大滿足火鍋冰室

营业中

休息中

我估可能係全香港最多選擇嘅打邊爐？！有雞煲、烤魚、椰子雞總共18款口味～今次試左烤魚，口味選擇有剁椒、蕃茄、酸菜、香辣、蒜香等～我地最後叫左酸菜味炸得金黃色脆身，調味惹味，用咗好多香料，不過比較熱氣啦～酸菜湯底濃郁重口味！食完魚之後就可以加湯自助打邊爐啦～基本火鍋料都有，海鮮區有大蝦、生蠔、大蜆手工包韭菜餃就幾好食，粒粒飽滿牛肉都幾新鮮中場休息食埋小食，例如避風塘大蝦、魚皮、雪糕、生果✨推介指數：7.5/10

今時今日任飲任食邊爐竟然可以$200有找，睇到個價錢肥仔完全唔相信。一於試下有冇伏。有18款鍋底，肥仔最後都係揀咗椰子雞鍋，因為想試吓佢哋標榜落足3個椰子嘅湯底。個湯底真係好清甜，椰子味好香濃，飲完一碗又一碗！食多咗火鍋配菜，例如海蝦、黑毛豬肉、手切牛、美國肥牛、奉送頂級牛版腱入口即溶好正！蟶子、大粒蠔仔、波波蜆、雞生腸、我最鍾意食嘅皮薄餡靚雲吞，最後食到雞髀菇袖珍菇、南瓜、枝竹。旁邊仲有一大個雪櫃放晒各式各樣飲品，啤酒仼今。肥仔話冷泡茶最正，消滯解膩，飲多兩啖又可以再食！仲有川菜小食炸魚片響鈴生果多款粉麵雪糕。仼食兩小時，真係好飽，真係好滿足！

今次同大家分享荃灣一間超抵食嘅火鍋放題——大滿足火鍋冰室 兩小時任食，可以揀雞煲或者火鍋 加$28仲可以升級鴛鴦鍋底 今次試咗**蕃茄＋麻辣雙拼**，湯底濃郁到爆，麻辣夠香唔會得個死辣，蕃茄湯清甜開胃，打邊爐前飲啖湯先，正到暈！ **🍲火鍋配料多到揀唔晒** 肥牛同黑毛豬係必食！肉質唔會太薄，輕輕一淥就食得，入口嫩滑。仲有各式丸類、餃子、蔬菜同主食，款式夠多，絕對唔會悶。特別推薦佢哋嘅**自家製丸類**，彈牙有咬口，唔係普通超市貨色！ **🍹飲品甜品任裝任食** 飲品櫃有齊可樂、芬達、雪碧，最驚喜係有**自家製涼粉奶茶**，茶味香濃，涼粉滑溜，打邊爐飲超解辣！甜品方面有**雪糕**同其他小甜點，食完熱辣辣火鍋再嚟個冰涼雪糕，完美收官～ **📍大滿足火鍋冰室 (荃灣)** 荃灣大陂坊9-31號泰華大廈地下6-7號舖 #大滿足火鍋 #荃灣美食 #火鍋放題 #雞煲火鍋 #鴛鴦鍋 #任食火鍋 #打邊爐 #香港美食 #食好西

為食花太郎 Fafafoodblog 超正任食邊爐 7至9點 成人 198 蚊位 19 款鍋底揀一款 點左滋補藥膳花鵰雞 花鵰味濃 雞肉彈牙 要黎打邊爐盡吸湯汁 全部汽水 罐裝啤酒 自製鴨屎檸檬 烏龍茶 紅豆冰 竹庶茅根 仲有涼粉 生果 雪糕 等等 👍🏻野食出面自己拎 有美國肥牛 手切牛🐂 黑毛豬肉 新鮮基圍蝦 海鮮有波波蜆 蟶子 蠔仔 菜菇 芋頭粟米 丸 等等 全部野食都十分高質 值得去再食#放題 #任食 #肥牛 #火鍋 #打邊爐 #牛肉 #雞煲 #海鮮 #雪糕 #甜品 Score 平均分< 7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#大滿足火鍋冰室荃灣大陂坊9 至31 號泰華大廈地下6 至7 號鋪~~~~~~~~~

