大本瀛日式放題

营业中

休息中

臨近情人節，不想當天貴價和另一半食好d，決定早幾天放工後和另一半慶祝，放題可說是選擇，菜式選擇由刺身、壽司，到串燒、甜品應有盡有，齊齊食情人節大餐！店內裝潢也算雅致，是日式風格，任食刺身有挪威三文魚、希靈魚，有頭甜蝦，招牌泰式生蝦，北海道帶子、北寄貝、等大路選擇。除了手握壽司外，放題還供應火炙壽司和醬燒主題壽司。爐端燒是放題的一大亮點，有鐵板燒紐西蘭燒羊架、鹽燒珍寶大蝦、鹽燒牛舌、雞翼、板燒牛仔骨等選擇。炸物還有各式各樣的日式天婦羅、吉列炸廣島蠔、貓山王榴槤炸彈...等。如果以上食物都不對你另一半口味，還有招牌的壽喜燒牛肉鍋和泰式料理如冬蔭功、泰式生蝦等，總有一款得另一半歡心!呢度嘅飲品，款式多到要擺2個大雪櫃，有一般嘅汽水、無糖茶，就連韓式飲品都係任飲㗎！雪糕櫃就提供左雀巢雪糕杯同埋雪米糍，無錯！都係任食架！菜單就已經有A到K這麼多張，選擇困難症都要犯了，真的很想把全部美食都點一遍哈哈~刺身款款新鮮，份量是自己在紙上寫的，切就切得唔太大件，啱啱好一啖一件。勝在可以任食刺身，食極都唔夠喉，一於就黎一盆就落一張新單，要不停不停咁食呀！泰式生蝦還有正宗酸辣汁配上，超好味! 大推介！三文魚厚

受疫情影響，最近都很少出街食飯了，但朋友相約食放題，心思思又想食喎，咁就梗係出黎啦。到了兆萬的大本瀛，食中午放題＄198一位，食客不算多，不用等位。很肚餓，拿拿淋寫紙落order先，食物同之前來食時分別不大，刺身壽司一定唔少得，其他有串燒，鍋物，天婦羅，火鍋等等，一般放題店有嘅呢度都有，比較特別就係有泰式食物，炒蜆，冬蔭功湯等，唔一一list出黎了，即刻睇相仲好啦～刺身夠新鮮，三文魚厚切又肥美，帶子同甜蝦好鮮甜，螺片爽脆，加上擺盤又靚，啱晒打卡呀！壽司款式挺多，個人偏愛火灸系列，燒過啲魚油特別甘香。燒羊架也十分出色，香口滿油脂，濃濃的羊味好正，朋友同樣大讚呢。芝士焗蠔同蒜蓉焗扇貝，各有各特式，個人覺得兩樣都好好味。麵豉湯無乜特別啦，後面係飛天通菜，炒得幾惹味喎。豉椒炒蜆，即叫即炒熱辣辣，有驚喜喎，個汁好濃味辣辣地正呀，蜆亦肥美，可惜有幾隻有砂，扣分了。牛油炒雜菌，炒得幾香口嘅，後面係椒鹽雞軟骨，喔喔脆好食。燒菠蘿帶點酸正好解膩，仲有係豬肉生菜包，肉仲多過菜，包唔晒喎。天婦羅無乜特別，勝在新炸起個皮無淋晒。飲品款式幾多，仲有熱嘅生薑茶同柚子茶，但個人偏向凍飲，哈哈，個鼠年百氏罐好靚呀～甜

