大本瀛日式放題

营业中

休息中

高質抵食放題，座位舒適，大部分係梳化座位，店員態度友善，會提醒有邊啲野食要盡快食，上菜同收碟速度亦算快。特別推薦刺身、手握及火炙壽司、卷物、各式料理、南亞風味同火鍋。刺身:泰式生蝦新鮮，配上酸辣泰式醬汁，非常惹味👍🏻馬刀貝比大部分放題嘅更嫩滑爽口，叫一次點會夠😋珍寶帶子都算大件，入口味道極鮮，推薦🤩手握壽司:黑松露劍魚腩壽司一上枱，黑松露濃郁嘅香味已撲鼻而來，劍魚腩肥美有陣陣油香。柚子象拔蚌壽司有清香柚子味，絕對有解膩嘅效果🤭火炙壽司:胡椒岩鹽燒左口魚邊壽司，左口魚邊散發香濃魚油香味，配合胡椒岩鹽，亦有中和油膩嘅作用。特式卷物•手卷:牛油果軟殼蟹手卷，軟殼蟹外脆內軟，加上牛油果，提升整體口感同味道層次。軍艦:三文魚籽軍艦鮮而唔腥，粒粒分明，食得出非常新鮮。紫菜係落單之後即包，所以食嘅時候依然非常香脆。冷盤小食:涼拌海帶運用多種香料製成，有椒麻香味，清爽嘅口感同樣有解膩之效。和風料理:清酒煮蜆嘅清酒味唔算太濃，蜆清甜味美而且無沙。火山溫泉蛋係溫泉蛋上加上特製甜醬油、蟹籽同葱花，特別開胃👍🏻一品料理:辣酒煮花螺唔算太辣，酒味都唔算太濃，其他調味料香味如香葉味道香濃。芝士黃金焗帆立貝有沙律醬

個個都話兆萬系劣食中心，但其實都有唔劣既餐廳。呢間放題之前都已經食過幾次，覺得性價比好高，但最近見佢Openrice出現勁多一式一樣既負評，於是決定去食，睇下系咪真系差左咁多。晚市20:30入坐｜$288 2小時任食刺身擺盤好靚仔，三文魚肥瘦相間厚度剛好，帆立貝、赤蝦鮮甜，馬刀貝爽口。全部都食得出好新鮮，無雪味、唔腥。份量真系寫幾多黎幾多，唔會亂咁比。壽司&手卷壽司感覺比平時放題既size大少少🤏🏿灸燒系列全部都做到入口即溶。私心推薦蒜香牛油三文魚👍🏻牛油果軟穀蟹手卷正常發揮～軟穀蟹系脆既。炸物&天婦羅&鐵板燒上枱夠熱，食落系脆既，炸粉唔厚。另外推薦鹽燒牛舌，勁重牛味，熟度剛好～熟食⭐️⭐️⭐️招牌炒蜆，必食之選，完全無沙，隻隻都有肉，調味好惹味！火鍋配料選擇唔多，每次只可以選5款配料，壽喜燒湯底甜甜地好正👍🏻肥牛偏瘦，但重肉味。食放題有得打邊爐，已經系bonus。雪糕款式多，有雪條、雪糕、雪米糍，款式超過10款。每人贈送一份既禮物入面仲可以簡MOVENPICK雪糕。野食太多冇辦法逐樣講，只能夠簡啲印象比較深刻既。我系平日夜晚8:30去食既，早到左少少見到爆晒場，入去之後所有食材依然供應充足

好耐冇食放題，今次約朋友食飯，上網見呢間餐廳都幾多好評，一於就食呢間日式放題啦！ 刺身放題必點😂刺身種類都幾多，我哋各樣都點咗啲，三文魚、油甘魚、赤蝦、甜蝦、珍寶帶子等等。最欣賞紋甲魷魚，鮮味得嚟夠爽口。 手握壽司黑松露劍魚腩壽司甜而不膩，花之戀係厚切三文魚，蟹膏珍寶赤蝦壽司夠鮮甜。 其他枝豆同清酒煮蜆都唔錯；芝士黃金焗帆立貝同秘製香蒜焗廣島蠔都係自家製，幾特別，又夠香口；紫心香芋丸有驚喜，外脆內軟，芋頭蓉唔會死甜。 要特別一提飛天通菜真係好好食！本身見到餐牌有一頁係南亞風味，心諗咁特別？點咗一碟飛天通菜試下，一試不得了！炒得夠火候，調味啱啱好，即刻encore！ 飲品同雪糕選擇都好多，椰汁奶凍同咖啡奶凍味道濃郁。加$10仲有movenpick雪糕添！ 好多時食放題由點第二轉開始已經瘋狂漏單，或者寫咗十件但嚟四件；但呢間完全冇呢個問題，每一張單都俾足。而且好欣賞侍應會因應客人進食嘅速度上菜，唔會一嚟就hur hur聲一次過擺滿成枱甚至擺唔晒。接單同換碟速度勁快，態度都非常好！