我哋叫咗胡椒豬肚雞湯底，佢嘅湯底都幾濃郁，好有胡椒味。入面有半隻雞，啲雞肉唔硬身，幾嫩滑，豬肚都好滑，煮得好腍。每枱仲送一碟頂級牛板腱，牛板腱好味。放題最正就係可以揀自己鍾意食嘅嘢，餐廳提供嘅食物都有唔少選擇，有大量嘅丸類，仲有唔少海鮮，有蟶子、海蝦，蠔仔、魷魚等，好豐富。仲有唔少蔬菜類，食物都好新鮮。佢哋會自己人手包韭菜餃，我見到有店員係隔離枱包緊韭菜餃，人手包，所以韭菜餃入面嘅餡好飽滿，個皮又煙煙韌韌，好食。餐廳仲有小食，例如拍青瓜、木耳同埋炸魚皮，又有水果，有菠蘿、西瓜、車厘茄。仲有好多飲品，我揀左竹蔗茅根，清熱好飲，老公揀咗水果茶，甜甜哋都好好飲。

今日星期一難得放假，獎勵自己食餐好，朋友話食番之前食過既一間好食既打邊爐。坐低，可以先揀火鍋鍋底，總共有18款選擇，包括有烤魚、雞煲同火鍋湯底任君選擇。我地今次就揀左酸菜魚鍋底小辣，一上菜嚇親，勁大盤，酸菜魚勁入味！食完呢個鍋底已經飽左一半😆食到個舌頭開始辣，去自助區拎飲品，有打邊爐必備啤酒任飲、汽水同埋有特式飲品，可以逐樣逐試，最有印象係佢既仙草紅豆冰，勁多仙草。建議唔可以一來就飲，唔係好快就會好飽，仲有佢嘅手打檸檬茶，好香好好飲。再掃埋自助區有咩野食先，有蜆、蝦、魷魚、蠔。仲有好少見既蟶子，食落冇沙唔錯👍🏻拎埋炸魚皮同響鈴就番去繼續博鬥。每檯仲有送頂級牛板腱，入口即溶，一定要推介去啲手切牛肉，牛味好濃，好正！其他配料都好食，特別推薦鵝腸 、牛柏葉 、水魷 皇帝菜係打邊爐必然要食（私心😂），仲有好多各種款式嘅丸最後仲有生果同雪糕（有好多種唔同味道）我地一人食左三杯，總括呢間要再搵朋友來食，價錢相對比較平民化，下次要試下佢既藥膳雞煲補一補！😜

今日同朋友經過荃灣，見到有間平平哋嘅任食雞煲打邊爐就試試佢。一開始就俾佢過鍋底嚇親， 竟然有18款俾我揀，鍾意食烤魚嘅雞煲嘅應有盡有。我就揀咗最傳統嘅麻辣雞煲😎一上嚟佢就送咗一版頂級牛版腱，配埋佢濃郁嘅雞煲醬汁，唔使點醬都勁好味。另外一個最吸引我嘅地方係佢竟然有任食嘅海鮮種類仲要唔少，蟶子，蠔仔，基圍蝦仲有我最愛嘅卜卜蜆。而另一個出色嘅地方係佢嘅嘢飲，唔單止有平時嘅可樂汽水仲有自家製嘅竹蔗茅根，大大杯嘢香桃烏龍。清新得來又唔會太甜啱晒一路打邊爐一路飲。 最後仲有個雪糕站勁多唔同嘅口味，我最鍾意就係去過椰子味雪糕勁特別勁有椰香味。

喺香港一年四季都適合打邊爐，亦都係我同朋友晚飯首選。嚟到荃灣大陂坊嘅大滿足火鍋冰室，一個價錢任食任飲，地方又乾淨企理，性價比極高。我哋兩個人17款湯底中任選一款，有烤魚，雞煲，港式湯底等等。因為唔太食得辣，但又想食烤魚，所以叫左個蒜香味烤魚，蒜頭加魚湯係極之鮮甜，條魚都幾大下，真係話係4人份量都唔過份，魚肉鮮甜同埋好滑。食完魚仲有多款火鍋配料可以自取，大蝦，大蜆，蟶子都係任食真係好正，樣樣都算新鮮，最鐘意食嘅鵝腸都有，真係好正港式邊爐風格嘅配料。旁邊仲有一大個雪櫃放晒各式各樣飲品。冷泡茶最正，消滯解膩，飲多兩啖又可以再食，亦都有幾款甜品可以選擇。

