大灣咖啡廳

营业中

休息中

<餐廳介紹:大灣咖啡廳>地點:紅磡香港嘉里酒店菜式: 平日自助午餐價錢: 原價平日388 (openrice book 75折，中銀hsbc 信用卡就85折)，另收加一服務費 #中產窮L 作為一個打工仔，難得平日放年假，又未有計劃外遊，咁唯有周圍搵下有無平日抵食又可以食到飽死既自助餐餐廳，今次就選左位於紅磡碼頭旁既香港嘉里酒店，食佢地既平日自助午餐。 餐廳位於嘉里酒店3樓，離黃埔地鐵站C 出口5至10分路程，但離紅磡碼頭只有1分鐘路程，各位如要前往可以考慮搭渡輪。 自助午餐雖然12點開始，但#中產窮L 11點45分去到，前面已經有2，30個人既人龍等候入座，餐廳面積廣闊，座位非常多，目測，有2，3百個座位以上，靠窗既座位更可以望到海景。 平日自助午餐，凍海鮮有提供面包蟹，青口，螺頭，餐廳稱晚市有長腳蟹，但就無面包蟹。海鮮refill 既速度都ok，至於夾唔夾到面包蟹殼就要睇緣份啦。 至於刺身方面，就有八爪魚，三文魚，油甘魚同吞拿魚，味道都好新鮮，排隊等候時間亦唔會太耐。 沙律菜和芝士吧都有幾款選擇，煙肉亦有幾款，味道都易入口，不會太咸。 熟餸方面，有中式點心，幾款咖哩肉

從未去過嘉里酒店，係網上睇到環境唔錯，所以諗住試吓。差唔多6點去到，門口都有啲人排隊，但唔算多。6：00準時開始入座，安排咗一張4人梳化靚景檯比我，好正, 好大，座得好舒服。坐抵見有氣酒free flow$228，對於我呢啲酒鬼，緊係飲啦食物選擇都係一般大路嘢啦，但質素唔錯。由於我唔食肉，所以食物選擇對我嚟講真係唔重要，最重要係坐得舒服同服務夠好。呢度服務就真心覺得正，所有員工都好有禮貌，尤其係大廚哥哥們，去到邊個食物櫃檯，都有廚司哥哥介紹食物，又好笑容又有禮貌。今次戶外有個勁大嘅西班牙炒飯，大廚哥哥都會叫客人出去影吓相。真係好少會遇到大廚哥哥會主動埋嚟同客人傾計，多謝你，昨晚真係好開心，同你傾計真係學到好多嘢食飽飽落樓下行吓，吹吓海風，再去碼頭聽吓人唱歌，睇吓人放狗，真係堅正

我地準時6:00入坐，9:30走🤣超滿足。海鮮新鮮，凍蝦勁大只勁爽彈，鮑魚都爽口彈牙蟹腳夠鮮甜為一就係refill好慢，可以不停食蟹腳三文魚都好好食。限時燉湯，我飲左三盅哈哈。無限時可以慢慢品嘗，仲可以傾下計食，open rice book仲有折，好抵食，座位闊落舒服😌

6月尾嘅星期日朋友仔請我哋食自助午餐，真係好開心又感恩。呢間都食過4，5次，午市晚市都食過，拎食物嘅地方好大，不過款式唔太吸引，海鮮種類較少，午市只係有蝦，青口，貝殼類，沒有蠔。刺身就有三文魚，吞拿魚，劍魚等。沙津是比較多種類，有生菜，青瓜，粟米等普遍蔬菜類，各種沙律醬，也有已經混好的各式沙津，例如泰式沙律，西式沙律，如薯仔沙律，青木瓜沙律。熟食種類也比較多喇，尤其西式種類。有切牛肉，烤各種肉類，魚，青口等，也有即時做的韓式煱麵，其實有幾多人會去自助餐叫碗即食麵㗎⋯⋯呢個款式擺咗係自助餐好多年，佢哋真係考慮下轉其他，或者加入其他元素在其中，例如加入海鮮，人參雞湯，韓式牛肋骨。不過食物沒有什麼亮點⋯⋯也是有中式熟食，點心，炒粉炒麵，自選嘅湯粉麵，味道係幾好嘅。甜品和雪糕就種類最多最豐富啦，甜品好多都係切蛋糕款式，雪糕也有8款可以揀，如果係.鐘意食甜品嘅，呢間自助餐廳幾適合你。餐廳環境都係好，窗外望見維港景色，也可以行出露台影吓相，睇風景。

