大渣哥茶記 (已結業)

老老實實不理什麼顏色總之有香港特式的餐廳我都會食這間餐廳就不用多說了許多香港人都慕名而來幾乎每個時段都要排隊但餐廳空間都算大食客亦很乖的食完就走不佔位所以人龍消化得很快點了最簡單的一個常餐炒蛋入口好滑丹麥多士好香好脆至於沙嗲牛的牛肉味濃亦肉嫩是有少少貴了一點點不過都值得食的

第4波防疫，6點後禁堂食。平時好少經過這區，剛巧今天有事來這附近，所以慕名而來。職員安排大家在門口排隊，有餐牌讓大家慢慢準備選擇。每次只帶領1位顧客入內量體溫及點餐，付款取籌，然後在門口外等候叫籌號取食物，做足安全措施。食物弄好後，再安排顧客進餐廳內，一起核對收據上的食物，確保無漏單，做法十分周到。焗豬扒意粉，新鮮菠蘿的酸跟茄汁的甜很配搭，豬扒有肉汁。葱油雞扒煎蛋飯，雞扒夠大件，葱油撈飯一流。黃金單骨雞翼，雞翼表面薄薄一層咸蛋黃，有咸香又不會搶了雞翼味。現時晚上外賣有7折，又平又好食。

今日冇乜時間食lunch，就喺附近大渣哥叫咗外賣。我見佢人都幾多，心諗應該都好食。結果係一個誤會，一個好悲哀嘅誤會。先唔講大家睇吓幅圖覺得依個飯值幾多錢。佢話就話係黑松露忌廉雞皇飯。好似好高級咁。但其實同平時中學飯堂嗰啲白汁雞皇飯分別不大。佢隻黑松露油唔算太香，得少少gas 味。雖然我知道50多元要求真的不能太高。單我覺得這個飯有少少頹。雞亦不多。可能係我唔識食，但下次如果要排隊我就不會再來了。

上次🐻已經試過尼間香港人茶記既皇牌 😂 今次剛剛好下午茶時間黎九龍灣，就去排個隊試番個下午茶先 😝 今次揀左「渣大大焗炸雞髀+什果沙律」再配埋熱奶茶 🥰 除左沙律，其實仲可以揀渣哥碗仔翅或者薯條❗️不過費事太熱氣啦 😈 推介/意見‼️✨「渣大大焗炸雞髀」🍗 本身無諗過咁鬼大隻 😳 份量大到連個姐姐都話「你尼隻好大好靚啊❗️✨」✨ 炸髀🍗外皮好薄脆，完全無好油膩既味，食落去有少少辣，但唔好辣既🐻都接受到，而且雞肉好嫩滑，總之就無得輸 🤣 沙律真心要配大炸髀，因為可以解一解油膩 🥰 而且食得出用左靚沙律醬唷，最開心佢有埋椰果添✨✨「熱奶茶」唔算係🐻杯茶，因為佢茶味好濃，鍾意試濃茶既奶茶會岩大家 😝價錢‼️$56 下午茶「渣大大焗炸雞髀+什果沙律」配熱飲 *2:00-6:00 下午茶供應時間*

次次去見到條長龍都有d驚，不過其實佢控制人流唔錯，今次6點幾去都已經有龍，等左around 15分鐘就入得。餐牌真係勁多款，中西都有，次次都揀好耐。 佢d staff真係個個都勁好禮貌勁nice，良心店既員工係唔同d😊菜遠牛河 - 幾有鑊氣，不過男人食完略嫌覺得份量唔係好夠 (佢上次食雜扒係食唔晒，所以如果好餓就食扒啦，勁大塊)All day breakfast - 多款式，個包包勁好食，塊扒又係勁大塊，有人話唔想食咁多肉，最後都食唔晒焗肉醬飯 - 配飯唔係好多地方有得食，飯有炒底，如果多d芝士就更好啦

去開九龍灣冒名前來，是下午茶時段去，無人在外面排隊，座有不少虛席。入門口要看看身分證背面，ok! 無問題！選了個$43干炒牛河，都知道下午茶時段份量會比正常少，先來港式奶茶，無茶香無奶味，再來干炒牛河，比預期的更少份量，似是食緊干炒牛河走牛！邊覆手機訊息邊飲奶茶，飲剩四份一時已被人收了杯，這動作是趕客走吧！好差勁！我又沒磨爛席一個鐘，只是半個鐘左右，又不見繁忙，食物不見出色，服務態度欠佳，黃店又如何？！無下次了！