有時喺川龍街落車，都會經過呢個大坡坊行去大鴻輝食野。估唔到呢個公園洗衣機店旁邊有間火鍋店，見到佢餐牌有酸菜魚，即刻入去食。餐廳座位都幾闊落，光線光猛，感覺都幾整潔。點咗金湯酸菜魚飯$65，套餐送熱飲。一上枱真係超大份，入面啲配料都好多，有大量大豆芽、萵筍、椰菜花同埋木耳。魚肉方面都幾新鮮，湯底夠晒辣。再點多個熱狗包$29 佢熱飽包都幾豐富，入面有蕃茄青瓜生菜見到佢仲有火鍋任食，價錢都唔貴，下次可以再嚟試吓。

今次去咗荃灣大滿足火鍋冰室打邊爐，真係超抵食！🥳 大約$200就可以任食咁多嘢，性價比超高！💯首先，湯底選擇勁多，足足18款！除咗普通湯底，仲有烤魚、雞煲同酸菜魚等特別湯底，料勁足！我揀咗椰子雞湯，清甜爽口，雞肉份量超多（成半隻雞咁多！），建議點少少醬油食，一流！😋之後就係任食嘅火鍋配料啦！手切肥牛、牛板腱、黑毛豬等高質肉類，仲有鮮甜嘅蜆同彈牙嘅蝦等新鮮海鮮，任你揀！🤤 飲品同甜品都任食，罐裝飲品同特色飲品都有，選擇多多！總括嚟講，大滿足火鍋冰室真係名副其實！CP值超高，下次一定會再嚟！🥰🎇大滿足火鍋冰室 🎈荃灣大陂坊9-31號泰華大廈地下6-7號舖

今日入荃灣探朋友,對一間火鍋店念念不忘！所以帶咗我朋友一齊食,嘆返下！呢間火鍋冰室,任飲任食兩小時,每人都係百幾蚊..食物不錯,性價比高！（不同時段不同收費）還有多款煲底選擇如：多款烤魚 、水煮魚 、椰子雞、 麻辣雞煲蝦 、酸菜魚、 水煮牛蛙 、麻辣雞煲等等...有辣有唔辣,任君選擇！先揀咗一個 ：椰子雞煲 雞肉鮮嫩,彈牙爽口！兩人入座仲送多個牛肩肉 正！食完雞煲就加湯開始打邊爐..食物新鮮..我最鍾意就係食蠔同肥牛！雪櫃多款嘢飲任飲！還有自家製飲品..我就揀咗個冰凍海帶綠豆糖水！ （下火首選）飲飽食醉再加多杯雪糕（多種味道選擇）一天嘅辛勞都完全放鬆曬！埋單兩個人都係三百幾蚊,真係抵食！

人均百幾蚊就食到烤魚火鍋🍲，好鬼抵食除咗烤魚，仲有雞煲，水煮魚同基本火鍋系列，都幾多款式今日同朋友黎揀左 蒜香味烤魚魚身都幾大條下，魚身都好厚肉，外皮係炸過，再勁多蒜蓉覆蓋，慢慢煲滾再食，蒜香味勁濃郁，魚肉厚身仲好嫩，外皮炸過成個味道有香口既風味，好加分主要自助區拎火鍋食材，都幾乾淨企理，出去好幾轉都齊食物，refill得幾快，呢個價錢，食物都算豐富多野食，有海鮮（蝦、蠔仔，聖子等都有）餃子仲係即包架，好鬼靚仔，餡料滿滿飲品仲有啤酒🍻，同自家製既特色飲品

