大漁市場壽司刺身店 (已結業)

由於時間ge 關係，趕住買外賣番屋企開大食會，order 左共$500 ge刺身，壽司&沙律，加佢地ge whatsapp no. 就送半磅ge 三文魚刺身… 整體來說壽司味道一般，不太新鮮，刺身更為無味，三文魚刺身顏色鮮豔，但完全無味，結果整盒放棄…下次就算趕時間都係揀番乾淨穩陣ge 板長元氣

放工當然想盡快回家休息，所以2個人買外賣回家食就最方便，大漁又有名，壽司大大件，抵食夾飽肚只要買之前 20～30分鐘，打電話去落 order ，咁一去到就可以比錢走人，唔使站係門口呆等。 而佢哋會收錢先，由雪櫃攞出嚟，保持衛生。三文魚是必叫的，因為鍾意食，又肥月厚，啖啖肉，而且仲好新鮮。鰻魚壽司，魚一樣大件頭，個汁剛好唔太濃，配飯剛好。吉列蠔卷，回到家中，已經微暖，但個蠔好味，有蠔本身陣 so so 味。

今晚屋企冇飯食,落街買外賣咁啱想食三文魚,諗起近元朗廣場有間大漁市場有外賣壽司叫左三文魚刺身(6件) $38醋鯖魚 (2件) $10蟹籽軍艦 (2件) $12山葵八爪魚軍艦 (2件) $16返到屋企第一時間準備開餐壽司幾好味,不過山葵八爪魚唔夠辣同咸左啲今晚想食的三文魚刺身就冇乜魚味,失望拎返屋企都有段路,八爪魚軍艦爛開左總結: 壽司可再食, 三文魚刺身就不用了

兩個字,好味~成日都去食,不過有次我老豆去買三文魚刺身俾佢呃,4X蚊明明有半磅家嘛,老豆拎到返黎我就知少左,於是我就去磅下,結果得210克(連盒)正常半磅應該起碼要有250克架!!e家我磅仲要連盒tim,係咪睇我老豆佢唔識野不過味道真係唔錯,而且好新鮮~佢又有厚切,口感好正,好滿足帶子sushi:帶子根好鮮甜,唔會好林,有咬口仲好過去其他壽司鋪赤貝sushi:呢個唔夠新鮮啦,但係都好爽,不過賣相核凸-,-希靈魚sushi:酸酸甜甜好開胃,而且都好爽,正北寄貝sushi:原隻既鮮甜味美火焰三文魚sushi:象xx sushi:唔夠新鮮,但都好爽,甜味不夠~仲有其他,不過唔記得左不過我去戈陣得我一個,都要等成15分鐘~希望佢可以快d啦~

男友方先生想買外賣壽司返屋企食,行左幾間超市都冇得賣,諗起元朗廣場一帶有幾間專做外賣的,於是就黎左呢一間啦要左一磅三文魚、一板海膽、2件熟帶子壽司,4件軍艦同1迷你雜錦魚生飯1迷你鰻魚飯,埋單$300有找三文魚:睇樣的確好吸引,價錢又唔貴,但其實可能我地好夜去,所以新鮮度不足,食落亦都比較肥;但都好味,2個人差d食唔晒,底食!!海謄:同樣係價錢吸引人的食品,但比三文魚更遜色,食落冇味,基本上唔知自己食緊海膽;隨住一板海膽附一小盒飯同一包紫菜,用紫菜和住海膽食,更有驚喜熟帶子壽司:唔知原來壽司中間已包住wasabi,一食落口,強勁ge wasabi攻入口腔每一寸,其他味道食唔到迷你飯:睇上黎細細盒,但有好多料,而且又好味^^

已經唔係第一次食大漁, 一直光顧佢ge原因都係因為新鮮及抵食 夜左放工又唔知食咩, 最後就打去大漁叫野食, 因為唔想等所以係車已經叫定....蟹子沙津 - 每次都會食, 好味!!!珍寶帶子壽司 - 好鮮甜 (推介)另外其他壽司都好新鮮, 特別係三文魚及吞拿魚壽司, 但赤貝味道比較差, 有點不新鮮..... 壽司嘅size唔係sell大件, 正常size可以食多幾件! PS. 最好打電話去叫定, 因為佢係即叫即做, 所以行去叫, 要得好耐!! (曾經等過1hr )

當日想食壽司.平日買開的店..無開門..我就轉到大漁市場....店員好有禮....而壽司係即叫即做的.....壽司...表面好靚,夾起都不會散...不過的飯有的酸.....至於刺身都重雪味...雖則味道不是超卓...但都元朗區我都收貨...價錢72元...都比我平時買開的店貴...會唔會回頭...有機會時就會...哈

果日唔知咩事好想食日本野.......但係行左好多野都排晒隊.....咁岩見到有間外買店就試試佢喇.......點之........就係咁出左事喇!!!!!我叫左幾份刺身同埋幾客壽司.....一份我最愛既八爪魚一份吞拿魚仲有三文魚TIM個吞拿魚刺身好薄...一D口感都冇,同埋D根多到好似食香口膠咁.....個八爪魚刺身又薄又幼,都唔知食緊乜,我食過好多間都唔係咁架?三文魚就冇咩魚味仲有D腥........點解仲有講佢D野好食呢?我問過我一個係元朗某間壽司店工作既朋友,佢話D八爪魚一定係返價已經切好晒一片片,佢仲話呢D貨好平...唔值咁既價錢......三文魚就放得耐先會冇魚味同埋腥!!比錢食D咁既野..........唉......冇下次!!

