大榮樺

营业中

休息中

公平啲講，呢間嘢嘅食物質素十分好，以價錢之言，各個餐都絕對物超所值，所以呢間大榮樺一度成為我同一班同事嘅飯堂，差唔日日嚟食⋯可惜，一間原本性價比咁高、咁好嘅餐廳，畀一個被伙記稱為經理嘅阿姐完全破壞！其實由一開始嘅時候，已經發現呢個阿姐態度已經好與別不同，我明白要人齊先入坐、我明白要盡快落Order、我明白唔好阻住啲位、我明白即叫即整係需要等、我明白你哋伙記做得辛苦有時會燥啲⋯呢啲我通通都體諒，食得我都預咗，但有一次我哋一行幾個人去食飯，其中有一個人未決定到，竟然隨即被呢位經理大聲指桑罵槐，當住所有食客面前話我哋「只顧㩒電話」、「嚟到唔係為咗食嘢」之類，我哋坐低不過係三、四分鐘，未決定到食乜都唔駛咁嘅態度⋯講真，我好多同事都反對去呢間食午飯，只係我一直堅持，始終嘢食好味為先，但容忍的確有個限度，我開咗OpenRice戶口咁多年，自問從冇寫個劣評，就係大榮樺要我開齋、要同大家分享，至少畀大家一個心理準備，如果大家要食好嘢，我唔反對大家一試，但你預咗要受氣，係欠咗佢嗰種！如果大家想訓練EQ的話，大榮樺係你不二之選。致大榮樺：如果上述所謂經理係老闆的話，請你好好檢討，待客之道我冇資格教人，但禮

真正要知道甚麼是高性價比的美食~~不是那種40幾有6粒唔好吃的雲吞(真的到現在還生氣)，是來這裡吃一下。未吃過真正：平、靚、正 美食的人，真正要來這裡吃一下！首推扒類！！ 食扒最好的餐廳~~~~ 這間以前是大埔另一間美食，現在變了大榮樺！要是不早去，所有扒類都會沒有了~~所以要吃就要早。另外，就算book了位，也要等，所以大家要有心理準備！ 我和朋友分別叫了紐西蘭牛仔柳和炭燒黑毛豬。要注意，這裡除了牌上的食物，就再沒有別的，而且這裡不能加單，要叫就要一口氣！所有ORDER都是即叫即整，所以需要等候的時間都長。 餐湯限送~~好濃好易入口！ 紐西蘭牛仔柳先到~份量大到一個點！我們點了5成熟！一刀切下去，外熟內軟，真五成熟，不是假的。 牛肉好有味~~好香牛味！糟糕，我口水在流了..... 炭燒黑毛豬其實不比牛柳遜色，都係好正！香豬味好易入口。 但由於是豬，咬口好勁！ 最後~~不得不提！！意粉超好味！意粉超好味！意粉超好味！~~~好Creamy！忍不住食晒~~ 是特製的意粉，不是只是熟了就可以！ 如果大家lunch來！仲要係特平！！性價比極級高！不來吃會錯過的人

午餐$50 包湯及飲品-呢間真係太好生意食扒58蚊份量真係嚇死你‼大家去到見到一定會好驚訝😂本身想食雞扒滑蛋飯等位期間就已經賣曬黑毛豬經常性12點幾就無 我一次都未食過 慘可見幾多人想支持聽閒係酒店廚師不論賣相食物都真係好有水準👍🏻連湯都唔馬虎 有特色又足料不過店員嘅態度可以改善下🤔意大利粉好食啊！食飯嘅餐可以加8蚊轉粉/薯條/沙律🎉唔係成日排隊 真係想日日食🙈--📍大榮樺大埔安慈路4號昌運中心商場地下8-9號舖

午餐時段來到＂昌運中心＂看見一間餐廳的門外人頭湧湧，熱鬧非常，我的第六感告訴我，此＂魚＂定非＂池中物＂，一於一試究竟…小店本來座位已經不多，午市來用餐的人流，用全院滿座來形容並不過份，簡單的拿了號碼票，一轉眼已是二十分鐘，終於可以入座了，本來打算點選的牛扒飯，原來早已售罄，最後點選了＂蜜糖芥末炭燒原隻鴨胸意粉＂。不消一會，＂鴨胸意＂送到餐桌上，賣相十分吸引，紅紅綠綠的伴碟，叫人垂涎三尺，當然是先吃一口鴨胸，充滿煙燻的香味，鴨胸嫩滑，沾上蜜糖芥末醬汁，甜甜辣辣，味道層次即時提升，刺激食慾，由於鴨胸是原隻奉上，連皮一起吃，竟然也肥而不膩，甚是驚喜。意粉是選用扁幼款式，經過蒜粒丶胡椒及忌廉汁炒香而成，所以味道帶有蒜香及淡淡的白汁香味，簡單的味道變得不平凡。另外，值得一提的事，從其他食客口中得知，原來每天的午市還有特式餐湯供應，送完即止，這樣看來，改天我需要再次光顧，品嚐未嚐的餐湯及牛扒了。蜜糖芥未炭燒原隻鴨胸飯＄50 ，（改選了意粉）加＄8，凍飲加＄3。

