境就好嘈好嘈！個background music加埋佢天花設計（我估啦）好似困住所有嘈音咁，食得有d辛苦。所以係可以一試，但冇咩特別又唔會再去咁囉！

行過見到新餐廳，菜式啲名幾特別，又唔需要排隊，諗住試吓但結果令人失望⋯⋯首先職員態度麻麻，查詢餸菜嘅時候表現得唔耐煩，落單落前面唔落後面，搞到漏單加上餸菜味道差，下次不會再幫襯 當花雕遇上雞個名係吸引，但只能說佢係我歷年來食過最差嘅花雕醉雞，就算係底層浸住酒嘅雞都冇花雕味，味道又淡又奇怪，仲帶有苦味，完全唔值得推介台式牛肉配白飯差，牛肉差，汁差，全個配搭都唔好食蠔餅冇乜味，唔係好食，又唔係難食全餐飯最正常係碟菜

近來將軍澳中心開咗好多食肆，商場終於開了大半（主打食肆）不過油漆味還有點濃！全部新開張嘅鋪頭都人頭湧湧個個去試新野！今日揀左大茶飯去試，舖仔細細裝修得好整潔，只係可能新開張，用具就未見好整潔喇，黎杯飲品仲癡住粒飯餐牌：唔係好悉睇叫咗個乘風破浪鹽酥雞，以為會有白飯配，點知原來都係小食！成張Menu大部份都係小食！飲品：叫咗個百香果小農紅茶以為係咩特別野，同杯熱檸茶無咩大分別，但收$25（中伏）鹽酥雞炸得好香，鬆脆，吾算太油膩，最後加左碗白飯$11如果係一個下午茶餐，我就覺得好貴喇！

我同朋友過黎食飯。。叫咗幾樣野。。因為第一次去唔明張單點t問咗個好後生個女仔我地想食17歲的麵嗮唔嗮t邁咩麵佢話要但唔嗮t湯底同汁。。OK我地t咗幾樣野。。個師奶幫我地落單嘅佢好似係阿頭黎嘅因為見佢點d後生嘅做野但係幫我地張單落到亂嗮弄。。第一次漏單！第二次攞張單過黎落錯個師奶話t咗個17歲的麵又揀咗個麵唔知我地要咩就幫我地落咗個車仔面湯底幫我地揀埋豬骨湯冇汁接住果碗麵就甘黎啦！話麵已經做咗出黎不如算啦！你都做咗出黎唔同要我地因為一碗麵係甘多人面前同你吵?我算啦但我朋友好唔開心話點可以甘嘎？事先問咗你地工作人員嗮唔嗮揀麵佢話要！個師奶睇唔明點解唔問我地亂入單。。我地都冇t到豬骨湯底同冇汁點解幫我地揀埋。。而我地揀嘅17歲的麵又冇幫我地入！人客t嘅唔入人客冇t又亂甘入。。話你地新店好多野唔熟但果個師奶明顯係阿頭你唔明個客需要咩嗮唔嗮問清楚啊！甘做生意！搞到我地食餐飯都唔開心！