大盛日本料理

营业中

休息中

一星期內第二次幫襯雖然上次唔好食，但朋友仔想食日本野。。。咁今次選過另一d 希望好食啦最感動的還是朋友仔冒著大雨從九龍灣黎就小妹食飯小妹當然要一早搵位黎報答的呢!! 材料有牛、豬、雞選擇好香蠻有鑊氣似的朋友仔要既牛肉都好多份量紫菜絲亦都好多令食落去既口感好豐富配埋有d 蘿蔔條「十十」聲有3條鰻魚咁多!! 雖然好瘦唔肥美，但個燒汁卻豐富得很將住晒鰻魚既所有部分。。。juicy + sweet~黎埋飲品之後好快就要被叫埋單但附近有好多吉檯架wo!!!唔加一之餘，原來keep 返單一個星期內再幫襯係可以按receipt 既10% 係下次埋單時當錢洗!!~好吸引bor~不過。。點解早兩日無侍應出聲?! 無拎到單今次蝕左。。。

心血來潮想食烏冬找來了飯腳一早就來一個lunch幸好還不致要等位好多好豐富既三文魚碎相當新鮮、色澤艷麗不過略嫌無咩汁送飯，有d 齋齋地牛肉果然肥，啖啖肉但個湯就好淡口了喝一口已經覺得好薄身，仲帶點油膩不過個烏冬就好好食，煙煙un un只係$4x 仲有埋餐飲tim不過味道就強差人意了地方嘈吵有如茶餐廳!!坐對面大大聲講野都差d 聽唔到好彩唔洗加一，總算有d 良心!!

由於我係中環番工，我冇乜機會可以平日係觀塘食晏，咁o岩係觀塘上堂，我就約舊同事一齊食晏。為左方便大家，我就揀左中間位，大盛日本料理開餐。我嘗試一早訂定位，但接線生話中午時段冇得訂位，12點幾左右一定有位，所以我就約舊同事12:15PM到達。菜單選擇很多，平均消費都係五十蚊內，非常抵食。係有選擇恐懼後群症情況下，我就揀左三文魚腩碎定食，舊同事揀左野菌湯烏冬定食同自選5款壽司定食。我好鍾意食呢份三文魚腩碎定食，用呢個價錢44蚊黎計，三文魚算新鮮，加左芝麻係面，估唔到幾香口好食。熱奶茶多奶唔錯，好香滑，同茶餐廳奶茶有得比。舊同事話自選5款壽司定食唔錯，佢黎親都食呢款定食，佢又特別最鍾意食三文魚壽司。下次如果我再過開黎，一定再黎幫親。

遊走觀塘區多年都沒試過這間大盛, 因為印象中食評不太好, 而且較貴. 但今天朋友極力推薦來這間, 終於可以一嚐高低.我還未到朋友們已經點好菜等我了. 有三文魚刺身, 蟹子沙律, 軟殼蟹卷, 芝士蟹棒壽司, 甜蝦壽司, 蛋壽司, 麻醬卷, 冷麵我看到三文魚刺身都o 了, 厚得咁交關! 平時只去連鎖店食都不捨得叫魚生, 但這裡的的確不錯, $4x 8大片, 厚切! 冰底! 食起來又夠凍又新鮮, 厚得黎又不會有筋, 陣陣三文魚香味在口中徘徊, 太好味了!火炙芝士蟹棒不錯, 芝士味濃. 蟹棒沒有出水的感覺.甜蝦壽司一件有兩大隻甜蝦, 仲夠新鮮, 爽得來帶點黏性蛋壽司是我的至愛, 這裡的用了一大片蛋夾著少少的飯, 蛋有層次不會實的的,又冇出水, 不錯之選軟殼蟹卷本身看起不知是什麼, 食落就一大朕炸軟殼蟹的味就湧上鼻了, 還脆的.麻醬卷, 其實我不知它實名是什麼, 但這個卷要點麻醬食就叫它做麻醬卷, 賣相似越南粉卷, 用厚粉皮包著, 咸料較素. 麻醬卷帶點沙律般的鹹味, 芝麻味就欠奉, 可能我點得不太多.冷麵是有冰底的, 份外冰凍, 再配上蔥花, 蒜, 薑和醬油一起食, 雖然沒有餸但也不失美味.

只有食店令我有感動或氣頂,我先寫出來((等你地知道,你地d客人有d咩感受))今日一行2人去食飯,平時食開都係放題$300幾~$400都ok,就想$500食盡d食好d開心下先叫左數類壽司,.....我同佢講叫住先點知轉頭就比人收左個菜單.你收左,咁我仲點叫野呀ok..你可能唔知我仲要之前(多年前)食過有三文魚子飯,海膽飯...依加都冇左算....叫左個炸野先再睇下點知又再收左我個菜單............係你地唔識聽中文,定我講得唔好呀我都話仲要囉....你仲同我講,再要一陣比過你..........((一陣都要比我,咁依加又要攞佢走!))叫個海膽壽司$4x(我唔知)來了個海膽刺身ok錯了再換過...冇問題喎...之後又同我講壽司多粒飯要貴d,要$5x...ok,一心都食貴d點知比左1件海膽壽司我....一件唔係掛....$5x一件食得起都唔會食,((如果去日本食就ok))ok原來又出錯....換番兩件出來...哈...$5x兩件d海膽加埋=海膽刺身個海膽的70%..........錢比多左,野食少左........ok喎!!!!!!我地即時想快d埋單走,去第二到食過食飯.食到我咁氣頂

