大滾友火鍋

营业中

休息中

裝潢設計華麗又帶有中國古代風，坐位寬敞舒適，而且每枱都有屏風隔著，私隱度高，可以和朋友家人歡聚。【花膠雞湯鍋】以花膠和雞肉熬製而成，湯頭鮮美濃郁，呈金黃色，既能滋補身體，又為整個火鍋奠定了美味的基礎。【大滾友牛肉拼盤(細)】真的是肉食控的最愛。頂級安排斯牛小排肉質鮮嫩多汁，本地手切牛頸脊則帶有獨特的嚼勁。澳洲和牛金錢展軟嫩順滑，美國頂級雪花肥牛更是油花分布均勻，入口即化。牛黃喉和牛肉粒非常有嚼勁，而牛舌花則是另有一番風味，每一款都讓人感受到優質牛肉的美妙。【龍蝦墨魚丸】丸子彈牙有勁，夾帶著龍蝦的鮮甜與墨魚的鮮味。【伊比利亞橡果豬】肉質細嫩，脂肪分布均勻，豬肉的香氣濃郁，不沾任何調料也能吃出原始的美味。【大滾友雜菜拼盤】綠色蔬菜的盛宴，種類齊全，有娃娃菜、油麥菜、金菇、萵荀、木耳等，無論是搭配肉類還是單獨涮煮，都口感豐盈。【香辣牛肉餃】皮薄餡多，用了美味的雲吞皮，香辣的口感讓人食指大動，但是要有心理準備十分十分辣。【竹蔗茅根】清甜爽口，解渴解膩。【火焰焦糖豆腐花】店員會加些少酒精再用火槍燒一燒面頭，焦糖的香甜與豆腐花的嫩滑完美結合。

🙋🏻‍♂️餓底探員去元朗調查呢間火鍋店，餐廳裝修復古，天花板掛住大紅燈籠，爐具同器皿都充滿宮廷風，環境舒適，食物高質份量多，啱晒約齊三五知己嚟呢度烚下烚下chill返晚🐤花膠雞湯鍋 $328🙋🏻‍♂️表示個湯鍋有半隻雞同兩大片花膠，店員會幫忙剪開花膠再放入鍋中，等花膠煮好就可以放雞入去加熱，個湯頭飲落超濃郁，充滿雞嘅鮮味，花膠爽口，吸收咗湯汁好入味，雞肉鮮嫩，食到咁上下店員會加湯可以開始打邊爐🥩大滾友牛肉拼盤 $428🙋🏻‍♂️表示個拼盤有雪花牛肉，牛頸脊，牛舌，金錢展等唔同部位，最驚喜係有牛崩沙，食落鬆軟，牛味濃郁，雪花牛肉油花均勻，食落充滿油香，其他牛肉部位都好鮮嫩，呢個拼盤連稀有部位都食到，正呀喂👍🏻🐖伊比利亞橡果豬 $228🙋🏻‍♂️表示個豬肉用上西班牙頂級嘅豬肉，啲豬以橡木果實食主食，令豬肉帶有橡果香味，脂肪豐富，油花清晰，食落肉質鮮嫩，味道脂香帶榛子味🍡黃金藏嬌和牛丸 $78🙋🏻‍♂️表示個丸外層係墨魚丸，口感爽彈，咬開入面有和牛粒，味道香濃又多汁，一粒丸有兩個層次，過足口癮🐖黑松露午餐肉 $88🙋🏻‍♂️表示個午餐肉厚切，混入黑松露，食落鹹香得嚟又有黑松露嘅獨特香味，幾特別🥬大滾友雜

～純屬食客，不做打手～趁暑假孩子外遊，我終於可以收爐唔使日日煮飯。係openrice掃下，就比我見到呢間“大滾友”，見到食評同賣相都唔錯，就即刻訂個晚餐試試！先講環境，裝修明顯係中式宮庭風，一進店已覺得好華麗好高級。我兩個人去食，以為會比張細枱我地，但帶左我倆去左角落有屏風嘅中型枱，我嘅奄尖老公已經將呢樣加分，佢最怕人貼人坐，坐得舒適，對佢嚟講好重要。然後手機點餐，店員哥哥好helpful，我地不懂就問無嚇怕佢，佢主動serve我地但無太熱情，無over，咁樣令我覺得好舒服無壓力。而其他妹妹店員都好有笑容，好樂意為你服務，對呢間舖印象又提升左好多。講真，員工代表店舖，先唔講啲嘢好唔好食，但你咁有heart做嘢，多少都會有人情分，right？好啦，主題來了。我一打開個app，就決定要個二人套餐，因為想食嘅同全部都有，我個人通常預訂餐廳，都會先反覆睇下有咩食同已一早決定心水食物，我好少去到先揀，所以我一見到有套餐而又有齊我想食嘅，我毫不猶豫就揀左。當然，都要問下老公好唔好啦。二人套餐有咩呢，有以下嘅嘢：一個花膠半隻雞湯底一份細牛拼盤一份伊比利亞橡果豬一份四件炸黃金響鈴然後有啲optiona

