大樹先生的家 (D2 Place TWO)

营业中

休息中

話說呢日又玩又食，下午茶時間同老公仲有bb一齊去到荔枝角大樹先生，入面有小朋友娛樂區（24個月以上小朋友）及bb娛樂區（0-24個月bb），bb設備充足，有bb櫈、餐具...不過食物就偏貴而味道一般！我同老公叫左一份意粉及一塊牛排加一杯飲品，埋單六百幾蚊...不過同bb影左好多相，都玩得幾開心嘅...只係bb娛樂區成日都會有啲幾歲大嘅小朋友走嚟bb波波池，而職員應及時阻止...呢part有待改善...😄整體嚟講，只要同bb去得開心都值得嘅，係價錢方面同質素有些不成正比😌

已經黎過好多次，逢星期五都會帶小朋友來放電，前幾次都尚算滿意，才打算同幾位媽媽及小朋友在此舉行小型生日聚會，但今次的服務態度實在令人反感。1. 由一開始入到黎個帶位員已經好冇禮貌，我一如既往甘登記並話:”今日訂左位係黎舉行生日會”但個帶位一黎就話:”甘你俾左電話我先啦”2. 打電話來的時候同我講到時會有特別裝飾，為生日小朋友準備獨有既枱，入到去物都冇，甘我都好有禮貌甘要求翻，但個waiter以不滿態度用極慢既速度去安排翻俾我地。3. 到我地order既時候，每位媽媽都要照顧著自己既小朋友，個waiter更冇其他工作在身，佢聽完一個就趕住另身趕住走，然後我叫住佢，佢個樣就非常不滿。4. 我地多人唔夠餐具用，而且每位媽媽都要睇住bb，當想叫waiter黎幫我地，佢哋竟然全部係角落係度傾計完全無視我地。5. 只有遊樂場入面既服務員態度相對地好

星期六下午有位，一家大細帶埋小朋友出席一去到叫左幾款小食試下先，有薯條同炸雞，炸物都非常好味，炸雞好有肉汁。環境方面，場地非常之大，好適合帶小朋友黎放電。小朋友開心之餘，大朋友仲有地方休息。小朋友遊玩玩設施非常豐富，有玩具區域，照顧到年齡不同的小朋友，種類繁多。除此之外，仲有一個非常之大既波波池，放電一流講返食物方面，主菜我地揀左意大利飯，味道香濃，非常之好食，大人細路都得到滿足，小朋友玩得開心，大朋友而都食得愉快

買了yahoo 團購到這裡朝聖，不是想像的工廠大廈店，原來是大廈改裝商場，很招客，光明整潔。兒童便當A餐，估唔到咁多食物，非常豐富，食完水果小朋友都飽一半。脆蝦很脆，鰻魚飯團有肥美的鰻魚粒，很香甜，粟米粒粒都好甜，應該都有調味過，好味也很豐富。兒童餐就簡單好多，選便當會開心些。店內很多店員，也很有愛心，地方濶落光猛清潔，很多幼兒(3歲以下)用餐，簡單的滑梯，超多夢幻的膠球，7歲以上不能進遊樂區，對他們也許太簡單了。在波波池真是舉步維艱，怕踩著波波球，唯有推進，玩用波波埋沒自己，簡單好玩又安全，樂而忘返，舒服的玩，舒服的坐，值得再來。

為了滿足小朋友，所以我帶了他們到很出名的大樹先生，開業以來我也是第一次來嘗試，當日我叫了三個不同的兒童餐每個餐價錢也是118味道比較清淡，但是雞扒比較鹹一點！有兩件鰻魚飯團，但是完全沒有鰻魚味道，一粒鰻魚也見不到🤧反而南瓜汁意粉比較好食及満意！食物方便比較普通，並不吸引！最吸引的是遊樂場，小朋友玩到唔願走非常開心，小朋友收費要另加＄59清潔費，！如果假日要收79！大人最低消費＄120一位！

一直都知道呢間親子餐廳非常有名，但怕人多同成日book唔到一直未有機會嚟試，呢次同好耐無見嘅美國朋友聚舊，預早差唔多兩個月book終於可以嚟喇~~去到門口已經見到有個牌介紹，好犀利呀佢d 主菜都唔平有d要 二百幾蚊呢，order咗無耐d 野食慢慢每樣上菜。 食落口發現水準好高，一d都唔似某d 親子餐廳食物好求其！d 意粉同意大利飯都好好食， 可以媲美一d 好d 嘅義大利餐廳， 食完又無口渴， 調味都應該幾健康，終於明白點解咁受歡迎~~

