大樹先生的家 (D2 Place TWO)

营业中

休息中

屋企有個幾歲人仔生日揀左去大樹先生一齊慶祝餐廳為咗之前嘅萬聖節而推出了期間限定的黑色波波池打卡位🤣餐廳成人每位最低消費$120 7歲以下兒童就需要付$59清潔費 最後叫咗一個2+1溫馨家庭套餐再加4個主菜水果份量十足 甜度適中 亦好refreshing 可以倒到好幾杯酸酸甜甜幾開胃係專登為小朋友而設嘅均衡營養餐有肉菜生果 賣相都幾吸引個汁幾好味 甜甜地 份量都ok 唔會話得好少 牛肉唔會話好乾亦無overcooked 比較細舊 做唔到啖啖肉嘅效果 肥多少少 會好味d好香濃嘅黑松露味無好油膩嘅感覺鵝肝煎得啱啱好 入口即溶吉列皮有d厚 同埋個飯濕咗d搞到個吉列皮淋晒但個牛係ok嘅 唔靭 同肉汁都仲保留到意粉入面有蕃茄蓉 唔係hea炒鴨胸煎完仍然juicy 每啖飯都有d蟹肉 配埋青芥忌廉汁 幾特別總括黎講雖然價錢略貴 不過食物水準不錯加上環境清潔 絕對係一個俾小朋友放電嘅好地方提一提商場有免費泊車優惠食滿$400就2小時免費泊車

Here provides Nice food and environment . It is a great place for family gathering . There is a sand pit and ball ball pool which is very suitable for babies and children . The mat is safe and with variety toys . It is very pleasant place for family . The good place to spend weekend .

第二次去，上次係平日下午3:30去，勁多人，今次係星期四下午12:30去既，應該係大家都正在返學，人無甘多，非常好，小朋友吾洗爭野玩小朋友至愛波波池由紫色轉為迎合萬聖節既黑色，亦10分靚，吾知會吾會有機會轉下粉紅色呢

小朋友哈佬喂想去威梗係去波波池啦唔通去蘭桂坊咩。今晚約定去大樹先生的家，因爲知道有個限定黑色波波池，當然要去朝聖下餐廳成人每位最低消費$120，兒童需付清潔費$59，晚飯時段黎我地一行3大1小就叫左兒童餐小熊泡泡浴（照燒雞扒），個樣好得意呀不過就好睇唔好食，因為小朋友出左去玩緊，未能及時享用，可能因為咁放耐左d飯有些少硬，小朋友無咩想食意欲，好彩我地有另外嗌左兩個意粉，明蝦意同埋南瓜雞扒意，味道都可以嘅，因我唔係太肚餓關係我自己都叫左個兒童餐便當A(天婦羅炸蝦）,咦....不錯喎！好味過小熊泡泡浴個飯。總括黎講無論服務，餐廳食物質素，環境衛生都好過好多同類型嘅親子餐廳，不過係貴左些少，耐唔耐黎一次都負擔到嘅

上個月一班朋友一齊帶小朋友黎呢到，先講場地，場地不算大，但有分幾區: 有波波池區，我地去果陣係紫色波波，好夢幻好靚😍 波波池果到有滑梯玩，有隧道仔比小朋友捐。波波池隔離有靜態區，有好多廚房仔同唔同既食物收銀道具等，又有一d角色扮演衫仔比小朋友著，不過主要係女仔衫（公主裙/韓服等），又有釣魚遊戲，車車玩具，barbie等等。再隔離有個area應該係比再細d既bb玩，有個韆鞦仔，其他就唔記得因為我冇行去果到。食物方面，叫左個兒童便當，有鰻魚飯團及炸蝦，仲有少少生果，水準算正常，味道不是很突出。便當不包野飲，所以散叫左杯蜜桃茶，但我覺得冇乜味，唔好飲!另外食食下發現，座位區後方近門口有沙池玩，但因怕難清潔所以冇入去玩，但聽聞是有風筒供應，可吹走身上既沙。總括黎講其實都ok，野食百幾二百蚊一個其實有啲貴，質素唔值，但因為係連埋入場玩，所以其實都可以。不過要注意，佢係分時段既，一個時段好似係兩個半鐘，扣左食野時間後其實都唔係可以玩好耐。

