大瀛喜日本料理 (已結業)

旺角食肆一直都多嘎啦，今次趁消費券落黎，一於食放題啦。店鋪位置都相當方便，出地鐵站就可以上樓入座。地方好大，可能因為消費券發放，真系好旺場，坐滿咗！裝修都差五多啦，乾淨企理。熟食區，甜品區，冷盤區，飲料區都應有盡有。落單掃code，唔使寫紙仔，方便又環保。刺身、壽司、手卷、燒物等等樣樣齊全。上菜都相當快，效率爆燈。放題就肯定唔少得刺身啦。食材都好新鮮，食落鮮甜又唔腥。三文魚，甜蝦，北寄貝同八爪魚刺身就系我最愛。距地壽司都好唔錯，最啱壽司發燒友。手卷有成只鮑魚，細細件，一啖落去就滿足啦。岩燒蝦極力推薦，只落少少鹽，保留翻蝦噶鮮味，落單可以叫多啲。蒜蓉燒扇貝都好唔錯。除左自己落單，外面仲有好多自助區。章魚燒同炸雞粒好好食。仲有凍蜆、凍蝦同凍青口添。服務好快手，吧枱位置雖然緊湊，但勝在收碟及時，可以食多幾轉。

舊同事聚舊話想食放題，我就主動提議食返呢間餐廳~呢度食飯真係要BOOK位，因為兩次黎都見到爆多人!!大家不約而同講返以前食限時放題成日漏單追單好勞氣，而家用QR Code真係方便又有效率好多~~呢度d刺身真係keep到個質素，上枱唔會話未溶好雪或者淡矛矛無魚味，款式選擇又多，我自己最鐘意食帶子同赤蝦~ 鮮甜又彈牙~熟食綜合大家意見覺得呢度燒物真心唔錯～其中最鐘意嘅係蒜蓉燒帶子同燒鰻魚，encore咗好多次，帶子肉燒起唔乾柴同唔會縮到細細粒~鰻魚細細件燒到香口，沾滿醬汁勁好味，食到停唔到口~更開心嘅係呢度有海量嘅飲品選擇，由咖啡、綠茶、檸茶、茶飲、汽水到清酒啤酒都係任君選擇，自助區仲有唔同款式嘅前菜、小食、甜品等任添任食，價錢又唔貴，真係同大班朋友聚腳好選擇~~

消費券落左來梗係要快滴去食好西啦，今晚趁加班有同事陪，2個人收工之後一齊去食放題今日近近地來到旺角呢間放題，聽講大瀛喜放題都算性價比比較高既，一於過來睇下距咩料。因為無book檯，臨時入來就被安排到左比較邊的位置，又或者可能係因為實在太多人，五係週六日都甘多人，食物質素可想而知其實都幾好。來食放題肯定要點刺身先既，刺身種類都好多，虎蝦刺身都有添，食落感覺好新鮮，無腥味，刺身算屬於中上水平了。黃金大蝦即使外面裹蛋黃炸都可以食得出滴蝦係新鮮既，因為滴肉都實。開邊蝦係另一種做法，有滴甜味，都新鮮好食。蒜蓉燒扇貝，蒜蓉味五算重，味道偏淡。個一口牛味道都算OK,牛肉五韌。魚湯菜苗有少少腥，都可以接受既。呢個燒菠蘿真係好好食，好甜好juicy,之後仲叫左幾份。其實仲有好多野食，創意壽司味道都五錯，總體來講係性價比較高的日式放題，可以再來。