唔會再黎，其實只係比樓下club house 大少少。。。。嘢食嘢飲又貴又普通，一杯凍焦糖latte要$68又要冇咖啡味，薯條細份果醬汁唔好味。。。d設施基本上都已經好舊殘同唔多野玩，最好係有個好大嘅波波池，不過聽朋友講九龍灣有個大呢度3，4倍。。最激氣嘅係係我bb得6個月，根本唔識玩d設施，但係都要收入場費又要俾min. charge, 擺明搶錢。。其實依家靚佢好多嘅親子餐廳已經愈來愈多，所以唔一定黎呢間。。。

大半年前同阿女第一次試呢間餐廳， 大人方面野食一定係唔滿意，價錢貴唔係問題，食物質素同服務要對得住個價，上年5月阿女都玩得好開心。阿女今次來玩都係想見返上次接待處送公仔姐姐同成身公仔個哥哥，點知無返，野食仲要加晒價，不過提子梳打幾好飲。另外，門口個職員hea到鬼食泥咁介紹，波波池無人同阿女玩都算，好肥個女職員細聲講大聲笑。感覺完全不被尊重，非常失望最後，提提各位放假一個人帶仔女黎玩係非常非常不便，去廁所要一齊，大人食飯又唔放心阿女一個係波波池，寧願去間好d既餐廳食完再去其他地方玩，無下次

差唔多一年冇黎玩喇！但係一如既往咁好！需要係假日，就算人多，都冇影響食物質素同埋衛生問題。場內雖然有好多小朋友，但其實空間都夠大比佢地跑跑跳跳，遊戲場內都有職員保護小朋友玩滑梯，控制一下玩到癲左既小朋友呢點我覺得幾唔錯，始終大人有時睇到呢邊，走唔切去嗰邊，中間可能會有d跑跑跳跳既大小朋友，玩到太忘形會唔小心撞到d小小朋友，所以有位職員哥哥係波波池到，扶住小朋友玩滑梯到控制一下小朋友認真唔錯至少家長見到都安心小小既。是日，我家小朋友又係玩到都唔願走了

之前來過幾次，只覺得貴但食物質素仲差過大家x 和大快x. 樓下泊車本非常不便，得很少車位，一系無車位，有車位也要留下車鑰給停車場, 感覺不放心。 但囡囡生日要來波波池，我迫於無奈只好再來。食物如上次一樣，同翻叮 frozen food 無分別。叫了蝦餅，鵝肝牛扒，牛扒5 成有血有腥味，鵝肝好細塊。飲料非常昂貴，但有水提供。 環境非常擠迫。枱與枱之間是椅背貼椅背，無路可行。 非常不幸，鄰枱坐了一枱無理的顧客，我與先生為女兒慶生唱生日歌，人地大大聲聲説我自私，有可能嘈醒她B.B. 我向店長投拆環境擠迫，他只不斷説對不起和説送奶茶給我。食物差，環境差，經理無能，令我女兒有一個掃興的生日。 貼錢買難受

農曆年廿二係昕昕的舊曆生日，今年昕昕新曆生日去咗迪士尼樂園酒店翠樂庭食自助晚餐，舊曆生日就到大樹先生玩到盡，選擇大樹先生係因為昕昕舊年參加老友的生日會而愛上這地方，做媽媽的我明知佢鍾意玩，點都想佢有個愉快的晚上(^_-) 以下是舊年的分享，直到今日仍是openrice焦點食評之一~~~昕昕好友生日會@大樹先生的家原來訂座時講明係正日生日係有特別佈置，昕昕仲可以將有5字的汽球帶回家*^O^* 在openrice訂座有亞洲萬里通飛行里數25里儲，倒是不錯^_^ 是日平日晚上，加上近期因為天氣寒冷和流感的影響下，全店只有兩枱人幫襯，而我沒想到昕昕今年農曆生日最大的禮物係提早一星期放農曆新年假期，明明下星期三學校有團年飯和表演活動，怎料全部泡湯（昕昕反而覺得開心，因為可以瞓個飽(￣∇￣)）大樹先生定期會更換波波池的波波，又有每日清潔，所以大家非常放心入去玩，昕昕最喜歡波波池，今次有機會獨自包場玩，真係抵玩啦！裡面的設備雖然沒有大變動，但始終有吸引孩子入去的理由~~~昕昕今次大部份時間就係自己跟在場的職員哥哥、姐姐玩，因為我收工後回家湊她之前已經被嫲嫲的湯和飯餵飽咗，當她玩的時間就係我食食食和上

