大戶屋

营业中

休息中

由於工作關係, 今日lunch去咗吉之島康怡的大戶屋食, 去到大約1:30pm, 都要等咗一陣 。 之前已經食過好幾次, 都覺得幾ok。一個人, 食我至愛的凍烏冬&雞扒飯set。今次d烏冬真係少得可憐, 好彩都仲係好彈牙。而雞扒飯居然無汁, 要我主動問侍應攞囉。雞扒都炸得乾身, 味道都幾好。Service就好好, 不停refill茶。

是餐有P先生請客,自然老實不客氣.大家點了豬扒定食X2,雞扒定食X1烏冬X2,中華冷麵X3+唔記得什麼名的沙律X1+綠茶X4豬扒定食k.豬扒皮幾脆.入口又唔太肥膩.值得一試!雞扒定食:朋友order,無試,佢話ok烏冬:同味X拉麵一樣.中華冷麵:依個值得推介:冷麵爽口,配上番茄,冬菇絲,蛋絲,再點d醬汁,一流!不知名沙律:無試,但睇落ok既.因為我想試一口都無得試.綠茶:比較差.冰多過茶唔駛$好似好食D,haha~多謝P先生

今次叫了一份炸豬扒配盒子烏冬定食、一份藍鯨吞拿魚飯配熱湯烏冬炸豬扒是大戶屋的招牌菜，水準當然不俗吧豬扒炸得香口鬆脆，相當滋味用盒子上的冷烏冬，也保持其爽口彈牙的特色、水準 炸豬扒配盒子烏冬定食實在令人滿意，但藍鯨吞拿魚飯配熱湯烏冬則令人失望 這份餐先上了熱湯烏冬，坦白說，大戶屋的烏冬熱食比冷食更為彈牙，質素更高湯底則是相當清、味道偏淡的，不至於是一碗令人回味的湯底 藍鯨吞拿魚飯就相當麻麻了 白飯份量不多，配搭著紫菜、乾粒，口感更為乾涸 主角藍鯨吞拿魚只有兩片，而且也是乾爭爭的，再者其味道是怪怪的 既不爽口，更不新鮮，而且偏咸......這份藍鯨吞拿魚飯實在較人失望！結果我也少有地，未能吃完桌上所有食物，便結賬離開了

喺附近行街，所以就過嚟呢度食囉，等咗20分鐘左右就有位，我哋坐卡位，都幾舒服，服務也不錯，Menu上有少量定食寫住佢喺東京/香港嘅名次，都幾得意。我哋要花魚定食($80) 、中華冷麵($72)和兒童餐($43) ，而花魚定食喺東京/香港都有名次。兒童餐- 有炸薯餅、滑蛋烏冬和蘋果汁，仲有個玩具。薯餅炸得很乾身又脆，味道也很好，烏冬都少少煙韌，加埋勁多滑蛋和洋葱，味道都唔錯，但仔仔竟然最鍾意喺蘋果汁。花魚定食- 條魚都幾大，燒得幾好，咸咸香香咁，加上條魚很肥美，真的不錯，餸飯好好味，可能份量大，而魚本身又肥美，所以食到後期，有D膩嘅感覺， miso soup 就一般啦。中華冷麵- 冷麵口感唔錯，配料有青瓜絲、蛋絲、海哲、番茄、冬菇和豬肉片，加上冷麵sauce，少少咸，味道 OK 嘅，但冇乜特別。

同2個朋友仔去食lunch，每人叫咗個餐，加埋泡菜、納豆等小食。碗納豆一上枱就出事，同我係日本食嘅納豆完全兩回事，奇臭無比簡直無法入口。其實餐廳食物係其次，最重要係服務態度。起初要求更換，一位短頭髮嘅女待應諗都唔諗就話冇得換；之後我要求退回或者轉其他小食，女待應就話唔可以轉。當時我已經好客氣咁話“想見你哋經理”，女待應就一句撻埋嚟“我經理係日本人”。聽到呢句話，真係無名火起，咁嘅服務態度，仲話自已日本餐廳。......後來有個打咗呔，看似稍為高級嘅男人過嚟問咩事，我以為服務質素會有改善，點知上樑不正就下樑歪，我重申納豆有問題而要求更換，佢一口就答“係咁喎，冇問題”呢餐lunch係我廿幾年來最激氣嘅一餐，咁嘅食物、咁嘅員工、咁嘅服務，幫襯一次都怕多