約朋友去食個晏，佢話出左bonus，想食豐富啲，響旺角，緊係要食放題啦，去左兆萬選一間叫大本灜嘅放題店食。珀丽酒店集团祝大家新年快乐身体健康！吉祥如意！心想事成！祝大家都有一个幸福和乐也融融的鼠年。飲品當然都係任飲，依罐百事可樂新年鼠鼠好鬼可愛，仲有無糖版，來自台灣的蘋果CC同不同嘅道地飲品等等。首先當然係刺身，壽司啦，我地就叫左三文魚，大粒帶子，鮑魚，帶頭甜蝦，希靈魚同泰式生蝦 等等！三文魚十分肥美，第一次同第二次點嘅都係腩位，平時出去食，腩位係會貴啲嫁嘛！大粒帶子係平時珍寶size,好口感之餘仲勁鮮味，希靈魚咬落short short聲，酸酸地又唔會好勁醋味！另外覺得必要點嘅係海膽花之戀，首先個頂有甘香嘅海膽同蝦籽粒被結實而又新鮮嘅三文魚片包著，叧外要介紹嘅係燒左口魚裙邊，佢除左逼左啲油份出嚟，仲有秘製醬汁同葱花搽左響魚面，色香味美！除了有不同美味日本菜式，仲有不少熟食，例如豉椒炒蜆，有wok嘅馬拉盞炒通菜同泰式豬頸肉，另一推介係佢嘅炸物，有炸雞軟骨，我至愛嘅炸香芋丸,芝士年糕，炸蠔同榴槤迷不可錯過嘅流心榴槤炸彈！點止刺身，炸物和美味熟食吖！仲有香港人至愛：打邊爐！點左地獄味（辣）

有一段時間沒有到兆萬食放題，今晚就相約朋友去旺角，來到兆萬中心有好多間選擇，這間正好有店員在宣傳，後來我們便來到10樓的"大本瀛"試試，今日我們來得早所以不用等位，直接入得添。餐廳分段時間收費也有不同，按時段入座起計120分鐘，分段時間都有幾多。每位預定的客人都可選擇，即開空運生蠔/海膽刺身/特色雪條，其中一款。而我選擇了海膽，鮮甜Creamy，海膽味濃郁。店員十分有禮，提示我們，點完曬點餐紙的食物後，他會幫分開次序上菜，十分細心。先來點刺身：挪威三文魚、章紅魚、有頭甜蝦、泰式生蝦、赤貝、珍寶帶子。師傅的擺盤十分精緻，像冰雕一樣，珍寶帶子清甜細嫩，挪威三文魚章紅魚厚身肥美，有頭甜蝦粉嫩鮮甜吸引，泰式生蝦蘸上香茅汁更美味。餐前小食：胡麻豆腐、手拍黃瓜、芝麻八爪魚。壽司也有多款選擇，我喜歡火炙系列壽司：我點了火炙京蔥三文魚、火炙香蔥左口魚邊壽司和蒲燒鰻魚壽司。卷物手卷我點了： 香蔥和牛卷、黑松露三文魚拖羅蓉卷、海膽花之戀、軟殼蟹手捲。黑松露系列壽司不容錯過。泰國風味：我點了飛天通菜，還有多款想試，眼寬肚窄要留待下次再試。和風料理：清酒煮蜆，蜆肉肥厚帶清甜酒香，加點青蔥調味，清新香口。壽喜燒

我平日最中意食日式野，放題更加可以放肆咁食。行過兆萬諗起朋友講過間大本瀛就上左去試試。第一次沒比個朋友水到真心好食。上到去比禮貌仔店員帶去卡位坐。好闊落多幾個人坐都仲得。落野食有成過百樣比你擇，吾洗擔心冇野啱。日式野緊要叫刺身、壽司、一品料理、天婦羅等。刺身要嘅款項佢都有，壽司更有火灸嘅食，有濃郁鰻魚醬汁嘅蒲燒鰻魚壽司，醬燒芝士蟹棒壽司上面半溶化嘅芝士簡直令人欲罷不能。天婦羅炸蝦基本要叫尼食，除此之外仲有炸玉子同炸多春魚，完全吾會厚粉咬落都唔會炸到乾爭爭，連椒鹽雞軟骨都一樣夠入味，還滿滿一坐小山的給你。依度連爐端燒都有今次叫了有機燒菠蘿同金菇肥牛串。燒菠蘿要燒出少少蕉香提升菠蘿香氣，外層要燒乾鎖住菠蘿汁，一咬落去真係夠水潤。至於燒肥牛令肉汁滲入金菇，而金菇本身有咬口令每次咬落去都令肥牛肉汁再次口中散發。如果想食拉麵/烏冬有張和風料理就啱曬你。但我地今次想試下清酒煮蜆同味噌湯。清酒煮蜆淡淡的酒香令蜆嘅鮮味更加突出。海帶味噌湯不會太鹼正合小編心意。終於到了最緊要嘅甜品時間，除了雪櫃中可以任食嘅雪糕之外，店員會額外有甜品纸可以讓你選擇。今次選了手製3.6牛乳奶凍和朱古力泡芙。今次試唔曬等下次

