影片
考final前最紧要叹个靓早餐🥣楼下有间呀活真系正😝.呀活脆边煎双蛋餐🍳 $35.5今次拣咗配牛扒🥩打开盒先知原来块牛扒咁大块😍真系超抵食‼️虽然有个筋位 但系都唔会韧到咬唔开🤤不过应该加咗松肉粉 食到有啲味🧐我+$2将英式多士转咗厚多士 烘多士真系好正💓面包控好满意有咁大块包🍞我将牛油转咗做炼奶🧈番屋企再搽埋花生酱🥜自家制奶酱多😎+$7.5要咗个番茄肠片幼面🍅下次都系食番通粉😭外卖拎到番屋企 成个面底腍晒 痴埋晒变咗做一个面饼咁😖口感麻麻🥺成个餐食完真系好满足 当brunch都够顶到夜晚😝
继续阅读
上次就一支公落街买𩠌兼行公园，晌「银龙」食咗个好流嘅菠萝油，今次两公婆行完公园，老婆口痕就话不如食个下午茶，就拣嚟咗「盈晖荟」嘅「大快活」，因为一嚟等阵会晌隔离嘅「百佳」入货，二嚟就喺呢间「大快活」地方超大，却喺特别少人，疫情之下，坐得更安心。入门口，照例有量体温，备有消毒搓手液，入到里面，枱与枱之间都加咗隔版，再者，地方大，顾客都自动波隔开枱咁坐。下午茶餐选择非常之多，有平有贵，由于一开始无打算食下午茶，之前嘅午餐时段都有食正餐，所以，就点咗一个下午茶餐，再加配一份汤面。见到有款所谓特色汤粉面，好似几OK咁，又可以配鸡脾，再加钱额外配碗迷你粉面，够晒过吓下午茶瘾。迷你扎肉胡椒汤米线+蜜味烧鸡脾 $39、雪菜肉丝上海幼面 +$7.5虽然个胡椒汤米线写明喺迷你，但睇落都有番咁上下大碗，而且，碗面加咗一大抹胡椒酱料，胡椒香四溢；只烧脾亦好大只，烧得金黄，睇落唔错㖞。迷你扎肉胡椒汤米线上面都讲到胡椒嘅香气四溢，真喺捧餐时已闻到，不过，就真喺过辣，辣到有啲呛喉，小弟唔食得辣就咁讲啫，但连食得辣嘅老婆都话啲胡椒辣劲好狠吓。除此之外，其实，个汤米线都无咩问题，扎肉跟汤米线都唔喺次等货。蜜味烧鸡脾至于只鸡脾为个下午茶餐抢回唔少分，一来够大只，够份量，因为有啲餐厅将货就价，啲鸡脾细到好似未发育咁；二来腌得入味，又烧得香，而且，咬落肉质软腍，意外地好食㖞。雪菜肉丝上海幼面间常嚟食早餐都有试过加配佢啲上海幼面，感觉唔差，又只喺加多$7.5，睇样你都见喺交足货，而且，啲面条咬落有韧性，雪菜肉丝味道啱啱好，唔会过咸。热奶茶有啲人话「大快活」啲奶茶最滑，有啲又话「大家乐」嘅奶茶最好，当然，两间嘅奶茶都唔喺我心目中嘅最好，但「大快活」嘅奶茶算唔差，口感就称唔上细滑，但茶底都算够醇香。估唔到嚟食咗下午茶无耐，隔多个星期同老友行完山，沿石梨贝水塘落九龙接收水塘，再经长坑村返到嚟美孚，就不如食个下午茶，再吹吹水先散。今日再嚟，可能接近下午茶市完（因为疫情关系，茶市5:00pm就完，跟住就转晚市），成个场都无乜人。迷你热狗、粒粒红豆冰 $27行完山，个心最想念就喺红豆冰，所以，一眼就晌配红豆冰系列嘅下午茶餐度拣，结果，就选咗配热狗。出嚟嘅样唔错㖞，红豆冰大大杯，热狗条肠亦有番咁上下，唔觉会喺将货就价。粒粒红豆冰 先讲讲红豆冰，上文都讲过杯红豆冰大大冰，但打横睇，坚有近半杯喺红豆，可能临近茶市完，卖大包清埋啲货，最正喺啲红豆又清甜，有腍身，配上冰凉嘅奶水，入口爽晒，真喺好饮好食。迷你热狗再嚟睇睇只热狗点先，包身烘过，所以，好软熟，而幼长嘅香肠唔喺白烚，喺轻轻煎过嚟，咬落肠衣仍有点脆口，虽然只喺加入普通嘅沙律酱，伴点生菜丝，但都比预期中好食。夹番两次嘅体验，「迷你热狗、粒粒红豆冰」下午茶餐绝对值得俾个赞好佢，但个「特色汤粉面」下午茶餐就因为碗胡椒汤米线拖累，拉低晒啲分，不过，整体而言，小弟仍觉得值中上嘅分数。
继续阅读
这儿的早餐价钱不贵，份量不少，味道不错。就好像我这次点的鸡扒早餐，才$30。这鸡扒早餐附脆皮香肠两条，多士或萝卜糕，还有饮品，我选了多士和热咖啡，我另外加了番茄汤通心粉。鸡扒嫩滑，酱汁味美，脆皮香肠口感佳，味道也好，可惜多士不脆，下次改点萝卜糕，咖啡味道也不错，番茄汤通心粉汤头很鲜味，推荐！这家大快活面积很大，环境本来不错，可惜空调不足，闷热，收银员服务好，可惜取餐那边的店员态度一般，而且出餐时有点混乱。
继续阅读
咁啱要去美孚上公司training，lunch得自己一条友，又唔熟路唔知食乜好，所以决定求求其食个饭算，咁就拣左去食快餐🙄🧐……-☆ 豉油皇鸡脾脆皮肠配雪菜肉丝汤米粉 HK$39当然食得快餐，对佢既要求唔会高，而佢成个餐都算合格嘅。豉油鸡脾腌得都算够味，鸡脾肉几软腍，size中规中矩。脆皮肠同雪菜肉丝汤米粉都不错，特别就讲唔上，性价比系ok嘅，起码一定食得饱你先……加上分店唔算多人，可以坐下hea下成个钟都得👍。
继续阅读
天气清凉，好想食吓糯米饭，咁啱呢度下午茶有得食，我拣了糯米饭配热奶茶。糯米饭份量都唔算细，铺有腊肠片，花生及香葱，卖相唔错，糯米饭够热，软滑唔油腻，花生香脆，葱粒惹味，快餐店都有咁好水准，相当唔错，再配以一杯热奶茶，更加觉得暖意十足。
继续阅读