大澳德發 (已結業)

前居東涌，久不久便會沿行山徑到大澳去，借行山運動筋骨、欣賞大自然美景之餘，順道可一嚐大澳的漁村美食，一舉三得！自搬離東涌後，跟大澳好像疏遠了！某天在網上搜尋食肆，怎料給我搜到城市裡的大澳漁村風味，急不及待當晚即出發到「大澳」去！這家城市裡的大澳離炮台山港鐵站不遠，不用行山、也不用舟車勞頓，正合跟我家的為食老人家同來！主理大澳漁村菜式的「大澳德發」，沒有華麗的裝潢，有著與茶餐廳相若的隔局，大概來得雅緻一點，不過這並不是重點，重點是漁村風味是中式菜餚，主打中菜的黃色食店在坊間罕有得很，加上大澳特色主題，「大澳德發」好像為我的盲點開創了新視域！自認識了「大澳德發」後，我們在一個月內共到訪了三遍，原因是城市裡的大澳風味實在令人如癡如醉！好了，是時候分享「大澳德發」的菜式，次序先以最喜歡菜式來排列！第一道推介是招牌生死戀 HK$178。菜名甚有愛情悲劇感，實際是馬友鹹鮮魚與大澳鹹魚的配搭，故取名生死戀，非常貼切，且更是招牌推介，所以第一次到訪便嘗試了！漁民製作鹹鮮魚的技術不容置疑，火喉亦到位，馬友入口細嫩、鹹度溫和，正好將魚鮮引出，又不會對大澳鹹魚扣成衝突！採用了優質的大澳霉香鹹魚，入口爽婂交雜

今日黎到炮台山食飯，黎到呢間附近好出名嘅大澳德發佢本身最出名係當中富大澳特色嘅小菜，但一個人又食唔到咁多，所以都係叫個常餐算，點知有驚喜❗️❗️❗️芝士豬扒湯公仔麵常餐 $53芝士味好濃，熱溶左嘅芝士撈埋公仔麵一流香港好多餐廳都有芝士麵，但未必間間都有呢度咁好食麵包係丹麥麵包，好鬆軟，蛋炒得算滑，不錯💪🏻💪🏻💪🏻💪🏻豬扒炸得岩岩好，唔會過老，唔會太燶豬扒本身肉汁多，好味😋😋😋😋整體黎講有驚喜，係附近值得一試

行過竟然見到早餐到中午12點！ ！ ！對於懶人來講中午12點前的早餐真的比較難搵，竟然在炮台山就找到一間。地點在地鐵站的對面，珍珠奶茶 茶一旁邊。叫左個set, 千層多士好食（好大牛油味，大塊d 更好），沙嗲牛米粉唔錯！炒蛋炒得好滑好滑，腸仔都係炸過再上碟，個人來講$34的早餐做得非常有心。起碼係用心做的小店！！大家可以再試試！！主要幫襯因為員工有禮貌，好人，有正義感！任坐卡座！食物暖心暖身！香港人加油！！

前幾日同阿媽嚟呢度食飯，未黎之前都唔知大澳有咁多特色菜， 可惜得兩個人食唔到好多，下次再試吓其他餐廳內有電視，最啱一路睇電視一路食嘢。叫餸食飯仲有碗例湯送。碗湯勁大碗，係平時餐廳嘅兩倍而且都幾足料，呢日係粟米蘿蔔豬肉湯，清甜，亦唔似有味精加分脆脆龍躉班配滑蛋粟米汁$148冇諗過小店都有龍躉班食，價錢合理上到枱係熱辣辣嘅，而且粟米汁分開放，唔會令到啲龍躉炸完又淋左粟米汁都幾多，多到食完啲龍躉都仲有，可以拎黎撈飯食。龍躉肉舊舊都好大件,幾多肉，炸粉唔算厚而且脆入面好Juicy食第一啖時有魚汁咇出黎，忍唔住要影下相！冰鎮咕嚕肉幾欣賞佢啲咕嚕肉每一舊都大件，有啲餐廳細細件搞到個炸皮佔左一半，呢度食到啖啖肉外凍內暖，d冰凍到個皮更加脆。 酸酸甜甜幾開胃檸檬薏米水，呢杯自家製嘅薏米水都幾有誠意, 薏米都幾多,幾啱女士美白養顏

