大本瀛日式放題

营业中

休息中

旺角一向食嘢選擇多。朋友今日揀左係兆萬嘅呢間放題。呢度係用紙筆落單的，食物選擇都ok，有兩個雪櫃嘅飲品🥤和兩個雪櫃嘅雪糕🍦。份量亦算唔錯，可能知大家每個款式食得唔多，可以逐件叫，如果一份份的，份量亦唔多，咁就唔駛浪費，又可以食多啲款式👍🏻食物質素不過不失，ok啦👌🏻卡位都算坐的舒服，見有人生日餐廳有播生日歌😄要讚嘅係服務一流，服務員常常收碟和換碟，都有一次漏單情況，但又好有禮貌咁覆返，問我哋可唔可以再落單。

好好味 刺身放得好靚呀生日又好聚餐又好 都係一個好選擇 好多款食品可以擇 上菜又快 地方乾淨 服務都唔錯👍🏻XD最梗要係就腳 旺角市中心 無預約都係等左一陣 就入得去 非常之好

我相信好多香港人呢排放假都會返大陸消費，貪佢商場大多嘢玩食嘢又平，種類又多。但係因為今日放假，要去複診做物理治療，所以留咗喺香港，就唯有喺香港消費啦😂今日出到旺角去咗一間日式放題，野食款式都幾多而且刺身熟食各樣都幾新鮮認真要推介大家。刺身<4/5>佢哋刺身款式唔算特別多，有三文魚，油甘魚，赤蝦，甜蝦，北寄貝，帶子嗰啲款都有齊，但係全部刺身都好新鮮，三文魚大細恰到好處有光澤👍，而且啲赤蝦全部都有剝咗殼，全部蝦蝦線都清得好乾淨，非常貼心🥹燒物<5/5>佢哋嘅串燒係我比較推介嘅一環，鹽燒海蝦隻隻好大隻肉質爽口🦐🦐，翠玉瓜燒出嚟好香好多汁💦鹽燒牛脷超好食🤩🤩炸物<3/5>佢哋嘅炸物款式都算OK，自己比較鍾意食榴槤炸彈，聽佢哋講啲榴槤炸彈係馬來西亞進口，所以榴槤味特別香，至於啲天婦羅炸唔算太厚，不過可能係炸定，所以正正常常啦。小炒<5/5>我想講佢哋啲小炒可以話呢間放題係一間被日本野耽誤咗嘅大排檔😄，全部小炒都好有鑊氣，炒通菜，炒牛柳粒，炒蜆我最鍾意，全部都有好有大排檔風味👍👍👍甜品飲品<4/5>佢哋嘅甜品同飲品款式

食物落單後好快送到，服務員個個都好有禮貌，細心貼心，今時今日服務態度值得一讚再讚👍👍👍👍👍👍，任飲罐裝啤酒都主動提供啤酒杯仲幫我倒入杯內享用，比起國內更有水準，刺身樣樣新鮮，生蠔就麻麻唔肥（可能唔係時令），牛舌厚簿都好味，每樣熱食都熱辣辣送到我哋面前，好有質素，雪榚雪條我哋本來想出去拎，服務員聽到就立刻集齊哂種類送到我哋面前任我哋選擇（當時仲係全場滿坐，個個超忙碌）見我哋自拍又主動幫我哋影相，我一定會介紹朋友嚟再幫襯

美國朋友終於搵到8-9年前食過的呢間餐廳！失而復得，4日去左兩次。店內乾淨，氣氛好好，員工開心又友善。老闆們親力親為，仲抽時間同我地傾左一陣，佢地真係用心去做好兩間餐廳！（新店喺香港仔）講真好久違呢種香港人情味。食物方面，性價比極高，最鐘意刺身，份量大又新鮮，壽司，燒菠蘿，芝士糯米球，羊架，同炸雞軟骨。其實一次食唔哂成個菜單，2-3次差不多，哈哈，下次再黎！大家可參考其他真實食評，大家真係食得開心，多回頭客。🍨雪櫃的飲品同雪糕雪條都好多選擇。加40蚊可以包Orion draft beer， 清酒同plum wine任飲，好良心價。食完開心，心裏更開心！真實食評，比大家參考。祝老闆繼續生意興隆，有溫度地經營呢間咁正的日本放題！下次回港再見，去埋你地新分店！加油，支持！