農曆新年快到了，放左工和同事去旺角辦年貨，行到又餓又攰，剛好來到兆萬中心，即刻諗起食放題，同事推介大本瀛日式放題，因為佢地D食物質素唔錯，刺身又新鮮。店內以卡位為主，坐得都好舒適。急不及待來一盆刺身先，肥美的三文魚、大大隻又鮮甜的有頭甜蝦、鮮美的珍寶帶子、爽口的赤貝和泰式生蝦、還有希靈魚、鮑片等都鮮味十足。火炙壽司做得唔錯，火炙京蔥三文魚壽司，燒過的三文魚迫出更多的魚油，加埋京蔥，魚脂更香濃。醬燒芝士蟹棒壽司和蒲燒鰻魚壽司都好惹味！香蒜煙肉焗北海道帆立貝，帆立貝鮮甜，煙肉有口感，蒜香味濃。和風芝士焗廣島蠔，廣島蠔新鮮冇腥味，用芝士焗好夾好好味！鐵板燒紐西蘭羊架十分鮮嫩，有香草香味，沒有羶味！鹽燒鯖魚燒得皮香肉嫩。鹽燒珍寶大蝦，大蝦新鮮，燒好後灑上一些鹽吊味，蝦肉好彈牙。海老天婦羅香脆爽口，天婦羅甜薯，又脆又甜。招牌炒蜆，蜆肉鮮嫩冇沙，醬汁惹味！日式花蟹粥，粥底綿滑，味道鮮甜。飲品和甜品都是任食。

朋友生日，又有藉口食放題。 揀咗中午時間人少啲抵食啲。揀咗呢度因為好抵食而且可以任食三個鐘， 主打日式，泰式。飲品櫃有各種罐裝，盒裝，樽裝飲品自取～先試佢嘅壽司， 炙燒三文魚， 鰻魚很肥美， 壽司飯正常唔會太濕或者太硬👍刺身擺盤唔太靚～😀唔知係咪因為漏咗啲帶頭赤蝦。 北寄貝夠爽， 帶子细细隻不過都好鮮甜！赤蝦好大隻～海膽花之卷～ 材料夠曬豐富！跟住試佢嘅熟食， 芝士沙律焗蠔，蒜蓉焗帶子。兩款夾雜醬汁也很美味😋👍蟹粥夠棉夠鲜甜， 材料真係有蟹,，竟然 encore 了! 羊扒也很讚！ 夠嫩滑又唔會羶， 仲煎得幾香口！牛柳粒偏鹹，不過很惹味。清酒煮蜆， 部份有沙。 豉椒炒蜆，很有鑊氣。鹽燒海蝦， 蝦肉也征鮮甜彈牙👍😋其他串燒也是熱辣辣！甜品有雪糕和雪米糍， 每款试一樣就很滿足！還有好多美食未能盡錄也能夠空間試，$188 可以慢慢歎3個鐘真係夠曬爽～