與友人相約在旺角，無所事事的到處走，行到餓了就決定食放題，因為款式多！夜晚8:30後晚市人均$273，非常多人，咁啱被安排坐係餐廳最入面角落頭位，幾好！餐廳都幾大，一入門就係自助飲品區同甜品區，最欣賞有飲品暖櫃同自家製泡茶！👉🏻刺身點了三文魚、油甘魚、吞拿魚、帶子、虎蝦、甜蝦同大赤蝦！上菜速度快，而且無漏單！👉🏻壽司特別中意鵝肝壽司，京蔥拖羅蓉塔同芒果龍蝦沙律塔，好creative嘅料理，而且份量唔會太多，可以繼續食其他野！👉🏻燒物推介蒜蓉醬烤扇貝同燒有機新鮮菠蘿！前者蒜香十足帶岀鮮香味，後者酸酸甜甜，最適合解膩👉🏻煮物北海道牛乳豆腐鍋係大愛！個湯奶白色，唔會好鹹，真係好好飲，豆腐好滑，係想食嘅味道！與友人一起邊吃邊談心，很幸福滿足！

上次嚟完食放題真係有點念念不忘，成日都心思思想再食，今日趁放半晝捉埋屋企人黎食個早輪放題~剛到達時都無咩人可以周圍影下，入座無幾耐已經非常熱鬧，估唔到早輪都有咁多人，証明質素真係有咁上下~唔知點解由細到大見到刺身船併都係咁興奮!!雖然兩個人叫得唔太多，但見到個併盤都夠開心~今次覺得赤背同三文魚相對比較靚，其實各款刺身質素都依然出色，而且都有跟小量紫蘇葉，食落有獨特香氣，超鐘意~今次試咗D上次無食到嘅食物好似黃金醬蝦、榴槤炸彈同雞粥~~沙律蛋黃醬舖滿大大片蝦肉上面，食得好滿足! 榴槤炸彈一咬開就爆出流心醬，香味隨即飄來，榴槤控必點!!雞粥無特別太大驚喜，但我鐘意食放題時臨尾食返碗解膩~~食早輪飽到捧住個肚都唔會咁有罪惡感~ 依然覺得性價比唔錯，可以再嚟~~

打唔成風就出旺角食日式放題。舖頭就喺旺角地鐵站隔離非常近，一入到門口就見到飲品雪櫃同埋熟食自助區，當然唔少得甜品同埋自助雪糕，種類都幾多！飲品亦都有驚喜！有自家製嘅凍頂烏龍茶同白桃烏龍茶，酒類除咗清酒同梅酒，仲有平時飲開嘅Asahi 同apple cider！食放題一定唔會少得刺身，叫左三文魚、吞拿魚、北寄貝、赤貝、帶子、虎蝦、赤蝦、全部都好新鮮，魚類厚切肥美，貝類鮮甜，蝦類自己都嗌咗兩次！京蔥拖羅蓉塔都幾特別，有吞拿魚mix黑松露，配搭一流！大讚呢個自助區嘅凍蝦同蟲草花烏雞湯，自己同友人都添咗兩次！熟食方面嗌咗吉列炸蠔、黃金醬燒開邊蝦、蒜蓉醬烤扇貝，天婦羅嗌咗虎蝦同蟹棒、鮮魚濃湯浸菜苗，入邊仲有幾滑嘅無骨魚片！自己最鍾意紐西蘭香草羊鞍同鹽燒牛舌！口感十足，味道唔會太鹹，加咗檸檬汁啱啱好！ 最後仲加咗辣酒煮黃金螺、殿堂宴客醉鮑魚同鰹魚湯稻庭烏冬，大滿足！甜品方面，熟食有嗌咗紫心香芋丸同北海道牛乳鮮奶卷，外面炸粉薄內裏口感creamy ！最後當然唔少得自助雪糕，有綠茶同雲呢拿味、包裝雪糕就太多選擇淨係食咗韓國朱古力脆皮雪糕，外脆內軟！餐廳上菜速度都算快，中間亦都冇漏單，員工清潔速度幾快，

