大興餐廳 (第尾牛扒)

营业中

休息中

論牛扒，這餐廳不是最好！同區還有幾家比它好。不過，羅宋湯卻是全港top 5，用料足，味濃，傳統港式古早味。牛扒呢？以牛柳較好，建議七成！何不五成？因為傳統豉油餐廳出品，不像高級餐廳那樣吃得放心。

覺得食鐵板餐食嚟食去都嗰間...所以決定試下呢間...睇下有冇咩分別...😏😏😏原來係有㗎...價錢平啲...塊扒都大塊啲...仲送埋薯菜👍👍👍肉質一樣咁好食...加白飯都係貴多10蚊...😋😋😋呢間嘅好處係佢淋埋汁先上枱...唔洗整到個位咁大油煙啲汁又唔會周圍彈...唯一係揀汁嗰到佢得蒜蓉同黑椒汁揀...少咗一樣選擇...不過我都係食開黑椒汁...因為係最惹味...2個人埋單都係198咋...仲有埋杯凍飲...又好食塊扒又大又有埋野飲...你地話抵唔抵食喇😁😁😁

六時許來到，得到一邊只得半截的卡位座，因感狹窄多次要求換枱不果，及後強行自己轉位才闊落些，蘿宋湯不辣適合怕辣人士及兒童，我倆召了鐵板肉眼及雞扒天使麵，牛扒是頗大可惜欠肉香，唯值欣慰是夠腍滑，但就個人而言黑椒汁不夠香辣，而天使麵則平平無奇唔香口無芝士好flat，麵亦太腍不過份量大，飲品則算合格，總括來說無驚喜。其次下單以後竟遺失了單，及後雖補鑊卻花掉不少等候時間，可能這地方($90一個扒)是不能太要求甚麽服務和食物質量呢。

之前一想食扒就會諗起花園，不過質素就差d然後試過一次第尾真係返唔到轉頭環境其實兩間都差唔多價錢都差唔多，不過質素黎講我覺得係好過花園每次黎到第尾都會叫例牌既肉眼扒餐，紅湯，熱奶茶餐包食評：黎既時候仲係暖既，非常好，仲有牛油tim紅湯食評：呢度既紅湯係好飲過白湯，白湯似溝左好多水咁，紅湯飲落就足料d，不過今次個紅湯太辣，搞到同行友人都飲唔哂熱奶茶食評：不過不失，我原本想叫茶走，但呢度竟然係冇既肉眼扒食評：好大塊，我嗌左7成熟，食落淋同唔會打渣，係好味既，不過就比較多肥肉同根，大約有1/4係肥肉同根，薯條食評：份量唔多，不過因為佢係鐵板個底度，索左唔少牛汁，係會淋左不過同時就好入味總評：不過不失，$90+1既價錢下都食到咁既質素已經算係唔差！！

尋晚同男朋友去咗第尾撐枱腳，7點左右到唔洗等位我地叫咗一樣嘅嘢食kakaka⋯⋯一齊叫咗5成熟肉眼扒配黑椒汁首先嚟咗餐湯（兩個都要羅宋湯）同餐包，羅宋湯辣辣地兼足料，好好飲。餐包暖暖地又鬆軟，我點湯成個包食晒五成熟肉眼扒煮得剛剛好，入口即溶。唔會好似大部分扒房咁叫5成變7成，叫7成變9成同埋要讚嘅係佢地上菜速度係光速，落單後湯同包一分鐘內到，扒都係10分鐘左右到，飲品又係一分鐘內到，但服務都好好，唔會有趕客feel。所以整體都好好

香港人對牛肉的熱情長年不減。想到扒房鋸靚牛扒，小時候必定會來到這裡，得益不淺G餐鐵板西冷牛扒配黑椒汁@7成熟，做到大部分呈灰褐色，核心為粉紅色加上自己喜歡的薯條做配菜，吃得飽飽，幾滿足