專賣壽司刺身外賣店. 要了8碟壽司加一客榮螺刺身, 盛惠$100, 算抵. 刺身爽口新鮮 壽司又是元朗特色- 大件. 個人喜歡傳統壽司size, 比例剛好, 一啖一口. 這裡的壽司偏大, 飯很大舊, 如要飽肚的話會合你心意, 但我不喜歡. 至於質素, 一般啦, 不能說很好, 但也不差. 會再光顧.

今次己經係第2次食呢間....第一次買俾D屋企人食......買咗磅半三文魚刺身-hk$160左右...佢 0地都話好新鮮....不枉我由元朗帶出九龍只係個饅魚壽司-hk$9無咩汁....乾乾地....唔好味....但係唔知佢原條饅魚壽司...會唔會好d呢??但要成hk$25今次我同男友自已2人食...雖然今次D三文魚..無上次咁好味...但都OK ar..芥末八爪魚壽司..原來好辣...第一次食呢款壽司....但今次發現個 迷你魚生飯都幾好食...份量小小....唔會太飽...可以食吓其他嘢....hk$15蚊左右....又抵食3-4個人份量會抵買d.....總括來講....都幾好味....會再來的....

元朗市人口隨著新落成的屋苑不斷增加，不要說假日可以在眾多食肆能找到位，就算閒日也是人山人海，一個人外出吃飯就更頭疼，所以寧願外賣回家吃還來得安樂，這間大漁市場從前也光顧過兩三次，印象覺得除了三文魚不可口外其餘的很美味，有點奇怪，明明三文魚是最易討好食客的但卻不被注重，除非真有料到，今天下大雨，就豪嘗一次，探一探她的能耐，在菜單上選了一客最貴的壽司，16件要172元，平均10多元一件，再加一客蟹籽沙律26元，結果還是一樣，除了三文魚其他的都很好吃，鰻魚也是較遜色的，但牡丹蝦又大又鮮甜，相信這蝦就值數十元。

weekend番開娘家,就想買壽司比媽咪食,今次試下元朗廣場呢間啦~之前買都只係買三文魚刺身加料,今次就試埋壽司啦! 佢d壽司餐好多款....但唔知點解好似一係平,一係貴,中位價既冇咩選擇咁-.-咁我點左2個set + 一盒三文魚刺身 = $253整體上都OK,唯獨是三文魚壽司唔得新鮮..有陣爛味 (對比刺身之下更覺強烈)帶子就好鮮好厚好甜~唔會Lum pad pad,呢個正!赤具好爽口~都係好正!落order時發現鋪入面好大陣味...好大陣釣魚用的南極虾既腥味...hhahaa...=_=

今日同個同事見到外賣紙睇到32蚊有7件壽司仲有埋野飲同前菜,+埋烏冬or冷麵都係多6蚊,咁咪試下囉!!送外賣果個人黎果時仲拎住個保溫袋,話可以保持新鮮!其實個賣相都ok既!我一開始試佢所謂既手打烏冬,點知好似食麵粉咁,超市d噹噹都好過佢,之後試個帆立貝,係熟既,不過就勁無味,之後立魚,馬刀貝同玻璃蝦閒落去有d臭臭地,放入口立刻想嘔,要吐番出黎,真係"賴"晒野!個前菜,加州卷,同三文魚都還可以!!不過其實元朗好多選擇,好多都好好!!

發現元朗民合徑八幸褔樓地下(廣場側)有新開'大漁市場'-勁正!經過元朗,同老婆有D想食野,發現新開一擋好日本Feel,好抵,好新鮮既外賣/有少許日本桌椅'大漁市場'超大帶子,超新鮮....愛施兒呢!!原來老細係香大批發商,直接入口,所以好新鮮,好抵...直得一試!有我至愛-劍魚魚生,一食就知好,,比我食哂 la....

我係某論壇見到有人介紹過呢間壽司外賣店所以之前好好奇同急不及待咁試左一試就變左常客LA!!!因為食完覺得D壽司好好味另外D刺身同壽司真係好新鮮,款又多不過要預D時間等因為佢地即叫即整!!今日見呢到有介紹想分享下(雖然D相唔多好睇幾即興下)俾大家可以係元朗多一個食飯新選擇買返屋企慢慢食唔洗同人迫餐廳PS:佢地仲有個午市便當都好抵食GA!!!但好似只限五點前,早放工的你可以試下我就無計LA!!!放七點