小編真係好鍾意食火鍋，經朋友介紹，聽聞元朗這間火鍋店好高質，一於去試下，餐廳以古代宮廷風設計，古色古鄉，好有風味，坐好店員就會煲滾水幫手清潔好碗筷，然後端上九宮格的醬料盤💓消暑冬瓜瑤柱鍋 ＄228好有驚喜啊，大半個冬瓜面層舖滿黃金色的仿翅和瑤柱，非常之足料，味道鮮甜消暑，每人最少飲兩碗💓伊比利亞橡果豬 $228擺盤煙霧迷漫好有仙氣，伊比利亞橡果豬以其豐富的油脂和優雅的口感而聞名，肉味非常濃郁，肉質細膩，入口即化，非常推薦！💓大滾友牛肉拼盤（小）$428以牛肉不同部位拼成一個盤，滿足到牛魔王的食慾，有牛黃喉、牛舌片、澳洲和牛金錢展、骰子牛肉粒、牛切牛崩沙、手切本地牛肉、頂級雪花牛肉，牛肉鮮嫩，油花紋理清晰，每款牛都帶有獨特的口感和風味，柔嫩可口，咀嚼時品嚐到豐盈肉汁，牛香迷人💓脆炸黑松露午餐肉 $88即叫即炸，外層香可酥脆，內裡的午餐肉有濃郁黑松露味，口感紥實有咬口，值得推薦啊💓櫻花蝦豬肉丸 $72質地鮮嫩彈牙，櫻花蝦非常足料💓大滾友雜菜拼盤 $118份量多種類都好多，有黃芽白，油麥菜，金針菇、蕃茄，粟米等💓火焰焦糖豆腐花店員將整個迷你木桶度端上，然後在豆腐花上面點火，面層的黃糖就變左焦

元朗朋友鍾意食火鍋，一年四季都都會烚吓烚吓🤣，呢日佢就帶咗我嚟呢間元朗火鍋店，佢話呢度食材靚味道又好🤣$328「花膠雞湯鍋（半隻）」：上枱嘅時候，雞同埋花膠放埋一碟，湯底就分開上😋；店長姐姐幫我哋剪開花膠然後放入湯裏邊，滾咗之後，飲啖湯先，真係好鮮甜👍，花膠就有好多，滑得嚟少少煙靭👍；餐廳預先將雞件煮到半熟，大大件，再灼一下就食得，幾好雞味肉質又夠滑👍$428「大滾友牛肉拼盤(細)」：我諗應該包括 牛胸尖、牛舌片、骰子牛肉粒、極上牛肉刺身、手切牛崩沙、手切本地牛肉、頂級雪花牛肉、澳洲和牛 等😋，真係種類幾多👍；牛肉不同部位脂肪比例同埋分佈狀況不一樣，但基本上都好牛味，質感亦不一樣不過肉質都軟熟😋$228「伊比利亞橡果豬」：好甘香好好豬味🐷$72「手打鵝肝墨汁墨魚丸(4粒)」：黑鼆鼆，幾有趣，夠爽滑🤣$98「鮮鮑魚（2隻）」：鮑魚新鮮肉質爽滑鮮甜😋$118「大滾友雜菜拼盤」：有好多種蔬菜，包括 白蘿蔔、金菇菜、油麥菜、蕃茄、娃娃菜、生菜 等😋$78「自家製足料竹蔗茅根」：唔係好甜😋「火焰焦糖豆腐花」：上枱嘅時候店員會點火，即刻火光熊熊🔥🔥🔥，幾有趣🤣，豆腐好滑，加埋焦糖，夠晒甜，食得好開