之前都去過兩三次，兩三個月前第一次去覺得啲嘢食唔差覺得可以再嚟多次，上個月第二次去到叫同樣嘅嘢食，但食物質素就大大下降。今次因應小朋友要求話想去，咁就比多次機會佢啦，叫嘅都係2+2套餐，頭盤煙三文魚沙律，忌廉湯再加2個兒童餐同埋兩個成人餐。點知咁次仲大劑，個煙三文魚沙律上面啲三文魚一入口已經覺得同之前味道好唔同，點解會有啲酒味嘅，我同朋友同埋工人姐姐唔敢繼續食，只係食咗半塊左右就停手。到走嘅時候我同朋友個肚已經開始陰陰痛，返到屋企出事喇開始肚痾，朋友仲痾到發燒，我個工人姐姐都痾咗兩次，依家已經半夜兩點鐘我仲要爬起身坐咗喺廁所。作為一間專為小朋友而設嘅餐廳食物品質同衛生都非常緊要，如果有問題或者開始有變味嘅食物，唔係加啲酒落去嚟掩飾。我啲小朋友好想去嗰度玩，但成人又設最低消費，唔食又唔係。希望餐廳可以好好正視食物品質嘅問題，今次只係大人有事，如果小朋友食咗出事到時邊個負責呢？

趁着假期想同仔仔出去玩但好多商場有去過真係唔知道去邊度好突然之間諗起可以去一下親子餐廳有得食又有得玩應該會好開心上網搵咗一下知道呢間餐廳喺台灣過嚟本身都非常有名但係知道佢經常都爆滿打個電話去問原來要去到夜晚先有位不過都唔緊要啦咁就夜晚去啦咁樣就book咗晚上六點半我哋有少少事遲咗打電話同我店員講話我哋會遲少少度店員都好有禮貌咁樣去覆餐廳好間正環境又好寬敞我哋book咗四個大人兩個小朋友餐廳好好咁比張六人枱我哋終於先準備好兩張乾淨嘅BB櫈呢度嘅計發係大人會有最低消費二小朋友就只需要支付清潔費用咁就可以大人有得食嘢小朋友有得玩當然啦小朋友係唔會等你食完野同佢去玩嘅佢係會不斷咁扭計叫你去玩餐廳有啲好貼心嘅地方嘅海面上會有一個盒餐廳已經準備好小朋友嘅口水肩啦尿片啦或者要剪食物較剪呢啲係喺其他地方搵唔到嘅我哋叫咗一份牛扒一份pasta其實so far食物來講呢度嘅食物都真係好有水準佢真係唔係嗰啲交功課俾你嘅西餐佢比呢個價錢係真係比返咁樣水準嘅西餐嚟嘅即係牛扒擺上隻碟度都有伴碟擺得好靚咁拎出嚟俾你所以食物方面我覺得都真係好值加上個環境又可以同小朋友放電食夠左$400又可以有免費泊車真係幾抵食

Went there with my ten month old with two other adults and it turns out to be fun place for all! There food tasted great and the service is superb!! The waiters are nice friendly and very detailed minded. Saw my BB wasn't eating the rice much but eating the fruits so asked me if needed more fruits to feed him without me asking!!Then when it came to pic with kids, another smart server got a toy in his hand to attract BB to look into camera!! This has been the best place for me and the BB I have e

朋友生日去大樹先生慶祝，有好多小朋友遊戲設施、波波池等。朋友玩到唔願走。食物味道唔錯，份量算大，但價格略貴，尤其飲品好貴。但小朋友鍾意都OK既。下次會帶小朋友早上黎。

食物種類算多，職員服務態度不錯，可值得一去👍🏻而且遊玩設施有定期清潔，入場前都有主動探大人與體溫，為小朋友做多一重保障...而且更有職員細心介紹有關設施☺️☺️而且更設有沙池，波波池等設施，大人食得開心可以暫時放低小朋友自行玩樂 ...😂😂😂兒童餐更有精心設計.......好精美😍😍😍😍😍😍😍價錢算中庭，俾小朋友一個值得一去既地方👍🏻👍🏻👍🏻👍🏻👍🏻👍🏻👍🏻