之前咁啱見到香港嘉里酒店自助餐有65折，平日晚上成人連加一只需491.9，呢個價算非常抵啦！食物分開幾個區域，前菜近入口，一邊係凍海鮮，刺身，日式食品及自選日式火鍋。另一邊前菜有沙律，芝士，火腿及意大利薄餅等。凍海鮮選擇有凍蝦，麵包蟹，螺及青口；刺身都係普通果幾款，而且已經切好。現場沒有供應生蠔，蟹腳等，如果付原價享用，我就會覺得性價比略低。主菜在長走廊的一旁，中西印度東南亞都有幾多選擇。食物質素算係中規中矩，讚既有意大利雲呑，中式燉湯，中式小菜，海鮮熟食，仲有即炒手工意大利粉。另外有個位係甜品區，有個大櫃放滿蛋糕，旁邊仲有雪糕，班戟，不用冷藏的糕點甜品，選擇幾多，味道都唔錯。當晚餐廳唔滿座，座位安排唔會太擠迫，職員幾有禮貌，執碟都快手。望出去個景係碼頭同維港，但唔算特別靚。整體正如開頭所講，以優惠價錢食呢個酒店自助晚餐絕對滿意，但如果以原價成$700，性價比就略低。咖啡廳

今日和老婆,外父和外母往紅磡大灣咖啡廳食自助餐慶祝中秋節, 食物款式甚多凍海鮮有龍蝦和凍蝦, 刺身有三文魚和吞拿魚等, 壽司有火炙三文魚壽司等；燒烤有燒羊架, 蝦,肉眼和大蝦等；熱食有咖喱雞, 西班牙燒乳朱、西班牙海鮮飯和炒菜；甜品有焦糖燉蛋,haagen dazs咖啡, 雲呢拿和朱古力雪糕。凍海鮮凍龍蝦新鮮彈牙和凍蝦肉質鮮甜,食落爽口；三文魚刺身食落鮮甜和吞拿魚刺身爽口適中；壽司火炙三文魚壽司食落有油花,肉質鮮甜,口感十足；燒烤方面燒羊架肉質軟腍,蝦肉質彈牙,燒肉眼肉質鮮嫩, 食落啖啖肉和燒大蝦食落彈牙惹味。熱食咖喱雞雞肉辣度適中, 配上印度薄脆口感美味, 西班牙燒乳朱皮十分香脆, 食落有油花, 口感十足；西班牙海鮮飯份量十足,有青口,魷魚和蝦等, 海鮮新鮮鮮甜,飯粒軟綿；炒菜食落爽口；最後焦糖燉蛋蛋味香滑, 食落軟綿, 最後haagen dazs咖啡味濃, 雲呢拿香滑和朱古力雪糕味香濃。餐廳座位環境舒適, 可以看維港景致,而且侍應細心,廚師可以給客人與西班牙海鮮飯留影,餐廳價錢合理, 食物高質款式多, 家人很滿意安排, 食了一頓高質美味自助餐。

暑假完咗喇☀️ 酒店嘅buffet終於無咁難book😫有老有嫩都係食自助餐比較皆大歡喜一啲👵🏻👨🏻‍🦳👧🏻👩🏻👨🏻👦🏻想嚟#KerryHotel 試好耐喇 而家用#滙豐信用卡 有7折💳 非常抵食 而且環境好靚 餐廳空間非常大👍🏻 一入門口就係好受歡迎嘅#海鮮凍盤 同#刺身 區 🦞🍣雖然無蟹同生蠔 但係佢哋嘅蝦好大隻好甜 🦐vc而刺身款式都好多 師傅好豪爽 件件都厚切 🤩凍盤旁仲有個live cook係整#石鍋公仔麵🥢 雖然食buffet食公仔麵好似好唔合理 但係加吓泡菜同午餐肉仲有邪惡芝士令成件事變得合理咗 非常有諗頭😋熱盤都有好長嘅枱供應 #燒牛肉 嘅質素好抵讚 行到尾仲有酸菜魚 不過唔好期望太高😏最欣賞佢嘅甜品section 好齊全 仲有#榴槤甜品 如果係榴槤粉應該會好開心食完推介去餐廳嘅户外地方行吓打吓卡 因為呢度個景真係一流👍🏻👉🏻午餐每位 $388💰大灣咖啡廳紅磡紅鸞道38號香港嘉里酒店3樓.__________

