大會堂美心餐廳 (已結業) 查看

向來最愛吃焗豬扒飯, 早前知悉它的卡路里之高, 很驚人, 但當你好愛好愛一種食物的時候, 偶爾放任一下, 又何妨? 又不是着你三天兩頭吃一次, 為甚麼要斤斤計較呢? 匆促一輩子, 總不成時刻計算, 天天虧待自己的肚皮。每逢去到餐廳, 總會瞄一瞄餐牌有沒有焗豬扒飯, 若然看見的話總是忍不住要點。有時,甚至很"佩服"自己, 對一種食物的情結, 同時亦很"佩服"自己是這麼悶的一個人。吃進肚子裏的焗豬扒飯多不勝數, 要數最愛, 當真要數 City Hall Maxim’s Café 的了。她沒有跟別處一般標榜 "一級" 或 "大師" 級數的焗豬, 反而, 她只是輕描淡寫的以 "經典" 二字來吸引食客。就是經典二字, 把我吸引住了。就在一次無心插柳的情況下, 給我發現了地上最強的焗豬扒飯。這兒的"經典焗豬扒飯", 附送一只 太陽蛋。 當你刺穿蛋黃, 將之伴勻炒飯以後, 蛋香撲鼻又黏黏的炒飯送進嘴裏, 你會知道廚子的功力。炒飯絕不欺場, 粒粒皆乾身, 沒有因為茄醬的存在而蒙混過去。不過, 要數一絕, 當然不能忽視主角之一的豬扒了, 豬扒肉質夠嫰滑, 絲毫沒有乾涸和"鞋"口的感覺, 肉質口感剛剛好

裝修後第一次來,覺得….吓?點解裝修後,格調低左,成間公司飯堂咁既!?卡位沒改動,整間餐廳光猛左,櫈就變左茶餐廳櫈。幸好食物保持水準。餐湯:洋蔥湯,以前湯上會放片焗法包,而家無左。不過依然好味!洋蔥煲到完全出晒味,加埋調味/味精、芝士,真係好濃味。我從是日午餐揀左鴛鴦魚柳扁意粉$92。三文魚&龍脷柳都煎得相當香脆!不過,失分既係,用了白汁。仲要係先擺意粉、擺魚、再淋汁,賣相係靚,但會泡腍左香脆魚面；而且汁滲唔到去意粉度,乾爭爭,無味。意粉又多,無味,點食!?早知唔改啦!之前諗住食蝴蝶蝦雞扒$78,仲可自行配蒸薯=焗薯,或薯菜tim!我影埋其他同事食既野,for大家ref。

座落中環大會堂的西餐廳，價錢唔算貴，約一百元一份晚餐，食物質素不俗。雜錦海鮮：有蝦、斑塊、魷魚、青口等，味道無乜特別。肉眼扒：火喉控制OK，但肉眼味道不夠香濃，屬中價之作。焗茄汁芝士豬扒飯：掂！既有茄汁嘅酸甜味，又有芝士煙韌起絲嘅口感，好食。豬扒本身也做得不錯，肉質幾腍，可以推介。鮮蝦扁意粉：醬汁同樣煮得好味，可以一試。火焰雪山：外層是蛋白，內裡是什果、蛋糕及朱古力雪糕。食前淋上Rum酒，待火焰熄滅後，外層蛋白還夾着淡淡酒香，外熱內冷，感覺奇妙。意大利奶凍：幾香奶味，唔算好甜，OK。焦糖燉蛋：普通喇。

今日咁啱去到中環食晏，事前冇BOOK 枱，一點鍾高峰時間到，但係好好彩，搭2有得入閘。由於有朋友準時2點番到公司，所以穩陣起見，叫左是日3款SET LUNCH 其中之一0既燒牛肉配焗薯 (諗住要散叫MENU 會好晏)。我地1點3/4 落單，可惜要到1點10我個MAIN COURSE先黎到，朋友個MAIN COURSE仲要1點11先到，最後朋友同個MAIN COURSE 緣慳一面... ... 雖然個MAIN COURSE 係好~~~遲先黎，黎到0既時候心情真係大受影響，因為當時壓力真係好大，驚會因為呢餐飯令朋友遲到。但係食到0既時候，味道以為賣相總體尚算稱職，其中個牛肉都算係幾有水準。如果係揀窗口嗰排位0既話，仲可以睇倒大會堂註冊處嗰邊0既風景。如果係夜晚情侶黎慢慢食0既話，相信係一個唔錯0既選擇。控制MAIN COURSE係今次最美中不足0既地方，如果想試下食晏0既話就要預番多D時間喇，如果食晏時間太少0既話，我認為真係最好唔好揀呢度。