這問放題已經不知道幫襯了多少次，有令人賓至如歸的感覺，食物要寫紙入單，食物出品快而且甚少漏單，飲品選擇也ok多，食物也新鮮好味，出得最快的是刺身，也有手卷都好好味，有甜品紙的，但不在坐位上，要問職員取的，通常差唔多食完，職員便會遞過來的，職員有禮而且十分主動幫忙，試過手有掂到油漬，他們巳第一時間撕左張濕紙巾比我，見佢哋行來行去好忙但原來都會睇到客人的需要，真的很快手而且收碟都好快，幫襯了都至少5次以上，如果想食放題，第一時間便會想起這一間，除咗食物之外，職員的服務態度也是我想再次幫襯（利申：並沒有收過任何試食，試飲，或者任何不需要付款的利益）

大本瀛日式放題係一間好正嘅餐廳👍🏻👍🏻，真係物超所值。食物選擇都好多，有好多款新鮮嘅壽司同刺身，而且仲有唔同種類嘅軍艦同手握壽司。每一樣都好新鮮，質素都好高😆😆。仲有好多熱炒菜式，薯仔牛柳粒同黃金蝦🦐都好好食。佢哋嘅服務亦都好好，服務員好友善，而且好樂於推薦餐廳的唔同美食😉😉。用餐過程都好愉快，上菜速度快，等唔到好耐。整體嚟講，大本瀛係一間值得推介嘅日式放題餐廳😁一定會在去！👍🏻

識飲識食嘅，我成日周圍食嘢，今日嚟到而家喺兆萬中心嘅放題唔係講笑真係幾正，應該係話CP值超高餐廳環境⭐️⭐️⭐️係一間唔算好新嘅餐廳聽佢哋同事講都開咗10年，有裝修過，不過見啲牆身係有啲舊，但係坐落去都算闊落。刺身壽司⭐️⭐️⭐️⭐️刺身種類都算多，三文魚色澤分明有油光夠到夠新鮮，厚薄適中唔會話因為係放題所以薄切切。赤蝦好大隻，佢哋仲會挑埋腸，乾淨衛生，唔會食到一口沙。珍寶帶子都好大粒唔會好似出面啲放題剁到碎晒。。其他壽司款火炙壽司樣樣都好食，作為壽司控既我每樣都食咗兩件，其他軍艦紫菜都好脆身唔係腍啤啤。熟食方面⭐️⭐️⭐️⭐️⭐️燒海蝦好大隻啲同事講話係用虎蝦，我相信好少放題會用到，肉身爽口，簡簡單單用海鹽燒已經好好食。另外要提一提個燒牛舌，我想講係未食過一間放題嘅牛舌咁好食，入味之源唔會好乾身燒到啱啱好。羊架都好大件同埋啲同事會好細心提你趁熱食唔係會show好貼心。仲有其他炸嘢同其他放題都差唔多啦，大致一樣樣唔使特別講。服務⭐️⭐️⭐️⭐️⭐️呢度嘅服務係好貼心，每一個位置都好到位，例如食蝦嘅時候佢哋會主動遞紙巾比客人。啱啱坐低佢哋亦都主動拎汽水俾我揀未試過有一間放題會連汽水都攞埋俾你揀，我見到佢哋有啲其他客人生日

呢間大本瀛日式放題餐廳是一個朋友推薦的寶藏，我起初對此半信半疑，但一試之下，果然名不虛傳。這裡的性價比超高，全場均為卡座，預訂時更有驚喜贈送生蠔和海膽。刺身新鮮到讓人驚艷，特別推薦珍寶赤蝦、珍寶帶子、油甘魚、泰式生蝦和三文魚，每一口都令人滿意。刺身師傅的用心和技巧更值得讚賞，不僅味道出色，擺盤也相當用心。至於熟食方面，羊架、牛仔骨、鹽燒牛舌和鹽燒海蝦都是絕佳之選。除了日式料理外，還提供泰國菜，如泰式飛天通菜、泰式炒蜆、泰式炒青口和冬陰功湯，口味酸酸辣辣，令人回味無窮。上菜速度快，員工服務有禮貌，不斷為客人換碟，下次我一定會再來光顧。

款式好多，有刺身、壽司、串燒、天婦羅、一品料理、爐端燒、南亞風味美食、火鍋等，店員上菜快手。🔹️刺身🦐🐟有赤蝦、珍寶帶子、挪威三文魚、北寄貝、日本角螺、泰式生蝦等，好新鮮🫶🫶🔹️壽司🍣花之戀、金龍卷、鐵火卷、牛油果軟殼蟹卷，都好特別呀。🔹️串燒/燒物/天婦羅/一品料理🍢🍤鹽燒珍寶大蝦好香口，芝士黃金焗帆立貝、香蒜焗廣島蠔、天婦羅等幾好。🔹️飲品🥤甜品🍧雪櫃有大把選擇🫶🫶