屋企人生日，有老有後生，當然揀食自助餐，皆大歡喜。之前食過呢間自助午餐印象唔錯，加上見到OpenRice 有得訂位之餘仲有優惠，就嗱嗱聲撳個掣訂位。 食飯前幾日都有職員打電話黎同我confirm booking，仲睇到備注話慶生仲主動問我洗唔洗要個生日dessert ，十分貼心。6:00準時到達餐廳門口，可能因為平日關係人龍唔算長，好快就可以入座，提供嘅餐飲環境望上去寬敞，非常舒服。首先一開始食啲生冷嘢，我見到沙律菜有多款選擇，仲有唔同配料同醬汁，竟然有提供比較貴嘅牛油生菜。當然仲有刺身同壽司，老竇話油甘魚唔錯但我自己無食。另外呢間自助餐最好係有多款唔同麵包 coldcut 選擇，Pizza 10分好食，手工餅底冇得輸。熟悉主要大致分為西式、東南亞同中式。食嘢前飲啖湯暖肚，有椰子雞湯同南瓜湯選擇。肉類都有好多唔同選擇，包括有燒牛肉、鴨胸、豬肋骨、仲可以配上不同配菜例如蘑菇薯角枝豆。嘉里酒店嘅自助餐除咗麵包好，佢嘅咖喱都做得非常之出色。有三至四款咖喱選擇，配埋印度薄餅中式布看上去比較遜色，但好彩佢哋有限時燉湯，非常清甜。另外仲每人送一盒蒜蓉開邊蝦，算係咁啦！最後自助餐當然唔少得甜品。首先

伏伏伏，食物種類少得可憐，我諗10隻手指加10隻腳趾都數得曬，食物又很難食，大家千奇唔好中伏，我都係比佢個榴槤主題吸引左而試，啲相片根本就係呃人，食過最難食既buffet, 價錢貴，食物少種類，又唔好食，食物全部迷形，丁點咁細，食麵食得4分1個, 連蛋都冇，一間酒店連蛋都可以賣曬，O曬咀，芒果糯米飯係1匙羹既份量，真係好Cheap, 又難食，見到賣相都唔想食，kerry hotel, 係我食過 最差既buffet, 一定要劣評，等佢改善一下食物既種類同水準，唯有好處係有海景，其他不值一提 😨

見openrice 75折於是首次嘗試這裡的自助午餐環境很好 地方大 舒服整齊食物種類多樣樣都有最最最驚喜是油甘魚刺身自助餐來說真係罕有而且刺身質素也很好其他熟食食物水平只屬一般普普通通啦值得一提是服務人員的服務態度都好好抵讚！折後$320ㄧ位悠悠閒閒兩個半鐘不錯

今日同家人去試下午茶,其實之前巳過食評及外間的介紹,不是抱太大期望,點知比預期更差。取餐地方好細,好迫,覺得自己好似難民咁,大排長龍為攞果一般既野食。食物款式真係唔多,我覺得最好反而係杯咖啡。不過職員服務好好,亦見到佢地好忙,不過唔會有下次

一行入餐廳，即刻心心眼😍食物種類好多🥳中、西、日、印等多國料理應有盡有👍🏻 凍海鮮🧊麵包蟹🦀︰蟹蓋超正！勁多膏。蟹肉鮮嫩蝦🦐︰新鮮、肉質爽彈刺身🍣有三文魚、油甘魚、吞拿魚同八爪魚全部都厚切，比得大方，而且質素高👍🏻三文魚︰新鮮，肉質肥美🫶🏻油甘魚︰無筋無腥味，係香港食過較高質既油甘魚💯熟食最令我印象深刻既有︰牛肝菌意大利飯🍚意大利飯偏軟唔夠正宗但醬汁creamy，惹味配搭牛肝菌食🍄味道唔錯雖然係較飽肚既食物🤰🏻都忍唔住encore左幾次🤭印度牛油雞🥘質地稠身味道甜中帶微辣點烤餅食一流💯印度烤餅🫓口感煙韌👌🏻唔會過油幾出色😻烤魷魚🐙質地鮮嫩口感爽彈👅唔會過韌石頭鍋以公仔麵做基底🍜提供左泡菜、菇類、片狀鳴門卷、芋絲等配料揀選左想食既配菜師傅就會放曬入預熱左既石頭鍋到🍲淋上熱湯♨️熱辣辣咁送到枱暖胃✅甜品款式琳琅滿目🧁🍰🍧有tiramisu、cheesecake、pancake、waffle、奶凍、蘋果金寶、各類蛋糕等甜品控會失控‼️餐廳夠貼心，每款甜品都係細細件👏🏻可以試多幾款口味🤣試左唔同款甜品，個人認為最好食既有︰檸檬撻撻皮酥脆帶牛