又到左年三十周圍中菜餐廳都滿哂所以今年決定食放題其實都好耐無食過放題啦所以都想搵間質素好少少既喺旺角見呢間都比較多人好評就一於黎試下啦六點幾黎到好在唔洗等位如果唔係就餓親寶寶了一入到門口個飲品櫃好多選擇，雖然怕肥不過都揀左罐70%朱古力奶台灣架，之前都未見過，飲落又真係幾甜講返食物啦，d刺身都算新鮮揀左三文魚，北寄貝，馬刀貝，赤貝，八爪魚，帶子，玉子最好食既係帶子，細細粒又幾有鮮味赤貝馬刀貝唔係間間放題都有食落好爽口唔腥為免食飯食飽曬，我地只係揀左幾款壽司🍣黑松露火炙三文魚同左口魚壽司唔錯軟殼蟹手卷都幾脆口然後就黎左d炸物天婦羅蝦新鮮炸出黎好鬆脆炸榴槤球好香，岩曬我呢d榴槤愛好者炸蠔都大隻跟住唔少得燒物啦揀左鐵板燒同串燒牛舌串燒好食，鐵板燒比較鹹翠玉瓜幾好食，燒虎蝦好大隻放題有呢個質素既蝦好滿足燒菠蘿就少少酸除左日式食品，呢度仲有幾款越泰式食品揀牛油雞翼好香脆，非常有罪惡感。生菜包同冬蔭公都可以炒通菜就同泰菜店差不多質素甜品揀左奶凍，木糠布丁同迷你心太軟奶凍奶味濃可以一試走既時候好多人等位大家記住book位

大本瀛應該係我食過甘多間日式放題最好食個間，當然食物款式種類黎黎去去都係個幾款唔差得遠，但佢比較出眾既係佢d熱盤上枱既時候真係仲熱既，所以今次想主要介紹佢地既熱食。而且店員個個都好nice好好服務，完全唔會有貼錢買難受既感覺岩鹽燒牛舌no.1既當然係黎個鹽燒牛舌，剩係睇返張相都已經好回味，燒完牛舌表面都可以保持住甘juicy，食落有少少燒烤香味飛天通菜no.2就係飛天通常，平時放題食得多就係牛油雜菜，黎到反而有飛天通菜，熱辣辣好惹味，完全食得出佢有鑊氣韓式人參雞湯no.3就係人參雞湯，雖然佢唔係真係好似係出面韓式餐館食甘有隻春雞有糯米飯，佢只不過係人參味雞湯，不過佢值得一讚既係雞湯夠濃，人參味好足，最岩我黎d平時好少有湯水飲既人仲有冬陰公

上次行過兆萬中心，見到大本瀛嘅廣告牌，好似幾多嘢食，價錢又唔貴，所以今日就約咗爸爸嚟食午市放題。十二點嚟到剛剛開門，已經有唔少人，幾受歡迎。座位好寬敞，兩個人嘅座位，闊落到可以坐四個人。餐牌極豐富，除咗一般放日式放題會有嘅食物之外，仲有泰式，韓國菜都有。店員都幾勤快，會主動收點菜紙。首先，當然食下刺身壽司，我覺得刺身都幾新鮮，而且畀得足。壽司就好多唔同嘅款式，有一些味道好創新，有新意。 我仲食埋花蟹粥，因為食完啲凍，嘢食啲暖嘢可暖胃。食完粥又飲番碗人參雞湯，好滋補，啱曬冬天，人蔘味好濃厚🤤🤤

一行三人係晚上7點入座，講明係120鐘任食。但不到一小時就已經不停問重有冇野未黎，重使唔使加單，最後更叫我地埋左張單先。簽單後就直接叫前枱講我果枱出緊黎。食放題食到咁都係第一次！

旺角兆萬中心一向都好多放題選擇今次試吓呢一間大本瀛😌午市時段 食足3個鐘都係$188😱餐廳座位算闊落亦都好有私隱度長枱絕對唔怕太多嘢食唔夠放😃.餐廳刺身同壽司都有唔少選擇推介🌟珍寶帶子🌟赤貝🌟八爪魚🌟泰式生蝦🌟黑松露珍寶赤蝦壽司🍣🌟黑松露三文魚壽司😋🌟蒲燒鰻魚壽司🌟海膽花之戀刺身鮮甜味美😋.熟食方面encore左兩次嘅韓式人蔘雞湯😝人蔘雞湯味道濃郁 冬天飲用夠晒滋補😌好少放題有得飲🤗.另外仲有可以食火鍋🍲😍推介🌟壽喜燒牛肉鍋🌟火山溫泉蛋壽喜燒牛肉鍋份量十足！已經有基本火鍋配料 溫泉蛋😍肥牛 雜菌 雜菜🥰熱辣辣 夠哂滋味🔥.仲有各式炸物🍤🥟全部新鮮酥炸 脆卜卜推介🌟台式椒鹽雞軟骨🌟花枝丸🌟吉列帶子🌟酥炸吉列蠔🌟天婦羅多春魚.最後食埋甜品雪糕同豆腐花已經飽到不得了🤣咁抵嘅價錢食到咁多野 絕對值得一試😋😋.✅大本瀛日式放題 (旺角)🏡旺角西洋菜街1號兆萬中心10樓