大家都知兆萬美食雲集，有大量既放題任食，如果諗唔到食咩最好就係去食放題！因為咩都有得食！又唔洗諗！同埋滿足到唔同人既慾望🤤🤤首先值得一讚既係d 員工好好，一坐底就提醒我地可以嗌左刺身先，因為唔洗等咁耐，可以快d 有得食😆😆刺魚擺盤好靚，有條鯉魚噴煙，打卡一流🤓📸同埋刺身質數都唔差，三文魚食得出唔係紅樽魚，d蝦同螺都好甜，馬刀背好爽，帶子大大粒！唔錯的😋當然唔少得食壽司🍣🍣佢個壽司擺盤係港女high tea🥰🥰超靚 好有心思，而且d 飯細細舊，唔會塞飽個肚仔，同埋d 壽司都好有特式，黑松露帶子，牛油果軟殼蟹都好好味🤩其次就係佢既熟食，真係好多元化，最值得一提係佢個羊架，d 羊騷味岩岩好🍗🍗牛舌厚切，煎得好好，炸物即叫即炸，上到黎仲熱辣辣，又脆！天婦羅更是不得不食，雖然d 蝦唔算好大隻，但好爽口彈牙，好甜🍤🍤骰子牛好有誠意，非常軟，同埋個薯仔係有煎香過🥩最後當然唔少得甜品啦！雪糕雪條都有，有韓國雪條🍭🍦🍨🍧仲有放題必食既糯米糍，另外佢甜品紙仲有中式甜品，仲係熱既！自家制奶凍都好好食，唔會太甜🥳太多美食，不能盡錄，而且飲品都好多，有氣無氣，有糖無糖都有！岩曬！✨✨

家人生日慶祝,又選大本瀛,因為這店食物多樣化,味道又好,久唔久來勁食也不覺厭。昨晚除了吃新鮮甜美刺身壽司及燒大蝦外,連火鍋也叫了,烏冬非常烟韧好味,吃到飽飽十分滿足。除主食外,餐前小食如皮蛋、泰式鳳爪、炒蜆也不錯。重點嘅生日蛋糕是喜出望外之作,有心思,加上音樂及服務員主動幫忙拍照,相當有氣氛又感動。曾試過同座其他放题店的刺身沙律蛋糕,我較喜歡昨晚的一個。加上沒有漏單,用膳的體驗流暢舒服。最後當然講下價錢,簡單明碼實價,沒有像某些店坐下才知放题也要逐樣'升级'收費,百貨遇百客,可能有人鍾意分级,過人則喜歡簡單清楚,進店便食食食。真❤️推介😋

一開始嗌了個刺身，吃了兩三口之後，難以下嚥，除了三文魚刺身和帆立貝之後，其他新鮮度都不足。 壽司方面也很一般，細細件，上得慢，連爭鮮既壽司都不如。刺身唔掂諗住嗌熟食會好啲啦，點知炸雲吞入面又炸到唔熟，得雞軟骨 雞翼正常。其次，餐廳經常漏單，寫咗幾次紙都冇來，個肥仔經理人仲話冇可能，有落單一定送到，唔講以為張單去咗平行時空。最後，個日係朋友生日去，生日專登黎幫襯你 連句happy birthday都冇，生日蛋糕都唔俾個，得嗰幾隻屎坑蠔，320蚊黎講質素真係搞唔掂。

$298 2小時任食超高質旺角放題大本瀛日式放題 (旺角)～～～～～～～～～～～～～～～～～～～～今次小編嚟到呢一間日式放題餐廳，從食物質素，食物種類及服務質素綜合性價比高，$298/位，由刺身，熟食，炸物，泰國菜，甜品，飲品，小食全部都任食。刺身種類非常豐富，包括鮑片、生蝦、北寄貝、油甘魚和三文魚，超過10多款刺身種類任食，其中小編最愛是厚切新鮮的三文魚刺身，口感肥美。壽司方面，最推介蒜香三文魚壽司，新出嘅吞拿魚壽非常出色，質地軟熟，入口即溶。熱食方面，炸榴槤，因為和鑊炒安格斯牛柳粒都很正。整體上菜速度很快，職員熱情友善，過百款食物任食，食物質素很讚，價錢又平。