一個字，正 !! 两公婆嘆午餐，再去大戶屋，以前去過幾次，覺得好正，坐得舒服，食物好味，招呼又好。今次每人一份定食： 黑醋雞肉野菜定食 $68 青森縣帶子蒸籠飯配雞肉豆腐羹定食 $90唔識點講、一個字、正！！加一共 $ 173.8

09年8月8日 星期六昨日吃過大戶屋的吉列覺得太好味, 於是推介給好友一起來食lunch. 結果我跟好友今次都沒有選吉列而選了其他菜式. 1. 藍鯨吞拿魚飯今次還是第一次吃藍鯨吞拿魚, 這些吞拿魚比一般的吞拿魚顏色鮮紅好多, 每一片都切得頗薄, 而且肉質較硬較有咬口, 魚味比起其他的吞拿魚鮮味很多很多, 肉質肥美卻又有點兒似燒牛肉, 我還是頭一次吃到那麼特別及美味的吞拿魚, 怪不得成為吞拿魚中最貴價的種類. 吞拿魚旁有蛋絲及青瓜絲, 拌飯食倒十分匹配. 白飯是日本珍珠米, 熱騰騰, 軟綿綿卻又煙韌有咬口, 大大碗的白飯吃得滿心喜歡. 隨餐也有一碗面豉湯, 湯也是熱騰騰, 面豉味濃, 不是那些坊間的沖水貨式. 2. 日式炒雜菜飯朋友點的日式炒雜菜飯, 雜菜有蓮藕, 蜜糖豆, 青椒, 茄子, 筍等, 各樣的蔬菜都很新鮮, 吃起來爽脆甜美, 配以日式醬水烹調, 特別開胃又健康. 3. 日式菠菜沙律這客沙律只是$10, 份量當然不多, 只有約一口的份量. 內有少量銀魚仔, 木魚及冷菠菜, 沒有拌上任何醬汁, 所以味道一般, 不點也罷. 這兒除了吉列之外, 原來其他食物的水準也非常不錯,

第一次黎呢到食 .. 男友話呢到好多人排隊 我地6點幾去到 .. 要等到成7點幾先有位 ,,叫左 薯仔沙律 ... 好好味呀 ... d薯仔岩岩好 .. 有小小粉粉地 同埋有個sauce俾你 .. 酸酸地幾開胃 .. 吉列雞扒定食 .. 呢個好似係招牌菜咁 .. 好多人都食 .. 佢d雞扒 真係炸得唔錯 .. 又唔會話好厚粉 ..熱辣辣 .. 好好味仲有個烏冬 .. 我係赤丸食開個隻係+wasabi 呢到唔同d .. 係+薑蓉嫁 .. 幾特別 同埋d 烏冬都好好味 .. 好煙un 滑蛋豬扒定食 .. 呢個係我想食既 /.. 好鍾意係鍋物 .. 呢個叫唔錯啦 .. 不過我覺得佢略為咸左d 最後一提 .. 佢d 小配菜都幾好味嫁 .. 蠻特別的日本餐 ^^

order一個大戶屋特選午餐,好多是炸物,幾熱氣,但味道不錯,個人覺得炸薯餅較特別,大件和材料多,不是急凍而是「自家製造」的,另外炸雞亦不錯,但前菜是長通粉,不太好食,下次來試其他set

第二次幫襯這裡, 中午12:30左右, 等位人數好像少了一點, 反而對面拉麵店就人頭湧湧. 除了客人比上次少之外, 服務員的禮貌都好像差了一點, 大部份都笑容欠奉, 回答客人提問是既簡單又直接的 “無尾音式” 回答, 和日本人的服務精神比較真是南轅北轍, 比很多地道茶餐廳的服務都不如, 有待改進!! 幸好是食物質素沒有變差, 仍然是合乎水準.點了大戶特色套餐和單品的蘿蔔溶燴炸雞排, 特色套餐是有炸薯餅、炸雞、一隻荷包蛋、大量的生菜絲、薯溶沙律、菠菜、漬物和小碗豬肉味噌汁, 跟一個白飯. 因為這個白飯問題使我們和店員發生了一點不愉快事件, 因為我們祇點了一個套餐另外一個是單點, 店員便再三逼問我們為何只叫一個套餐, 心想點一個餐另加一個單點有甚麼稀奇, 完全不值得爭論或需要解釋, 但店員就是強調單點一個主菜的話, 其他甚麼配菜, 湯都不會有, 尤其強調是沒有飯吃!! 最後明白這裡是免費添飯的, 所以店員擔心我們兩個人會狂吃白飯, 最後要保證唔添飯才解決了這個問題; 誤會有時是難免, 但店員的態度真的不敢恭維, 這裡應該要再培訓員工的基本禮貌.說回料理吧, 套餐最喜歡炸雞, 伴著蘿蔔溶吃,