想入呢間餐廳，除咗要洗手同埋探熱，仲要睇埋身分證背面。因為咁樣，成間餐廳入邊都係廣東話，呢方面食得舒暢😏💛💛舖頭入邊啲裝修都好特別，平時啲舖頭都係用紙板隔開啲枱，佢啲膠板有啲好特別嘅字句，每句都唔同。一路食一路睇住都幾搞笑舖頭嘅員工都好有禮貌，大家都唔該前唔該後，真係感覺到香港人茶餐廳嘅質素😊我叫咗個常餐同埋枝竹火腩飯同一般茶餐廳一樣呢個餐都好抵食，但係佢個蛋好有味道，係我少數食落覺得比較好食嘅常餐炒蛋叉燒湯意粉就正正常常枝竹火腩飯冇影到相，但係上菜嗰陣熱辣辣用過煲仔裝住，冬天食落好惹味，有夠大碟👍🏻👍🏻👍🏻

難得嚟到九龍灣行, 當然要試吓出名嘅大渣哥啦。 Tea time 嚟到, 都有好多嘢揀, 我點咗幻彩詠西多, P san 就因為都幾餓吓, 所以點咗個 XO 醬叉燒葱花滑蛋飯。首先講咗喱個 XO 醬叉燒葱花滑蛋飯先, 飯量都算多, 而且係我同 P san 都鐘意食嘅硬飯, 粒粒分明, 上面舖滿滑蛋, 蛋味香濃, 蛋當中夾雜住一塊又一塊叉燒, 仲有炒香咗嘅熟洋蔥, 有滑蛋口感之餘, 仲有爽脆口感, 再配埋放喺蛋上面嘅少少 XO 醬, 辣辣地刺激味雷之餘, 又有蝦米炒香咗嘅香味, 仲有乾瑤柱嘅鮮味, 唔單止可以作為少少嘅點綴, 仲令個飯更惹味。   到我點嘅幻彩詠西多啦, 係厚西多, 睇落都幾大份, 食落外面脆而有少少蛋味, 入面中間塗有粗粒花生醬, 花生味令成個西多更香, 粗粒花生更有口感同可口, 嚟到時熱辣辣, 配埋半溶嘅牛油, 賣相相當不錯, 再加埋糖漿, 太邪惡啦, 只可以間唔時食一次, 所以真係好耐無試過嘅味道。另外, 餐牌同埋食物命名都睇得出落咗好多心思, 再加埋疫情, 令店入面要用膠板間開每張枱, 但每塊膠板都寫有香港人嘅心聲, 希望佢繼續做香港人嘅茶餐廳。 By the w

想食好耐大渣哥嫁啦上幾個星期啱啱去到九龍灣附近所以終於去左食!!!入去之前要check咗大家身分證確保大家係香港人先 咁食嘢都食得安心啲吖嘛本來好想叫黃芝丼既(一大碗芝士牛肉飯淨係賣40幾蚊抵到爛!!) 可惜原來晚市冇得賣😭最終我哋決定左叫餸食飯 入去入面啲座位嘅時候經過一枱食客見到佢哋枱面上面嘅椒鹽豆腐已經覺得好吸引諗都冇諗過即刻叫咗一碟大碟 外脆內較 夠味但又唔係好咸信我!作為一個勁鍾意食椒鹽豆腐嘅人 外面夠脆之餘唔係好多炸粉 有椒鹽味嘅椒鹽豆腐市面上都唔可以話好容易食到(起碼我成日都食到令我好失望嘅😭)大渣哥椒鹽豆腐水準真係非常唔錯叫咗一個xo醬海味芥蘭煲勁有穫氣!xo醬落得豪氣既 我食得好開心 但同行既友人完全唔食得辣 所以戰敗左🤣沙嗲肥牛煲同上 不過比個芥蘭更加辣好唔食得辣嘅人士要注意!!!然後到我好期待嘅鹹蛋肉餅個芡汁啱啱好唔會太肥膩口感+豬肉味+蔥味正！！冇我好憎嘅馬碲真係好感恩🤣最好味係個海鹽雪糕雖然要成$20但係我食完一個之後忍唔住再叫多一個好好味呀師傅!!!!!大推有海鹽嘅鹹味之餘奶味好足好甜唔怪得知大渣哥無賣普受人歡迎嘅雲呢拿或者朱古力味而選擇賣海鹽雪糕或者椰子雪

一直想食大渣哥好耐啦！之前睇 社交平台見到黃芝丼好似幾吸引 今次難得黎到九龍灣拎黃店月餅🤩點可以唔幫襯埋渣哥？排隊個陣望到附近間黃店都心郁郁不過我又真係未食過大渣哥人龍幾長不過都算好快入得 當然就係叫返我想嗌既黃芝丼啦！估唔到係咁大碗！真係好誇張 $50都唔洗有咁大碗飯仲有好多芝士同肥牛😆味道都幾唔錯添！芝士味幾重 不過又係多到有啲溜😂印象中冇包餐飲既 我都太飽冇另外嗌到 有機會再黎既話可以試下個好狠藍食系列😂