是夜在大會堂看法國五月的演唱會,時間緊逼,晚飯地點要就腳,唯有在大會堂內的"美心西餐廳".未夠七點,餐廳已經差不多坐滿,等了一會才能入座,在座大多人,也拿著本法國五月的booklet,相信也是同我們一樣,食完飯去看演唱會.算是高級版的"美心",走懷舊路線,餐牌上的菜式,基本上同外面的豉油西餐廳的沒有兩樣.也是一些鐵板扒,海南雞飯之類的選擇.餐廳的牆上貼上一些經典電影海報,如北非喋影,亂世佳人同占士甸的阿飛正傳.看著餐牌,也是點套餐最為化算.既然是法國五月,便來個"諾曼第"海鮮餐,一於捧法國捧到底.E小姐便要個羊扒餐.先上的是餐湯,忌廉磨菇湯經常喝到,外面很多茶記,豉油老西餐廳,做得又稀又沒有味,這夜喝到的,水準算是不俗.起碼質感適中,喝下去亦不是淡如開水.諾曼第海鮮相信只是賣綽頭.不到$100一個餐,碟上的海鮮,點也沒有可能在法國空運過來嗎?魚肉煮得有點老,魷魚咬下帶點齦,青口是本地貨色,鮮味自然不夠.全碟最吸引的是吸了汁的薯仔.E小姐的羊扒,良久也未上桌.原來餐廳一早做到,蓋住放在水吧上,放了十分鐘也未有人送上來.上到桌,已經不是新鮮熱辣.小弟小試一件,沒有羊味,肉質粗鞋.E小姐說只

(15/10/08)這是一同事的飯堂,所以佢熟晒「規矩」,Lunch 預早book位。這裡的餐湯款式特別多。羅宋湯、粟米忌廉湯、周打蜆湯、洋蔥湯、薯仔湯等。大家各有所好,我喜歡洋蔥湯,為的是那片浸著湯吃的芝士多士片,湯也creamy~試了一口周打蜆湯,出奇地有很多蜆肉粒粒,顯示佢同唔同其他餐廳,周打魚/蜆湯=忌廉湯。主菜我選了吉列豬扒蝦天婦羅配芒果沙津,吉列豬扒其實都幾dry,蝦「天婦羅」,漿粉落左米通,所以出來賣相,只可說是炸蝦,而芒果沙津非常多芒果片,很滿意。同事們吃肉眼扒、田螺牛扒,試了牛扒,味道很咸且鞋口,但另一碟又無咁既問題喎。八十幾蚊一個餐,價錢與環境、食味也是合理。

已一陣長時間沒有去美心西餐廳，午餐沒有試過，由改名做美心西餐廳開始惠顧晚飯。服務：美心水準，不能要求太高。食物：焗肉醬意粉：跟美心快餐比好一點點俄國牛柳絲飯：水準一般羊扒：水準一般焗雪山：只找到美心蛋糕，要劈開半個雪山才能找到雪糕黑白朱古力PANCAKE：很難食，很“粉＂的PANCAKE皮，餡同樣是很“粉＂不新鮮，四個朋友異口同聲的說。我比《OK》，因為係中環食飯，呢個價錢算係OK，將貨就價，唔可以要求太高。同埋跟之前的朋友有同樣的疑問，咁多位，又無客，又咁多待應，洗唔洗迫埋D客一齊，座到咁迫咁呢?！

跟老細, 同事到這裏吃lunch環境不錯, 頗舒服的, 食物選擇也多餐湯係周打蜆湯, 好濃味 主菜係鴛鴦魚(3文魚+石班) 闊條麵好大碟!而且真的好好味!!!魚新鮮入味, 闊條麵質感好好 不過可能因為係忌廉汁, 所以有點濟, 只吃了一半已經飽了如果大家鍾意食西餐, 這裏絕對是個好選擇!P.S. 唯一美中不足的是服務麻麻...要舉好耐手先會有waiter黎! 可能lunch太多人掛...P.P.S. lunch time 多人, 預先訂位較安全

同事提議來這裏, 想想, 也有若干日子沒來過了.環境依舊讓人感到舒服, 也不嘈吵. 服務比以前有禮進步.同事們點了黑椒牛柳絲炒意粉, 露筍雜菌炒飯, 蝴蝶蝦雞扒和我的鴛鴦魚香草闊麵.先來餐湯, 我的磨菇忌廉湯濃稠適中, 有好香的磨菇味, 加上大大片的磨菇, 真係好想添飲!! 同事的羅宋湯聽聞也不錯! 餐包微熱, 好鬆軟, 帶點甜, 沒有搽牛油也美味!!我的鴛鴦魚香草闊麵有賣相, 份量夠大, 男士吃也足夠有餘. 鴛鴦魚是三文魚扒和龍脷柳. 兩者皆煎得皮脆肉嫩, 加上略帶調味, 有意外驚喜!! 但闊麵則有點煮過火, 黏在一起, 扣了一點分!!其他幾款的主菜聽聞也不錯. 炒飯足料乾身; 雞扒沒有煮得肉鞋皮硬; 炒意粉亦惹味有口感. 雖然以掛著"美心"的名字而論, 價錢是高了一點. 但以質素及環境論, 在中環也算是物有所值, 只是地點有點"隔涉"吧!