上網睇過介紹，其中人人大推的花膠雞湯的確好吸引，岩哂女仔。對皮膚好又可以補下身。小店以中國風為主裝飾風格，可以一邊食一邊打卡。醬介 $26.00精緻九宮格上醬料。價格合理又不夠都可以追加，不浪費又可以保持新鮮。玲瓏浮凸•花膠雞湯鍋（半隻）$328.00店員細手幫忙處理湯底，亦建議我們先喝湯底再煮東西，湯底金黃色，濃郁可口，每人都飲了兩碗，正👍。花膠泡得得很好，沒有腥，質素很好。大滾友牛肉拼盤（細）$428.00一盤牛肉拼盤已經有七種牛肉部位，每個位置口感都不一樣😍😍，第一次打邊爐吃生的牛腱，感覺好特別。有一些部位肉質鮮嫩有一些牛肉味十足。好牛人必點。大滾友雜菜拼盤$118.00中和一下強勁蛋白質的纖維，一大盤有白菜油麥菜芋頭蓮藕..種種當造又新鮮。店長推介心伊比利亞像果豬$228.00豬肉一串放好在放滿干冰的盤子中，一打開十分壯觀。豬肉片煮至全熟，肉質很好，肉味都好充足。手打鵝肝墨汁墨魚丸•四粒$72.00好特別的手打打墨魚丸，中間是爆漿鵝肝。沙白蜆$78.00超大粒卜卜蜆，全部都是新廿開口的。自家製足料竹蔗茅根$78.00足料且甜度剛剛好，解渴下火。

今日終於有時間同卡佬補食返我倆的拍拖週年飯仲記得我地拍拖最鍾意去食飯嘅地方就係打邊爐真的一年365日都是火鍋日🤣慶祝飯當然要去打邊爐啦～今次我地去間食材新鮮又高質、而且位子又寬敞的地方慶祝大滾友已經不是第一次來吃回訪當然是我倆都喜愛的地方吧～我們點了店家招牌 #花膠雞鍋花膠勁大塊‼️係勁大塊‼️侍應會在我們面前剪成一小塊放入鍋中這鍋還跟上半隻三黃雞，份量一點也不少，光吃雞肉也可以飽了3分1了鮮嫩彈滑的三黃雞，師傅已預先弄到半熟我們只需放入雞湯火鍋中滾3分鐘便食得，嫩滑到不行！未放其他材料前，湯頭是超甜超濃郁的雞湯喔～當煮久了，湯底更是充滿膠質的雞湯😍非喝不可，是超足料的湯底‼️🐮牛肉拼盤(細)➡️ 分別有：安格斯、手切牛頸脊、牛黃喉、牛展、骰子牛柳粒、雪花肥牛、牛舌➡️ 一次過可以試齊7款不同部位的牛肉，每款牛肉新鮮又甜美，份量也不少呀！每件牛肉片的油脂分佈均勻，牛味十足‼️最特別而又必定要試的一定是牛黃喉，爽甜度100分呀！🐷伊比利亞橡果豬➡️ 盛載住這橡果豬肉的皇冠器皿極具氣派，加上那乾冰的霧氣，未食都已經感到滿滿的奢華感➡️ 想不到這橡果豬肉質爽嫩美味～絕不遜色於牛肉片呀！🦐🐮金屋藏嬌手打蝦丸➡️

大滾友火鍋(元朗)地址：元朗鳳攸南街9號好順利大廈一座地下G4-G5號舖@bigboilsclub.yl.tw-玲瓏浮凸•花膠雞湯鍋(半隻) 呢個湯底好足料！有好多花膠，仲有成半隻雞，性價比高！！-大滾友牛肉拼盤（細）牛肉拼盤一共有六款唔同嘅牛肉部位，包括有牛舌、牛柳粒、牛小排、牛肩脊、肥牛、黃喉，每樣試啲，正！-店長推介 伊比利亞橡果猪 肉質鮮嫩，擺盤好靚，打卡一流！-大滾友雜菜拼盤有金針菇，黑木耳，娃娃菜，生菜，油麥菜，蕃茄等，夠曬健康～-手打鵝肝墨汁墨魚丸四粒 手打丸彈牙爽口，唔錯-扇貝味道鮮甜，都幾大粒，夠新鮮～-自家製足料竹蔗茅根 打邊爐咁熱氣，竹蔗茅根可以下火🫶🏻-火焰焦糖豆腐花真係即場燒，豆腐花好嫩滑，甜度適中，冰冰涼涼夏天食一流！-#大滾友 #元朗 #元朗美食 #火鍋 #生啤 #打邊爐 #手切牛肉 #花膠雞湯鍋 #卜卜蜆 #火鍋 #yoho