路過見到呢間日本料理店，就同朋友一齊入去食晚餐，叫左好多野食，但買相實在太吸引喇，所以掛住食只影得兩張相，廣島蠔鍋蠔新鮮好味，豆腐野菜沙律清清地唔差，三文魚腩肥美正到暈，活鯛薄切一般啦，總括黎講大部份食品都唔錯，下次順路都會再幫襯。

跟朋友們看完電影，找地方午飯，地膽朋友建議來此。這家在一排巴士站後面的港式日本料理我其實不時經過，但講到進去吃，又真是從來沒有想過喎。門面其貌不揚，可裡面地方是頗為寬敞的。假日沒午市定食供應，只好單點。大家似乎很有共識地避開了生的食物，全點熟食：鰻魚炒飯-味道不錯，炒得乾身香口，鰻魚粒的份量不少，上面還有隻蛋黃還有紫菜絲拌飯吃。而且碟頭相當大，多到吃不完。火炙三文魚加州卷-火炙三文魚鋪在卷物上，加點蟹子，麻麻地啦。大盛拉麵-來到才知道是什麼來的，基本上是一個大雜錦，蛋呀叉燒呀芽菜等等當然都有，但還有魚塊、三文魚、蝦和青口之類，配料比麵條還要多那才誇張！湯底也別要跟日式名店比了，這個倒是大件夾抵食的代表作嘛。Pizza，名稱不詳，選了雞做餡的，芝士很多，餅底脆脆的，而雞肉竟有點即食麵的味道！奇特但是好吃的。服務水平就一般啦，沒有什麼挑剔的地方。價錢倒是實惠，四人吃 $180 左右。

從小就常常在觀塘道候車看到旁邊的日本食店，卻從沒打算過進去。這天又在旁乘車，看也差不多晚飯時候了，終於神推鬼差的決定一試究竟。說實話，以前一直在外看見大盛裡面裝潢有夠像前陣子大熱的日式放題格局。由於那些日式放題興起後不少餐廳變得將價就貨、令人卻步，我也對這間食店質素沒多期望。週末晚飯時間，餐廳門口當然有不少人在等待。可能人數少的關係，我們不用等便可以進去。就如先前所說沒多大期望情況底下，不看餐牌便點了心目中數個飽腹的菜。然而有些食物端上時尚能帶來驚喜，而驚喜之處更是在味道方面。是夜菜單：三文魚壽司拖尾三文魚份量不錯、味道可以芥辣八爪魚壽司不管好不好吃，這本人大愛必點♥芥辣挺嗆的，不過紫菜略嫌軟了點感覺不太新鮮饅魚炒飯讚矣！飯炒的滿乾身入味，不會太咸而且翻一翻還有生蛋在其中，拌飯更佳中華冷麵肉、蛋、蟹柳、青瓜切絲、麵的爽軟配上麻醬，也是不錯之選一如普通日式餐廳，餐後有一人一顆雪米池要說評大盛 食物不錯、價錢相宜，如路經附近嫌apm消費高、街邊食檔衛生差不妨一試。

收工近近地去食諗住唔洗等位...以前去要排到出門口而家食完都仲有吉位...見到食評話差左好多都去試下...叫左2人餐, 刺身同壽司都還可以...刺身還算新鮮,但壽司勁細舊.....D飯明顯係隔夜飯...硬晒一夾就散..個餐有炒飯SO 咬左啖都無再食D壽司飯...D小食一般LA, 個咩炸蝦餃子之類嘅物體好多油...似酒樓嘅迷你腐皮卷.....唔知咩炸釀蟹蓋都OK, 啖啖蝦肉!但個主食鰻魚炒飯就....好難食.....勁少鰻魚....仲要D飯唔熱....而且濕淋淋....仲要蛋都未暈又未熟.....囧....真係食唔落....果然差左好多,唔怪得無人去LA......真係唔會再去....又唔見得平, 加晒價....不過見食評話D人服務好差,呢個我又唔覺...D人唔會好串或者黑面...係等位果陣要齊人先入得有D ODD...又唔係多人等位...