經過兆萬樓下見到佢哋嘅員工不斷推介這間餐廳還給我一張九五折的傳單，見食物都幾豐富，就決定上去試下，入咗門口已經俾個侍應用不肖嘅眼神對望左3分鐘，可能係我哋太夜入座既關係，不斷聽到壽司嘅師傅嘅對話，不斷係咁話叫我哋唔好食，但係之後見到有個佢哋類似經理嘅男人不斷叫我哋坐低，我哋唯有照食👍第一盤刺身一上枱嘅時候我望到真係呆咗，三文魚黑色之餘，仲要係有少少臭腥味，其他中規中矩啦，小炒既食物全部都咸到苦嘅，汽水都飲咗三罐先解到渴😡最後我哋食咗幾樣嘢，決定埋單走人落樓下食撈麵 ，真係奉勸大家一句千祈唔好喺九點後過嚟呢間餐廳度食嘢會有意想不到嘅驚嚇👎

離晒大譜！一上到去已經聞到勁大浸up味臭味！坐低嘅時候見到周地都係垃圾！d碟同碗又油笠笠！真係頂唔順！問個店員可唔可以坐房佢又話無！明明聽到佢地話執緊！轉個頭又話無！d刺身明顯個色澤又唔新鮮！佢地嘅生蠔仲要勁腥！未食齋聞已經想嘔！d燒物又燶！都唔知點解燒燶到黑色都可以照上比d客！真係唔知以為自己喺垃圾房食緊野啊！以為食緊廁所放題！連小小嘅衛生意識都無學人開餐廳！叫人點食野啊！衛生都做唔好 真係離譜😡😡

今日再來食放題，特別為兩位朋友慶生。兆萬的大本𤅀已幫襯多次。食物質素和服務一如以往都非常好，晤明點解有咁多負評。第一次揀呢間係因為佢可以任揀用餐時間和任食三個鐘。其它放題店要指定時段, 加上店員服務好好，亦是加分原因。今次一行11人，老板已叫不用點刺身，會為我哋先安排各款刺身大船食住先，然後我哋再揀其它食物。所以可以即刻有得食，再慢慢揀其它。特別推介：燒牛舌、燒翠玉瓜、泰式刺身蝦、三文魚、炸年糕、大頭蝦刺身等。仲有軟殼蟹手卷和各類刺身都好新鮮。店員不停為我哋換碟。order紙沒有漏單。另外生日的朋友會送上木糠雪糕蛋糕和插上煙花蠟燭增加氣氛。

呢間大本瀛真真心推介😁😁呢間大本瀛真係好正😆😆！佢係一間日式放題，我去過之後真係非常有驚喜！首先，佢嘅服務真係好好。員工好友善，笑容滿面，好有禮貌。佢地好細心地照顧客人，隨時問我地有咩冇需要，確保我地嘅用餐體驗愉快。其次，佢嘅食物質素都好高。佢嘅日式放題菜單非常多樣化，有新鮮刺身、壽司、炸物、燒烤等等。佢嘅刺身又新鮮，新鮮到令我都捉唔到字形咁形容。每一口都令我口感滿足。炸物同燒烤都非常好味，外脆內軟，口感豐富。最鐘意尼度啲羊架😍😍真係必食！最後，佢嘅價錢都好實惠。相比其他日式放題，佢嘅價錢係相對有性價比😉😉 食得好飽又好味 ！總括而言，呢間大本瀛日式放題，真係好值得一試！佢嘅服務好好，食物質素又高，價錢又實惠。如果你係日本料理嘅愛好者，一定要黎呢度試下啦！我絕對會再去光顧呢間餐廳👍🏻👍🏻👍🏻

平時都食開放題，最鐘意都係呢間，大本瀛日檯放題🤣🤣 呢間放題除咗一邊放題有嘅 刺身壽司，串燒炸物，佢仲包埋泰國菜🇹🇭同埋火鍋😆一次過食晒幾樣嘢！呢度嘅泰國菜水準普遍都好高，尤其係個冬陰功，酸酸辣辣非常開胃！炒青口也是我摯愛，非常有鑊氣！尼度服務都好好，換碟數度非常快！店員唔會有機會俾你張枱有污糟碟🤣🤣 同埋會主動提供乾濕紙巾，汽水飲完都會主動在幫我攞多罐😊😊非常貼心！價錢都好合理，中午去食每個人都係二百幾，時間可以去到六點，同朋友食飯傾偈一流😉😉