今晚來這裡吃晚飯慶祝母親節. 第一次來這間老式扒房吃飯, 裝修好懷舊, 尤其枱上那張綠色格仔枱布, 真係好少見! 因為訂了枱的關係, 一行三人很快便有座位了. 想不到六點半來吃都已經全場滿座呀.看看餐牌發覺款式都有許多, 突然因為唔太想吃牛肉 (雖然這店是主打牛扒的...), 我最後叫了客"", 入面除了有吉列大蝦外, 還有吉列魚柳和吉列帶子的. 首先來到是餐包和跟餐的周打海鮮湯, 餐包算軟熟, 周打海鮮湯都幾creamy,味道不過不失似罐頭湯,但起碼夠熱. 之後我碟吉列炸物就到了, 嘩, 果然係大蝦, 冇呃我, 即炸又熱又脆 好難唔好味件吉列魚柳都唔錯, 唔會食到成口雪味, 份量都唔少添. 吉列帶子有兩三粒中SIZE的, 入面都仲KEEP到少少嫩滑. 仲有碟既另一邊有一座沙律山...估唔到食呢個餐都咁飽, 差D食唔晒沙律係傳統的什果沙律, 好有細細個開生日會的感覺, 如果加埋薯仔就perfect了最後飲品叫了紅豆冰, 全晚最失望的地方. 一飲發覺味道很淡, 奶味嚴重不足.. 平時勁愛飲紅豆冰的我飲了一半再飲不下去. 不知是師傅一時失手還是這裡的味道本身就是那麼淡

講起男朋友十分鍾意据扒，今次等佢收工，特登搵左家喺太子的舊式扒房去試。星期五七點半，門口已經有超過廿人排隊，為的是招牌的鐵板餐。羅宋湯有很多材料之外，還有一絲辣味。比起其他店的已經有一份細節，令人欣賞。碟是普通茶餐廳的碗碟，實而不華。西冷牛扒 ($87)上枱吱吱聲的鐵板有著黑椒的香氣，十分醒胃。牛扒點了五成，嫩滑非常，也有牛味。有少許筋和肥，不過可以接受。在這百物騰貴的社會，用這個價錢和男朋友過下据扒癮也不過份。我覺得好食過飛鷹，花園等舊式扒房！

每次有人話想据扒~我都會提議黎呢到! 都算係由細食到大lu~~!抵食又好味嘛! 呢到屬於果種舊式扒房~侍應都係上左年紀既~!好快就已經上左個湯同面包=)都係熱辣辣既!我同男朋友分別別左個西冷($7x)同肉眼($8x)~我地都係叫左五成熟!肉眼呢就真係厚D 入味D~!好似棉花咁lum=)I like it~不過西冷都唔錯! 一樣咁好食~~扒好大塊! 有少少根><”薯菜份量都好足!我地兩個扒都係叫左黑椒汁~好惹味! 之前食過佢個蒜容汁~都好好味嫁! 好怕辣既朋友可以試下=) 就食完果陣~呀姨就行埋黎幫我地落野飲~溫馨小提示~凍飲唔洗加錢! 但凍華田同好立克就要~!我記得好細個果陣仲會有埋Jelly糖做甜品~不過呢幾次黎都冇lu~不過都依然抵食! 下次會再黎!

拜完山，返到香港已經係夜晚男朋友話想据扒，行下行下就入左呢間等一次食叫左兩個餐忌廉湯，好一般，應該都係罐頭湯，好"傑"，但都熱 餐包，都係冇咪特別，但讚位就係個包係熱既，牛油都係一上台就可以輕易塗上餐包上，唔洗等好耐佢溶先食到到重頭戲 肉眼扒，我叫左七成熟，蒜蓉汁塊扒夠大，好林好易咬配菜都係例牌薯條同雜豆蒜蓉汁都好香好濃 西冷牛扒，七成熟，黑椒汁同樣塊都好大好厚但好林好易咬整體黎講都好食，屬平價好味据扒之選

黑椒汁肉眼扒配薯菜用碟裝嘅羅宋湯朋友約出去旺角就一定會係行新之城嗰邊都好少會行呢呀，今日出到旺角心血來潮想搵下有冇啲新嘢食，點知就見到呢一間餐廳。價錢唔算特別貴，所以就同朋友決定試一試吧！一坐低，你點餐個侍應就會先問你叫咩湯，俾咗個湯你先再慢慢點餐都唔遲。雖然冇餐包，不過個湯都好夠味同足料。見到佢有一個餐係肉眼扒配薯菜，都只係＄48，完全係啱晒我呢啲長期糧尾嘅人士。唔使幾耐個餐就到，不過塊扒望落就唔係好大，但係啲肉就一啲都唔鞋，好易咬開，唔使啲肉成日攝牙罅以我一個女仔嘅食量黎講，食完啱啱好夠飽。不過以＄48來講，將貨就價都算係咁！呢間餐廳價錢就平喇，但係就唔好期望會有咩好高嘅服務質素，所以如果你哋對餐廳嘅服務有要求就唔係咁推介啦！