打邊爐篇又黎啦🫶🏻大滾友出晒名食得又睇得 每次叫湯底都好有驚喜🙂‍↕️💗今次叫咗消暑冬瓜瑤柱鍋🍲 一上枱仙氣十足 打卡感一流 冬瓜好大個 上面擺滿瑤柱🥹店員之後會幫手切開冬瓜 方便食用 湯底非常清甜 仲好解暑 啱晒依家咁熱既天氣🌞.牛肉拼盤有牛舌 骰仔牛 雪花肥牛 黃喉 牛板鍵等等黃喉爽脆 牛舌好彈牙 骰仔牛厚身得黎咬落好juicy 牛味香濃 🐂雖然係細份 但已經足夠二至三人食用 份量好足!🐖伊比利亞橡果豬出晒名係豚肉界既和牛 食落好腍身好軟滑 一啲都唔似平時食既豚肉!個人認為係必點的! .推薦‼️蟹黃餃‼️蟹肉非常飽滿 加上蟹黃 每啖都好香好滿足 手打龍蝦墨魚丸彈牙 味道鮮甜.配埋竹蓆茅根清熱氣 又可以打多兩次邊爐啦😋

喜愛去滾。。。邊爐嘅我，又黎大滾友開餐。呢度行中式宮廷風，冷氣足，座位非常寬敞，招呼殷勤，最重要食材都好高質味美！今日同朋友聚舊，一於帶佢黎試下呢度我最愛嘅湯底🥘玲瓏浮凸•花膠雞湯鍋（半隻）$328呢個湯底幾乎係我每次必點！花膠又大份又厚身，雞件滑溜份量又足，落料打邊爐前一定要先飲兩碗雞湯😋大滾友牛肉拼盤（細） $428牛肉拼盤細份但份量同款式都不少！有我中意食嘅爽脆黃喉、牛小排、牛舌、牛𦟌、骰仔牛，全部都夠肉味。兩個女仔食會飽左一半。大滾友雜菜拼盤 $118雜菜拼盤有三款菜葉，仲有粟米、萵筍、蘿蔔、菇菌、蕃茄、連藕，非常爽甜，呢個價位食到咁多款新鮮蔬菜🥬係好抵！店長推介😍心伊比利亞橡果豬 $228呢隻豬肉質香濃，無臊味，口感鬆軟而且肥瘦適中，個人覺得比牛肉更高質👍🏻三重芝士腐乳牛丸（四粒） $72今次第一次試，估唔到芝士同腐乳撈埋做牛丸餡料，味道鹹鹹地而帶有兩種食材發酵嘅獨特香味，味道不錯仲好有新鮮感✨即炸黃金響鈴 $88掛滿鹹蛋黃嘅響鈴，索埋湯汁味道令人一吃上天😂 唔好理食左會肥幾多先！自家製足料竹蔗茅根 $78呢個竹蔗芧根清甜潤喉，解一解肉類油膩同打邊爐嘅熱氣，飲得好舒服😌

好耐冇烚下烚下，呢日同朋友去咗大滾友打邊爐，餐廳裝潢走新潮宮廷風，播放着輕快嘅香港流行音樂，好有氣氛！湯底必選花膠雞鍋，有半隻同一隻選擇。我哋揀咗半隻，好足料！雞肉肉質結實，花膠足足有兩大塊，充滿骨膠原，非常滋潤！牛肉拼盤(細)牛肉拼盤一上枱就煙霧彌漫，超級打卡！細拼盤都有七個部位，款式好多樣化！最特別係有牛黃喉，口感又爽又彈，肉質細緻。手切牛頸脊脂肪分布平均，肉味濃郁。雪花肥牛都入口細膩。手打鵝肝墨汁墨魚丸手打丸口感彈牙，加咗軟滑嘅鵝肝，口感豐富。伊比利亞橡果豬一打開蓋又會噴煙，賣相一流！豬肉脂肪分布平均，口感嫩滑，又不失肉味，推薦！大滾友雜菜拼盤年紀大咗，打邊爐一定要食啲菜！呢個雜菜拼盤款式好多，份量足，雜菜都好新鮮！澳洲帶子帶子新鮮柔軟，厚切都令到吃起來更有口感！火焰焦糖豆腐花估唔到打邊爐都有打卡甜品食！呢度嘅火焰焦糖豆腐花都係招牌，豆腐花以木桶上，店員即席倒上酒精，視覺效果十足！