今日喺附近放工 見佢都幾特別呀食大澳菜 平時都好少有 就個同事一齊嚟食要咗兩個係海鮮嘅包括呢個卜卜蜆鍋同埋煮北寄貝個卜卜鍋係用火鍋形式咁樣送上 目測起碼都有成30隻蜆仔佢嘅煮法就係好簡單 可以食到蜆仔嘅鮮 就咁一堆蜆加辣椒,芫荽同埋蒜頭 就係蜆裏面嘅鮮味 呢個蜆好好食 佢仲可以轉頭加埋飯 變成粥底咁樣食食咗一半期間個北寄貝就煮好咗喇 佢係跟有一啲粉絲係底粉絲吸曬北寄貝同嘅鮮味 北寄貝好新鮮 一流 我哋特登食咗一大半之後先至叫其他食物因為唔想海鮮變凍咗 我哋仲叫咗一個香芒沙拉骨同埋炒銀針粉 銀針粉上面有櫻花蝦脆卜卜 又唔會炒到淋晒糊晒 唔錯 沙拉骨就邪惡d 但真係好好味 唔會太多沙拉醬 味道調得岩岩好 而且都有成6 7 件份量都唔少 由於每樣菜式份量原來唔少 真係太飽 所以要打飽整體食物質素幾高 價錢算合理 位置方便 推介

今朝想去食早餐， 本想叫那位侍應落單，已不耐煩叫我等等，跟著又問我食完的碗筷係米我地，我只是說了一句梗係唔係我，他竟然說我講無謂說話，服務態度超差！ 食物水準差已算啦，一肚氣！出來食野都要受氣！

今晚這餐好味夾抵食。在炮台山地鐵站正對面，服務極好，食左二百零蚊無加一👍🏻（忘記取單），埋單時竟然送$100現金券！此優惠券一個月内2:30pm後可用，「不設消費限額」無其他條款👍🏻每次使用優惠劵後，扣除優惠劵金額，再付滿$100又再可有新$50券👏🏻 這是很大的優惠，等於接近半價👍🏻 本身係睇消費地圖去的特選食店，進店前根本無留意門外原來貼了大海報消費滿$100送$50現金券！所以很大警喜😄 講番食物，龍躉球新鮮厚肉有質感～好味😋 帶子就薄左d 😐 西蘭花🥦好大棵😆不過夠入味👍🏻可考慮切細塊d較易入口😅 瑞士汁炒牛河味道好😋牛肉嫩度適中份量多👍🏻 自家製薏米水是我喜歡的味道😋不太酸也不太淡👍🏻薏米份量適中比例好👍🏻 以上咁豐盛的晚餐，有海鮮有肉有菜連飲品只係$218！可用支付寶，扣多$3 = $215 再送$100現金券🙈這是一間有心意的良心食店💛 牆上有特別驚喜，見到會食得更開心😉大力推介給各位香港人