31-5-09(日)前一陣子這裏人氣頗盛，經常看見許多人排隊，趁今天不用等位，早一點吃晚飯。廣島產生蠔滑豆腐羹配九穀蒸籠飯套餐：蒸飯很香軟，既健康又好吃；豆腐羹的生蠔雖然細小，也鮮味；其他配菜也不馬虎，整體滿意。吉列雞扒飯配盒子蕎麥麵：吉列也是這裏的主打，吉列雞扒是水準之上，盛蕎麥麵的杯子是凍的，也是細心之處，不過汁有些過鹹。雞扒定食：雞扒並沒有特別，反而所配蔬菜和白飯也很可口。

數月前與家人來過大戶屋食豬扒，今天慕名再來吃晚飯叫了一客吉列豬扒定食、一客雞扒盒子烏冬吉列豬扒定食的主角豬扒炸得不錯，炸得香口而不油膩；炸的火候也不錯，豬扒表皮炸得香口而豬肉卻保持鬆軟；雖則只是數塊豬扒，已教人垂涎三尺本物整份定食的份量不太多，除了豬扒本身，還有麵鼓湯、生菜絲、白飯，但幸而白飯是任添的，相信一份餐的份量是足夠男士飽肚的！雞扒盒子烏冬的烏冬是由一個木盒子盛載的，相當有特色；烏冬堅韌而爽口有餘，但彈牙不足雞扒炸得也不錯，其火候大至與炸豬扒相若，不加詳述雞扒鋪在大大碗白飯、生菜絲上面，賣相、份量也是不錯！兩份餐，埋單計數$171。以這質素來評，抵食！難怪那麼多人在外排隊了

再訪大戶屋，不過今次係同沙漠王子拍住拖去order如下：漢堡扒芝士羮定食($85)：很大的一鍋，但係漢堡扒只有兩小件，不過真係好好味！漢堡扒size細偏厚，但係一Ｄ都唔會太韌太乾，非常juicy，又唔會太咸，湯鍋有絲絲芝士，好香好好味！湯汁撈飯一流！今次前菜係蓮耦，也不錯，可是當然是上次的海澡比較好吃～今次+$20要山芋蓉飯，本來以為會好似芋頭咁甜甜地，但係原來只係有一pat野放係飯面上，仲要係無味的早知唔要啦！吉列雞扒併烏冬($75)：招牌吉列雞扒同樣出色，非常鬆化，真係好好味！烏冬夠彈牙，感覺比喬麥麵好吃（而且烏冬可以選擇冷／熱）綠茶mousse($38)：比抹茶聖代出色，因為主角mousse真係好濃綠茶味，大戶屋的cream麻麻，呢個dessert的cream portion少，所以唔係咁覺，cream上面仲有seame，更加搶左cream的味道，紅豆質素一般，份量亦不多，可以接受，小丸子就無味，好彩只有兩粒vanilla ice cream上面有黑芝麻，同mousse幾match，好味！凍抹茶($15)：$15真係好平！因為freshness burger單點都要$2X/杯，而

佢開左咁耐, 成日都見好多人排隊, 上埋呢度睇食評, 見大部份既人都話好食, 咁今日就同屋企人去試一次, 一入門口, 兩個 waitress 掛住傾計, 我唔理佢, 同佢講左2位, 跟住就行入去, 可能時間仲早, 唔係好多人食, 但上菜就比較慢, 我地分別叫左豬排定食同尢魚洋蔥圈定食, 豬排比較硬, 要咬好耐, 尢魚初頭見到好似好大件, 食落先發覺好細件, 因為頭頭尾尾都係個 d 炸粉, 個湯真係好咸, 另外唔知點解尢魚個定食冇俾芝麻, 不過都唔理咁多, 因為個汁好難食 ... 我只會講, 呢次之後, 我唔會再黎呢間食 ... cwb 個間正好多, 真係一分錢一分貨.

太古城吉之島的地庫~經裝修後引入了不少店子大戶屋是其中一員~ 亦是我最欣賞的一店食品質素好~煮理得宜~食過數次絶無戲場~難怪該店每天也大排長龍~ 以下是吃過幾次後的拍下的部份相片~請多多指教~如有興趣吃這店~記得要早點去排隊~我每次也是光臨晚餐~ 五時半己有人在排隊了~所以要吃要早點到喔! (我自己經驗, 如七時後才取票..必要個多小時後才入到店. 五時半左右排隊半小時己可入店)開店數個月也是這個情況~