女兒第一次取消費劵請食飯，聽同學們介紹去兆萬10樓大本瀛食放題。我先係open rice 搵電話訂枱，睇到很多負評時心感不妙，但仍然會相信同學仔的介紹，所以都抱著食咩都無所謂，最緊要可以聚餐相交的心態。於是打電話book枱，對方說話語氣態度好有禮貌，book 8:00pm，7:50分已經致電通知已經留了枱等我們來！8:00pm到達，只是等一陣就可以入座。當時全場滿座，出面好多人排隊，很熱鬧呢！一見到是寫紙仔落單，實在太好啦！我喜歡這種方式，而不是電子落單，寫半碗糖水，就真是比半碗，唔洗浪費🤭一填好紙仔，待應就已經意識到，手都唔洗舉就幫我們收走紙仔落單！落單一陣食物已經很快到齊，數量準確，而且份量預得好好，4個人每款食物都可以試到，最喜歡泰式生蝦和醬汁，酸酸甜甜好開胃很難得侍應有笑容😊又勤力，忙到甩轆 仍然主動幫我們換碟，無黑口黑面大大力掉碟！又主動回應，確實令人感到被款待，所以有時候open rice 的負評又未必完全準確的，差點被誤導😅 我們一定會介紹比朋友🥰

隊友去完日本唔夠喉, 話要食多轉日本野, 咁啱今日同隊友一齊Day Off, 所以嚟左呢度食日式放題! 呢度大部份都係卡位, 都算闊落唔會好迫最吸引我就係呢張C字枱, 同多幾個朋友嚟唔洗坐到遠一遠可以方便傾計一嚟到當然即時嗌盤魚生先! 魚生好新鮮, 唔會係未融雪成嚿冰咁嘅感覺, 我點咗三文魚, 油甘魚, 牡丹蝦 (好大隻好新鮮)等等..值得一提嘅係佢地好細心咁有埋泰式生蝦醬! 好多放題都會有泰式生蝦, 但係好多都冇泰式生蝦醬, 點咗呢隻醬真係如虎添翼天婦羅係即叫即炸, 嚟到熱辣辣, 好好食但好熱氣唔敢叫太多哈哈, 其他一份份嘅炸物都係新鮮炸起, 份量適中, 唔會太大份搞到食唔落其他野當你有個食肉獸隊友, 就會叫到一枱都係肉! 佢都話啲肉醃得好夠味, 幾好食!最後甜品我揀咗食木瓜雪耳糖水, 啱晒一啲唔想食雪糕食太多凍野嘅女士. 不過除咗呢樣其實仲有木糠布甸, 奶凍, 泡芙, 任君選擇, 仲有雪糕雪條雪米糍放題總括而言, 其實呢間放題質素一啲都唔差, 食物新鮮份量適中, 員工又好nice, 換碟換得好密😂 收碟又收得快, 唔會擺到成枱吉碟都冇人收! 最後2個人食左HKD550, 大滿

这家餐厅环境很好，非常干净整洁，食物不仅外形美观，重要的是味道超级棒，色味俱佳，菜品选择也非常多，每样都很好吃。特別是飛天通菜吃完之後又點了一份，香蔥燒鰻壽司也忍不住點了幾次，白雲鳳爪酸酸辣辣的很開胃，鹽燒牛舌也很不錯👍，紫心香芋丸還有榴蓮炸彈超級正！鹽燒雞翅也好好吃，人參雞湯也很好喝，冬陰功很好喝，刺身料理不僅新鮮擺盤還非常精緻。性價比也非常高。最主要的是服务态度真的超级好！吃得很开心，适合带着家人一起来吃。朋友說下次再來這裡放題。

📍大本瀛日式放題 (旺角)旺角西洋菜街1號兆萬中心10樓全層🍣刺身三文魚、油甘魚、吞拿魚、甜蝦、赤蝦、希靈魚同埋北寄貝🦴食落去好新鮮，大大件厚切，足單，送餐速度快🍲泰式豬頸肉、飛天通菜、金菇肥牛卷、板燒牛仔骨、香草燒羊假、燒菠蘿、炭燒雞翼、壽喜燒🦴熟食物品真係好多，各式各樣都有，全部都好好食，尤其壽喜燒同埋泰式豬頸肉。呢兩個真係一定要叫好食到呢！ 各式各樣嘅雪糕🍦，選擇種類超級凍，小編最鍾意芒果同埋芋頭糯米糍，唔小心各樣食左10粒🫣🔔總結：價錢黎講就真係好平，選擇都叫做還可以，地方闊落傾計好地方。地點⭐️⭐️⭐️⭐️⭐️味道⭐️⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️（5星為最高分）

這家日式食物放題餐廳的刺身種類非常豐富，包括赤蝦、甜蝦、帶子、北寄貝、油甘魚和吞拿魚等等，其中特別值得推薦的是厚切新鮮的三文魚刺身，口感非常鮮美。壽司方面，和牛壽司和火炙香蔥左口魚邊壽司也非常出色，質地軟熟，入口即溶。熱食方面，和風芝士焗廣島蠔和鑊炒薯仔安格斯牛柳粒都十分美味。和風芝士焗廣島蠔口感豐富，熱辣辣的好味道，令人回味無窮。鑊炒薯仔安格斯牛柳粒則是口感香口，肉質鮮嫩。此外，香草燒羊架和板燒牛仔骨也有不錯的水準，讓人食指大動。總體而言，這家日式食物放題餐廳提供的菜品種類豐富且味道出色，值得一試。無論是刺身還是熱食，都能滿足不同口味的食客。

