大班麵包西餅 (已結業)

大班d蛋糕又有水準又平又令，所以佢係我首選蛋糕的連鎖店$118真係好平，同埋整得好令，味道也不錯，可能雪得耐既關係，西多啤利好硬，但佢好大個！有芝麻味的冰皮真係好好味，芝麻味香濃，紅豆同芝麻流沙都好好味！冰糖官燕其實得好少燕窩，多是綠豆容，不過綠豆容都好好味！心太軟同朱古力味道都ok，濃濃的朱古力味，不過心大軟個心就不是流心的了，可能雪左的關係抹茶紅豆我好唔中意，因為我真係太唔中意綠茶啦，所以我覺得唔好食

兔年第一份賀禮，大班出品杏仁酥包裝模仿銀包，雖然不算精緻，但勝在有意思。寓意金銀滿屋，盤滿砵滿，很是應景。杏仁酥香脆之餘，十分鬆化。一口咬下，滿腔牛油味。不過每次最多吃兩件，因為頗為熱氣。

由於在附近補祝朋友生日, 又想只買一個半磅蛋糕, 所以來到這間大班買蛋糕. 半磅蛋糕都有很多款式選擇. 我揀了栗子忌簾蛋糕此蛋糕好多cream和栗子溶, 好滑, 但美中不足是蛋糕內沒有任何鮮果, 只是蛋糕上面有一粒士多啤李. 這蛋糕只是$70, 如果要加白朱古力的生日牌, 也不用額外付錢, 太好了這是我第一次食大班的蛋糕, 都幾好味, 哈哈, 從此以後又知道多一間餅店有半磅的蛋糕賣了.

見到個包裝有些吸引,於是就買來試吓~~~甘筍綿綿包(4個裝$8.5)起初以為成個包都是用甘筍做包身,原來只是得些稀疏的甘筍粒/絲,味道同那些甜餐包差不多.個包食落感覺不到有軟綿綿的質感,原來都是包一個.

唔想食heavy蛋糕的時候, 就諗清清地食個牛乳蛋糕, 點不知...點不知係估唔到果口感...以為好輕好light, 點不知質地都幾厚身下, 同鬆軟兩字差好遠點不知係果味道...牛乳唔香唔濃, 同基本清蛋糕沒兩様初初以為牛乳蛋糕好light唔油膩, 點不知食到成手油! 真係好油!!都唔知邊度似牛乳蛋糕...大係大個呀, 但真係食唔到多囉...咁油! 好heavy!

大班的現賣磅裝蛋糕雖然款式平凡選擇又不算多, 最大的優勢是有1磅裝甚至半磅裝的蛋糕size~ 今晚去買個生日蛋糕, 恰巧有特價 (不知道為甚麼會15% off~), 1磅的黑森林蛋糕$128折實$108.8 ~ 跟店員說是for生日的, 她就在入紙盒之前為蛋糕加1塊巧克力的生日牌,,, 好像有點hea不過沒甚麼所謂啦~ 又可以問店員要蠟燭~~ 大班的蛋糕1向都甚有水準, 大家都讚蛋糕味道很不錯~ 外層圍邊的雖是牛奶巧克力, 但甜度適中可以接受~ 草莓夠新鮮, 即使跟忌廉1同吃進口都不會被忌廉搶過甜美的風頭而只嚐到酸味~ 裡頭夾層的o者o厘粒配忌廉, 忌廉不會很漏, 2者將整個蛋糕的層次變得很豐富~~ 只是海棉蛋糕有點太實了, 失掉那鬆軟的感覺, 因為我們是吃完晚飯才吃生日蛋糕, 不知道會不會只是跟雪櫃的溫度有關呢,,, 有點美中不足 >.<

每朝早都會為食咩包而苦惱，今早突然想食忌廉筒，但又覺得 panash 的不夠酥，所以特登早 d 出門行去大班買個試o下。丹麥忌廉筒︰不枉行多十幾分鐘去買，個酥皮筒非常酥脆，而入面忌廉又香滑，表面有薄薄的糖霜，甜度適中。雖然食左真係幾肥o下，但唔理了，一定有下次~~~

工友來探班，買了一打蛋撻到來﹗大班蛋撻都係第一次食，呢隻係曲奇皮，撻邊酥脆，一咬即碎，帶陣陣牛油香﹗蛋心略甜，有蛋香卻未算很濃郁，由於仲係熱辣辣，食落點都係好味的﹗別人請客，價錢就不知了﹗

今天跟同事大膽地煮個白酒煮青口(購自 SOGO), 附近只有大班賣法包, 長長的一條只售十元! 店員斜切開約八份...即食就咬到牙骹軟, 烘完...外表脆脆, 內在也有鬆軟的感覺, 曾試過大班其他麵包方包...印象不錯, 但法包又唔錯 wor!

大清早在呢間野買左個芝士魚柳包﹗望落都奇怪架喇，到底見魚柳0係邊呢？返到工地打開一睇，原來有半塊炸左都唔知幾耐的魚柳夾住左0係個包底度﹗魚柳的炸粉已經腍哂，同入面0的魚肉分開左，如佢將呢塊野放上包面就一定唔會買﹗是因為怕魚柳放在面頭有礙瞻還是什麼呢？入口有芝士味，不過魚柳腍哂有0的腥味出左黎﹗下次唔會買佢喇﹗

十月七日 (星期二)我地很久都沒吃過紙包蛋糕,星期日剛巧經過此店,看見包裝頗精緻,所以買來一試吃下,蛋糕質感不俗,味道亦剛好,不太甜...原來我地好鐘意食紙包蛋糕...紙包蛋糕勾起對兒時的回憶...唔知道那兒的紙包蛋糕最好吃呢?請指敎...

好耐冇食過冰皮月餅la, 今年的冰皮宣傳強勁, 口味重好似好吸引tim.之前係MTR見佢d adv.依個芝麻豆蓉有芝麻流出o黎, ng~~~好似好唔錯wor, 所以買了兩個比家人試試.煙煙unun的外皮, 同我印象中的濕立立差好遠, 淡淡的芝麻味, 當真有流出來的芝麻, yummy, Mami大讚.

去買英式紅茶蛋糕時,見到大班有新出既家庭裝包,叫肉桂軟包,未見過,覺得個樣都ok,買左黎試下。一大袋有四個連體既方形肉桂包,包既質地好軟熟,呢個係優勝之處;至於肉桂味,其實係唔濃架,包內有少少肉桂醬,但只會係薄薄一層個隻,而唔係好厚好杰,咁都唔錯,淡淡地既味道, 我覺得都食得過!

本來無諗住買呢款包,但係俾佢既香味吸引左。包包上面放左條炸手指魚,手指魚上面仲有茄汁,茄汁好香!食落手指魚脆脆地,有d似食緊快餐店魚柳包既感覺,只係醬汁係茄汁!不過,原來加茄汁比加沙律醬更美味!