#旺角美食 #小蓮星呑食旺角🔻 大瀛喜日本料理旺角九龍旺角彌敦道655號5樓/🥳晚市放題 $248/🧃刺身/壽司全部刺身都有本身自己嘅食材鮮味，絕對唔會雪到硬骨骨乾爭爭，而且魚生都好厚切，最推介油甘魚、帶子、八爪魚同埋螺，油甘魚充滿油脂，帶子好鮮甜，八爪魚好爽口，螺就好彈牙。海膽手卷嘅海膽雖然份量唔係好多，但係冇怪味，正常。壽司飯唔會好鬆散。/🧃熱食/鍋物呢度嘅熱食質素都好高，有燒物、天婦羅、醉鮑魚等等，燒物上枱嘅時候都仲熱，非常惹味。必食呢度嘅芝麻雞翼，炸得超好，皮脆肉嫩，一共食咗四隻。呢度竟然仲有酸菜魚，以獵奇嘅心態叫咗一鍋，估唔到咁出色，魚片好多，酸菜湯酸辣平衡得好好，如果唔係太飽都仲想encore/🧃甜品/飲品甜品方面勁多選擇，紅色呢一粒仔好似雪凍咗嘅Kinder牛奶朱古力，好香濃嘅牛奶味。另外飲品方面有自家冷泡嘅白桃烏龍同埋桂花烏龍，茶味濃郁，健康之選。鍾意飲酒嘅朋友呢度都啱晒，嘉士伯同asahi 任拎,竟然仲有梅酒清酒任飲。/////#food #foodie #hkfood #hkfoodie #foodporn #foodstagram #hkfoodblogger #

又係時候清假喇 今日去旺角間銀行搞埋d手續 餓餓地 就一個人走左去食放題上到去 估唔到星期一ge中午都可以咁多人 個場好full下有雪糕機，杯裝雪糕，仲有乳酪等等每樣刺身都試下 有三文魚 帶子 蝦 八爪魚 等等都唔錯 特別鍾意帶子 要加單燒蒜蓉帶子好香 好味醉鮑魚好入味超大隻燒大蝦最有驚喜 燒得好香 一定要encore 海膽手卷海膽都幾鮮 好滿足 紫菜都夠脆出面都有d凍海鮮 蝦呀蜆呀 我都夾左d黎試 唔錯ge燒菠蘿好juicy 甜甜酸酸好開胃 必點之選壽司點左帶子同三文魚 又係我ge至愛Tiramisu細細杯 幾好 可以留肚食多幾款藍莓乳酪 健康之選總括而言 落左單 上食物ge速度都快 唔洗捱餓 同埋食物種類都多 價錢又抵 下次再約朋友再食先

為咗結婚呢單嘢，本小姐已經半年冇食過放題了🥹上星期啱啱完婚終於開懷可以大吃大喝嘢喇😆今晚一於同老公食返餐放題，感受一下好耐都冇試過嘅飽到撐感覺😂🥢今日揀嚟呢一間放題店主要係因為➡️見佢負評相對其他放題店少🙈而且旺角呢一帶附近都好多嘢行，食完一餐咁滿足嘅飯，總要行吓街消化下😌星期一至四晚市放題 價錢$248 加一❗️入去嘅時候覺得價錢屬正常水平～食完之後覺得超值😆啲嘢嚟得超快，基本上落完單15分鐘內會到🤭食物種類都好多～有刺身、壽司、手卷、炸物、天婦羅、一品料理、燒物、串燒、鍋物等，連酸菜魚都有得食🫢不過我個人覺得好食比種類多更重要😌❣️而家已經可以用QR code落單，環保得來又唔怕漏單👍🏻落完嘢食即刻喺System見到自己落咗啲乜嘢，非常好❗️🌟除咗兩款自家製泡茶、飲品、啤酒、清酒、梅酒之外，Open area 自助區仲有：沙律吧、熱食、小食、凍海鮮、雪糕雪條等甜品💕刺身方面，大部份都好新鮮❣️係以下幾樣嘢特別想推介🤓➡️花海蜇入口冰涼爽口🤩尤其係呢幾日咁悶熱嘅天氣，食落真係好涼爽好滿足🥰➡️北海道帶子清新爽甜❗️咬落唔會有溶糊感👍🏻係細粒咗啲，因為佢係一粒開二🙈鍾意食帶子嘅可能要嗌多少少🤭➡️三文魚