今晚同朋友去咗荃灣大陂坊麻辣雞煲加任食火鍋，每位只係$198，仲包飲品，性價比真係超高！
.
麻辣雞煲，香辣過癮 🌶️🍗
麻辣雞煲一上枱就香氣撲鼻，雞肉嫩滑，配上紅綠彩椒、洋蔥同香菜，麻辣湯汁濃郁，辣度啱啱好，食落幾過癮。彩椒同洋蔥吸咗湯汁，咬落爽脆又juicy，幾好味！
.
任食火鍋海鮮，大蜆同鯪魚球好正！ 🍜🦪
食完雞煲加湯變火鍋，湯底濃郁帶麻香，幾開胃。大蜆好出色，粒粒肥美，煮熟後鮮甜嫩滑，超正！仲有手打鯪魚球，彈牙得來好有魚香，入口即化，值得一試！墨魚涮一涮就Q彈，肥牛薄切軟嫩，丸類同白菜都好入味，選擇多到食唔晒！
.
飲品任飲，甜品都唔錯 🍺🍧
飲品有汽水同啤酒任飲，仲有自煲竹蔗茅根水，清甜解膩！甜品有10款維記雪糕，味道濃郁，食完火鍋再嚟幾球，超滿足！
.
服務幾貼心，店員會主動加湯，換碟都幾勤快。$198包任食火鍋、飲品同啤酒，性價比真係無得輸！
.
🤤未飽啊指數：8/10
👍🏻餐廳性價比：9/10
.
大滿足火鍋冰室 (荃灣)
荃灣大陂坊9-31號泰華大廈地下6-7號舖
.
#hkfoodieblogger #hkfood #foodporn #meibaoar #foo

｛食盡荃灣之火鍋 — 大滿足火鍋冰室 ｝————————————————一年四日嘅復活節假期就開始啦！ 難得放長假當然要大吃一餐啦！🫡 今次食嘅就係喺荃灣呢一間抵食嘅任食邊爐， 一共有十八款湯底，七點前離座成人都係200蚊唔使有找就可以食足2小時，十分抵食！ 佢所謂嘅湯底其實有水煮魚 烤魚 酸菜魚 或者其他普通嘅湯底， 而我今次就揀咗滋陰嘅椰子雞湯底 首先佢會畀個漏斗我哋計時，話畀我哋聽幾時可以飲得嗰啲椰子雞湯， 佢嘅椰子湯飲落去好清甜， 至於雞嘅話我就鍾意點返少少豉油黎食， 佢畀嘅雞件應該都有半隻，食完雞就可以出面攞料打邊爐啦 出面嘅選擇非常多，海鮮嘅話有蟶子 海蝦 蜆 魷魚等等， 自己拎就得👌 其他肉類就有 肥牛雞件 手切牛等等 另外店員會限量贈送一份頂級牛板腱😋 至於其他蔬菜類都非常多選擇，例如少見d既有海帶同萵筍 至於嘢飲佢哋亦都有滿滿幾個櫃畀你揀呀， 打完邊爐之後佢仲有雪糕 同芒果布甸可以食，真係食到捧住個肚咁走呀🤣 Overall comment: 每款食物嘅選擇都非常之多，座位闊落坐得舒服，環境明亮，性價比高😸

$198一位兩小時任食火鍋有海鮮、有自家製茶飲、涼拌小食仲有雪糕任食😍最令人期待係鍋底有好多選擇🥰酸菜魚，麻辣烤魚，雞煲🤭可以先食煲料再慢慢加湯打邊爐唔想太飽，都可以選擇藥膳湯底，椰子湯，番茄薯仔湯 。⭕️今次兩個人點左藥膳雞湯底打邊爐，送上半隻雞件 。湯底好香黃酒味，非常足料，養生又滋補 。⭕️飲品推薦手打香水檸檬茶，同埋竹蔗茅飲落唔舒服，唔會太甜 。除此之外，仲有大量罐裝飲品。⭕️自助區有幾款海鮮卜卜蜆，蠔仔都係出面比較少見嘅火鍋配料大蝦雖然說錯，但都非常新鮮👍🏻👍🏻⭕️其他配料，例如丸類、蔬菜、炸魚皮、腐竹等等都係正常發揮。最令人滿意驚喜係自家製韭菜餃，新鮮即製，鄙薄餡靚，見有客人一打買走 ，就知好食💪🏻