大玩臺式飲品(綿綿冰專門店) (已結業)

八月初七‧炎熱LQ的大喜日子，九時開席，之前喝專兄去附近循一循，看有什麼好吃及喝。過了馬路看到這間珍珠奶茶店子，就來一杯珍珠奶茶。奶茶是用機搖的，是整杯也冰度十足，比起坊間很多用手搖的也好。但一喝起來，就喝到碎冰，如果可以隔一隔就更佳。茶味淡淡的，奶味太濃了，建議要「少奶」好一點。珍珠下得不少，吃起來軟糯，而味道也甜甜的，不錯。十蚊一杯，可以一試。

今次試左烏龍奶茶(少甜少冰), 第一啖K喎 夠茶味唔會太多奶~冰粒夠碎有咬口!但飲多兩啖開始覺得入口有啲削同澀口...加奶又會遮晒啲茶味喎 ...咁不如要珍珠奶茶好過 >.< ...我唯有選擇繼續飲呢杯尚算有茶香嘅烏龍奶茶喇~ PS. come buy嘅烏龍奶茶雖然比較貴但佢係我飲過咁多間味道同質素最好最平均架~

弄頭髮需時,特意去買杯珍珠奶茶在髮型屋消磨時間, 太子區台式茶店林立,今次選了有透明珍珠的"大玩",看看透明珍珠究竟有何分別??是日竟神奇地沒太多客人,小弟店員也細心的詢問"要唔要少甜/少冰??"服務算不錯了。由於客人不多,三杯白雪珍珠很快就到手了,小弟也特意將正常和少甜的分開包裝,叻仔!!飲用時明明看清楚杯上的貼紙是少糖,但飲進口裡竟然頗甜的?! 要是正常甜豈不是超甜?? 誰知買給髮型師及其助手的正常甜反而不太甜,莫非店員在甜度上混亂了??撇開甜度,茶味不算很濃,反而奶味比例較重,杯子也有著不少奶粉痕跡在,很重手哩!以茶香和茶味來說相當一般,不算太出色;不過名為白雪珍珠的透明珍珠卻有驚喜!! 除了外觀晶瑩剔透比一般黑色的特別外,質感相當QQ,非常有嚼頭,喜吃QQ質感如我則非常對胃口,珍珠甜度比一般台式店高, 明顯嚐到珍珠有甜味,不是味如嚼蠟的粉圓,這方面非常不錯,而且份量夠多,喝罷一杯的確可以飽肚。連髮型師和助手也說這些白珍珠很好吃 這店的飲品用上碎冰,個人認為比用上大冰粒的較為討好, 在這炎熱天氣下,啜一啖連碎冰的冰凍飲品,那種感覺多爽多暢快!!只是碎冰溶化速度會比較快, 變暖速度

前幾天路過試珍珠奶茶呢一間無貢茶個邊咁多人抱住不太大期望去試職員好NICE,問我地是否需要少冰少糖我就叫左少冰等緊的時候....見到有綿綿冰好似幾好味,下次可以試試我杯珍珠奶茶整好後,一飲就覺得都好抵飲因為有茶味!甜度適中所以下次會去試埋綿綿冰到時再上來跟大家報告報告

在MK周街都開台式飲品，今午睇魚經過太子，見到又有新店，重有9蚊特價，一於試下白雪珍珠奶茶。味道夠濃，茶味足，白雪珍珠有甜甜地之感，也彈牙。店員還問要否少甜少冰，又不用等太久，算不錯吧。

我同媽咪出來太子，本來去大玩， 就是吃綿綿冰! 現在大玩有特價$9的白雪珍珠奶茶，就放棄吃冰的念頭。我們就向店員要一杯白雪珍珠奶茶，可是店員太少，要負責收銀，又要整飲品，而店內實際只有兩、三個人手，可見真的人手不足。店員也只是向我們說一聲「等陣」， 我們呆企了一排，終於得喇!白雪珍珠奶茶 700cc $9茶味幾濃，奶味足，幾好飲! 白雪珍珠即是透明珍珠，QQ彈牙，很有嚼勁，好 ! 整體都OK!