要數香港比較懷舊嘅扒房 第尾牛扒都算數一數二質素同店名完全無關 甚至相反先岩套餐好抵食 非常平民化 $120左右已經搞掂連加一叫左三個餐 懷舊小店都會附送餐包仔軟熟得黎又微微嘅熱 岩岩好足夠牛油溶化掉👍🏼再黎餐湯 羅宋湯 牛尾湯 周打魚湯羅宋湯味濃 微微酸少少辣 重有好多什菜😋牛尾湯同周打魚湯比較杰 罐頭湯嘅味道叫左一客神戶牛扒同紐西蘭肉眼扒 重有芝士焗海鮮兩碟扒由熱盤淋上黑椒汁直接送到 一黎到就"吱吱喳喳"咁嘅聲 真係好耐未試過食到咁熱辣辣嘅扒啦👏🏼👏🏼7成熟嘅牛扒 切開時肉質鬆軟 中間呈粉紅色㡳部有粗身彈弓形薯條襯托 勁熱 正👍🏼再黎7成熟嘅肉眼扒 中間一樣呈粉紅色但切開時比較有靭度 食落有𡁻頭 比較重牛味同樣有薯條襯托 個人黎講比較鐘意肉眼扒嘅口感每碟扒都有兩大塊 真係好抵食😂芝士焗海鮮 有斑塊 尤魚 蝦同帶子配忌廉同薯蓉 份量都唔少人海鮮已被調味過 唔腥 少少咸配上淡味嘅薯蓉同忌廉 味道岩岩好最好重有附送一杯飲品 紅豆冰 什果賓治好多人叫紅豆冰嘅紅豆已經煲到開花起沙 奶味同甜道都岩岩好 飲得出係老師父嘅手勢不得不提 食飯嘅過程由落單到上菜到執枱都非常快時日晚飯時間大約一個鐘左右

想體驗乜野叫香港精神? 來這裡可以俾到你, 食個飯唔急, 但最緊要快 , 光顧這裡多年, 扒類做得不錯, 速度一如以往般驚人, 落完order, 剛放低menu, 你的餐湯和餐包已放於檯上 , 侍應亦有如雜技人一般, 一人起碼3至4碟餐湯在手, 勁!鐵板扒也一樣, 每人也是3,4個咁出 , 臂力, 平衡力驚人 說回食物 : 羅宋湯 : 夠味, 多料, 老餐廳的好滋味 , 白湯 : 有忌廉味, 不會水水的西冷牛扒 : 五成(加左鐵板來到就變七成), 有肉味, 配料亦多, 薯條夠, 價格相宜, 難怪每次來到都座無虛席!

自從養了小動物，會常到太子金魚街附近買小動物用品，行過第尾牛扒，倆人的雙腿會不謀而合的走上去，因為餐廳的牛扒"平睇正"，餐廳還有一種懷舊風，無論裝潢擺設、食物及待應，都有著七八十年代的味道。我依舊喜歡叫牛柳及羊架，還點了小時喜歡的紅豆冰。由於待應工作效率極高，轉眼已經上了前菜: 羅宋湯及牛油餐包。羅宋湯用牛肉及雜菜煲，味道微酸帶有牛味，菜亦淋身鮮甜。餐包微暖，點上牛油即溶可吃。吃完前菜即見主菜，鐵板上剛淋上了汁，肉香四溢，待約2分鐘即可進食。牛柳叫了5成熟及黑椒汁。肉身算厚，非常輕易可切開，咬下去軟腍可口，我非常喜歡牛柳的質感，配上薯菜，平衡一下口感。至於羊架，則以洋蔥汁搭配，一碟3件，肥瘦適中，沒有羊穌味，非常可口。

今晚我們去咗太子嘅「大興餐廳［第尾牛扒］」食晚飯！我們叫咗黑椒西冷牛扒餐、黑椒T骨扒餐同黑椒紐西蘭肉眼扒餐！黑椒西冷牛扒餐嘅西冷扒好厚身，肉質好嫩滑！黑椒T骨扒餐嘅T骨扒煎得唔係好夠熟同有啲雪氣嘅味道！黑椒紐西蘭肉眼扒餐嘅肉眼扒超厚身，但肉質一啲都唔韌，係超嫩滑，口感非常豐富！黑椒汁都幾濃，幾夠辣同幾惹味！牛尾湯嘅味道都幾濃郁！鮮油餐包嘅包質都幾鬆軟！