炮台山站對面的大澳德發，是一間主打小菜與海鮮的餐廳。爸媽不在家的小雞，說好久沒有吃魚了。這夜，我們就吃魚去…… 餐廳選擇挺多的，教人看得眼花撩亂。小雞，看得眉開眼笑。點菜，就交由她吧﹗ 金磚脆豆腐拼酥脆炸墨魚餅$128，炸物上枱前，撒滿了黑芝麻與大量炸蒜粒，更添香氣與味道。金磚脆豆腐，即酥炸豆腐粒也。大廚以薄粉脆炸，外層炸粉薄且香脆，內裏豆腐仍極滑溜，很好吃。酥脆炸墨魚餅也是外脆內鮮爽彈牙，可沾上甜酸醬同吃。個人而言，建議可減去味道過份霸道的炸蒜粒。 自家製檸檬薏米水，每人一杯，健脾清熱，清新好飲。 惹味卜卜蜆煲配鴛鴦米泡飯$148，侍應端上來一大盆滿了芫茜、蔥花，以及蒜蓉的白蜆。放在爐上，不消片刻，水滾蜆開口，即可吃用。 蜆肉不算太過肥美，然，粒粒肉嫩鮮美。 蜆吃到七七八八，就可加入魚湯和白飯，製作泡飯。個人經驗，廸議大家製作泡飯前，可以把鍋中部份蒜蓉搯出。否則，蒜辣味道會略為濃烈了點兒﹗ 泡飯很快就好了，吃前，再混入脆米，增添口感。 小雞想吃西蘭花爆炒帶子龍躉球，奈何，是日全店停售龍躉菜式。她，只能

呢間表面看似好尋常嘅餐廳， 竟然有大澳特色菜食， 咸魚蒸馬友、 大澳蒸黃花魚、 豆腐魚頭蜆仔湯、 卜卜蜆等等嘅菜式，真係唔係周圍都食到。難得嚟到呢度， 梗係要試下啲出面食唔到嘅菜食啦。 我同男朋友兩個人， 嗌咗三個餸， 分別係"果皮古法籠仔蒸龍躉肉"、"卜卜蜆煲配鴛鴦米"、同埋"墨魚餅"。墨魚餅: 炸得香脆， 一碟最有六塊咁多 ，重點在於個醬汁酸酸甜甜好好味。古法果皮籠仔蒸龍躉肉: 用料十足，裏面除咗果皮之外， 仲有蒜頭、冬菇、同埋肉絲。龍躉肉蒸得嫩滑， 魚皮煙煙靭靭好有彈性， 骨膠原十足。 啲配料同魚好夾， 可以成龍食曬 ，一粒都冇得淨。卜卜蜆: 三個餸入面最特別就係呢一個卜卜蜆， 服務員直接將一盤生嘅蜆上枱， 上面由芫茜、辣椒、同埋勁多蒜蓉做調味， 喺我哋面前直接將啲蜆炒熟， 等我哋品嚐完啲蜆之後， 再加入魚湯、白飯、同埋炒過嘅米飯混合埋一齊煮， 就變咗另一個菜式"泡飯"。呢個泡飯做得好出色， 有好香蒜頭味， 由於湯底係魚湯所以已經有鮮味， 在家上頭先煮完蜆，剩返落嚟嘅蜆汁， 全部畀啲飯吸收曬， 真係好食到停唔到口。

紅蘿蔔粟米豬骨湯好甜好入味嘅湯，飲得出無落味精，全天然煲左好耐，好濃紅蘿蔔同粟米嘅甜味，好似啲老火湯甘，正👍🏻脆豆腐拼炸墨魚餅豆腐細細粒磚頭甘，食落口外脆內軟，好食到唔停得口，即叫即炸，送到上枱熱辣辣。炸墨魚餅好爽口，點埋個醬簡直一流。大澳炆龍躉頭腩魚有炸過，令到成舊魚完完整整，食落口好入味，一啲都唔腥，而且好多肉，有豆腐朴，豆腐朴都炆到好入味，送飯超正。魚湯鮮腐竹浸時蔬菜係白菜仔，用魚湯浸好有鮮味。熱檸檬薏米水以為會無味，佢有比少少甜，一啲都唔會覺得太甜，岩岩好，好有益嘅一杯飲品，薏米軟硬適中，唔會太硬或太軟，宜家無邊間有得飲薏米水，一定要試。

約左老朋友食飯，2條友都咁岩想食小炒，就揀左德發。原因係一出炮台山地鐵站對面就係，由於腳痛唔行得遠見位置就腳就入左去試，估唔到誤打誤撞都搵到正野！除左野食，座位寬敞，員工做野爽手有禮貌，十分抵讚食物方面，地道港式小炒，味道賣相份量都100分！魚頭豆腐湯，鮮甜唔腥足料帶胡椒香。！金磚豆腐配墨魚餅，豆腐嫩滑，墨魚餅香脆豐實！漁香茄子煲，咸香惹味，撈飯一流，大愛！甜酸菠蘿生炒骨，排骨炸到脆卜卜,好香口，而家粒粒都多肉少骨，正！

