大戶屋

营业中

休息中

喺荃新天地經過呢間日式餐廳既時候見到佢既定食幾吸引就決定試下 😬餐廳全店設計為木系色而且樓底高地方寬敞，座位幾闊落感覺舒適特選燒熟成五花腩（鹽麴・醬油麴）定食 🍚本身好鍾意食五花腩見呢款定食有齊兩種口味既五花腩可以一次過滿足兩個願望 😂五花腩定食賣相幾吸引肉既份量都足夠兩種口味既五花腩都燒得好香好滋味肉質亦適中個人而言比較喜歡醬油麴味五花腩 ～ 😍定食亦配咗啲生菜同燉蛋豐富得嚟又感覺健康 係會再 encore 既一間餐廳

細個係附近讀書經常會係商場遊蕩🤣 經常見到大戶屋嘅招牌 但一直都冇食過 今日路過決定要一嚐🥳 餐廳環境闊落 景觀都開揚 幾舒服😌✿ 特選增量燒熟成五花腩定食 ✿ [$128]睇menu啲相已經覺得哩個五花腩好吸引 增量可以一個過試兩隻口味（鹽麴、醬油麴）嘅五花腩 好正🤤 五花腩燒到焦焦地有少少脆口 而且好入味 超送飯 有埋薯仔沙律 味增湯 同蒸蛋 好飽🥳 不過整體食物都唔夠熱🥲✿ 燒醬油麴牛扒盒子飯定食 ✿ [$127]牛扒燒得好嫩 好入味 雖然有少少筋位 但份量好足 哩個價錢都算可以 不過有同樣嘅問題就係唔夠熱 似係再翻熱嘅溫度🥹★好食指數★：3.5/5★服務態度★：3/5★CP值★：3/5★有加一★地址➸荃灣楊屋道1號荃新天地一期1樓118號舖

本來好肚餓嘅時候，有嘢食都會好滿足，不過今時今日去到荃灣開店多年嘅大戶屋，就真係大失所望。我哋一行三人各自點咗鹽麴牛扒盒，燒腩肉同燒花魚定食，再加咗喬麥冷麵。食物上桌時間適中，食物溫度尚可，味道方面可以接受，但跟餐那個燉蛋就做得非常核突，好難想像以咁樣價錢食到咁嘅質素，連X氣及X X郎都好過呢間餐廳嘅出品。另外冷喬麥麵亦都係難得嘅失敗，麵條碎濕濕，唔好食，蔥花係好基本嘅配搭，都係唔新鮮，埋單四百多元，午餐嚟講係貴，但質素之差，係過份。呢間餐廳在荃灣超過八年，以前出品同服務都係有水準嘅，但係現在就相差甚遠。

成間鋪有半個場係吉檯，係都要編我同太太同對情侶一檯搭檯，成個場得我地係咁，我估係著紫色衫既4眼阿嬸(可能高級d?) 以為好多人跟住黎，點知坐到我地食完都得2，3枱入黎，但又比佢地自己一張枱喎，感覺好唔公道，成餐被迫聽情侶談情都算，d野食同張相差好遠，呢個盒子飯定食成127蚊餐牌樣：實物：餐牌樣：實物：個飯牛肉又乾又薄，碗麵得個咸字，食茶餐廳都好過佢個定食麵豉湯成浸怪味，吉野家都好飲過佢仲有個串燒成155蚊,諗住有一定質素。嗌完3分鐘都冇就送上枱，就知係整返熱你食。果然只係微暖，又乾爭爭，雞肉寫就寫有4種味道，食落完全一樣，好似冇整過咁，醬又冇得你點仲有杯焦糖荳奶(冇影到相)，攪極都唔勻，成杯冇甜味既荳漿咁，篤枝筒落去飲到一patpat焦糖埋單2個人463蚊，食到成肚火，下次咪搞我！

五花腩拼牛扒, 我沒選套餐. 因為主菜份量很適中.味道可以, 過得去.但疫情前(不需戴口罩時), 食物味道好好多.疫情前, 午餐及晚餐, 吃過數次, 都不錯.因為對日本餐廳應有一定各方面要求, 應注意一下, 換掉破崩碟, 不應用破崩碟盛食物給客人, 一間日式有規模連鎖餐廳, 各方面也細心一點.競爭多, 選擇多,  要有回頭客, 選擇日式, 就係要美觀好睇又好食.熱茶很好, 味道均勻, 不過濃又不過淡, 優勝之處每枱都有一大壺, 員工很忙, 不用客人久等, 可自斟, 很好.