好耐冇去食日式放題，今日專登放工後去旺角呢間<大瀛喜>日式放題店，食番餐飽嘅。呢度供應嘅食物選擇非常之多，無論刺身、壽司、手卷、燒物、天婦羅、雪糕、甜品、熟食……真係乜都有，要食到回本，真係冇難度。刺身非常新鮮，個人覺得必食帶子、油甘魚、三文魚、甜蝦、大虎蝦、北寄貝、八爪魚、吞拿魚等，全部都肉厚鮮甜。人客亦都可以出去熟食區，自己夾嘢食返嚟食，有青口、大蝦、中華沙律等等。呢度嘅手握壽司，全部都係即叫即製，飯嘅用量少，而且刺身肉多，肉質新鮮甜美，食十件八件已經回返曬本。北海道帆立貝壽司：超大隻帆立貝，肉厚鮮甜海膽手卷：海膽入口即溶京蔥拖羅蓉塔：拖羅肥美蒲燒鰻魚：燒得香口惹味鵝肝壽司：超級肥美好食羊架：又淋又嫩魚湯浸菜苗：魚湯香甜，菜苗爽口嫩滑殿堂宴客醉鮑魚：充滿酒香嘅醉鮑魚，非常美味養生仲有超甜粟米、沙律醬烤大蝦、牛柳粒、炸蝦天婦羅同蟹柳天婦羅都非常好食。花膠：手掌甘大，仲又厚又滑，用料非常高質素。蒜蓉烤扇貝：用上大量嘅蒜蓉來烤，非常惹味好食。仲有烤菠蘿同比目魚，烤菠蘿非常鮮甜多汁，比目魚魚肉非常嫩滑，煎得好香。整體嚟講，我覺得呢間放題絕對值得大家去食，價格不貴，人均消費都

收工嚟旺角同同事食日式放題，呢間放題喺旺角地鐵站樓上，好方便。入到嚟個場好大，見到好多人來食。餐牌款式都幾多，除咗日式放題常見嘅刺身，壽司，手卷，燒物，串燒，炸物，仲有鍋物，一品料理，另外自助區有各類冷熱飲，酒類，雪糕，甜品，熱食等等。自助區：熱食唔錯，出晒煙夠哂熱，炒芥蘭好香，夠晒爽脆刺身&壽司：- 刺身整體新鮮，三文魚肥美，赤貝爽脆，北寄貝鮮甜- 🍣壽司size適中，一口一件，賣相精緻，配搭有心思- 黑松露吞拿魚蓉卷：吞拿魚蓉細滑，帶有淡淡的黑松露香- 芒果龍蝦沙律塔：芒果配龍蝦沙律酸酸甜甜好開胃燒物：- 🦐鹽燒海蝦：海蝦夠晒肥美大隻，爽口彈牙，燒到好香脆，加上海鹽鹹鹹地更能突出蝦肉嘅鮮味- 🐠西京燒比目魚：外皮燒得好香，肉質細嫩，醬汁焦香，配埋沙律醬同七味粉好開胃- 鹽燒鯖魚：外皮燒到香脆可口- 🍍燒菠蘿：酸酸甜甜，開胃消滯，juicy多汁- 牛油翠玉瓜：好香牛油味，加咗椒鹽更惹味，燒到外脆內軟一品料理及鍋物：- 🧄蒜蓉醬烤扇貝：扇貝爽口鮮味，配上夜魅蒜蓉醬同牛油，燒烤風味濃郁- 🍤黃金炒大蝦：金沙蝦好有鑊氣，外殼脆到可以連殼食，蛋黃味好香濃- 殿堂宴客醉鮑魚：好大隻鮑魚，有花雕