成日都見到身邊朋友去大渣哥打卡，都好想去試吓，但九龍灣對新界牛嚟講實在太遠，一直都唔想特登出去。咁啱琴日去睇show，終於出省城去九龍灣，可以去一睹大渣哥嘅風貌！大約5:45pm去到，已經有十幾人排緊隊，好彩都唔係等好耐，只係大約15分鐘就安排入座，成個排隊過程，職員都非常有禮貌，感覺良好。望下餐牌，起碼有成百款食物俾你揀，對於選擇恐懼症嘅我來講，真係要花啲時間先揀到，幸好職員都冇催狂魔上身，俾你慢慢睇，諗好先落單叫咗個野菌松露汁焗魚柳飯配熱檸茶，估唔到超級大碟，佢上枱嗰陣我真係有啲驚嚇，早知同朋友share食。之後望到隔離枱食炸豬扒，塊豬扒大大塊，炸到金黃色，搞到我心郁郁，就叫多個黃金炸單骨雞翼試試。8隻雞翼$60，差唔多同個飯一樣錢，不過食一啖就覺得好值！個炸粉充滿住鹹蛋黃味道，表面再灑上鹹蛋黃碎，趁熱食大大啖咬落去，非常juicy，真係想大大聲講句:好好味呀！大渣哥果然聞名不如見面，難怪咁多香港人排隊都要食，下次再嚟，一定要試吓佢個大大塊炸豬扒嘅下午茶餐！

大渣哥！我嚟喇！我哋識做嘅！身分證！量身溫！搓洗手液！自動波啦！🤣我同朋友共兩個人，叫咗一份蒲燒鰻魚配櫻花蝦炒飯配胡麻沙律同一份金針雲耳蒸雞跟白飯，配例湯同熱飲 一齊食～蒲燒鰻魚配櫻花蝦炒飯配胡麻沙律 - 一送到嚟幾WOW！好大條鰻魚呀！喺出面食個餐，都係得呢條鰻魚嘅一半，好少見會成條上～開心！碟炒飯有好多櫻花蝦！好足料！$128 好抵食！金針雲耳蒸雞 - 略嫌蒸雞有啲淡味，不過雞件好嫩，唔錯～

終於試到要排長龍既大渣哥！個飯超級足料，女仔幾乎一定食唔哂🙈蛋香再加港式豉油超級下飯🤩，忍唔住一啖接一啖黑牛黑麵呢個名物真係無得頂，真心渣哥必叫鍾意食沙嗲牛既朋友仔一定要試😽！牛肉好滑又夠濃味，食完非常滿足既茶餐跟餐既丹麥多士好香好脆，嫌唔夠大塊食完想再食哈哈

今日同朋友去睇talk show,一於開場前去附近既大渣哥茶餐廳試下。6點幾去到已經有人排隊，入去前要先show HK ID,知道同一間餐廳食飯既全部都係香港人，真係食得特別舒服😌同朋友都叫左個自由西餐，好大份味道都不錯，唯一係塊牛扒可以改良少少🤏🏿我同朋友都覺得真係幾韌同硬⋯好難砌好難咬，希望可以改善。不過整個用餐環境，服務同食物味道都係值得推薦下次會再去試下其他菜色，加油！

話說早前渣哥推出黃芝丼，作為一名芝士控，當然要去試一試。可能係因為期間限定，這名菜並未出現喺大餐牌上，而是有自己既獨立小餐牌，餐牌還標明，凡訂閱「黃之鋒Patreon」，只要落單前出示手機證明，每人每次都可以半價$24享用黃之丼冠名贊助既「黃芝丼」一客。呢個價錢應該係全餐廳CP價最高的一個飯。可能因為日本文化，好多人對芝牛丼都有偏見，但如果你跟小弟一樣本身已經好鍾意牛肉飯既芝士控，呢個飯絕對唔會令你失望。首先個賣相已經不俗，剛溶化的芝士所散發的香氣也溶化了我的心，味道比一般牛肉飯高上一個層次，為微涼既天氣送來暖笠笠的感動。順帶一提，黃芝丼只會在下午茶時段推出，要試的話要睇時間，同埋呢個飯唔送飲品，如要飲品需要另購。順順帶一提，試之前不忘先訂閱「黃之鋒Patreon」，唔好睇佢價錢有少少貴，裏面既文章好高質。