看過了咁多食評，好壞參半，最後還是自己過來試一試！ 我選擇了中午自助餐， 總括來說覺得真的不錯 ，食材認真， 服務態度超有水準， 真是比預期中出色！👍👍每一個counter都有廚師現場即煮！👍海鮮有麵包蟹翡翠螺 和蝦都十分新鮮 👍👍魚生新鮮，更是不吝嗇地厚切！ 真值得畀一個讚👍牛扒和羊架採用slow cook 煮法，更是鮮嫩有肉汁👍甜品雪糕款式也不少👍

沒有榴槤的粉絲在呢🙋🏻‍♀️🙋🏻‍♀️🙋🏻‍♀️?! 紅磡嘉里酒店的 • 𝔹𝕚𝕘 𝔹𝕒𝕪 ℂ𝕒𝕗𝕖•推出期間限定的 「東南亞美食及榴槤盛宴下午茶自助餐😍 」，喜愛榴槤的朋友仔，準備好你的胃了嗎～即日至8月28日的逢星期六日下午3點3至5時推出，每位只需$300，就可以食到大量榴槤美食，相當抵食呢～ 餐廳環境非常寬敞，並設有落地大玻璃，陽光照射，感覺舒適☺️。餐桌大而寬闊，適合一家人和一大班朋友聚餐呢～ 下午茶自助餐包含星、馬、泰、印、越等地美食，當中主打的當然是榴槤甜品啦🫶🏻～ 沙律方面🥗有自選沙律、豬頸肉沙律、紅菜頭沙律和生菜包🥬，我最愛辣勁十足的豬肉生菜包，甚有泰國風味。壽司卷🍣則有三文魚、蟹柳玉子和青瓜芝士。丫米紙卷色彩繽紛，粉皮軟糯，蔬菜爽脆😍，清爽清新，我吃了6件呀～ 熟食🍽 炒得乾身的泰式炒金邊粉、鹹香的印尼炒飯、雞肉串燒🍗、荷葉包雞、薄餅等等，炒飯超惹味，我超愛的🤣～ 然後就到主角榴槤啦😳，有榴槤薄餅 、脆炸D24榴槤球 、D101榴槤西多士、榴槤巴斯克蛋糕、榴連柑柚忌廉蛋糕、榴槤椰汁糯米飯、榴槤泡芙、綠茶朱古力榴槤墶、榴槤銅鑼灣等等😋，個人認為銅鑼燒最好吃～你又想吃那一款呢？

家陣每逢經過生果舖，總是見推起一箱箱的榴槤，店主一破開果殼，即時香氣四溢，令人食指大動。不過每次要整個買，家人又未必個個食，心多的，想食多幾款又怕麻煩。其實諗諗下，不如去食有榴槤提供的 Buffet，因為好多時都會搖身一變，化成不同口味的甜品。而香港嘉里酒店就首度推出東南亞主題榴槤甜點自助下午茶，或者可以幫到大家。今次大灣咖啡廳（Big Bay Cafe）將於這個炎夏7、8月，推出全新東南亞美食及榴槤下午茶自助餐,供應星、馬、泰各地的地道佳餚，還有多達十款榴槤甜品和鹹點，若然閣下是榴槤迷，就更加係 Win Win。請注意，【下午茶自助餐】供應日期只限於 2022年7月9日至8月28日(逢星期六及星期日)，時間為下午3時15分至下午5時，每位HKD$300(當然要另加一服務費)。其實逢星期五、六、日及公眾假期，Dinner Buffet，都有榴槤菜色提供，而且更有4款不同品種的榴槤肉奉上，喜歡食榴槤的朋友可要留意了。除了上述所提及的美食外，更包括無限暢飲椰子水、香茅特飲、咖啡及茶。若果想多點享受，又或者有小朋友想飲果汁，餐廳又有$68，free flow果汁同汽水 。就分享下今次主打的榴