大本瀛日式放題

营业中

休息中

話說離港成個月返嚟好餓日本野 英國食咗兩次壽司都小失望，於是返嚟走去食放題…🍣旺角兆萬勁多間放題，今次揀咗間8年老店，雖然刺身種類雖然唔算多，但係佢嘅挪威三文魚超級肥美，好厚切又鮮甜，用足料，蒜香牛油三文魚壽司令人驚艷，好快再encore，胡椒岩鹽燒左口魚邊壽司入口即溶，左口魚嘅油脂同美國醋米飯融合埋一齊，非常香口。黑松露三文魚拖羅蓉卷，做得好精細，口感有層次，中間包住清爽青瓜，成件事都係好夾，佢有特色嘅卷物，黃金肉鬆火龍卷，極上龍蝦沙律鐵火卷，都係比較特別嘅推薦。好少放題係熱食都咁出色，成晚幾乎都處於心心眼狀態😍 服務勁好，仲要用傳統紙單都唔甩單，係堅嘅🫶🏻今次坐門口位勁近廚房，無論上菜定收紙都好神速！老闆見我食力十足過嚟傾兩咀，原來呢間店嘅OP之前受到負評攻擊… 俾人copy & paste咁貼差唔多嘅內容🫢 你話買人寫好評就聽得多，乜原來買負評都有🥺 其實… 有時成功嘅背後用咗好多努力同心血，呢個年代好多鍵盤戰士，或者留句言好容易，但係真係努力嘅人辛苦經營嘅一切會受到傷害，呢點係會好痛心… 當好多人唔知頭唔知路嘅時，以為世事都看透了，不如親身感受一下，唔好聽人講咁多，至少今次食

難得朋友想吃大餐，約了他放工之後，一起吃放題～店子平日也很多人，不冷清，店員跟食客聊聊心事，感覺不錯，令人快樂一大盤刺身，鮮味滿滿，冰多又有美感～排得很美，款式多～挪威三文魚、赤蝦、帶子、日本角螺、甜蝦、希靈魚、吞拿魚、鮑片、泰式虎蝦～朋友讚店子之新鮮刺身啖啖肉，令人有口感。全部新鮮和美味，最深刻是拖羅，份量大壽司質素高，有創意，用料又很足。特別是軟殼蟹手卷，跟在日本居酒店吃的一樣大，口感滿滿～比例相宜，滿蟹籽配搭牛油果軟殼蟹，加點沙律醬，好好吃！黑松露劍魚腩壽司～黑松露珍實帶子壽司～柚子象拔蚌壽司～鮮香炸物、天婦羅是即點即做，熱熱，咬下去，香脆可口，不油膩！蟹柳大大，麻雞翼、炸雲吞、羊協，焗物和炸物，串燒也棒，放題會點的雞翼，雞皮外脆，肉質鮮嫩，肉汁滿水滿～好好吃，不錯店子之凍盤小吃類也特別，蕎麥冷麵和文魚岡山柚子汁沙律可以一點，味道不錯料理芝士焗廣島蠔及香蒜煙肉焗北海道帆立貝是朋友最愛吃，肉質棒，配搭檸檬醬，酸酸香香，推介！鹽燒多春魚、金菇肥牛卷和燒菠蘿也很棒甜品雪糕有很多款式，想吃傳統牌子亦有不同味道～雲呢拿和香芋味，味道不錯消費快樂同時滿滿回憶，款式多～店家的友好令人會光顧喔

刺身都好新鮮，落完Order,之後好快就出到，食物水準都唔差，另外最意想不到既係樓面員工啲服務都做得好好，好有禮貌，亦都好細心會主動換碟，唔需要叫先至幫手換。一定會再幫襯