繼之前幫襯過大埔間大滾友之後，今次入開元朗就試下元朗分店間大滾友先，今次湯底我叫左1.特色卜卜蜆鍋 （勁多蜆）帶點胡椒味2. 牛肉拼盤3. 牛丸4. 伊比利亞橡果豬（極力推薦）食落似牛的5. 大滾友雜菜拼盤6 醉雞（都幾靠味）7. 竹蔗茅根8. 火焰焦糖豆腐花個卜卜蜆原來真係起泡泡的，所以叫卜卜蜆，D間大滾友每次黎都一定有驚喜的，真係會再幫襯，而且質素一樣咁高，順帶一題，早上開鋪個樓面姐姐服務態度一流，讚一讚先！！

呢間火鍋店已經幫襯幾次，因為真係鐘意佢坐的舒服、食材又新鮮！今次哪左花膠雞湯底。材料好豐富，花膠好大塊，而且充滿膠質，同雞真係好夾。開頭飲一口湯好鮮甜。佢哋嘅牛肉拼盤好高質。唔單止款式多，試到曬唔同部位既口感。每一款牛肉都鮮嫩多汁，而且新鮮、重牛味。真係好正！個依比利亞豬都一樣有爽口，有濃濃豬肉味！廣島蠔大隻飽滿，蠔味濃郁，每，肉質彈牙，一啖又新鮮。其他食材，好似手打丸同埋蔬菜都水準穩定、新鮮！加埋一開頭唔同嘅配料都係用料精良，另依物更加新鮮。最後，唔能唔提嘅係佢哋嘅焦糖豆腐花。呢款甜品真係有特色，佢即場燒個焦糖。焦糖甜香同無糖豆腐花嘅清爽濃滑，勁夾！

上次是完荃灣分店，回味無窮，今次同男朋友試下元朗嗰邊既我哋嘅鍋底揀咗卜卜蜆鍋，真係一個好正嘅選擇！！ 蜆肉估計有兩斤以上而且非常鮮甜大牙 真係食到最尾都食唔曬！！首先，我哋試咗佢哋嘅牛肉拼盤。牛肉切得薄薄嘅，質感鮮嫩，入口即化。每塊牛肉都帶有淡淡嘅肉汁，令人回味無窮。配上火鍋底，真係一絕。接着，嘗試咗蟹子蝦膠手打丸同廣島蠔。蟹子蝦膠手打丸彈牙有彈性，充滿海鮮鮮味；而廣島蠔鮮甜多汁，肉質鮮嫩。兩者都將海鮮嘅鮮味完美展現，令人垂涎三尺。然後，品嚐咗伊比利亞橡果豬同雜菜拼盤。伊比利亞橡果豬肉質豐腴，入口滑嫩，肉汁豐富。搭配新鮮嘅雜菜，口感清脆，增添咗豐富嘅層次感。最後，我哋叫咗兩杯大生啤，清涼解渴。大生啤嘅香氣與火鍋搭配得天衣無縫，真係一種享受。總括而言，我哋嘅大滾友火鍋體驗非常出色。餐廳提供嘅食材新鮮，質量一流。服務態度亦好好，令人感受到溫暖嘅招待。

大滾友是一家火鍋店，一開始有九宮格可以自行配搭醬汁。然後前菜有手拍青瓜，這道小吃微辣口味，花椒的味道也相當突出。湯底方面我們選了特色卜卜蜆湯底，蜆的份量十分豐富，湯底中有芹菜味道香濃，並有大量的芽菜，湯底清新香甜且帶有海鮮的風味。蜆肉肉質鮮甜，給人一種滿足感。牛肉拼盤（細）包含了多種部位的牛肉，牛肉雪花均勻，特別推薦的是牛黃喉，這個位置的牛肉非常爽口。牛𦟌的香濃牛味令人滿足。伊比利亞橡果豬的豬肉鮮嫩且有彈性，咀嚼起來十分享受。大滾友雜菜拼盤包含了蕃茄、粟米、金菇和各種菜類，還有蓮藕。這道菜的菜品種類豐富，口感豐富多樣，手打鵝肝墨汁墨魚丸是另一道推薦的菜品。墨汁的味道濃郁，並且丸子的口感彈牙。脆炸黑松露午餐肉是一道口感十分脆炸的小吃，黑松露的味道濃郁。竹蔗茅根一瓶配搭火鍋，十分解渴及解膩，而所有的竹蔗茅根的用料都在瓶內顯示，十分豐富。火焰焦糖豆腐花是一道令人驚豔的甜品。這道甜品真的有火在燒，給人帶來視覺上的享受。豆腐花的口感滑嫩，焦糖的甜味和微焦的口感相得益彰，是一道完美的結尾。