今天去旺角兆萬行街揀左大本灜日式放題，環境也寬敞，晚餐放題每人 $288 1位再加一，決定一試😁刺身有三文魚，甜蝦🦐，珍寶帶子，吞拿魚多款選擇，每款刺身也好新鲜，口感柔滑，肉質细腻，且充滿著多汁和鮮美的風味😋流心芝士年糕🍢口感綿密、彈牙，而流心芝士年糕則將傳統的年糕搭配上芝士內餡，融合了甜和鹹的美味😝手拍青瓜🥒 青瓜咬下去十分清脆爽口，味道清新爽甜😋白雲鳳爪鳳爪吸收了滷汁的味道，口感嫩滑、多汁😋軟殼蟹手卷🍣融合了軟殼蟹的脆度與鮮美，外酥內嫩，捲入海苔，帶來豐富層次和口感😝醬燒芝士蟹棒壽司🍣而烤過後的醬燒芝士和蟹棒更是提供了一種香脆的口感😋鹽燒多春魚，鹽燒靖魚，鹽燒珍寶大蝦🦐烤至金黃色,肉質豐富，口感鮮美🤩黃金蝦🦐炸至金黄色,口感非常酥脆，蝦肉鮮美嫩😚壽喜燒牛肉鍋🥘鮮嫩的牛肉片和煮熟的蔬菜、豆腐等食材在熱湯的滋潤下一同煮熟，吸收了湯底的風味，散發出濃郁的香氣😋泰式生菜包新鮮的生菜葉作為外皮，內餡則通常由蔬菜、肉類或海鮮等食材組成，口感清爽😙泰式冬蔭功🥘以酸、辣、酸辣等調味料為基礎，以及一些香草和香料，味道鮮美😌甜品有木糠布甸，糖水，也有雪糕，雪糕糯米糍多款選擇😍整體得分: 4.5/5味道

今日老豆難得收早 大家都唔想煮飯 正好一齊覓食🤣 因為好耐都無食放題心血來潮就黎Happy Wednesday但原來平日放題都好多人 我地6:00去到 但都有7-8成full1️⃣刺身面對久違既刺身 第1 round馬上寫番兩盤😋有挪威三文魚、赤蝦、帶子、日本角螺、甜蝦、希靈魚、吞拿魚、鮑片、泰式虎蝦不得不讚 刺身厚切 啖啖肉 好鮮而泰式虎蝦刺身既醬汁同刺身又幾match👍🏻 酸酸辣辣 開胃醒神 虎蝦值得推介🤩2️⃣軟殼蟹手卷配料同飯比例相宜 白飯唔會喧賓奪主滿滿蟹籽配搭沙律醬 一貫手卷做法✅3️⃣鹽燒珍寶大蝦-幾欣賞呢道燒大蝦蝦身有食指咁長😋😋唔錯4️⃣和風芝士焗廣島蠔同香蒜煙肉焗北海道帆立貝🤭賣相方面廣島蠔會略勝一籌 5️⃣芝麻雞翼、炸雲吞、羊架呢度焗物 炸物 串燒都唔錯 芝麻雞翼係必點 雞皮外脆 內面肉質鮮嫩 但炸雲吞我係第一次放題會食🤔️反而老豆係食家 叫我試下炸雲吞感覺幾特別 雲吞皮外面酥脆 餡料係鮮蝦雲吞 肉質唔柴 仲有配搭檸檬醬 幾過癮 推介🌟羊架都燒得靚靚仔仔👌仲有鹽燒多春魚、金菇肥牛卷同燒菠蘿都唔錯👍🏻6️⃣甜品方面我地叫左南北杏冰糖木瓜燉雪耳同椰汁奶凍雪糕🍦方面有Coco Berry雲呢拿

同幾個同事一齊中晒伏既日式放題lunchtime要趕住開會 是旦就咁食左件三文治充肌 所以放工勁餓就相約幾位同事放工去食放題食番餐好點知就出左事🥲放題名物 刺身 d刺身好大陣雪藏味 真係搞唔掂三文魚重要未溶晒雪 真係omg.. 食入口係有冰既口感… 得幾款刺身可選 有兩三款都話無貨賣晒 本身預期係想叫一大盤打下卡再食咖嘛 想發洩下lunchtime要趕開會既不快😫😫另外 出餐唔知點解好慢🥺 放題唔係應該好快上餐既咩 當日無坐滿咖 明明重有好多吉位🥺成件事都好唔滿足 唔開心😫