想要更多食物推介 follow me on openrice/instagram👉🏻@joyceous.tummy 👈🏻 🤑價錢約 $100-200 有d weekday lunch set都幾抵食🪑都坐得幾闊落 樓底幾高 有d位近窗邊可能會曬d weekday去到唔多人 可以任意揀位Ⓙ 銀鱈魚定食🐟$166呢個好食過鰻魚 無果種腥腥地ge味夾埋d蘿蔔蓉一齊食 感覺幾freshⒿ 燒牛扒盒子飯定飯🥩$127牛肉幾嫩滑 唔會好多筋可以要求整得熟d/生d Ⓙ 燒鰻魚盒子飯定食🍱$177可以揀要全條/半條今次試左全條 份量好足 有少量腥味 可以落埋味粉 就香口d呢幾個定食都配有漬物、茶碗蒸同麵豉湯整體食物整得唔係好夠熱🙊

成日經過荃灣大戶屋，今日自己一個食午飯，終於可以試試啦～ 餐廳地方寬敞，坐得都舒服，枱同枱之間距離唔會太近，今次點左個大戶屋嘅招牌套餐（$99）：套餐內容包括有炸牛肉薯蓉球、五花腩、煎蛋，另外跟沙律、麵豉湯、白飯同漬物(*ˉ︶ˉ*)由於當日唔算好肚餓，同埋套餐份量都算大，所以我係食唔晒嘅🤣🤣牛肉薯蓉好香口，做到外脆內軟，雖然係雜物，但一啲都唔油膩(*ˉ︶ˉ*)牛肉碎同埋薯蓉簡直係天生一對，好味！ 煎蛋🍳做到微焦脆口，蛋黃仲有少少流心～五花腩煎得好香，而且好多肉汁，令人忍唔住食完一舊又一舊！肥瘦適中，識落口一啲都唔油膩，平時唔太鍾意食豬肉，但今次我都覺得OK🤤至於麵豉湯同埋沙律，就正正常常啦，冇乜特別。白飯就係珍珠米，煮得好軟熟，甜甜地仲有米香添！ 連埋+1盛惠$108，食物味道幾好，但係職員態度有待改善，連續幾個侍應見到我舉手想要落單都冇人理我，唔通真係唔想做生意？(￣▽￣)

喺門口見到餐牌好吸引，於是便取票等位，都等咗差不多30分鐘有多，我們點了1) 雜錦串燒B (6串) - 溫度不至於去到凍，6串味道好似一樣，不過都分到邊串是牛，邊串是豬，😔2) 雜錦串燒D (4串) - 唔熱嘅串燒，冬菇，菜肉瓜，秋葵，還可以👍🏻3) 牛肉壽喜燒定食 跟 山芋飯 - 熱辣辣嘅壽喜燒，味道唔錯，跟山芋飯是相當配，因沒味道的山芋飯加上壽喜燒湯，令山芋飯變回有味道👌，牛肉一搬4) 增量五花腩定食 跟 迷你滑蛋豬扒飯 - 五花籃一半，較乾身，迷你豬扒飯，味道夠，但太鹹，一路食一路飲水，最後飲了三杯水😔餐附的蒸蛋 - 唔熱，料太少，很稀😔總括成餐飯，食物唔夠熱，一邊食一邊聞到燶嘅味道。

燒生薑醬油牛脷定食👅 8.5/10 $120牛脷對得住個價錢🥰口感好好 小編很喜歡呢😙味道都唔錯 都係屬於好好味嘅😆點牛肉嘅醬幾好味 好出色🧡🧡但個配菜有陣洗潔精咪好奇怪呢🥹.味道👅：8/10賣相👀：8.5/10扺食💰：7.5/10.壽喜燒牛肉飯 （定食送白飯 呢個要加$30）正常味 好食嘅味囉 但一碗飯仔加我$30…😔.味道👅：8.5/10賣相👀：7/10扺食💰：7/10.吉列熟成豬扒玉子鍋定食 👅 8.5/10 $122成個定食都好大份‼️不過唯一美中不足就係個鍋我覺得可以淡番少少咁樣因為有點點太鹹🥹.味道👅：8/10賣相👀：8.5/10扺食💰：7.5/10.迷你三文角吞拿魚飯 （定食送白飯 呢個要加$30）小編中意刺身/ 食呢啲魚生 所以毫不猶豫咁樣揀左 $30就$30🤭但4塊魚生似乎被調味料蓋過左原來嘅鮮味囉😞不過質感ok 咬落厚身的‼️.味道👅：8.5/10賣相👀：8.5/10扺食💰：7/10.蒸蛋（定食裡面包埋）幾滑的蛋蛋🤣裡面仲擺左啲雞肉同冬菇😙食落唔會太鹹😙.味道👅：8.5/10賣相👀：8.5/10.面豉湯（定食包埋）幾好食🤣 唔太鹹 出面好多麵豉湯都超級鹹…而且有豆腐等配