🍽️性價比超高‼️2小時任食日本放題🍱大本瀛日式放題 (旺角)又到月尾啦！豬仔番工咁辛苦，一於慰勞吓佢，帶佢食番餐好既😝我地身為大食界既朋友，當然要去食放題，要食到棒住個肚走😛🫃🏻🤰🏻哩間餐廳位於兆萬中心10樓全層，由刺身、壽司、熟食、炸物、泰國菜、火鍋、甜品等，應有盡有😍款式多到食唔晒😝午市仲做緊3小時任食🤪哩間放題既服務態度，上菜速度，必須稱讚‼️店員每個都好親切，仲會主動幫客人影相，有客人生日仲會一齊唱生日歌😍上菜唔駛10分鐘，野食都陸陸續續上曬🤭真係食多幾轉都冇問題🤤🤤🤤第一輪我哋叫咗刺身、壽司、冷盤～魚生刺身等都好新鮮，魚生仲要厚切🤤上枱既造型超用心！好靚，用上乾冰噴出煙霧，仲有秋天造型既樹，成個造型好似藝術品咁靚🥹第二輪就叫咗啲熱食料理，估唔到熱食都同樣咁出色😍人參雞湯超濃郁，青酒煮蜆夠曬鮮甜，必食牛舌‼️彈牙又入味，一啲都唔韌，絕對係好出色既牛舌😍 帆立貝、廣島蠔必食😍第三輪再叫咗燒物，西京燒比目魚、香草燒羊架，比目魚肉質鮮嫩，炸得金黃香脆，配上沙律醬簡直一流😍羊架肉汁，肉質好軟滑，一啲都唔老🥹芝士年糕，入邊啲芝士流心，炸得金黃香脆🤭 飛天通菜、招牌炒蜆，充滿南亞風味，同泰國餐廳

今日約左朋友去左旺角食放題，點知揀左間中伏嘅餐廳，本身見到間餐廳嘅傳單真係幾抵食，不過上到去餐廳，個價錢變貴左，不過都唔緊要，最緊要有好嘢食🤗我地又唔想搵過第二間餐廳，所以繼續入去食我地好肚餓，就坐定定落好單，諗住好快有得食，不過落左單好耐都未到，問個店員感覺上係度hea我🥲最後個店員同我講，我想食嘅龍蝦、池魚、蟹等海鮮都無得食😅而且好多樣刺身都無貨，肉類又無咩味道🥲整體感覺好差，唔值得咁嘅價錢。

好似好多年冇食過放題啦 見到呢間又有得食壽司刺身打邊爐就連東南亞料理都有 計埋+1都只係要$300鬆啲 CP值勁高❣️大本瀛食べ放題 $288🥢刺身類挪威三文魚 油甘魚 赤蝦 甜蝦 珍寶帶子 鮑片 希靈魚 北寄貝 馬刀貝 紋甲魷魚 泰式生蝦 日本角螺🥢手握壽司類黑松露劍魚腩壽司 黑松露珍實帶子壽司 柚子象拔蚌壽司 花之戀 蝦頭油玻璃蝦壽司 蟹膏珍寶赤蝦壽司黑松露蝦膏呢啲貴野都有得任食就知有誠意🥢火灸壽司類蒜香牛油三文魚壽司 香辣汁燒和牛壽司 香蔥燒鰻魚壽司 醬燒千島蟹棒壽司 胡椒岩鹽燒左口魚邊壽司 墨蟹籽吞拿魚壽司左口魚油脂加上胡椒岩鹽 鹹鹹地油而不膩而且任食超滿足🥢特式卷物.手卷類壽喜燒牛肉卷 黑松露三文魚拖羅蓉卷 黃金肉鬆金龍卷 極上龍蝦沙律鐵火卷 牛油果軟殼蟹手卷嗌咗牛油果軟殼蟹手卷 牛油果同軟殼蟹一樣大大舊 絕對唔馬虎👍🏻🥢軍艦類芥辣八爪魚軍艦 芝士蟹籽軍艦 三文魚籽軍艦 吞拿魚沙律軍艦🥢凍盤小食類川椒皮蛋 手拍青瓜 白雲鳳爪 涼拌海帶 涼拌木耳 麻辣扇貝裙邊 胡麻豆腐 蕎麥冷麵 三文魚岡山柚子汁沙律🥢和風料理類和風讚歧烏冬 焗日式一口甜薯 枝豆 清酒煮蜆 味噌湯 韓式

我地3個人黎食晚餐！睇到網上食評好似唔錯諗住黎下啦。 黎到先發現聞名不如見面！我第一次去到食放題,第一輪點既野都可以唔齊！仲要叫10款刺身黎得5款,仲要每款得3,4 舊。燒羊架未熟晒,燒雞串暖既,眾所周之燒雞串返貨已經整好晒！淨係需要加熱就得！拎去叮番熱都做唔到。燒蝦一咬落去就知係凍既,都唔知放左幾耐。汽水櫃係自助既,但係坐左係到成個鐘都仲未有人fill。依餐晚餐簡直就係貼錢買難受。 今餐咁既垃圾餐人均消費3xx我不如去食尖沙咀大喜x都係差唔多價錢,佢俾埋錢我都唔會再黎食