#美食推薦 大埔人應該都識呢間野 - 大榮樺，一間價廉物美，非想抵食既餐廳。呢啲餐廳🍴位於大埔昌運中心，鋪頭細細但出品非常唔錯。無論中午食午餐定夜晚食晚飯🥣都係人頭湧湧，坐無虛席，午餐價錢價位大概50-60蚊左右，晚餐價錢大概100蚊左右，有兩個餐經常好快售罄，就係牛仔柳🐂同炭燒黑毛豬🐖，真係好好食嫁，想食就早啲去。點解我知？因為我呢間餐廳都係我既飯堂之一，我老媽子🤱🏼差不多唯一覺得好食，又會再食既西餐（帶佢食貴既都話唔好食）😹😹😹。 是日都係晏左去，黑毛豬都賣晒，所以食左焗龍蝦意粉😋😋😋，有半邊龍蝦🦐嫁，意粉有濃濃既蒜香味，而且賣相都唔錯；另一樣泡菜意粉配西冷牛扒😋😋😋😋，塊牛扒🥩🥩🥩大到呢，有時分分大過我塊面👨🏿，而泡菜加意粉，少少辣，少少酸，又幾夾；仲食左豬仔脾配意粉😋😋😋😋，豬仔脾🍖🍖🍖有三隻嫁，而且好入味，唔會有雪味，甜酸甜酸幾開胃，我個人幾鍾意食。其實呢間餐廳既意粉又幾出色，另外一份餐又湯又飲品，份量都都好大，我個人比較大食，食晒都會飽度頂心口。溫馨小提示：輪到記得要齊人，因為齊人先可以入。地址：大榮樺 (大埔)大埔安慈路4號昌運中心商場地下8-9號舖ig: year19.

8:00去到，已經乜都無咁滯，但仲好多人排隊，平時等半小時，今晚10分鐘就入得～都係做街坊生意多～叫左西冷扒跟飯，黑椒汁，七成熟，幾大塊幾好味，加$2熱檸蜜仲有湯飲價錢ok啦～

喺大埔要食抵食扒餐，第一時間會諗起大榮樺，因為佢價錢唔貴，份量又足，味道又好今次叫左個牛柳意粉，味道好正好夠份量連我一個大男人都覺飽，就真係好足料唯一可以挑剔就係，如果唔早D嚟排隊就有排等不過為左食好野都值得嘅

孤陋寡聞的我一直都唔知道有呢一間西餐廳，突然有日朋友同我分享，原來呢間餐廳嘅大廚係曾經在酒店工作過嘅，而且呢間餐廳的食物全部都係即叫即煮，所以今日就即刻嚟試一試佢嘅水準如何啦！佢個湯居然係新鮮打出嚟嘅蔬菜湯，唔係普通罐頭沖嘅雜菜湯，令人有好Fresh嘅感覺。我地叫咗一個香酥南瓜配南瓜意粉，佢個意粉真係好傑出。南瓜肉同南瓜汁充滿着每一啖嘅意粉，好creamy但係絕對唔會令你覺得「流」，而香酥南瓜都係外脆內軟熟、好香南瓜味，食完會令你異常滿足，絕對適合素食朋友仔！ 另外，當然叫咗佢出名好抵食嘅西冷牛扒飯，咁係可以加8$轉意粉或者薯菜嘅，係咪覺得好貴呢？因為佢個意粉原來係炒白汁意粉或者係番茄意粉，並唔係普通嘅烚意粉。但我今次就先試左佢個飯，個扒居然係有兩塊，性價比超高。雖然無問你要幾成熟，但佢絕對唔會好硬身/好生，係嫩口，有口感的！午餐時段呢個餐仲要配埋餐飲，只需要50-$60，真係非常之物超所值。

$108西冷牛扒！價錢唔係話好平，但咁既質素同份量就真係超值！大大塊既牛扒加上薯角，連同餐湯同飲品，總數$108 無加一，牛扒要五成熟，入口好軟滑，好味道。美中不足係門口等位既人太多，等左30分鐘先有位。

每個weekend都要排隊既大榮樺，佢個韓式泡菜意粉拼西冷牛扒係我每次必點！只係唔需要$100既價錢，有牛扒、有意粉、有餐湯有餐飲，呢個價錢，無得輸喇掛？餐湯都唔求其，有時係南瓜蓉湯，有時係白籮白蓉湯，味道濃郁無味精主菜我中意呢款泡菜意粉拼西冷牛扒，份量足料到爆！牛扒一d都唔鞋口，仲好入味！意粉配泡菜呢個配搭已好新鮮，泡菜開胃，辣辣地，整個組合就係會令你食唔停所以要去食一定要5:30左右就去等位，否則要等30-40分鐘！