基本上午餐和晚餐是同一個餐牌 - 即常餐, 亦稱特餐!這裡標榜懷舊. 但除了大會堂建築是四十年前之外, 我也不覺得這裡舊. 洗手間也是簇新的, 裝修也漂亮, 空間寬敞舒適. 夥計們也不是老的, 且招呼不錯, 服務意識佳, 雖也有錯漏, 但總非數十年前的服務可比.這次叫了牛柳飯, 配菜有西蘭花等. 餐湯是周打蜆肉湯. 湯很足料也夠稠, 有不少蜆肉和土豆. 食物雖不算很出色, 但絕不差, 且分量夠大. 例如牛柳有兩大塊, 外層雖燒得硬點, 但中間仍軟. 餐後的熱檸水一般. 這裡不包甜品, 要另外叫, 約$24. 我這次沒吃, 因為太飽了. 但以前吃過焦糖燉蛋, 感覺也不錯.

真係未黎過呢度,係同事帶我黎先識過黎食午飯。我地兩個人一人一個set,有湯有主菜有飲品,同時可以傾下計,都叫做食得過。點左個唔知咩牛既主菜,感覺一般啦,牛唔會太靭,亦唔肥,但又唔係真係話好有牛味,同好好味,要埋汁先會覺得入口好一點,算合格;意粉就令人覺得比較油;但係個湯真係好令人有”美心”feel,點解好同快餐果的質素差唔多咁既?食物一般,但係要彈一彈上菜速度,實在係太慢太慢喇!有乜理由係呢個lunch time時間,可以叫左二十分鐘都未有野上?一個湯或者一個包都無喎!明知人人都趕架嘛!點知催一催佢之後,呢頭催完,果頭即刻黎晒咁多野,包呀湯呀主菜呀一次過,你話係咪激死!

YEAH!! 今晚慶祝相識日, 不過由於忙碌的男友仔好遲先放工, 所以近近地o黎呢度食啦~叫o左2個set dinner 分別係1) 諾曼第海鮮大會($88)good!! 好成6款o甘多呀~ 分別係蝦,帶子,魷魚, 三文魚, 龍利柳同青口, 好豐富呢~2) 羊扒($88)呢個就一般啦, 我覺得好喊...不過男友覺得ok湯有好多款, 我地要洋蔥湯同羅宋湯, 2個都好飲, 洋蔥湯好少有, 好濃味~而羅宋湯入面好多菜, 幾好呀!另要o左個甜品, 焦糖燉蛋($26), 平就平嘞, 不過唔係太好味~ 焦糖比較厚, 同埋好甜呢~ 同埋唔夠蛋香啊!!!環境幾好, 冇乜人, 靜靜地呢~ 下次再食過其他, 不過唔食甜品lu~

有d掛住呢度既食物,因為地方唔錯,又唔算貴,又幾好食...上次男友食既經典焗豬扒飯,我偷食左少少,真係幾好食,所有今次約朋友食飯,就諗都冇諗就揀左呢度...叫左經典焗豬扒飯餐同蝴蝶蝦雞扒餐,朋友都覺個餐幾好食,雞扒唔"鞋",我個羅宋湯就冇上次個磨菇湯咁好飲... 最後我地仲2個人share左個甜品,叫黑白雪糕pancake,個賣相好靚,畫晒花咁,忍唔住影低佢...味道唔太甜,幾好食... $25一個甜品,肯花心思做靚佢畀人客食,我相當欣賞,不過可能地方較唔方便,平日夜晚唔係太多人食...不過有咁多吉位,侍應都要我同朋友坐係2枱人中間,傾計唔係太方便,唔明點解成場點大,要客人迫埋咁坐呢?

went there for lunch with 2 other ppl.i dun think the food is worth $100 for a lunch....(aii...afterall it is a maxim's restaurant only.. branding problem)the cream soup's okay... but the main courses ( fish pasta, beef and seafood) were so-so.as for the service... really poor.but perhaps that's for lunch time. waiters were super busy and forgot our drink order.

同男友過海買野,諗起上次去呢度都幾好食又唔貴,所以再黎幫襯! 叫左2個餐-焗豬扒飯餐同埋蝴蝶蝦雞扒餐:蘑菇湯- 蘑菇湯好香好濃,仲有片片磨菇,絕無偷工減料,水準之作! 周打蜆湯- 又係香濃味美,兩個餐湯都好好味! 連個餐包都係熱架,好開心!男友叫既焗豬扒飯,仲貴過我個雞扒餐,不過真係好好食(我都食左少少),好感動! 豬扒軟綿綿,又唔係過稔,茄汁好醒胃,炒飯又夠乾身但唔硬,真係超級好食!我個雞扒餐,蝦畀左男友食,雞扒煎得好嫩滑,都唔錯,不過略嫌配菜既薯仔冇咩味,扣左d分!