Visited last week and the place is very fun, clean for children. However the food is average but the charge is at 5* hotel rate. Lunch for 4 with 2 kids meal and 2 English Breakfasts (no sausage!) with 2 Sprites and 2 coffees came to $600+, just 4 drinks came to almost $200. The kids would have enjoyed themselves just as much going for a picnic in the park at a fraction of the cost.

終於, 係終於有機會去, 本來可以早些去,卻因打風不能去, 星期六日又比較爆場,在於本人努力不懈, 今天終於去左食野及玩. 由於是聖誕連續假期,商場聖誕氣氛很濃厚.早在晚上6點正已經有不少人在店外排隊等候進場.我們一行三人, 探熱消毒後,便可入座, 我們點了以下三款食物1) 西冷牛扒配鵝肝,黑松露醬汁 (意見是牛扒5成熟好多汁, 鵝肝煎得剛好,外脆內滑,若想特別,點埋黑松露醬汁更香)2)大蝦意粉(意見是份量正常,不會太咸,芝士能排在意粉上,很濃郁,好味,大蝦亦很新鮮,十分適合小朋友)3)牛肉漢堡飽餐 (意見是份量很大,很底食,薯條厚切,十分可口,真想叫多一碟薯條)不需10分鐘,所有食物已經到齊.侍應真是十分快手,兒童餐具及茄醬都是自助的,本人十分喜歡店內設有自助洗手盆,十分方便又要食又要玩的小朋友. 場內分不同年齡區域玩, 真是太細心, 波波池今次是青綠色,很有清新氣色.玩耍場內有侍應姐在維持秩序,她們的渴止的確能比父母更有效.玩到8點左加,突然出現聖誕老人派禮物,大人和小朋友都紛紛排隊及拍照, 值得留念亦十分興奮。賣單800元,真的有點肉赤.不過,也不妨一試. 

朋友帶住小朋友外出食飯真係好唔方便，皆因小朋友好動坐唔定，好難長時間專心傾偈，呢間餐廳可以解決以上問題啦地方勁大，有沙池、波波池、滑梯、玩具等既設施俾小朋友玩，大人輕鬆細路放電而且進入玩具區時，除左要除鞋外，職員會係咁二噴潔手液以助消毒。價錢係偏貴左d，但咁大個場，交租都要既！而且食物選材算健康，整體味道亦唔錯，仲有膠用食用工具供小朋友用香蒜牛油炸雞翼：好香口，重點係柚子醬汁甜甜地好惹味炸魚同薯條都係小朋友最愛！香煎比目魚柳配柚子忌廉汁：魚肉白嫩，薯蓉易入口南瓜忌廉汁意粉配燒雞扒：好健康，雞扒燒得好入味，不過南瓜忌廉意粉真係好漏！香草醬野菌天使麵配北海道帶子：有不少黃紅椒、菇條作配菜，帶子煎得好香，肉質Q彈，可惜只得一粒，share食既話真係要好好珍惜果一啖囉$88一壺熱水果茶+$68柑桔檸檬蜜柚子梳打。飲品方面真係貴左D啦！平日8點已經係last order建議假日去多d時間玩，book黎同小朋友開party亦係不錯既選擇！

沒想過 所謂的夢幻親子餐廳會是這樣差的！踏進大門，先由一位帶眼鏡、咬著香口膠的肥女待應黑著臉帶我到坐的位置上，介紹餐廳也是急口令式帶過，點餐時舉手多時也沒有被理會，全店的待應站在角落大聲傾計大聲笑，完全沒理會客人！問店員問題也是沒帶笑容回答！食物份量少得可憐，質數也很差！總括而言整個體驗也是差得很，尤其那肥四眼女店員，我來光顧貴餐廳，收費也不便宜，態度不用差得這樣，看你面色吧？真的很沒有禮貌，我翻到家隔了一天亦是覺得很難受的感覺！我不是很有錢的家庭，不像其他有錢家庭般消費，但不至於會受到看不起我們的感覺！