大發餐廳開心菜館

营业中

休息中

真心越做越差 人手唔夠 叫極都無人 出餐超慢 留單 追幾次都出唔到 連個雞髀沙津都同以前無得比 差到黎哂鋪 聽d伙記講 轉左老闆 所以而家變成咁幫襯咗十幾年 洪水橋準備又多間餐廳結業

下午茶雞脾薯條凍檸茶，埋單$51，份量已經少，雞脾啲油味好奇怪，無下次😡下午茶雞脾薯條凍檸茶，埋單$51，份量已經少，雞脾啲油味好奇怪，無下次😡下午茶雞脾薯條凍檸茶，埋單$51，份量已經少，雞脾啲油味好奇怪，無下次😡

價錢偏貴。。。主要係唔收八達通無咁方便，環境都幾整潔既 野食就 正常水平啦。學生餐減八蚊超抵，選擇都比較多，唔會淨係得幾個餐揀學生過嚟食都好方便 但係只收現金好麻煩....

位處洪水橋呢個美食沙漠，或者真係唔憂做，啲出品係差到無得再差。朝早食早餐，叫個餐蛋丁，盛惠44蚊包一杯凍飲。碗麵黎度，個麵碌唔透、餐肉無煎過、雞蛋係一早煎定一pan ，成碗野完全無放過心思入去煮。如果你仲收梗渡海小輪20蚊一碗既價錢我有要求就我白痴啫，依家你講梗40蚊以上，仲要得一塊午餐肉，唔係咁肉酸呀嘛？太興講梗一模一樣既餐蛋丁，兩塊午餐肉，所有野無整定，全部即煎都係收貴你多一蚊，人流講梗係你一倍以上，但係出品好過你幾倍🤢講真，唔好話香港人唔撐香港人，係你地餐廳做低自己，唔怪得人。

大發出咗新嘅餐單，樣樣都好似唔錯今日就死咗佢哋個吞拿魚說蛋牛角包🥐味道幾好👍🏻呢間餐廳到而家都毅立不到仲記得以前細個着住校服去食🤭🤭下次就會羨慕佢哋其他新菜式😉

因為做嘢要去到洪水橋輕鐵站附近先有時間食嘢，但係響嗰邊人生路不熟，結果就響最近輕鐵站附近嘅地方隨便搵一間食，門口望落去係有種有少少歷史嘅茶餐廳感覺，入到入邊地方都幾大，同埋可能因為時間比較晚餐早，所以人都唔算多。裏面嘅人都好客氣話我知坐邊度比較冷氣好啲，跟住都會話俾我聽仲有下午茶。啱啱我又係覺得比較早，所以唔想食太多野，結果叫咗一個下午茶嘅免治牛肉飯同埋紅豆冰。免治牛肉返嚟到啲汁都仲好熱，亦都比我想像中大碗，食落去都還可以，有少少偏鹹，但係加埋飯就啱啱好。紅豆冰啲紅豆係會有少少溶溶地嗰啲，啱我口味，奶方面就少少偏淡。整體嚟講都係OK嘅，尤其是洪水橋站附近好似食嘢地方都唔算多，佢又靠近輕鐵站，呢度可以加分。

早餐餐牌轉左又加左價，無得轉魚柳，牛乳炒蛋乾柴，沙嘜牛面湯底淡，牛肉咸而且乾，奶茶還可以，但對比以前失色不少，自問係fans 順路一定食佢，而家可一不可再。🥹🫠每況越下，愈來愈差，唔知點解，可能係轉左手？ 連奶茶都變左普通料就真心失望既😪😪😪。。。。完全唔掂，事實上見幫襯佢既人都愈來愈少，希望店家見到食評可以好好改善！無得轉魚柳，牛乳炒蛋乾柴，沙嘜牛面湯底淡，牛肉咸而且乾，奶茶還可以，但對比以前失色不少

一家人踩單車路過試呢間，味道幾好叫左套餐算抵，叫左海鮮小菜套餐，叫左椒鹽鮮鱿炸得岩岩好無油味，鱿鱼好新鮮，同雜菜海鮮煲味道不過不失勝在非常足料，兩碗白飯，2例湯 。 凍檸茶好飲夠清香唔澀，奶茶好正