話說朋友係附近放工，又好肚餓，就求其搵間野e下肚仔。入到尼，伙記叔叔就推介左我食呢幾樣，4個人就啱啱好4個餸。首先係"必食"推介冰鎮咕嚕肉，wa，聽過名以為好正，點知....似係攤凍左既餸囉..微暖既感覺，都唔知想點之後就係腐皮浸生菜，份量好少囉，得嗰幾棵菜最後到牛仔骨喇喎，又係得幾嚿囉P.S.一個餐要加$20先有白飯同湯，野飲就再加原價$20杯( 凍檸茶)， 如果唔想加錢就預咗飲熱水啦~總結尼講，我覺得就懂普通茶餐廳就冇咩分別，但價錢就有d貴，3個餸就$330埋單。

黎接朋友收工食晚飯，朋友就帶左我黎呢間大澳德發，話呢到既魚湯非常鮮味，一定要一試除左朋友所推介既魚湯-豆腐魚頭蜆仔湯仲叫左漁村三寶肉餅蒸籠仔飯，因為籠仔飯都好少地方見到了魚湯比我想像中要大碗很多，至少是3至4人分量魚湯呈奶白色，一飲果然鮮味無窮，魚湯除了魚頭，還有不少蜆仔，蜆仔需不算大粒，但鮮甜無沙魚湯中仲放有薑條、胡椒還有爆香過既蒜頭調味，味道一啲都唔單調漁村三寶肉餅蒸籠仔飯都好惹味籠仔飯上有蝦、魚、瀨尿蝦乾，香味已滲入底層的飯粒飯粒飽滿，濕潤程度我認為是剛好的，不會有太濕的情況瀨尿蝦乾我都係第一次食，說真不太能分到和蝦乾的分別，只可以說很有咸香和鮮味，是好貨色仲係呢到搵到薏米水同鹹柑桔鹹柑桔既味道好傳統，同係連鎖店入既完全唔同，整體相當推介大澳德發比大家而且裝修現代感得黎，亦古色古香

大澳去過幾次，但係大澳菜都係第一次食。大澳近海，大澳人鍾意食海鮮，仲會將魚曬乾做鹹魚。 今晚嚟到大澳德發，呢度交通非常方便，砲台山地鐵站一出嚟就已經見到。 餐廳坐得幾舒服，座位都算幾多，又有電視睇，可以慢慢歎。我們嗌咗海鮮為主的菜式，叫咗個卜卜蜆，古法果皮籠仔蒸龍躉，同欖菜肉鬆四季豆。卜卜蜆分量足料，蜆好新鮮，食完蜆仲可以加魚湯同飯做泡飯。四季豆炒得香口，送飯一流。好鍾意蒸龍躉，龍躉肉質滑嫩 ，上面有一些果皮絲，菇絲，底下鋪上滑豆腐索曬龍躉嘅精華，令滑豆腐都好好食!

最近去左炮台山嘅大澳德發食飯，地點勁方便，一出地鐵站過對面馬路就到佢地有一船小炒同大澳特色菜，叫得大澳德發，當然就要試下大澳菜啦叫左個招牌生死戀，係咪唔知係咩嚟呢，其實就係馬友咸魚王配大澳咸鮮馬友，個名改得好貼切呀，一碟餸就可以食齊新鮮魚同咸魚，正呀，由於碟餸有咸魚，所以就冇落蒸魚豉油，我建議兩種魚都夾d一齊食呀另外叫左招牌大澳咸香雞，真係咸香味十足，咩醬料都唔洗點都夠哂味呀，雞肉又滑，唔錯仲叫左個金磚脆豆腐，一上枱熱辣辣，外脆內軟，好食