食完譚仔，其實已經好飽，不過又好想試。於是買咗杯珍珠奶茶少甜走冰 ($10)。當時只有三個人喺度等，所以好快就有嘞。味道唔錯，唔會太甜。入口質感滑，奶味與茶味均等。茶微微帶苦，溝埋奶剛剛好。珍珠佔全杯about 1/3，幾多架！飲到最後仲有好多珍珠喺底。珍珠屬細珍珠，不會黐在一起，口感煙韌。用糖水煮過，味道甜甜的！

大特價$9杯白雪珍珠奶茶700cc確係幾抵, 即刻要試一試.成日聽到"這就是我們的白色珍珠". 白雪珍珠奶茶: 0係而家盛行既台式奶茶鋪之中, 少有咁重茶味, 而唔係太甜. 白色既珍珠幾特別, 珍珠就硬左D. 整體OK.

食完垃圾壽司唔知點解勁口渴!!!之後就見到有間綠色野幾醒神就黎買野飲見到白雪珍珠奶茶9蚊杯咁大杯好抵就飲呢杯啦當時冇人排所以都ok快見到員工將透明珍珠放入杯中奶茶加冰搖碎再倒入杯中就成了有點失望因為以為白雪係好新奇的玩意原來只係d珍珠透明不過飲落又有驚喜又夠甜又夠濃又夠奶d冰亦夠碎吸左都可以吞左佢而且d珍珠亦有甜味inin unun咁! 好有咬勁!!!!最後我仲吸哂d珍珠先掉 哈可以再飲wor

來到旺角飲珍珠奶茶通常都會去輕鬆飲 or 貢茶但係今日落雨又無行過去果面~就試下新開既大玩....叫左個白色珍珠奶茶,坦白講句真的比輕鬆飲差很遠!沒有奶味不但只好似飲糖水咁...d珍珠又硬!!!成杯野都好稀....完全失望!

突然間好想飲朱古力...見到依個有喎~~~就點左''杯芽朱古力'' $14 (少冰)好多就有啦~等時突然有好多人黎買~飲下...ok喎!朱古力咪濃,仲有特別之處,佢d冰你細細粒,可以飲下d冰粒,因為我平時飲開其他既都係普通既大粒冰@@...所以依個有細粒冰,飲埋仲透心涼我冇試佢既綿綿冰啊~不過我見到我前面個男人買...原來仲可以自選配料..$20~ok既...下次都試下先!p.s.如果喜愛濃味朱古力既人,叫佢濃d朱古力啦!!!!哈哈哈~~因為我飲親間間台灣飲料都叫濃d....正好多架

想試下此店的'白珍珠'所謂何事…$12。薄荷奶茶+白珍珠：薄荷味略淡，茶味不錯，白珍珠只是透明的珍珠，味甜，白珍珠質感不會過淋，如同黑珍珠的水準，最愛它的'硬'感，正，試罷，足矣……

附近開了很多間珍珠奶茶店，這間除奶茶外，還是首間以綿綿冰作主題的店鋪。店鋪以青綠色為主色，感覺頗Fresh，環境寬闊整潔。$12。芋香珍珠奶茶：新張期內免費加珠(迷你珍珠、黑珍珠、白珍珠)香芋味好淡，但唯一歡喜的是黑珍珠，個人覺得是幾間中做得最好的，硬度剛剛好，不會過淋而缺少煙un的口感，十分有口感，真爽！

食完個油溢味沙翁後，行左好耐都唔知飲咩好，行行下見到一間有奶綠飲品，就諗都唔諗買杯試下！哎呀唔係我想象中成杯都係綠色的，同珍珠奶茶既色一樣！珍珠奶綠第一啖，重綠茶味，之後奶味慢慢出黎！好飲過普通既珍珠奶茶！我鐘意尼隻味，唔錯唔錯！珍珠份量都好多！飲完都仲有好多珍珠下次便對綿綿冰有興趣

六月廿三日．大熱附近吃完下了不少胡椒的雲吞湯，一頭汗，要找點涼快東西解熱。見期興起唔少沙冰、綿冰什麼的，一於買杯來解熱。同出面幾間新開冰店差唔多，都是玩刨冰對對碰，又兼賣一早用茶膽沖定的冰茶，這裡即叫即做的，只有綿冰。要了廿元自選組合，看過幾複雜又似乎只得香港人（後生仔）能理解的「對對碰」自選菜單，先選芒果冰底、再加煉奶、再加黑糖寒天．．．盛謂廿元。碰著綿冰「行食」，太陽下冰很快變水，要快吃，似乎加工過的綿冰夠軟身，但就唔覺有冰凍感覺，又唔覺有芒果味，煉奶預期的甜，很解辣，黑糖寒天是預期的無個性，但煙韌有餘。廿元一小碗，一切都是預期般味道，又唔夠冰涼消暑，是絕對唔好玩，吃完要再買烏龍茶解暑！