聽聞呢間餐廳性價比高，放半晝所以就去食個靚lunch!一點九去到, 店內坐得滿滿, 門口依然有人等位. 咁我都乖乖地等入座.去到見到門口個menu已經貼住冇餐湯.好可惜呀...朋友話個餐湯好足料!唯有下次早D黎試~等左一陣入得座. 餐廳比較細, 但都坐得OK既.我地叫左一個2個set lunch~蒲燒醬汁鰻魚飯個賣相好OK呀, 有D木魚同沙律菜伴下碟.個汁好惹味, 配埋鰻魚會食上癮. 但如果再多少少汁就更好!黑松露牛肝菌鮮菇意粉呢個好好食, 個汁濃而不膩, 仲好香!2個餐2個餐飲大家不妨早D去食, 因為D野食賣哂就冇.好似我原本想叫A餐, 但已經賣哂喇! 另外我見好多人都有叫牛扒餐, 塊牛扒個份量都幾大, 認真抵食!

平日不常踏進大埔覺得太遠 難得今天在上水工作就和朋友們到大埔吃飯.大榮樺是一間家庭式餐廳才7點半 沒想到門外已是人山人海重點是已經有3樣東西已經賣完了想吃的牛都沒有了 人生還有什麼意義小店賣的只有那幾樣反正都來了 只好等下去.大約等了30分鐘 然後要在門口先下單看到門口的告示 先太大牌了吧不能加單 還沒吃就一肚子氣.炭燒黑毛豬 $88黑毛豬給我的感覺就是無味 硬所以基本上我是不怎麼吃的今晚沒有牛吃 無可耐何只好選黑毛豬一咬下去 實在是被驚艷了黑毛豬不是硬挷挷的反而是嫩滑 不用沾燒汁就已經夠味了而且還夠厚的為了黑毛豬我會再來.蒜香芝士焗波士頓龍蝦忌廉煙肉意粉 $118有一半的在 而且裡面還有蝦膏以價錢來就是很劃算的 可是意粉煮得太久 缺少吃意粉的口感但仍是很滑的 份量也不少.北海道帆立貝珍寶蠔黑松露忌廉燴飯 $108帆立貝夠大顆 珍寶蠔有三隻 上面有燒過的芝士看上去很大 可是蠔卻有沙 而且腥始終用了芝士 燒過後 芝士的油份都留到了蠔上了黑松露忌廉燴飯的黑松露味不重也不是意大利飯的口感就只是軟飯 也算是好別的不會太膩.巴馬火腿配風乾蕃茄忌廉意粉 $88巴馬火腿有四片 就只是咸味 沒什麼火腿

今日去咗一間叫大榮華嘅西餐廳 平時行過路過都已經有好多人喺出面等位排隊 咁今日終於有機會可以試下啦 喺門口就睇下餐牌 佢價錢唔算好貴 都係五十零蚊左右 仲包餐湯 嘢飲 價錢都算可以接受 咁你今日食咗 一個 雞扒胡麻醬蛋包飯佢仲有啲 沙律菜伴碟 雞扒煎得幾香外皮夠脆 胡麻醬同蛋包飯都幾夾 個蛋唔會太老 雖然個飯係白飯 但都夠味 另外仲食咗一個南瓜餅南瓜意粉 南瓜味濃厚 香味吸引個餅炸得都好好食 但美中不足嘅係今日太多人食 個餐湯送曬冇得飲湯 嗰個感覺都唔錯下次再嚟試下其他嘢

由舊舖食到新舖，今日完全感到失望。唔問都唔知今日冇餐湯都算，同時點兩個餐，一個餐差唔多食完，另一個餐都未到。平時知佢煮野慢所以都唔催單。等等下唔對路先叫個𡃁妹侍應黎問，問完冇人覆。又繼續等.... 期間叫左2次比水又冇反應(間舖當時已經冇新客入，非常休閒)等到唔想再等叫佢取消先話頭先漏左單，哩家先整返。個𡃁妹侍應初頭唔肯取消話整緊，我地堅持取消話唔再等先肯改單。野食係好食，但係冇湯唔講，漏單唔覆，拎杯水又冇反應，食得唔安落囉。改善下應有既工作態度，客人都只係想要你地既回覆。

早了點到達，不用排隊，走進久違的食堂！我們點了牛仔柳五成熟配薯角和黑毛豬配沙律菜。餐湯熱騰騰的送上，是南瓜湯，入囗清甜不溜！牛柳先上，份量之大已眼前一亮，薯角份量比其他多三倍，入口外脆内軟，不油腻，好好味！切開牛柳有血色，約六成熟，算不錯。有兩大件，肉身厚道有3厘米，份量驚人。入口淋，有牛肉味，視覺、味覺和觸覺也完全滿足。黑毛豬來了，配一大把沙律菜已嚇死人。沙律菜是其他食店的五倍份量，入囗新鮮爽脆，非常滿足。黑毛豬大大件，夠厚身，入囗淋身，有肉味，配合燒汁更好味！餐茶中規中矩。我們點的食物全部吃光，不覺囗渴，吃了這麽多肉，也不覺太飽滯，可能這裏用的食材和食油較健康吧！這又是一次開心的回憶！而價錢也非常便宜！