星期五晚7點幾嚟到要等幾張枱，不過等候時間都好快👍🏻👍🏻呢間其實食過幾次，今次食都仲係咁出色，所以都會keep住有下次！😍😍 上次嚟叫咗便當，試咗佢個黑醋雞好好食，所以今次就直接叫咗黑醋雞定食同埋自選飯+麵set🥰🥰 黑醋雞每次嚟都係咁好食，好少喺其他地方食到，雞肉好滑，肉同配菜都十分入味！😍 不過佢個賣相唔係好討好，得四至五舊雞，個人覺得有啲少🥺 不過味道勝於一切！定食仲會跟埋麵豉湯同茶碗蒸，其實食晒都已經好飽，但都好想食多幾舊雞肉🤣🤣 另一個飯麵set就分別叫咗滑蛋雞肉丼同冷蕎麥麵！上到嚟份量超級大🤣🤣 身為女仔其實淨係食飯或者面已經夠飽，不過一次過可以食兩樣嘢好滿足🥰🥰 先講滑蛋雞肉丼，佢個飯有少少濕，可能因為好多汁嘅關係，不過味道都可以，乾返少少就perfect～ 而冷蕎麥麵個汁係鰹魚汁，就咁食都唔覺得dry😍😍 而且呢個set都係跟埋茶碗蒸，食完真係好飽🤣🤣 啲麵同飯麵未食晒！下次都會繼續encore👍🏻👍🏻 價錢兩個人below $300，呢個quality好抵食🥰🥰

今日第一次嚟幫襯荃灣大戶屋，點咗一個燒五花腩套餐，一上枱該碟五花腩已被切得零碎而且攞放零亂，完全不像Menu所見的圖樣。第二上枱時日式起誰的五花腩肉，溫度年常溫都不及。最後將整個套餐退回，以後都不會再幫襯！

好耐冇出街食飯，今日咁啱我同老公都得閒。响荃新天地逛逛下，見到大戶屋覺得應該唔錯，就行咗入去。兩個人坐二人枱好正常。我哋叫咗一個二人套餐。18:02落單，幾分鐘後上咗個豆腐沙律，正左品嘗，服務員再上魚生，話未講完，又上主菜，結果唔到15分鐘整個套餐放晒响一張二人枱。我真心覺得自己去咗快餐店！期間我同服務員講，但一點反應都沒有。😒只是繼續上菜。超勁！用機械人上菜仲好過佢哋☹️不知所謂！😡我估我唔會再嚟各位如果你想用幾百蚊食快餐，可以一試真心講句：唔駛嚟。勁

its my first time eating here and I notice staff if not quite attentive. stay in the corner and chatting with each other. the food I ordered was presentable but when i tasted it, the pork is as hard as a stone. i hardly ate it. and informed to staff to take it out fromy table as The meat is so hard to eat. she just replied OK. imagine that?

個烏冬又無野飲，八十幾蚊絕對唔平！食物送到果陣係幾吸引gei，因為d煙熱騰騰，d湯好熱好滾，因為個煲係堅熱。不過，食落d烏冬無乜味，唔係好知食緊乜味，成碗野好寡，但未至於難食嘅。於是叫侍應拿七味粉，又因為我鐘意辣，所以必須要佢拿d七味粉來調下味。d七味粉唔辣，不過唔緊要，問題係可能個七味粉有d舊，唔新鮮了，d粉一舊舊咁，無乜味，似乎已經走曬d氣了。雖然，d位幾好坐嘅，但係食物真心有很大的進步空間，所以計落係唔抵，暫時唔去第二次。

疫情期間已經盡量少喺外面食飯，搵一間唔係咁多人嘅餐廳就入咗去，就嗌返以前食過嘅兩款定食燒花魚及燒五花腩。五花腩定食等咗十幾分鐘上枱，再過多十幾分鐘即係總共差唔多半個鐘條燒花魚終於游到我面前。侍應放低條魚嗰陣我已經聞到一浸腥味，仲諗住可能係餐具唔乾淨，我起動食第一啖嘅時候已經覺得好唔妥，好腥好鹹好臭嘅味！係鹹魚味呀！我用麵豉湯清一清個口，再俾多次機會佢試第二啖，妖！我究竟食緊乜嘢！好乾好鞋好實嘅鹹魚嚟㗎喎！黐線嘅咩俾啲咁嘅嘢人食！舊魚真係燒到過晒龍通晒窿窿㗎！忍唔住幫佢影返張相！自己掙扎咗好耐先至同侍應反映返，然後換過另外一個定食。唉！鹹魚腥臭味繞樑三日！整臭晒一個美好嘅週日！