未睇餐牌，門口個放題櫃已經超級多嘢食，小菜、炸物、滋潤湯水、甜品、前菜咩都有，炸魷魚圈同埋章魚小丸子都好好味，魷魚圈即炸出爐，非常鬆化，壽司刺身系列全部都好新鮮，赤蝦非常juicy, 蝦頭好多蝦膏，味道濃郁，辣汁煮螺十分惹味，翡翠螺超級大隻，另外作為海膽粉絲既我緊係要叫海膽手卷，我中意佢細細個一啖食得曬，海膽味都有重，大大力推介火炙壽司，入口即溶，鹽燒左口魚邊同埋火炙芝士三文魚都必定要叫，至於熟食就一定係蒜香牛柳粒，啖啖肉，唔怕成口筋痴牙，醉鮑魚都超正，平時放題一定冇得食，呢到真係任你叫仲要大隻又彈牙，食到好滿足捧住個肚走😆😆

環境都算幾大，有4個大嘅飲品櫃，飲品種類繁多，另外一邊亦擺放左一啲冷盤海鮮好似有蝦、青口、蜆等等，而熱盤方面佢個瑞士雞翼我就覺得整得幾好食，側邊亦有日本既冷熱清酒提供，主打嘅刺身類，都有幾多唔同選擇，好似有赤貝、吞拿魚、大大隻既赤蝦同埋我覺得幾唔錯既海蜇剌身，至於熱食方面，佢亦有一啲燒物炸物，好似有我最愛芝麻雞翼同榴連波波，壽司就以佢嘅海膽手卷吸引到我，無諗過放題有海膽食，佢另外有一啲特色小食，好似醉鮑魚，原隻鮑魚仔，用酒醃製過，有陣陣酒香，非常好食，食完一輪，緊係要食甜品，佢有個甜品櫃，入面有唔同嘅甜品，好似有木糠布甸、芝士蛋糕，如果唔夠皮重有雪糕機俾你整雪糕食，亦有多款雪條俾你揀，野飲方面，佢個自家製白桃烏龍茶非常好飲，清清地，飲落非常舒服，整體而言，呢間放題餐廳食物嘅種類多，而且質素高，有機會真係要去試吓。

想平平哋食日式放題，咁啱就搵到呢一間~ 八點幾收工就同同事一齊去食 原來佢8:30pm之後入座係248一位未加一 而且環境又唔差 坐得幾闊落同舒服首先梗係必點刺身啦！我同同事都比較鍾意食貝殼類同埋三文魚，有驚喜既係海蜇！超級爽口同彈牙 另外我哋都嗌咗啲北寄貝同埋赤貝刺身 都唔會太腥~ 另外好好食係花之戀！除左用魚腩之外 佢每件都係迷你size 包保唔會太大罪惡感🤣另外必食嘅就係牛舌串燒同埋佢啲炸物！佢係即燒即炸，上菜嘅時候都係熱辣辣㗎！佢個芝麻雞翼好好食😋另外野飲都有幾多選擇，個人幾鍾意飲白桃烏龍茶，仲有得任食雪糕

講起食放題，一定係揀大瀛喜🤭咁多年嚟都係揀佢！最緊要係佢價錢非常抵玩，選擇超級多，自選任何兩小時都只係$𝟐𝟔𝟖。✤ 自選魚生刺身 呢度有小編最愛嘅赤貝刺身🐚 ，冰涼、鮮甜、好fresh 呀🌊 少有食到咁有鮮味嘅赤貝，真心要表揚下🤪 仲有少有嘅冰鎮海蜇刺身添！三文魚、帶子、吞拿魚全部都拍得住酒店standard 😎夠曬厚實肥美！✤ 炭燒牛舌 牛舌燒得香噴噴，外脆內軟，每咬一啖油香都散發成個口腔 🤪好難得係放題可以搵到啲高質嘅燒牛舌 👀 正 😎✤ 酒煮鮑魚 每份三塊開左既鮑魚，連內臟都刮得一乾二淨，一勺佢就原粒鮑魚起到🫡 加埋花雕酒既醺香，同杞子既甜味，真係同三五知己食到飽時高談闊論既佐物 🍶✤ 蒜香帆立貝 🐚牛油香蒜脆脆，再加埋大大粒、肉實實既帆立貝，真係搞到小編食指蠢蠢欲動👆🏽帆立貝肉質豐富，絲絲條理分明 😝 最緊要係啪N粒都唔會撐大個胃 🥹 誠意推介 🤓