星期日晏就，跟朋友去了位於兆萬中心既大本瀛食日式放題；好耐冇去過，吾知食物質素有冇改變呢？餐廳環境不算太大，差吾多全部是卡位的；所以坐落吾會覺得好逼啊！而服務方面，職員很有禮貌，值得加分！刺身類：餐廳既刺身到達足足13款，相信實有刺身岩大家口味。挪威三文魚厚度剛好，味道帶少少魚油鮮味；有頭甜蝦味道甜甜地；泰式生蝦帶少少辣味；馬刀貝及赤貝爽口；日本角螺有口感；各款刺身吾腥啊！火灸壽司類：我們點了其中三款火灸類。火灸京蔥三文魚是半熟狀態，入口慢慢溶化的口感；醬燒芝士蟹棒味道甜甜地，更有芝士既香口味道；火灸香蔥左口魚邊口感帶少少爽口，味道不錯！鹽燒珍寶大蝦：蝦size的確比平常大，肉質略實肉；但當中帶了蝦腸，有點先有沙的口感。椒鹽雞軟骨：雞軟骨雖然是炸，但感覺吾會太油膩。雞軟骨口感吾會過硬，同時又有適當既口感，值得一食！海老天婦羅：雖然天婦羅蝦外觀好似好細隻，但口感爽口；再配合醬汁味道好夾。貓山王榴槤炸彈及紫心香芋丸：榴槤炸彈是朋友所食的，榴槤極為濃郁；香芋丸甜甜的，幾好食。鳳尾蝦春卷：春卷口感極香脆，同樣地又吾會覺得太油；當中是蝦肉，味道不錯！甜品：除了雪糕外，還有甜品紙可以點的。個人特別

本身諗住同屋企人慶祝就揀咗一間附近喺旺角嘅放題係OpenRice見到呢間幾多人like就係OpenRice book咗夜晚7:30一去到已經覺得服務態度十分之好去到嘢食亦都十分之好食以呢個質素來講呢個價錢真係抵到爛而家有八五折差唔多$280一個人左右自己覺得最好食嘅係虎蝦刺身生蝦刺身，燒牛舌同埋燒冬菇呢間食店有樣嘢最好就係每一樣嘢食基本上都係熱辣辣送到上枱嘅 絕對冇食物唔熱呢個情況出現漏單嘅情況亦都十分之少老闆亦都10分關懷體貼走之前亦都請咗我爸爸食多一條雪條氹得佢老人家好開心 總括而言10分抵食服務態度10分良好呢個價錢完全比得上大喜屋完全推薦比大家

大力推薦放題]👍🏻👍🏻👍🏻lunch，抵食！time 12:00-16:00任食任飲3小時，內裡有刺身，壽司，火鍋，泰國，燒物，小食，熟食，炸物，甜品等。❤️最重要係吾嘈雜，一班朋友食飽飽又可以聊心既好選擇，而且職員都好有禮貌👌🏻滿意丫負責人話佢起旺角無轉過手做左4年左右👀算係老字號放題店🤔信心同做得好既保證本人比較喜歡幾款食物1️⃣飛天通菜2️⃣刺身👈🏻當然吾少得3️⃣鹽燒珍寶大蝦4️⃣黑松露珍寶帶子壽司5️⃣天婦羅多春魚味道 : 7.6/10價錢 : 6.7/10環境 : 8.2/10回頭度 : 7.8/10♥️人均消費 : $200以下⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️大本瀛日式放題旺角西洋菜街1號兆萬中心10樓