諗住全家人去食！開開心心啲野食黎得非常慢！叫刺身差吾多等左半個鐘先比幾塊刺身我地！三文魚仲要非常唔新鮮。 再寫多一次刺身！又係等左好耐都無！吹左幾次先有送到黎係仲味解凍😅仲係有雪。 花之戀既壽司啲三文魚係臭既。一食即刻嘔翻出黎。其他壽司啲飯都係好散！一夾就散哂。 燒羊架叫左4隻。3隻係味熟。 叫其他燒物黎到都係凍既 打邊爐啲野食更加吾需要講,都係難食。 如果淨係食丸都正常既！其他食物全部好似橡筋。 食完全家個肚都吾舒服。一定吾會再去! 如果可以比0分 佢真係當之無愧!

啲野食質素好差！出餐勁慢！問題系間野冇坐爆人都可以甘慢。未食過甘差既放題等左成個鐘吹左幾次都未出到野食 (但用餐時間得2個鐘！淨系等食都等左大半時間)跟住出啲野食又吾熱 真係好差聽到隔離枱都話甘耐未有野食。其實呢個價錢吾需要食呢間野。有其他更好選擇完全吾抵食！試都吾好試 真心好伏。請埋我食都吾會再去！完全唔知食緊乜落肚 第一次食野食到燥底。劣質仲有其他樓下既放題都好多人等,呢間冇人等直接入得,宜家終於明點解🥲

見到食評都好多，就諗住上嚟試吓，刺身款式都算多，但稍為不新鮮，三文魚刺身色澤偏黑，八爪魚有塑膠味😡，其他的還可以，熟食方面，天婦羅味道尚可，炸蝦餅值得一讚，但服務方面完全不可以接受，第一價錢收費與上網睇的不同，第二訂座送的食物沒有，第三服務員明知我地有小朋友，都不停在旁邊說粗言穢語😡，仲話自己係有優質服務標籤👎，真心不明白，食物只可以講依個價錢可以接受，但如果有小朋友就真心不推薦，只可以講一分錢一分貨😂

朋友生日🎂，諗住食放題就第一時間諗起兆萬中心，喺地下收到傳單，比傳單吸引咗，上到去見到環境都可以就入咗去試吓，我哋大約5:30左右坐低客人唔算多，第一盤刺身速度還算可以，等於我大約10分鐘左右就有得食，但係件數唔足，不過放題都預咗佢唔會俾得足😌，只要件數唔會相差太遠都冇問題，之後再落第二輪刺身嘅時候，店員就開始有說話講俾我哋聽😑，不停暗示叫我哋落熟其他熟食，我同店員表明想食咗刺身先，食開日本嘢嘅朋友都知道，如果食完熟食刺身 ，根本食唔出刺身嘅味道，點知第二盤就出事，等咗四個字都未到，當時客人數量都不夠5枱，係咪因為我哋唔落熟食就唔俾刺身我地，於是我就問店員，點知店員嘅回覆係 ，叫我哋等到就等，聽到依個回應，已經冇心情再喺度食，只可以講比張傳單呃左，到最後七百幾蚊三個人淨係食咗一盤刺身就走咗，平時唔打食評，但真心唔打真係對唔住自己，想警惕世人😡

