大快活 (啟田商場)

营业中

休息中

啟田商場大快活二人煲仔飯套餐 成個外賣煲仔飯係隆曬底嘅 叫老人家點食離晒大譜 咁都賣比人以後一定唔幫襯大快活煲仔飯希望廚房負責人檢討呢個問題同立即改進 唔好再賣埋呢d野比食客

一個人食飯，冇咩要求見到大快活有煲仔飯賣，仲要係牛肉臘腸，一於試下跟既豉油好杰，而且量小，要問佢地要多啲豉油，自己再加包辣椒油，落完焗一陣打開，香噴噴😋😋，不過我覺得加多啲老抽會好啲牛肉餅幾好，不過份量小，臘腸切哂粒，量好好好小囉，真係免強夠食落味道唔錯，飯焦都有既，比較小姐，好過冇啦跟餐杯梳打，我覺得幾好，不過我寧願要可樂加大囉快餐店黎講，叫做合格以上如果可以加2。3蚊多隻蛋，咁就最好啦自己一個人去食，係幾好既選擇

大快活嘅一人火鍋好抵食喺疫情中分享火鍋可能危險啲所以一人一個煱呢就最好啦！50幾蚊就有肉菜丸同埋公仔麵～我食呢個蕃茄湯底入邊都有蕃茄㗎雖然份量唔多但係呢個價錢已經好抵！係金錢限制之下呢個係一個好唔錯嘅選擇

晨早起床，當然要由一個豐富早餐開始。但由於疫情關係，都係叫謽賣回家比較好。大快活的早餐，真係好不錯，三十幾元，已經非常豐富。今日點了炸豬排，件豬排雖然外賣回家已經無咁脆口，但以快餐來說都幾好，炸粉不至太口，豬排都幾乾身，不會有油膩的感覺。另外，配上香腸和雪菜肉絲米粉。大快活的雪菜肉絲米粉都做得不錯，幾夠味道，而且都算幾足料。當然不得不讚多士可免費跟花生口醬和練奶，頓時整個餐都變得升格了。大快活的奶茶都幾好，茶底香濃，而有茶香味，同拍得上茶記。

大快活雜扒餐聽就聽得多，傳說好似冇人食得哂full set阿活雜扒餐，今晚我就去會一會佢。佢個雜扒餐有牛扒，豬扒，雞脾，珍寶腸，都唔係少野。重有個”迷你”粟米肉粒飯，其實食呢碗飯都已經夠8，9成飽。佢個雜扒餐啲料其實都係下午茶果啲料黎，我估佢儲貨好多，所以先推出呢個雜扒餐。量黎講係冇得輸嘅，保證飽到滯。味道就一般般，扒果啲都比粉醃到滑一滑，冇哂肉感，雞脾同腸就ok。佢就豉油王雞脾，重唔係下午茶餐啲料？不過都好食嘅。肉粒飯就麻麻地，一舊舊咁，飯同汁醬都係。但求一飽冇要求係幾好，性價比高。