影片
今午我到街市买菜 , 【Pius】突然约晚饭 , 咁返到屋企就同老妈子讲今晚唔食饭啦!八点【Pius】揸车到我屋企楼下会合 , 揸车到大棠山山脚呢间食肆 , 佢话同太子爷系同学好熟㖞! 去到泊车好大地方好方便 , 一落车有人叫我原来系【大雄】, 佢又咁o岩o黎呢道食饭 , 佢倾紧电话我就唔阻佢 , 我先入去揾位坐低先。期间又见到十几年前好友【Call 机丰】, 不过离太远大家冇打招呼。坐低我同【Pius】叫左 ,【豉椒鸡煲 + 西兰花炒鲜鱿 + 咸蛋时菜肉片汤】, 上菜速度好快 , 期间冇叫其他饮品 , 另只叫一碗白饭两份食。 先上【西兰花炒鲜鱿】, 西兰花切得太大件 , 飞水时间争少少 , 同埋落镬炒时又争少少火喉 , 反而鲜鱿 ok 几好味几新鲜同埋几大碟 , 系西兰花麻麻地太大旧。 【咸蛋时菜肉片汤】, 又系好大锅好足料 , 时菜系用白菜仔多 , 另加些少小棠菜碧绿新鲜、姜片、肉片几滑及咸蛋唔太多蛋白 , 所以汤几清甜 , 唔似一般大排档咁咸。 【豉椒鸡煲】, 上枱时真系好大好大煲 , 打开盖入面鸡件得一半 , 呢味比大排档少油 , 鸡件唔肥多肉 , 睇得出鸡脾切件居多 , 豉椒及洋葱一般份量唔多, 都唔错但唔惹味 , 我钟意淡味就觉唔错。 现场环境清洁干净 , 我坐入面冷气充足 , 前后都有电视睇 , 但唔知点解室内冷气咁冻 , 硬系都有唔少乌蝇飞去(食送)菜道 , 系要我用手不断拨开 , 几烦几惊整污漕。室外顶有帐蓬 , 好多吸烟顾客都贪可吸烟而坐 , 但其实据吸烟条例 , 咁样都好似唔系好得㖞???离开时又系【Pius】争住埋单 , 次次都系咁下次真系唔再出黎同佢食饭啦 , 哈! 下次都会考虑再去帮衬 , 但如果唔系揸车去 , 我相信就未必会去啦 , 始终太夜专线小巴好早冇得坐 , 坐的士人少出元朗我又无谓浪费呢o的钱。
继续阅读
好钟意去大棠名厨度食呀,因为d野真系好抵食,而且阿姐又好nice,食海鲜都好正去到一定要食走地鸡,因为真系好滑煎藕饼系必食架,送饭佳品啦鼓椒炒圣子,真系好肥美好鲜味架每次去一定要饮烩汤,因为真系好正西兰花炒虾球,好好味咸蛋黄炒虾,系必食架总之去名厨食饭好似番左屋企食饭一样,个感觉好亲切啰
继续阅读
见元朗之友吹到咁掂,nov 7, 07晚跟佢个推介,4人来,叫咗 : 1)煨汤-其实即喺老火汤,当晚喺眉豆鸡脚汤-waitress好nice,主动在"匹"汤前先端去d油............但都仲喺几油吓㖞-味道都似够火喉, 1致认为好住家味,唔多味精2)生炒排骨-友人比我嘅推介,话好脆-出品唔喺好脆口,但都算合格,起码唔会喺浆粉又厚,又腍𠮶种3)姜汁炒芥兰-呢个好够酒香,芥兰亦当造4) 煎藕饼-友人问我,觉得点呀,我同佢讲同出面酒家食落唔同啰,无佢地咁香口,但1定好住家因(夹起来时)..........都几松散, 友人就"may may"嘴笑-味道喺无问题5)金针云耳蒸鸡-鸡是该店的另1宝,据称喺走地鸡,做法起码有白切/用金针云耳嚟蒸-鸡都滑,亦渗晒d金针落去,都几香架,不过与友人再3品尝,都揾唔到鸡味6)汤水(送)-红豆沙, 甜咗小小, 质素就1般𠮶只,但就食落有另1种味,呢种味就唔喺在平时ge红豆沙到揾到,好温和..........估咗好几次都未能1致通过-于是我索性拉亚waitress嚟问............原来喺椰奶嚟ge-不过见到其1友人唔多欣赏7)汽水x 4枝-个地方故然就好避啦,环境亦好怀旧同简约...........主力似serve全条村嘅村民-服务好nice.........当你好似街坊咁,问佢有咩介绍/ 出名...........都全部话过你知-每碟份量都唔细
继续阅读