早一天book了位，6點45分到達，還有大把位~從前山林道分店尚在時，大盛可說是我的飯堂，常常也去食，山林道分店關閉時，真的有點傷感~！害得我很想念它的辣酒煮蜆！是日到來，本打算一解思念之情，然而卻換來失望透頂！一場到來，打開menu，發覺換了新menu，當然是加價了，還轉換了一些菜式，但大體而言仍是分別不大。最後點了幾樣壽司和熱食。辣酒煮蜆﹕曾經每一次光顧也會點的菜，也是我今次來的目的，偏偏卻最令我失望！辣酒的湯底味道依舊，唯獨那些蜆卻令人非常失望，感覺非常不新鮮，不單只有沙，還有點腥，吃下去一點鮮味也沒有，也沒有蜆味，而且非常非常細隻，總而言之，不好吃！10分的話只能夠俾4分，這4分都是俾個辣酒湯底的。 豚肉麵豉鍋﹕這兒的火鍋亦曾是我的最愛之一，但今次同樣令人失望！整個鍋完全沒有麵豉味，湯底沒味道，最後和友人都是用辣酒煮蜆的湯浸食。豚肉雖然都算多，但有點so味，其他配料也不外如是，勁大量都是娃娃菜，還有少量冬菇、2件芋絲，但真的全沒有味道。10分滿分，也只能夠俾4分。甜蝦壽司﹕一上枱已覺得唔對路，2件當中，其中一件的其中一隻蝦是爛的，頭和身幾乎分開了，令人覺得唔好睇之餘，亦有唔新鮮

愈來愈差, 不知所謂1. Book左位都要等, 預左, 但我book 5人但到左4個都要等半個鐘, 冇野呀?2. 叫野食, 只係用左佢2分鐘, 因為未叫完佢已經走左3. 冷氣凍, 問佢有冇得關細D or 轉台. 冇出聲行開左, 再番黎, 答: "冇呀!"4. 熱食係唔熱既, 壽司係暖既夠喇! 再講晒口水!

大盛光顧好多次平心而論食物質素尚算ok 例如壽司之類的幾好 三文魚刺身都算抵食但係飯類就一般 太多油鍋都係一般 冇咩特別但係份量夠所以都還好 比起價錢黎講 都算係咁久唔久都會幫襯但今次真係接受唔到 侍應服務態度真係差其實唔講唔該之類 的都ok無問題 但係真係唔應該 發個客脾氣 特別係佢自已做漏先真係過份左其實平時去食都覺得服務一般 侍應唔係好理客人但都唔係好過份 但今次真係接受唔到

平日這裏午市總是爆場，這日因為開會遲了，便來這裏碰碰運氣，剛好有位，Lucky是日同事叫了個野菌拉麵，好大碗，不過湯底好淡另外叫了一個自選壽司，六件壽司再加三件加州巻，好full再來一個軟殼蟹小吃，好飽埋單都只係$100，好抵

忍左都有兩個星期多,日本震一震搞到香港人咩都驚一餐.....其實香港有幾多真係日本直送,如果真係就一定唔平囉==""今次我都係揀番我公司樓下o既大眾化大盛.....本來諗住食個lunch算....但好多人囉!!!!!!時間緊迫,都係放工食!!!放工7點半,落到去同lunch差好遠........唔洗等位((哈哈!真係好少可))終於今次可以舒舒服服歎番餐!!首先當然要點我必叫o既頭盤先la((芒果蟹子沙律))~~~d蟹子永遠多到嚇死人!!之後不分次序:2客8寸長三文魚壽司~~((味道ok,好抵食),1客8寸長鰻魚壽司~~((普通,但都好抵)),1客厚燒玉子壽司~~((真係好厚,仲好好食,抵)),1客火炙芝士蟹肉棒壽司~~((依個普遍,d芝士唔熱...)),花之卷~~((d蟹子仍然多到嚇死人,三文魚切得好厚)),昆布卷~~((第1次叫,有dd辣,但幾好食wor)),炸蝦天婦羅~~((幾多隻,仲好即炸,好食!!)),燒三文魚腩~~((好肥.......美)),最後芝士雜菌撈烏冬~~((即溶芝士,超好食,但一定要即食,放耐左就會痴實晒,唔好食))食物來講,雖然唔係日本貨....但o係香港食到咁

昨晚同男朋友二人去大盛日本料理食飯,好耐冇去食啦!驚要等位,所以七點半到左,但都勁多人等位lo,我地等左10分鐘有位,勁快有位叫左12碟!!當然叫佢地招牌8吋三文魚及鰻魚,帶子,油金魚,芝士蟹籽壽司,厚燒玉子壽司,甘海老壽司le D 主打壽司樣樣都大件又肥味...以家轉新menu ..多左好多款式同多左特別小食....正呀!!!!仲有以下特別推介:海老蝦天婦羅 : 即叩即炸,熱辣辣,炸皮超脆口,好想再食多幾隻芒果蟹籽沙律 : 好大碟,又勁多蟹籽,出面其他日本料理,都無咁多呀...正芝士獅子狗天婦羅 : 我勁鍾意食芝士,我見到個新menu,芝士xxx即叫,所以叫黎試試,無失望到,第一口勁多芝士內裡好juicy呀..好好味呀吉列廣島蠔 : 都幾大隻,有隻食指咁大!!炸得幾脆口,入面好軟身,連我男朋友唔食炸野都食左兩隻大盛真係抵食勁飽呀...貿素比起之前好左好多...同多左好多選擇其實重有好多野想叫...無奈得兩個人食飯