兆萬中心有幾層都係食日式放題，幾間都未食過，心知圖片只供參考，所以響OpenRice睇負評佔評論比率最少既呢間食！晚市黃金時段每位$288加一，星期五六日及假期加多$10，入座之後就見到叠落單紙，由A至L分別有刺身，壽司，手卷，軍艦，冷盤，和風料理，一品料理，爐端燒，鐵板燒，炸物，天婦羅，南亞風味，火鍋及甜品等。一般放題有既呢度都有，仲有啲出面無乜見既都值得推介下。例如川椒皮蛋，溫泉蛋及人蔘雞湯；沙爹雞串唔係微波爐乾爭爭果隻而係嫩滑雞肉配沙爹醬；韓式烤腩肉肥瘦分明；炸物有自家製錦鹵雲呑，椒鹽公仔魚及魷魚鬚；南亞風味仲有好泰式既冬蔭公湯，炭燒豬頸肉，飛天通菜同生菜包等！.食物多款式之餘，味道質素都好好，無漏單，上餐快係基本，刺身食落無雪味，唔係硬塊未解凍都唔係必然，熱食好多食落有燙口感，已經要加分，重點係點左咁多樣野都無一樣中伏！特別一提餐廳店員服務態度好好，因為座位唔算好闊落，安排入座時，店員主動提出大件物品可代為看管。用餐期間店員對答好有禮，巡枱收碟換碟好快手，最後食甜品仲主動倒熱茶比我地。今時今日望到呢間餐廳員工忙到無停手都有咁既服務態度真係要讚！

🐽 日式刺身拼盤每種魚肉都切得恰到好處，由其係大赤蝦新鮮得可以感受到海洋的氣息、三文魚同油甘魚都好新鮮🐽 燒鰻魚壽司、蟹柳壽司、牛油果軟殼蟹卷、黑松露三文魚吞拿魚蓉卷鰻魚肉香甜，蟹柳壽司嘅蟹柳味道豐富。牛油果軟殼蟹卷同黑松露三文魚吞拿魚蓉卷更加係一試難忘，特別係黑松露嘅香氣，令到整個壽司變得更加豐富🐽 蒜蓉焗蠔、芝士焗雞塊蠔嘅鮮味同蒜蓉嘅香氣完美結合，而芝士焗雞塊嘅雞肉嫩滑，芝士香濃🐽 人蔘雞湯、炸雞軟骨、流心蛋雞湯味道濃郁，人蔘嘅味道清新；炸雞軟骨外皮酥脆，內裡咬落好爽口；流心蛋內裡流出嘅蛋黃醇厚🐽 馬來沙嗲雞肉串燒雞肉嘅口感非常好，沙嗲醬的香辣味道令人回味無窮

是日約了海外留學的朋友食個便飯，襯佢暑假回港見下面傾下偈，想搵個坐得耐啲嘅地方就揀左食放題，在兆萬裏的大本瀛午市食足三個鐘，平日價$248，真係幾抵食😋食放題刺身一定唔少得，賣相幾靚，刺身新鮮無雪味👍最重要係份量黎足。再來就係各式壽司，全部細細件很精緻，飯軟綿綿的。一系列嘅熟食有牛舌、牛仔骨、串燒、炒蜆等，選擇好多🤤唯一有少少失望係焗蠔，無芝士蛋漿焗蠔，得蒜蓉口味。仲有天婦羅🍤、沙律等，天婦羅即炸得香噴噴。食完一輪後又再encore 刺身壽司先🍣，呢個牛油果軟殼蟹手卷正喎，雖然佢唔係卷狀😆仲有牛肉壽喜燒鍋，唔叫呢款又有其他湯底可以打邊爐🫕，哈哈。甜品都係任食㗎，有唔少款式嘅雪糕雪條🍨飲品選擇就唔算多了，一般罐裝汽水，紙包咁啦，都有啤酒任飲嘅，想飲唔凍嘅有熱水同茶包提供👍整體黎講坐位幾好坐，食物有水準上菜又快，店員收紙落單同收盤碟有較率，食足三個鐘唔使心急😋

刺身、sushi（特別左口魚壽司😍😍😍😍😍😍）、炸物、串燒（致愛雞肉串🤭）、小食 ＆ 雪條（菠蘿雪芭🤤）～～～基本上齊晒，好多選擇～啊啊啊！食物熱辣辣上檯，好味，上菜快，服務好！無論係男／女侍應，都好熱情，好nice！雖然我哋都唔係好記得叫左咩，侍應都會熱情嘅回應客人嘅疑問！仲有溫馨提示：有啲要盡快食，放耐咗唔好食嘅～😌係唔開心嘅時間，美食及服務令我心情瞬間好轉，陷入美食的幸福世界～雖然未試勻每一樣美食，但會再嚟食過！未食夠，但飽到食唔落，美食唯下次再嘆過！‼️：好～好～好～滿足☺️！！！希望能努力保持水準😚！