藍色⋯粉紅色⋯今次係紫色波波池一年一次😍😍😍大樹先生，今次第三次黎啦大人最低消費$120 (*6歲以上當為大人收費)6歲以下小童不設最低消費，但進入遊戲區需付清潔費。平日$59清潔費; 假日$79清潔費。最近「大樹先生的家」，波波池嘅波轉咗做紫色，一片醉人嘅紫色波海。見到都覺得好興奮，不過，我覺得波波池嘅波無之前咁多。係有大波波池、有好多木製玩具、仲有分幼兒區添。仲有好多特式嘅衫仔可以免費試穿，俾客人換衫影相影返夠本~有公主、王子衫、飛機師制服、有韓國服等。食物方面食物選擇都好多，有三款西湯、四款沙律前菜、十款主菜、六款意大利飯、七款意粉、四款兒童餐、八款小食等，另有甜品及飲品Menu。兒童餐便當B鰻魚飯糰配照燒雞扒，好有日式feel，飯糰入面已加咗鰻魚，食得不知不覺又夠晒營養，啱晒怕食魚嘅細路！重有細細粒水果同沙律菜食👍👍👍南瓜忌廉汁意大粉配照燒雞扒選用日本南瓜，磨成蓉又香又甜，配埋忌廉汁唔夠汁！朋友就麻麻喜歡食加湯同嘢飲要$48。特飲仲要再加錢小朋友玩得開心，爸爸媽媽則可在用餐區邊食邊睇，唔怕餓親攰親！好欣賞職員不停同小朋友玩，呢份工一定要有愛心同耐性先得呀！其實消費都幾高，一年一

因為買左團購所以就帶小朋友去呢間親子餐廳玩下，接待和玩樂區職員友善親切，但 餐廳內員工就態度好差，不主動，完全影響親子餐廳既形象，本身玩既時間已經有限制，所以一到場小朋友就急不及待去玩，當然大人都要跟住照顧，打算玩到甘上下先去食野，點知原來係有last order既時間限制，完全無職員提及過亦都無指示牌，幸好我地係一班小朋友歡樂聲音下留意到廣播，否則錯過時間就比左團購都無野食…便當上台熱辣辣，飯糰比較大，天婦羅蝦脆口的，唔會過左氣，配以生果，整體嚟講食物係穩定質素，唯一團購無包飲品，除左水以外飲品就要自費，一杯台式飲品大約50蚊，收費比較高

約齊好友，預備一齊嚟玩返餐飽👍👍👍4大園區(幼兒遊戲區、沙池嬉戲區、波波池及彈床區、兒童親子遊戲區): 除了用餐地方，亦劃分了多個為不同年齡、喜好的兒童特設的遊戲區，氣氛親切溫暖遊戲區玩具豐富，適合0-6歲兒童玩，必定玩到樂而忘返波波池配設索橋、滑梯等設施，大大增加其趣味性。小朋友可以盡情翻滾跳躍。於巨大沙坑內，小孩可以任意利用各式工具玩沙。場內設有吹風機，方便讓小朋友輕易把沙粒吹走。餐廳設有大量嬰兒椅，並配備兒童餐具，用餐時更方便。兒童餐便當有鰻魚飯糰配天婦羅炸蝦，好有日式feel，飯糰入面已加咗鰻魚，食得不知不覺又夠晒營養，啱晒怕食魚嘅細路😝安格斯牛肉芝士漢堡 - 薯條啱啱炸起熱辣辣，的確好味！咸味恰到好處，唔點茄汁已經好夠味。新鮮沙律菜配埋黑醋咁食，酸酸哋幾開胃。小朋友喜歡的西瓜，搶住食西瓜！重頭戲當然係個灘堡啦！淨係睇塊芝士厚厚咁溶晒嘅樣已經夠晒吸引！塊安格斯牛肉入口嘅肉汁，呢個漢堡真係好有驚喜！強烈推介👍👍👍 南瓜忌廉汁義大利粉配照燒雞扒 - 雞扒個燒汁好入味，而且肉質嫰滑，加埋美味嘅南瓜忌廉汁，成件事變得好完美。小朋友都喜歡食👍👍👍個肚仔發出古古聲，開餐囉喂！~~~食飽就梗

食物限定每人一定要叫一份，價錢消費都有點貴，平日去人唔算好多，小朋友有一個清潔要收取，波波池都好大好好玩，兒子很開心！另外仲有得玩其他玩具小朋友十分好奇，整體感覺都不錯！

因為要喺果度食一餐（每款食物約$100-200），所以用完餐已經冇左起碼半個鐘，一節只有二個半鐘，感覺上可以玩嘅時間有D短，場內環境清潔，每入遊戲區一定要消毒洗水液.