水準穩定，阿姐親切，座位夠多，係洪水橋街坊嘅飯堂 我通常係嚟食早餐，沙嗲牛肉麵啲牛肉算多，應該係福字麵底，搭條生菜🥬夠誠意，方包可加$3轉扒芝治半件，下次要試吓

正正常常既常餐大份好滿足😽奶茶聽聞好出名，不過飲落有啲苦，唔係太岩口味😿不過都入到口既服務態度好好，職員做野好快手，有好多親切又醒目既大媽😹會再次幫襯🫶

誤打誤撞嚟咗元朗洪水橋，腦細話佢N年前嚟過食飯，咁岩大家都未有嘢落肚，所以就嚟返佢十幾廿年前嚟過嘅茶記醫下肚。1️⃣4️⃣0️⃣0️⃣ 下午茶時間🥪公司三文治 $48烘底嘅麵包永遠麵係好食啲嘅，公司治足料，佢嘅蛋唔係hea底，係蛋包免治牛肉，不錯👍🏻🍗炸雞翼配薯條 $42雞翼入味，脆皮肉嫩；波浪紋薯條即炸起，好有童年回憶。⭐️🥤凍檸檬紅茶 $20其實腦細飲第一啖已經讚佢茶膽香，入口唔澀檸檬有味。我哋有眼不識泰山，大發曾經奪得金茶王盛譽！聞說茶味香濃，奶夠滑！怪不得🥺唯有下次有機會嚟飲一杯！

大發餐廳開心菜館曾經奪得金茶王既美譽,而的而且確佢地既奶茶茶香味濃,入口順滑,非常出色,加個菠蘿包做3點3下午真係一生一大樂事,但佢地既飯類相比次下就比較差少少,而且價錢唔算抵,同埋冇套餐,即係唔包飲品,所以如果LUNCH又叫飲品既話,都幾貴

大發餐廳開心菜館既奶茶在比賽以贏得奶茶王既稱號出名，耐不耐就會黎欣賞一下佢杯奶茶，再食既個午餐。除左奶茶佢啲野食都唔差，今次介紹我既最愛：肉醬意粉。🍝焗肉醬意大利粉 $40😋首先，淨係肉醬多過意粉已經冇得輸，加上肉醬既肉碎好豐富，每一淡都夠肉夠醬！仲有，佢既意粉會加芝士再焗，佢既芝士超香！但拉到絲，又再為成個意粉加左好多分！係個份量方面，對大食既人可能唔夠。🥤凍奶茶 +$2😋叫得奶茶王當然係好飲啦，但點好飲法呢。茶低夠香夠濃而又不會澀。奶同茶既比例控制得好好，入口好滑，真係會上癮！整體：🌟🌟🌟🌟/5

外賣叫左盒四寶飯，一打開見到得一條腸，半塊午餐肉，一塊火腿加個蛋，連豉油汁都冇，咁就收你$50，打過去同佢講，佢話係咁嫁啦，比粒咸蛋我撈都好呀🥺希望可以改善🙇🏻‍♀️

大發餐廳開心菜館佢另外一個名係奶茶王，呢度以好味ge奶茶見稱，今日嚟到就叫左一個鮮牛肉福面，鹹牛肉奄烈加多士同一個扒芝士治，當然唔少得一杯熱奶茶。先講嘢食，佢啲嘢食就普普通通唔算難食但係又唔會話太過特別同出色，其實同普通茶餐廳冇乜分別，唯一覺得比較好味嘅係扒芝士治，炕過嘅麵包加上軟熟嘅芝士食落幾好味，佢個麵都算大碗，而且都多鮮牛肉。至於個奶茶，飲落確實比出邊普通茶餐廳嘅好味，茶底相對濃郁，不過就冇想像中咁好味有少少失望。總結係行過經過都可以試吓，不過如果要特登入嚟就要認真諗諗因為佢個地方都有d遠😂